សៀវភៅជំនួញ

27/03/2026

ចាប់ផ្ដើមពីតូចទៅធំ សៀវភៅយុទ្ធសាស្ត្រអភិវឌ្ឋន៍អាជីវកម្មគ្រួសារ ត្រូវបានតាក់តែងឡើងដើម្បីជំរុញ លើកទឹកចិត្ត និងផ្ដល់យុទ្ធសាស្ត្រថ្មីៗ ដល់សាជីវកម្មខ្មែរទាំងអស់ ពិសេសគឺមុខរបររកស៊ីតូចៗលក្ខណៈគ្រួសារ ឱ្យមានមូលដ្ឋានគ្រឹះរឹងមាំ មានទម្រង់បែបបទច្បាស់លាស់ និងមានទស្សនៈវិស័យអភិវឌ្ឍវែងឆ្ងាយតជំនាន់។

ក្នុងតម្លៃ ១៥ដុល្លារ ខ្លឹមសារគោលនៅក្នុងសៀវភៅនេះនឹងផ្ដល់ឱ្យអ្នកនូវ៖
📝ការយល់ដឹងអំពីបច្ចុប្បន្នភាព និងអនាគតនៃអាជីវកម្មគ្រួសារខ្មែរ

📝ការយល់ដឹងអំពីមូលដ្ឋានគ្រឹះសំខាន់ៗនៃសាជីវកម្មលក្ខណៈគ្រួសារ

📝ការសិក្សាស៊ីជម្រៅអំពីយុទ្ធសាស្ត្រអភិវឌ្ឍន៍អាជីវកម្មគ្រួសារ និងការរៀបចំខ្លួនមុននឹងចាប់ផ្ដើមអនុវត្តយុទ្ធសាស្ត្រពង្រីកអាជីវកម្ម

📝ការចាត់ចែងអ្នកបន្តវេនសម្រាប់ជំនាន់បន្ទាប់ និងការបណ្ដុះមហិច្ឆតាលូតលាស់យូរអង្វែង ពោលឱ្យមានអាយុកាលលើសពី ១០០ឆ្នាំ

សម្រាប់ព័ត៌មានបន្ថែមសូមចូលមកកាន់ប្រអប់សារ 📨

27/05/2023

តើមានអ្វីកើតឡើងខ្លះនៅអំឡុងពេលវិបត្តិសេដ្ឋកិច្ច?

សេដ្ឋកិច្ចមានការធ្លាក់ចុះបណ្ដាលមកពីការថមថយសកម្មភាពសេដ្ឋកិច្ច ការបាត់បង់ការងារមានកម្រិតខ្ពស់ និងការរឹតត្បិតចំណាយរបស់អ្នកប្រើប្រាស់ និងម្ចាស់អាជីវកម្ម។ វិបត្តិសេដ្ឋកិច្ចអាចកើតឡើងតាមច្រើនទម្រង់ រួមមានវិបត្តិសេដ្ឋកិច្ចរយៈពេលខ្លី(Recession) វិបត្តិសេដ្ឋកិច្ចរយៈពេលវែង(Depression) ឬក៏វិបត្តិហិរញ្ញវត្ថុ ហើយវិបត្តិទាំងនេះអាចបង្កឡើងដោយកត្តាដូចជាគ្រោះធម្មជាតិ អស្ថេរភាពនយោបាយ ឬមកពីបញ្ហាជាប្រព័ន្ធនៅក្នុងវិស័យហិរញ្ញវត្ថុ។

