08/01/2023
#ខ្លាចភាពមិនច្បាស់លាស់
បើនិយាយដល់ទំនាក់ទំនងស្នេហាខ្ញុំពិតជាខ្លាចខ្លាំងណាស់ និយាយឲ្យចំមិនមែនខ្លាចស្នេហានោះទេ គឺខ្លាចភាពមិនច្បាស់លាស់។ មនុស្សជាច្រើនដើរចូលមកក្នុងជីវិតខ្ញុំ ហើយក៏ចាកចេញទៅដោយបន្សល់ទុកភាពមិនច្បាស់លាស់ និងភាពច្របូកច្របល់ជាច្រើន។
ខ្ញុំមិនអាចខឹងគេ មិនអាចស្អប់គេ មិនអាចបន្ទោសគេ ក៏មិនអាចប្រាប់គេថាខ្ញុំកំពុងឈឺចាប់ ព្រោះយើងមិនមែនជាអ្វីនឹងគ្នា។
បទពិសោធកន្លងមកធ្វើឲ្យខ្ញុំចាប់ផ្តើមខ្លាច និងហត់នឿយ ហត់នឹងស្គាល់មនុស្សថ្មី ហត់នឹងចាប់ផ្តើមសារជាថ្មី ហត់នឿយនឹងត្រូវលួងខ្លួនឯងម្តងហើយម្តងទៀត ព្រោះទោះបីជាខ្ញុំព្យាយាមយ៉ាងណា គេក៏នឹងចាកចេញពីខ្ញុំថ្ងៃណាមួយ។
ឈប់លេងសើចនឹងអារម្មណ៍អ្នកដទៃទៅ វាមិនសប្បាយនោះទេ វាមានតែធ្វើឲ្យគេបាត់បង់ទំនុកចិត្តលើខ្លួនឯងបន្តិចម្តងៗ បន្ទោសខ្លួនឯងជារៀងរាល់ថ្ងៃ សួរខ្លួនឯងម្តងហើយម្តងទៀត ថាខ្លួនឯងមិនល្អត្រង់ណា? មានចំណុចខ្វះខាតត្រង់ណា?
ឈប់យកមនុស្សម្នាក់ដើម្បីបំបាត់ភាពឯកា ឬកំដរភាពឈឺចាប់របស់អ្នក ហើយក៏ចាកចេញនៅទីបំផុត។
Malin 🍀
Artwork by: Oh
