03/05/2021
#សំខាន់នោះគឺ...
វាមិនសំខាន់ថាយើងសាងទំនាក់ទំនងមួយបានយូរប៉ុនណា ប៉ុន្តែវាសំខាន់ដែលត្រូវដឹងថា តើទំនាក់ទំនងនោះល្អកម្រិតណា? វាមិនសំខាន់ថា យើងរកលុយបានច្រើនប៉ុនណា ប៉ុន្តែវាសំខាន់ថាយើងចាយលុយនោះលើរឿងអ្វីខ្លះ? វាមិនសំខាន់ថាយើងមានទ្រព្យច្រើនប៉ុនណា ប៉ុន្តែវាសំខាន់ថាយើងរកទ្រព្យនោះមកដោយរបៀបណា? វាមិនសំខាន់ថាយើងជោគជ័យខ្លាំងប៉ុនណា ប៉ុន្តែសំខាន់ថាភាពជោគជ័យរបស់យើងធ្វើឲ្យមានភាពរីកចម្រើនចំពោះអ្នកដទៃច្រើនប៉ុនណា ឬក៏យើងជោគជ័យទៅតែឯង? ....វាមិនសំខាន់ថាយើងមានផ្ទះធំ ឬតូចប៉ុនណា ប៉ុន្តែសំខាន់ត្រង់ថា តើយើងបានរៀបចំឲ្យផ្ទះនោះវាក្លាយទៅជាកន្លែងដែលគួរឲ្យចង់រស់នៅឬអត់? វាមិនសំខាន់ថាយើងមានមនុស្សស្គាល់ច្រើនប៉ុនណា ប៉ុន្តែសំខាន់តើយើងបានស្គាល់គេវិញប៉ុន្មាននាក់? វាមិនសំខាន់ថាយើងកំពុងនៅទីណា ប៉ុន្តែសំខាន់ត្រង់ថា តើយើងកំពុងតែមានអារម្មណ៍បែបណា?
------------------------------------------
