ឡា នាង_La NEANG

16/12/2024

✨OFFICIAL FLOWER BOUQUET FOR MISS QUEEN PHNOM PENH 2025 DESIGN BY STR KLENN

តើទ្រង់ជានរណា ទ្រង់យាងមកពីណា?

(ក្នុងពិភពសុបិន) យប់យន់ ខ្យល់ត្រជាក់ នារដូវធ្លាក់ខ្យល់ តំណក់ទឹកភ្លៀងរលឹមស្រិចៗពីឰដ៏អាកាសហូរធ្លាក់មកលើប្រឹថពីបណ្ដេញគ្នាជាមួយនឹងតំណក់ទឹកនេត្រាហូរច្រាបលើផែនថ្ពាល់។ មានក្មេងម្នាក់អង្គុយយ៉ាងសង្ងូតសង្ងាត់ម្នាក់ឯងនៅមាត់បង្អួចផ្ទះ ទឹកភ្នែកហូររលីងរលោង កើតក្ដីសោកសៅ ក្ដុកក្ដួលក្នុងចិត្ត ស្រណោះអស់សព្វសត្វលើលោកា មិនដឹងថាជាមានកើតហេតុភេទអ្វីបានជាបណ្ដាលឲ្យដូច្នេះ? ធ្លាប់ជាក្មេងដែលស្គាល់តែក្ដីរីករាយ គ្មាននូវទុក្ខកង្វល់គ្រប់យ៉ាង បើទោះជាយ៉ាងណាក៏ដោយ ប៉ុន្តែហេតុអ្វីក៏ពេលនេះកើតក្ដីសោកសង្រេងដូច្នោះទៅវិញ? ក្មេងម្នាក់នោះ គឺជាខ្ញុំនេះហើយ! បេះដូងលោតញាប់ណាស់ ចង្វាក់បេះដូងខ្ញុំនៅមានទេតើ? ខ្ញុំឆ្ងល់ខ្លួនឯងណាស់?
ខ្យល់បក់ប៉ះថ្ពាល់ខ្ញុំម្ដងហើយម្ដងទៀត រីឯព្រះចន្ទរះពេញបូណ៌មីបំភ្លឺលោកានាពេលយប់ រំពេចនោះស្រាប់តែឃើញមានសត្វមួយស្អាតណាស់ មានបារមីភ្លឺត្រចះត្រចង់ មើល៍ទៅដូចជា(សត្វហង្ស) ហោះពីលើអាកាសព័ទ្ធជុំវិញដួងព្រះចន្រ្ទា រួចហោះមកសន្សឹមៗលួងលោមប្រតិព័ទ្ធនូវរូបរាងកាយខ្ញុំ បង្កើតបានក្ដីភ្ញាក់ផ្អើល គិតឆ្ងល់ក្នុងដួងចិត្ត មិនដឹងថាទ្រង់ជានរណា ទ្រង់យាងមកពីណា បានជាមកលួងលោមសេចក្ដីសោកសៅរបស់ខ្ញុំឲ្យកើតបានជាក្ដីភ្ញាក់ផ្អើល ក្ដីរំភើបអស់នូវទុក្ខក្នុងចិត្តដូច្នោះទៅវិញ?

(ហង្សសុបិន) ផ្កាមួយបាច់នេះ ខ្ញុំបានច្នៃ និងរៀបចំដោយខ្លួនឯងជាពិសេសដើម្បីបូជាថ្វាយដល់ទ្រង់ (ហង្សសុបិន)

ដើម្បីឲ្យកាន់តែច្បាស់ និងកាន់តែលម្អិតពីអត្ថន័យផ្កាមួយបាច់នេះថែមទៀតនោះ ដូច្នេះសូមពុកម៉ែបងប្អូនទាំងអស់គ្នាមកស្វែងយល់ពីអត្ថន័យរបស់ (ហង្សសុបិន) នេះដូចតទៅ:

