Sewa Online Mall, #17a, Street 5, Sangkat Krang Angkrong, Khan Sen Sok, Phnom Penh (2026)

22/03/2020

🙏🏻🙏🏻🙏🏻សូមបងប្អូនពលករខ្មែរប្រុសស្រីដែលទើបមកពីប្រទេសថៃ ជួយសហការគ្នានៅផ្ទះឬបន្ទប់ដាច់ដោយឡែកតាមដានអាការៈរយះពេល១៤ថ្ងៃសិន ការពារខ្លួនយើងក៏ដូចជាសមាជិកគ្រួសារយើងនិងបងប្អូនខ្មែរយើងទាំងមូល 🙏🏻បើមានអាការៈមិនស្រួលសូមប្រញាប់ទៅមន្ទីរពេទ្យជាបន្ទាន់និងសូមពាក់ម៉ាស់ការពារឲ្យបានត្រឹមត្រូវនិងលាងដៃជាមួយសាប៊ូឲ្យបានញឹកញាប់🙏🏻🙏🏻🙏🏻

19/03/2020

មានជនជាតិថៃម្នាក់ Post មុនស្លាប់ដោយសារ Covid 19 ថា.....

មើលថែខ្លួនអែងអោយល្អ......
នៅពេលដែរយើងឆ្លងមេរោគ Covid 19 ហើយយើងនឹងមិនអាចជួបមុខ
បងប្អូនមិត្តភក្តិនឹងមនុស្សដែរយើងស្រលាញ់បានទេ

សូម្បីតែពេលស្លាប់ឱពុកម្តាយក៏មិនបានឃើញមុខយើងដែរព្រោះខាងមន្ទីពេទ្យ
គេវេចខ្ចប់សពយ៉ាងរៀបរយនិងបិទជិត....

វាជាភាពវេទនានិងជាការឈឺចាប់បំផុតទាំងមុនស្លាប់និងក្រោយស្លាប់
សំរាប់ក្រុមគ្រួសារយើងនិងខ្លួនយើងផ្ទាល់.......

——————————————————

Virus មួយនេះពិតជាមិនធម្មតាទេ
ងាយឆ្លងសាយភាយឆាប់រហ័សតែយើងអាចកាពារបានដោយវិធី
ងាយៗជាច្រើនដែរអ្នកដទៃបានធ្វើ....

1 លាងដៃនឹងសាប៊ូអោយបានញ្ញឹកញ្ញាប់
2 ប្រើជែល Ahcohal កាន់តែល្អ
3 ស្វាគម៍គ្នាដោយមិនចាំបាច់ចាប់ដៃរឺអោបគ្នា
4 បើអាចគួប្រើស្លាបព្រាផ្ទាល់ខ្លួនកុំលំជាមួយអ្នកដទៃ
5 កុំចូលទៅក្នុងកន្លែងដែរមានមនុស្សច្រើនចង្អៀត
6 ពាក់ Mask គ្រប់ពេលចេញទៅក្រៅផ្ទះ
7 នៅពេលនិយាយគ្នានៅអោយឆ្ងាយពីគ្នាចន្លោះពី 1.8 ទៅ 2 ម៉ែត
8 ព្យាយាមនៅផ្ទះប្រើជីវិតនៅផ្ទះជាមួយគ្រួសារ
9 នៅពេលដែរមានអាការះមិនស្រួលប្រញ្ញ៉ាប់ទៅពិនិត្យដើម្បីភាពច្បាសលាស់
10 ញ្ញាំអាហារក្តៅៗ

ជូនពរអោយអ្នកទាំងអស់គ្នាសុខសុវត្តិភាពកុំអត្មានិយម ធ្វើអោយមានវិប្បតិសារី..........
កាពារប្រសើជាងព្យាបាល

Tag និង Share ចែករំលែកទៅដល់មនុស្សដែរអ្នកស្រលាញ់

បំណងល្អពីខ្ញុំ Kim nawat

18/03/2020

អានឱ្យចប់ ហើយជួយចែករំលែកបន្តសម្រាប់ប្រជាជនកម្ពុជាយើង 🙏 រួមគ្នាប្រុងប្រយ័ត្មការពារ នឹង សហការគ្នា ដោះស្រាយ កុំឲ្យស្ថានភាពកាន់តែពិបាក