ផលវិបាកនៃវិបត្តិសេដ្ឋកិច្ចអាចមានភាពធ្ងន់ធ្ងរ និងមានរយៈពេលយូរអាស្រ័យមូលហេតុដែលនាំឲ្យវិបត្តិ និងរបៀបដោះស្រាយរបស់អ្នកទទួលខុសត្រូវ។ ឧទាហរណ៍នៃផលវិបាកទាំងនោះរួមមាន៖
១. គ្មានការងារធ្វើ៖ ក្នុងអំឡុងពេលវិបត្តិសេដ្ឋកិច្ច អាជីវកម្មជាច្រើននឹងកាត់បន្ថយបុគ្គលិករបស់ខ្លួន រីឯអាជីវកម្មដែលរងផលប៉ះពាល់ខ្លាំងនឹងគេចមិនផុតពីការក្ស័យធន ដែលបញ្ហានេះនឹងរុញច្រានអត្រានៃចំនួនប្រជាជនអត់ការងារធ្វើ។ នៅពេលមនុស្សកាន់តែច្រើនបាត់បង់ការងារ ឬគ្មានការងារធ្វើ នោះកម្លាំងទិញក៏ធ្លាក់ចុះ។
២. ថយចុះសកម្មភាពអាជីវកម្ម៖ អាជីវកម្មជាច្រើននឹងកាត់បន្ថយផលិតកម្ម ឬផ្អាកទាំងស្រុងផ្នែកណានៃសកម្មភាពអាជីវកម្មមួយរបស់ខ្លួន ដែលការណ៍នេះនាំឲ្យធ្លាក់ចុះសកម្មភាពសេដ្ឋកិច្ច។ ផលវិបាកនេះនឹងដាក់សម្ពាធកាន់តែខ្លាំងឡើងលើស្ថានភាពសេដ្ឋកិច្ច ព្រោះថាការកាត់បន្ថយសកម្មភាពអាជីវកម្មរបស់ក្រុមហ៊ុនទាំងនោះ ក៏នឹងជះផលវិបាកដល់អ្នកផ្គត់ផ្គង់ អតិថិជន និងដៃគូសហការរបស់ពួកគេផងដែរ។
៣. អស្ថេរភាពហិរញ្ញវត្ថុ៖ វិបត្តិសេដ្ឋកិច្ចអាចជំរុញឲ្យមានអស្ថេរភាពហិរញ្ញវត្ថុ ដោយសារតែធនាគារ និងគ្រឹះស្ថានហិរញ្ញវត្ថុមួយចំនួនអាចនឹងខាតបង់ ឬក្ស័យធន។ បញ្ហានេះអាចនាំឲ្យមានវិបត្តិឥណទាន ឬ Credit Crunch ដែលធ្វើឲ្យម្ចាស់អាជីវកម្ម និងពលរដ្ឋពិបាកស្នើប្រាក់កម្ចី ព្រោះគ្រឹះស្ថានហិរញ្ញវត្ថុនានានឹងរឹតត្បិតឥណទានរបស់ពួកគេ។ អាជីវកម្មធ្លាក់ចុះប្រាក់ចំណូល ស្វែងរកដើមទុនបន្ថែមដើម្បីទប់ស្ថានការ ប៉ុន្តែធនាគាររឹតត្បិតប្រាក់កម្ចី ដូច្នេះវានឹងរុញវិបត្តិសេដ្ឋកិច្ចឲ្យកាន់តែគ្រោះសថ្នាក់។ (គួរបញ្ជាក់ថា បើពិនិត្យស្ថានភាពជាក់ស្ដែងរបស់ប្រទេសកម្ពុជា ត្រឹមពាក់កណ្ដាលឆ្នាំ២០២៣នេះ ទាំងធនាគារ និងគ្រឹះស្ថានហិរញ្ញវត្ថុធំៗនៅកម្ពុជាគឺសុទ្ធតែរកប្រាក់ចំណេញសុទ្ធបានរាប់សិបលានដុល្លារក្នុងរយៈពេលត្រីមាសដំបូងឆ្នាំ២០២៣នេះ។)
៤. កិច្ចអន្តរាគមន៍របស់រដ្ឋាភិបាល៖ ក្នុងអំឡុងពេលវិបត្តិសេដ្ឋកិច្ច រដ្ឋាភិបាលអាចធ្វើអន្តរាគមន៍ក្នុងផ្នែកសេដ្ឋកិច្ច ក្នុងគោលដៅធ្វើឲ្យវាមានស្ថេរភាព។ កិច្ចអន្តរាគមន៍នោះអាចពាក់ព័ន្ធនឹងគោលនយោបាយសំខាន់ៗមួយចំនួនដូចជា ជំរុញឲ្យមានចរន្តចំណាយ ឬកាត់បន្ថយពន្ធ ឬគោលនយោបាយរូបិយវត្ថុ ដូចជាកាត់បន្ថយអត្រាការប្រាក់ ឬបង្កើនការផ្គត់ផ្គង់សាច់ប្រាក់។

ជារួមមក វិបត្តិសេដ្ឋកិច្ចអាចជះឥទ្ធិពលដល់បុគ្គល អាជីវកម្ម និងសេដ្ឋកិច្ចទាំងមូល។ ទោះជាយ៉ាងនេះក្តី វាពុំមែនមានន័យថាវិបត្តិសេដ្ឋកិច្ចទាំងអស់សុទ្ធតែដូចគ្នានោះទេ ហើយផលវិបាកជាក់លាក់ក៏កើតមានអាស្រ័យលើដើមចម និងហេតុផលចាក់ស្រេះនៃវិបត្តិនីមួយៗផងដែរ៕

19/05/2023

អ្នកមានគូគេចាប់ដៃបើកអាជីវកម្មរួមគ្នា ចុះបើអ្នកមានដៃគូដែរ តើអ្នកគ្រោងចេញរកស៊ីបើកអាជីវកម្មអ្វីដែរ?