សត្វហង្ស: ហង្សគឺជាសត្វទេវកថារបស់ខ្មែរមួយក្នុងចំណោមសត្វទេវកថាខ្មែរផ្សេងៗទៀត។ ហង្ស គឺជាសត្វដែលមានអំណាចបំផុត នៅក្នុងរឿងព្រេងនិទាននីមួយៗដែលគេបានសម្ដែងឡើងដើម្បីជាការគោរព។
___ក្នុងរឿងទេវកថា ហង្សជាយានជំនិះរបស់ព្រះព្រហ្មហៅថា ហង្សពាហៈ។
___ផ្សារភ្ជាប់ជាមួយនឹងជំនឿ ហង្សជាអ្នកនាំសារដ៏លឿនយ៉ាងឆាប់រហ័សពីស្ថានមនុស្សទៅស្ថានទេវៈ ហើយត្រឡប់ពីស្ថានទេវលោកទៅស្ថានមនុស្សវិញ ឬក៏អាចបញ្ជូនវត្ថុព្រលឹង វិញ្ញាណមនុស្សទៅដល់ស្ថានទេវលោក ដែលស្ថិតនៅជាប់នឹងផ្នត់គំនិតប្រជាជនខ្មែររហូតមកដល់សព្វថ្ងៃ ដោយឃើញមានរូបគំនូរ (សត្វហង្ស) ត្រូវបានប្រើនៅក្នុងយ័ន្តគាថាផ្សេងៗ ដើម្បីធ្វើឲ្យមានអានុភាពកាន់តែខ្លាំងក្លា។

ផ្កា Tulip: ជាផ្កាតំណាងឲ្យក្ដីស្រលាញ់ដ៏ល្អឥតខ្ចោះ និងជ្រាលជ្រៅ។ ផ្កា Tulip គឺជាផ្កាបុរាណមួយដែលត្រូវបានមនុស្សជាច្រើនស្រលាញ់រាប់សតវត្សមកហើយ Tulipត្រូវបានភ្ជាប់ជាមួយនឹងអត្ថន័យនៃក្តីស្រលាញ់។ Tulipគឺជាផ្កាដ៏ល្អបំផុតក្នុងការផ្តល់ឲ្យនរណាម្នាក់ដែលអ្នកមានសេចក្តីស្រលាញ់យ៉ាងជ្រាលជ្រៅដោយគ្មានលក្ខខណ្ឌ។


#ឡានាង_LaNeang

24/07/2024

បងៗអាចធ្វើការកម្ម៉ង់ប្រភេទបាច់ផ្កាធំៗបាន
ទទួលកក់ពី5ថ្ងៃទៅ1អាទិត្យមុនណាបងៗ📥🙏😘

24/07/2024

🥹🙏

24/07/2024

✨FLOWER BOUQUET DESIGN BY STR KLENN

___ផ្កាមួយបាច់នេះខ្ញុំបានច្នៃ និងរៀបចំយ៉ាងល្អវិសេសដើម្បីបំផុសគំនិតដល់ប្រជាជនខ្មែរឲ្យបានឃើញ និងបានស្គាល់ពីភាពច្នៃប្រឌិតរបស់កូនខ្មែរមួយរូបនាសម័យបច្ចុប្បន្ន ដោយខ្ញុំបានផ្សារភ្ជាប់ជាមួយនឹងសិល្បៈក្បាច់ខ្មែរ ក្ដីស្រលាញ់ និងសត្វនាគផងដែរ។
ដូច្នេះសូមពុកម៉ែបងប្អូនទាំងអស់គ្នាមកស្វែងយល់ពីអត្ថន័យនៃផ្កាមួយបាច់នេះដូចតទៅ:

___តួខាងក្រោមនៃបាច់ផ្កាយើងឃើញមានកាំរបស់ (អសនី) ៤ ដោយក្នុងនោះខ្ញុំបានច្នៃប្រឌិតចេញពីត្បូងតាមទម្រង់ (អៃរ៉ា / ទែនទយ)។

✨អសនី (វជ្រវុធ គ្រឿងបង្កកាំរន្ទះភ្លើង): អាវុធព្រះឥន្ទ រន្ទះ កាំរន្ទះ មានកាំ៨។ អសនីបាតរន្ទះបាញ់។ អសនីប្រភា ពន្លឺរន្ទះ។ អសនីសព្ទ សូររន្ទះ។ អសនីសាទិស ប្រហែលដូចរន្ទះ ។ល។
អសនី: ជាសាស្ត្រាវុធក្នុងព្រះហត្ថឆ្វេងរបស់ព្រះនាងកិរិណីទេវី បុត្រីទី៥ នៃកបិលមហាព្រហ្ម ដែលដូចគ្នាទៅនឹងចរិយារបស់ទេវៈ ព្រហស្បតិ៍ ក្នុងគម្ពីរវេទដែលពាក្យ កាំភ្លើង អាចមានន័យថា កាំរស្មីនៃភ្លើង ឬអាចកាន់ដុំភ្លើង តាមការយល់ឃើញរបស់លោកបណ្ឌិត មីសែលត្រាណេ ឆ្នាំ២០០១ ។

✨អៃរ៉ា / ទែនទយ: មានសណ្ឋានរាងអ៊ែនទយសម្រាប់ទ្រចុងផ្ទោង ឬរងស្បូវ គ្រប់ប្រាសាទ វិហារ សាលាជាដើម។ អៃរ៉ាវិហារហៅការមកពីពាក្យ ឰរា-វ័ណ ឬឰរា-វ័ត។

___រីឯតួកណ្ដាលនៃទម្របាច់ផ្កាមានសត្វនាគមួយក្បាលរុំព័ទ្ធជុំវិញនោះហៅថា (នាគបាស) ។

✨នាគបាស: អន្ទាក់ជានាគ ឬនាគដែលជាអន្ទាក់ ជាចំណង (នាគដែលកើតដោយអំណាចឫទ្ធិផ្លែងសររបស់ឥន្ទ្រជិត ក្នុងចម្បាំងរឿងរាមកេរ្តិ៍) ។ តាមដំណើររឿងគឺ មានឈុតមួយ និយាយពីព្រះលក្សណ៍នាំទ័ពរបស់ខ្លួនដែលជាសត្វស្វា ចេញទៅប្រយុទ្ធនឹងពួកអសោរយក្ស។ គ្រានោះព្រះលក្សណ៍កំពុងជាប់ដៃច្បាំងនឹងអសោរយក្ស ស្រាប់តែឥន្ទ្រជិត ដែលជាយក្សខ្លាំងពូកែបានផ្លែងសរមួយហៅថា “សរនាគបាស” តម្រង់មកលើព្រះលក្មណ្ស៍។ សររត់ចេញមកក្លាយជាសត្វនាគទៅរុំពាត់ព្រះលក្មណ្ស៍ និងពលស្វាខ្លះឲ្យជាប់ដូចជាគេរឹតនឹងចំណងយ៉ាងមាំរករើខ្លួនពុំរួច។ លុះក្រោយមក ទើបព្រះរាមផ្លែងសរទៅអញ្ជើញគ្រុឌឲ្យមកដេញចាប់នាគអស់ទាំងនោះរត់ចេញខ្ចាត់ខ្ចាយទៅ។ ឈុតត្រង់ព្រះលក្មណ្ស៍ជាប់ចំណងសរនាគបាសនេះ យើងឃើញមានចម្លាក់នៅតាមប្រាសាទបុរាណនានា។ល។

___បន្ទាប់ពីសត្វនាគ (នាគបាស) យើងឃើញមាន (ផ្កាឈូក) ធំមួយផុសចេញពីទម្របាច់ផ្កា ហើយក្នុងនោះយើងក៏ឃើញមាន (ផ្ការំដួល និងក្បាច់ខ្មែរមួយហៅថា កួរស្រូវ ចំនួន៣) ផុសចេញពីក្នុងផ្កាឈូកផងដែរ។