👉 help share......................................
មេរៀនពីកំហុសរបស់ប្រជាជនអ៊ីតាលី 🇮🇹 ក្នុងករណីជំងឺកូវីដ១៩

(‼️គួររំលឹកផងដែរថា អុីតាលីជាប្រទេសមួយដែលមានអ្នកចំនួនអ្នកឆ្លង ច្រេីនជាងគេបន្ទាប់ពីប្រទេសចិន តាមមកដោយ ប្រទេសអុីរ៉ង់ អេស្បាញ កូរ៉េខាងត្បូង អាឡឺម៉ង់ បារាំង និងអាមេរិកក៏កំពុងដេីរផ្លូវដដែលដូចអុីតាលីដែរ មូលហេតុនោះគឺពួកគេសាងកំហុសមួយដូចគ្នា ដែលគាត់នឹងរៀបរាប់ដូចខាងក្រោម)

ប្រសិនបើអ្នកគិតថាវីរុសកូវីដ១៩នេះ ជារឿងធម្មតាៗ ហើយនៅតែចេញក្រៅដើរលេង ផឹកស៊ីជាមួយមិត្តភក្តិទៅញាំអីនៅភោជនីយដ្ឋាន ទៅក្លឹប ទៅបារ ទៅណាមកណាសេរី មិនខ្លាចឆ្លងវីរុសនេះ សូមអ្នកគិតសារជាថ្មីម្តងទៀត។

ជូនចំពោះប្រជាជនទាំងអស់នៅលើពិភពលោក អ្នកនៅមិនទាន់ដឹងថាស្ថានការណ៍អាចនឹងប្រែប្រួលទៅជាធ្ងន់ធ្ងរខ្លាំងប៉ុណ្ណាទេ។

អ្នកទាំងអស់គ្នាប្រាកដជាបានដឹងហើយថា អ៊ីតាលីកំពុងតែត្រូវបានដាក់បង្ខាំងអោយនៅដោយឡែក មិនអោយចាកចេញពីតំបន់ដែលខ្លួនរស់នៅ ដោយសារមានការរីករាលដាលនៃវីរុសកូរ៉ូណា។

ស្ថានការណ៍នេះវាអាក្រក់ស្រាប់ទៅហើយ តែអ្វីដែលកាន់តែយ៉ាប់ជាងនឹងទៀត គឺការដែលយើងបានឃើញថាប្រទេសដទៃទៀតនៅលើពិភពលោកមួយចំនួន ធ្វើធម្មតាៗ ហាក់ដូចជាគិតថាអ្វីដែលកំពុងកើតឡើងនៅអ៊ីតាលីក្នុងពេលនេះ នឹងមិនអាចកើតឡើងទៅលើពួកគេបានដូច្នោះដែរ។

យើងដឹង ព្រោះពួកយើងក៏ធ្លាប់គិតដូចអ្នកទាំងអស់គ្នាដែរ។

តទៅ គឺជាការវិវត្តរបស់ស្ថានការណ៍នៅអ៊ីតាលី៖

• ដំនាក់កាលទី១៖
យើងគ្រាន់តែដឹងថាមានវីរុសកូរ៉ូណា ហើយករណីអ្នកឆ្លងដំបូងចាប់ផ្តើមមាននៅក្នុងប្រទេសរបស់យើង។

យើងគិតថា គ្មានអីគួរអោយបារម្ភទេ ព្រោះវាគ្រាន់តែដូចផ្តាសាយធំធម្មតា។

ខ្ញុំមិនទាន់អាយុ៧៥+ឯណា វាគ្មានទៅកើតស្អីធំដុំទេ។

ខ្ញុំប្រាកដជាមិនអីទេ អ្នកដទៃទៅវិញទេដែលលើស គ្មានស្អីផង នាំគ្នាទៅទិញម៉ាស ទិញក្រដាសបង្គន់ស្តុកទុកធ្វើអី។

ខ្ញុំនឹងរស់នៅតាមធម្មតា មិនចាំបាច់ត្រូវភ័យស្លន់ស្លោទេ។

• ដំនាក់កាលទី២៖
ចំនួនអ្នកឆ្លង ចាប់ផ្តើមកើនឡើងច្រើនជាងមុន។

គេចាប់ផ្តើមប្រកាសដាក់ ជាតំបន់ “RED ZONE” ហើយដាក់បង្ខាំងប្រជាជននៅក្នុងទីក្រុងតូចៗ ដែលគេរកឃើញករណីឆ្លងដំបូងៗ ហើយមានចំនួនអ្នកឆ្លងច្រើន។ (ថ្ងៃទី២២ ខែកុម្ភៈ)