"អាជីវកម្មគ្រួសាររបស់អ្នក កេរតំណែលរបស់អ្នក"

#សៀវភៅជំនួញ

19/05/2023

តើសេដ្ឋកិច្ចកម្ពុជានៅឆ្នាំ2024 នឹងប្រែប្រួលបែបណា?

សេដ្ឋកិច្ចរបស់ប្រទេសកម្ពុជាមានការកើនឡើងជាលំដាប់នាប៉ុន្មានទស្សវត្សរ៍កន្លងមកនេះ ជាមួយនឹងអត្រាកំណើនប្រច.....

19/05/2023

ហេតុអ្វីកូនច្បងតែងត្រូវបានគេជ្រើសរើសឲ្យស្នងតំណែងមេដឹកនាំអាជីវកម្មគ្រួសារបន្ត?

18/05/2023

ហេតុអ្វីកូនច្បងតែងត្រូវបានគេជ្រើសរើសឲ្យស្នងតំណែងមេដឹកនាំអាជីវកម្មគ្រួសារបន្ត?

នៅក្នុងវប្បធម៌តាមប្រទេសជាច្រើន ជាពិសេសនៅអាស៊ី កូនច្បងនៃម្ចាស់អាជីវកម្មគ្រួសារត្រូវតែងត្រូវបានជ្រើសរើសឲ្យកាន់កាប់អាជីវកម្មគ្រួសារបន្តពីឪពុកម្តាយរបស់ខ្លួន។ ប៉ុន្តែ តើមានហេតុផលអ្វីខ្លះដែលជំរុញឲ្យគេជ្រើសរើសកូនច្បងឲ្យស្នងតំណែងបន្ត? ខាងក្រោមនេះគឺជា​ហេតុផល​៖

បទពិសោធន៍ និងភាពចាស់ទុំ៖ ជាទូទៅ កូនច្បងត្រូវបានគេចាត់ទុកថាមានបទពិសោធន៍ និងចាស់ទុំជាងបងប្អូនបង្កើតរបស់ពួកគេ ដែលនេះជាហេតុផលធ្វើឱ្យពួកគេស័ក្តិសមជាអ្នកបន្តវេន និងទទួលយកទំនួលខុសត្រូវក្នុងការដំណើរការអាជីវកម្មគ្រួសារបន្ត។

ទំនៀមទម្លាប់គ្រួសារ៖ នៅក្នុងគ្រួសារខ្លះ វាជាទំនៀមទម្លាប់ ឬជាច្បាប់ប្រចាំគ្រួសារដែលត្រូវតែកំណត់យកកូនច្បងជាអ្នកស្នងតំណែងមេដឹកនាំអាជីវកម្មរបស់គ្រួសារបន្ត ដោយមិនគិតពីលក្ខណៈសម្បត្តិ ឬបទពិសោធន៍របស់ពួកគេ។ ជាធម្មតា សាជីវកម្មគ្រួសារដែលមានច្បាប់នេះ ពួកគេតែងអភិវឌ្ឍសមត្ថភាពបេក្ខភាពស្នងកេរតំណែលគ្រួសាររបស់ខ្លួនចាប់តាំងពីក្មេងវ័យទៅ។

ជំនាញភាពជាអ្នកដឹកនាំ៖ កូនច្បងបានរៀនសូត្រជំនាញភាពជាអ្នកដឹកនាំបានរឹងមាំ និងមានទំនួលខុសត្រូវតាំងពីវ័យក្មេងក្នុងនាមជាបងគេក្នុងគ្រួសារ ដែលការណ៍នេះធ្វើអោយពួកគេមានភាពស័ក្តិសមសម្រាប់ដំណើរការអាជីវកម្មគ្រួសារបន្ត។