✨ផ្កាឈូក: ឈូកជាបុប្ផាដែលដុះនៅក្នុងភក់ តែមានសម្រស់ស្រស់ត្រកាលគួរជាទីគយគន់។ ផ្កាឈូកតំណាងអោយបញ្ញាអ្នកគោរពរព្រះពុទ្ធសាសនា ព្រោះព្រះសម្មាសម្ពុទ្ធបានចាត់ទុកបញ្ញារបស់សត្វលោកដូចជាផ្កាឈូកបួនពួកក្នុងជលសា។
១. ពួកផ្កាដែលកំពុងដុះចេញពីភក់។

២. ពួកផ្កាដែលដុះចេញពីភក់តែនៅក្នុងទឹក។

៣. ពួកផ្កាដែលដុះចេញពីភក់ហើយ តែផុតពីទឹក។

៤. ពួកផ្កាដែលដុះចេញពីភក់ពីទឹក ហើយរងចាំព្រះ។ សូរ្យសែងចាំងមកអាលនឹងរីក។

✨ផ្ការំដួល (ខ្ញុំបានច្នៃប្រឌិតពណ៌របស់ផ្ការំដួលទៅជាពណ៌ខៀវខ្ចី): ជាផ្កាតំណាងឲ្យប្រទេសកម្ពុជា និងជានិមិត្តរូបនៃការថែរក្សាបរិស្ថានដោយរដ្ឋាភិបាល និងតំណាងឲ្យលក្ខណៈរួសរាយរាក់ទាក់ រួមទាំងភាពវិជ្ជមានរបស់ប្រជាជនកម្ពុជា មានដើមកំណើតនៅអាស៊ីអាគ្នេយ៍។ រំដួលជាប្រភេទដើមឈើដែលមានកម្ពស់ចាប់ពី 3-15 ម. សំបកពណ៌ត្នោត រលោងរាបស្មើ ឬមានលក្ខណៈគ្រើមៗបែកមែកសាខា ស្លឹកទោលរៀង តែផ្ទុយគ្នា រលោង ស្រួចចុងពណ៌បៃតងចាស់។ ផ្ការំដួលមាន ៦ ត្របក រៀងគ្នាជា ២ ស្រទាប់ ក្នុង ១ ស្រទាប់មាន ៣ ត្របក ហើយត្របកខាងក្នុងមានខ្នាតតូច និងកោងជាង ចុងត្របកមានលក្ខណះស្រួច។ ផ្ការំដួល ចាប់ផ្តើមផ្កាពីខែធ្នូ - មីនា ផ្លែមានពណ៌បៃតងខ្ចី មូលតូចរលោង មានគ្រាប់ប្រមាណជា 1-2 គ្រាប់ ជាលក្ខណៈកញ្ចុំ ពេលទុំ មានពណ៌ខ្មៅ រសជាតិជូរអែម។
ផ្ការំដួលមានក្លិនក្រអូប ជាពិសេសនៅពេលល្ងាច ហើយដោយសារភាពទាក់ទាញនេះ ទើបចាស់ៗបុរាណខ្មែរ តែងតែប្រដូចស្រីក្រមុំមកផ្ការំដួលថា មានក្លិនក្រអូប និងរូបរាងស្រស់ស្អាត។ ប៉ុន្តែក្រៅពីយកផ្ការំដួលតំណាងឲ្យប្រទេសកម្ពុជាហើយនោះ ខាងមន្ទីរកសិកម្មក៏បានយកផ្កានេះតំណាងឲ្យវិស័យកសិកម្មទៀតផង។ ដូចនេះ ប្រជាជនខ្មែរគ្រប់រូប ពិសេសយុវជនខ្មែរទាំងអស់ចូរចងចាំ និងធ្វើខ្លួនឱ្យមានក្លិនក្រអូប និងស្រស់ស្អាត ដូចជាផ្ការំដួលដែលតំណាងឲ្យប្រទេសក៏ដូចជាខ្លួនផ្ទាល់។

Graphic design by: Rattanak Chhat

24/07/2024

24/07/2024

Aww 🥰