យើងគិតថា វាចាប់ផ្តើមគួរអោយបារម្ភ តែមិនអីទេ គេចេះចាត់ចែងការពាររកវិធីដោះស្រាយហើយ គ្មានអីគួរអោយភ័យស្លន់ទេ។

ចាប់ផ្តើមមានអ្នកស្លាប់ហើយ តែសុទ្ធតែជាមនុស្សចាស់នឹង។ ប្រព័ន្ធផ្សព្វផ្សាយចេះតែចេញព័ត៌មានបំភ័យមនុស្សអោយបានview ច្រើន ពិតជាយ៉ាប់មែន ព័ត៌មានអស់នេះ។

មនុស្សម្នា គេនៅតែចេញដើរធម្មតានឹង ខ្ញុំក៏មិនព្រមនៅផ្ទះ មិនឈប់ចេញក្រៅជួបពួកម៉ាកដែរ។

វាមិនឆ្លងដល់ខ្ញុំទេ អ្នកស្រុកខ្ញុំទីនេះ គ្មានអ្នកណាកើតអីផង។

• ដំនាក់កាលទី៣៖
ចំនួនអ្នកឆ្លង កើនឡើងយ៉ាងខ្លាំង លឿនមែនទែន។

កើនឡើងស្ទើរតែគុណនឹងពីរ ក្នុងពេលត្រឹមតែមួយថ្ងៃ។
មានអ្នកស្លាប់ទៀតហើយ។

គេប្រកាសដាក់៤តំបន់ ដែលមានករណីអ្នកឆ្លងច្រើន ជាតំបន់ “RED ZONE”ហើយបង្ខាំងប្រជាជនមិនអោយចេញពីតំបន់ដែលខ្លួនរស់នៅ។ (ថ្ងៃទី៧ ខែមិនា)

២៥% នៃប្រទេសអ៊ីតាលីកំពុងតែដាក់អោយនៅដោយឡែក។ សាលា និងសាកលវិទ្យាល័យទាំងអស់នៅតំបន់ទាំងនោះ ត្រូវបានបិទទ្វារ តែក្លឹប បារ កន្លែងធ្វើការ ភោជនីយដ្ឋាន និងកន្លែងផ្សេងទៀតនៅតែបើកធម្មតា។

ដោយសារទំព័រសារព័ត៌មានមួយចំនួន បានចេញសេចក្តីប្រកាសមុនរាជរដ្ឋាភិបាល មានមនុស្សប្រហែលមួយម៉ឺននាក់បានរត់គេចខ្លួនចេញពីតំបន់“RED ZONE” ក្នុងយប់ថ្ងៃដដែលនោះ ដើម្បីទៅផ្ទះរបស់ពួកគេដែលនៅទីក្រុងផ្សេងៗទៀតក្នុងប្រទេសអ៊ីតាលី។

ប្រជាជនភាគច្រើនដែលនៅក្នុងទីក្រុងផ្សេងៗ៧៥%ទៀតនៅប្រទេសអ៊ីតាលី នៅតែបន្តដំនើរជីវិតដូចធម្មតា។

ពួកគេនៅតែមិនទាន់ដឹងខ្លួនថា ស្ថានការណ៍វាកំពុងតែកាន់តែធ្ងន់ធ្ងរឡើងនៅឡើយ។ គ្រប់ទីកន្លែង យើងឃើញមានការណែនាំអោយលាងសំអាតដៃ មិនអោយចេញក្រៅ មិនអោយជួបជុំគ្នាច្រើន រៀងរាល់៥នាទីម្តង យើងឃើញមានការក្រើនរំលឹកពីវិធីការពារទាំងនេះនៅលើទូរទស្សន៍។ តែយើងនៅតែផ្គេីន មិនព្រមស្តាប់តាម។