ទោះជាយ៉ាងណាក៏ដោយ វាជារឿងសំខាន់ដែលអ្នកគប្បីកត់សម្គាល់ថា ការជ្រើសរើសកូនច្បងឲ្យកាន់កាប់អាជីវកម្មគ្រួសារបន្ត គួរឆ្លងកាត់លក្ខណៈវិនិច្ឆ័យច្រើនដំណាក់កាល ស្របតាមផែនការស្នងតំណែងច្បាស់លាស់។ វាអាចក្លាយជារឿងដ៏ឈឺចាប់ ប្រសិនបើមរតកអាជីវកម្មដែលអ្នកបានខិតខំកសាងឡើងយ៉ាងលំបាក ត្រូវបានបំផ្លាញដោយកូនខ្លួនឯង។ សមាជិកគ្រួសារដែលមានសមត្ថភាព និងគុណតម្លៃបំផុតគួរតែត្រូវបានជ្រើសរើស ដើម្បីធានាបាននូវភាពជោគជ័យយូរអង្វែងនៃអាជីវកម្ម និងវង្សត្រកូលរបស់អ្នក។ អ្នកគួរពិចារណាលើកត្តាសំខាន់ៗដូចជា កម្រិតនៃការអប់រំ បទពិសោធន៍ និងផលប្រយោជន៍ផ្ទាល់ខ្លួន នៅពេលអ្នកជ្រើសរើសបេក្ខភាពស្នងតំណែងបន្ត៕
-------------------
តម្លៃសៀវភៅ ១២ដុល្លារ
ទំនាក់ទំនងទិញសៀវភៅ ០១០ ៥៣៤ ១១៨ / ០៩៧ ២២២២ ៣៦១

04/05/2023

តើអ្នកកំពុងចង់ពង្រឹង និងពង្រីកអាជីវកម្មប្រចាំគ្រួសាររបស់អ្នកទៅកាន់មួយកម្រិតទៀតមែនទេ? សៀវភៅថ្មីរបស់យើង ចំណងជើង “យុទ្ធសាស្ត្រអភិវឌ្ឍន៍អាជីវកម្មគ្រួសារ” មានពោរពេញដោយគន្លឹះ គំរូជាក់ស្ដែង និងចំណេះដឹងអំពីការអភិវឌ្ឍអាជីវកម្ម ស័ក្តិសមសម្រាប់ម្ចាស់អាជីវកម្មដែលចង់ពង្រីកជំនួញ និងកេរតំណែលគ្រួសាររបស់ខ្លួន។ បញ្ជាទិញឥឡូវនេះ ហើយចាប់ផ្ដើមបង្កើតយុទ្ធសាស្ត្រអាជីវកម្មដែលអ្នកត្រូវការដើម្បីជោគជ័យ។

"Are you looking to take your family business to the next level? Our new book, 'Growth Strategies for Family Business' is here to help! Packed with insights and practical tips, this book is a must-read for anyone looking to grow their family business. Order today and start developing the strategies you need to succeed!”

09/02/2023

ជា Family Business Owner យើងបានព្យាយាមយ៉ាងខ្លាំងក្នុងការអភិវឌ្ឍអាជីវកម្មប្រចាំគ្រួសារចាប់តាំងពីដំណាក់កាលដំបូងឡើងមក ហើយយើងរំពឹងថាកូនៗរបស់យើងនឹងក្លាយជាអ្នកបន្តវេនឆ្នើម ដើម្បីស្នងកេរតំណែលអាជីវកម្មដែលឪពុកម្ដាយរបស់ពួកគេបានខិតខំកសាងឡើង។
Start growing your family business and make it last for generations.
#យុទ្ធសាស្ត្រអភិវឌ្ឍន៍អាជីវកម្មគ្រួសារ #ផ្លូវចេញរកសុី

08/02/2023

ធ្វើឲ្យប្រសើរទាំងអាជីវកម្ម និងគ្រួសាររបស់អ្នក!

សម្រាប់ម្ចាស់អាជីវកម្មគ្រួសារ(Family Business) ដែលកំពុងស្វែងរកការពង្រីកអាជីវកម្មរបស់លោកអ្នក និងម្ចាស់អាជីវកម្មទូទៅដែលស្វែងរកយុទ្ធសាស្ត្រអភិវឌ្ឍន៍មុខជំនួញប្រចាំថ្ងៃឲ្យកាន់តែធំជាងមុន យើងណែនាំឲ្យអានឈុតសៀវភៅទាំងពីរក្បាលខាងក្រោម។

»ផ្លូវចេញរកស៊ី
»យុទ្ធសាស្ត្រអភិវឌ្ឍន៍អាជីវកម្មគ្រួសារ
📖🔥មួយក្បាល 12$ 💵 ជាវទាំងពីរក្បាលត្រឹមតែ 22$