• ដំនាក់កាលទី៤៖
ចំនួនអ្នកឆ្លង កើនឡើងច្រើនខ្លាំងមែនទែន។

សាលា និងសាកលវិទ្យាល័យគ្រប់ទីកន្លែង ត្រូវបានបិទទ្វារ យ៉ាងតិច១ខែ។

ស្ថានភាពពេលនេះ គឺគេដាក់ប្រកាសប្រទេសទាំងមូលក្នុងភាពអាសន្ន។

មន្ទីរពេទ្យពេញទាំងអស់ គ្រប់អគារត្រូវបានរៀបចំទុកសម្រាប់ដាក់តែអ្នកជំងឺវីរុសកូរ៉ូណាតែប៉ុណ្ណោះ។

ដោយសារខ្វះគ្រូពេទ្យ និងគិលានុដ្ឋាយិកា គេត្រូវហៅបុគ្គលិកចាស់ៗដែលគាត់បានចូលនិវត្តន៍ហើយ និងនិស្សិតពេទ្យឆ្នាំធំៗដែលរៀនជិតចប់ អោយមកជួយធ្វើការ។

ពេលនេះ គ្មានចែកវេនចែកអីទៀតទេ គឺម្នាក់ៗត្រូវធ្វើការរហូត ច្រើនតាមដែលអាចធ្វើបាន។

ប្រាកដណាស់ ថាបុគ្គលិកពេទ្យក៏ឆ្លងដែរ ហើយគេបានចម្លងទៅក្រុមគ្រួសាររបស់គេថែមទៀត។

មានអ្នកជំងឺជាច្រើន បានឈានដល់ដំនាក់កាលរលាកសួត ច្រើននាក់ដែលត្រូវការបន្ទប់ICU តែគ្មានកន្លែងគ្រប់គ្រាន់សម្រាប់ពួកគេទេ។

ឈានមកដល់ដំនាក់កាលនេះ គ្រូពេទ្យត្រូវជ្រើសរើសព្យាបាលតែអ្នកជម្ងឺណាដែលមានសង្ឃឹមរស់ខ្ពស់ជាង។ មានន័យថា គ្រូពេទ្យត្រូវបង្ខំចិត្តទុកចោល មិនព្យាបាល អ្នកជម្ងឺចាស់ៗ និងអ្នកជម្ងឺបេះដូង រឺជម្ងឺធ្ងន់ៗផ្សេងទៀត ព្រោះតែជម្ងឺកូរ៉ូណា។

ដោយសារខ្វះខាតធនធានព្យាបាលសម្រាប់អ្នកជម្ងឺគ្រប់គ្នា ទើបគេត្រូវប្រើធនធានដែលមានដើម្បីជួយសង្គ្រោះជីវិតអ្នកជម្ងឺអោយបានច្រើនបំផុត តាមដែលអាចធ្វើបាន។

ខ្ញុំសង្ឃឹមថា អ្វីដែលខ្ញុំបានរៀបរាប់វាគ្រាន់តែជាការលេងសើច តែវាជាការពិតដែលបានកើតឡើងមែន។

អ្នកជម្ងឺបានស្លាប់ជាបន្តបន្ទាប់ ដោយសារមន្ទីរពេទ្យលែងមានកន្លែងទំនេរសម្រាប់សម្រាកព្យាបាល។

គ្រូពេទ្យម្នាក់ដែលជាមិត្តខ្ញុំ បានទូរសព្ទមកខ្ញុំទាំងសោកស្តាយ ព្រោះក្នុងថ្ងៃនោះ គាត់ត្រូវបង្ខំចិត្តឈរមើលអ្នកជម្ងឺ៣នាក់ត្រូវស្លាប់ ដោយមិនអាចធ្វើអ្វីបាន។

គិលានុបដ្ឋាយិកាបានត្រឹមនាំគ្នាយំ ដោយសារពួកគេឃើញអ្នកជម្ងឺកំពុងតែជិតស្លាប់ តែពួកគេមិនអាចជួយអ្វីបាន ក្រៅពីជួយដាក់អុកស៊ីសែនបន្តដង្ហើមអោយគាត់។

សាច់ញាតិរបស់មិត្តខ្ញុំម្នាក់បានស្លាប់ ដោយសារមិនបានទទួលការព្យាបាល។

គ្រប់យ៉ាងកំពុងចលាចល ប្រព័ន្ធគ្រប់គ្រងទាំងអស់កំពុងតែបាត់បង់លំនឹង។

យើងលឺពីវីរុសកូរ៉ូណា និងបញ្ហាចលាចលដោយសារវីរុសនេះគ្រប់ទិសទី។

• ដំនាក់កាលទី៥៖
នៅចាំខ្ញុំនិយាយពី មនុស្សល្ងង់ទាំង១ម៉ឺននាក់ដែលបានរត់គេចពីតំបន់“RED ZONE” ទៅទីក្រុងផ្សេងៗក្នុងប្រទេសអ៊ីតាលីដែរទេ?

ដោយសារតែមនុស្សអាត្មានិយមទាំង១ម៉ឺននាក់នេះហើយ ទើបគេត្រូវដាក់បង្ខាំងប្រជាជនក្នុងប្រទេសទាំងមូលតែម្តង ដើម្បីព្យាយាមអូសបន្លាយ កុំអោយវីរុស កាន់តែរីករាលដាលលឿនពេក។

មនុស្សម្នា នៅតែអាចចេញទៅធ្វើការ ទៅទិញម្ហូប ទៅឪសថស្ថាន ហើយមុខជំនួញរកស៊ីផ្សេងៗនៅតែបន្តបើកធម្មតា ព្រោះបើមិនចឹងសេដ្ឋកិច្ចនឹងគាំង (គាំងរួចហើយ) ប៉ុន្តែយើងមិនអាចចេញពីតំបន់ដែលយើងរស់នៅទេ លុះត្រាតែយើងមានហេតុផលគ្រប់គ្រាន់ដែលគេទទួលយក។

ពេលនេះយើងឃើញមនុស្សជាច្រើនចាប់ផ្តើមភ័យខ្លាច គេពាក់ម៉ាស ពាក់ស្រោមដៃគ្រប់គ្នា តែនៅតែមានមនុស្សមួយចំនួនតូច ដែលនៅតែមិនខ្វល់ នៅតែចេញក្រៅ ទៅហាងញាំអីជាក្រុមធំៗ ទៅដើរលេងសប្បាយផឹកស៊ីជាមួយពួកម៉ាកដដែល។ល។

• ដំនាក់កាលទី៦៖
២ថ្ងៃក្រោយមក គេប្រកាសថាអោយបិទការរកស៊ីទាំងអស់ ទាំងក្លឹប ភោជនីយដ្ឋាន ហាងលក់អីវ៉ាន់ និងហាងគ្រប់ប្រភេទ គ្រប់ទីកន្លែង លើកលែងតែផ្សារទំនើបលក់អាហារ និងឪសថស្ថាន។

អ្នកអាចធ្វើដំនើរទៅណាមកណាបាន ទាល់តែមានលិខិតបញ្ជាក់ជាប់ខ្លួន។ លិខិតបញ្ជាក់នេះ គឺជាឯកសារផ្លូវការដែលបញ្ជាក់ពីឈ្មោះរបស់អ្នក តើអ្នកមកពីទីកន្លែងណា ចង់ទៅណា ហើយទៅធ្វើអី។

មានកន្លែងប៉ូលីសដាក់ល្បាតជាច្រើន ដេីម្បីត្រួតពិនិត្យមេីលកុំអោយ
ប្រជាជនចេញក្រៅផ្ទះដេីរផ្តេសផ្តាស។ ប្រសិនបើគេរកឃើញថាអ្នកចេញក្រៅដោយគ្មានមូលហេតុច្បាស់លាស់ គេនឹងអាចផាកពិន័យអ្នកជាប្រាក់ ២០៦€។ ហើយប្រសិនបើអ្នកដែលត្រូវបានគេដឹងថាមានផ្ទុកវីរុសកូរ៉ូណា អ្នកនឹងអាចជាប់គុកពី១ឆ្នាំ ទៅ១២ឆ្នាំ ពីបទមនុស្សឃាត។

✔️យោបល់រួម៖
ទាំងនេះគឺជាអ្វីដែលកំពុងកើតឡើងនៅទីនេះ ពេលនេះ ថ្ងៃទី១២ខែមិនា។ គ្រប់យ៉ាងដែលបានរៀបរាប់ខាងលើ កើតឡើងក្នុងរយៈពេលត្រឹម២សប្តាហ៍តែប៉ុណ្ណោះ។

បើគិតចាប់ពីដំនាក់កាលទី៣ មកទល់បច្ចុប្បន្ន គឺត្រឹមតែ៥ថ្ងៃទេ។
ប្រទេសផ្សេងៗលើពិភពលោក ក្រៅពីចិន អុីតាលី និងកូរ៉េ ទើបតែចាប់ផ្តើមចូលដំនាក់កាលដំបូងៗ ស្រាលៗទេ ចឹងអ្នកប្រហែលមិនទាន់ដឹងទេ ថាអ្នកអាចនឹងជួបអ្វីដែលគ្រោះថ្នាក់ខ្លាំងប៉ុណ្ណាក្នុងពេលខាងមុខដ៏ខ្លីនេះ។

ខ្ញុំហ៊ាននិយាយបែបនេះ ព្រោះ២សប្តាហ៍មុន ខ្ញុំក៏ធ្លាប់ដូចអ្នកនៅពេលនេះដែរ គឺមិនដឹង មិនគិតថាវានឹងក្លាយជាបែបនេះ ហើយគិតថាវានឹងមិនអី មិនធ្ងន់ធ្ងរណាស់ណា។ ប៉ុន្តែ ការពិត គឺវាធ្ងន់ធ្ងរខ្លាំងណាស់។

មិនមែនមកពីវីរុសនេះកាចសាហាវ អាចគ្រោះថ្នាក់ដល់ជីវិតបានប៉ុណ្ណោះទេ តែវាកាន់តែគ្រោះថ្នាក់ធ្ងន់ធ្ងរថែមទៀត ដោយសារផលវិបាកផ្សេងៗជាច្រេីនទៀតដែលកេីតឡេីង ដោយសារកាផ្ទុះរាតត្បាតនៃវីរុសនេះ។

វាពិតជាពិបាកភ្នែកណាស់ ពេលដែលយើងឃើញប្រទេសមួយចំនួន ធ្វើធម្មតាៗដូចជា នឹងគ្មានអីអាចកើតឡើងចំពោះពួកគេ ហើយមិនគិតគូរទុកជាមុនពីការបង្ការ ដែលចាំបាច់ក្នុងការការពារប្រជាជនរបស់ពួកគេ ក្នុងពេលដែលពួកគេនៅមានសមត្ថភាពអាចគ្រប់គ្រងស្ថានការណ៍បាននៅឡើយ។

ប្រសិនបើអ្នកកំពុងអានអត្ថបទនេះ សូមមេត្តាយកចិត្តទុកដាក់ និងព្យាយាមយល់ពីវាអោយបានច្រើនបំផុត។

បញ្ហានេះ នឹងមិនកន្លងផុតទៅដោយឯកឯងទេ ប្រសិនបើយើងម្នាក់ៗធ្វើព្រងើយកន្តើយ មិនព្រមចូលរួមយកចិត្តទុកដាក់ការពារ និងដោះស្រាយវា។

រដ្ឋាភិបាលរបស់ពួកយើងធ្វើបានល្អហើយ។

វិធីដែលពួកគេបានអនុវត្ត(ការបង្ខាំងទុកប្រជាជន) អាចនឹងខ្លាំងក្លាបន្តិច តែវាពិតជាចាំបាច់ ដោយសារវាអាចជាវិធីតែមួយដែលនៅសល់ ដែលអាចគ្រប់គ្រងការឆ្លងបានកុំអោយកើនឡើងច្រើន។

ចិនបានអនុវត្តវិធីនេះ ដោយជោគជ័យហើយ ពួកយើងក៏សង្ឃឹមថាវានឹងជោគជ័យនៅទីនេះដូចគ្នាដែរ ( វាបានជោគជ័យនៅតំបន់ មួួយចំនួនហើយដែលដាក់បង្ខាំងប្រជាជនបានមុនគេទាន់ពេលវេលា)។
រដ្ឋាភិបាលយើងបានជួយការពារពួកយើងដោយ ពន្យាពេលបង់លុយធនាគារ ជួយដល់ម្ចាស់ហាងដែលត្រូវបង្ខំអោយបិទហាង។ល។

ខ្ញុំដឹងថា វិធីទាំងនេះពិតជាពិបាកអនុវត្តណាស់ សឹងតែមិនអាចធ្វើទៅបាន នៅប្រទេសមួយចំនួន កុំថាឡេីយ អនុវត្តដល់ទៅទូទាំងពិភពលោក។

ខ្ញុំគិតថា ការរីករាលដាលមេរោគជាសាកលលើកនេះ ប្រហែលអាចនឹងផ្លាស់ប្តូរសង្គមយើងទាំងមូលបាន។

ប្រែសម្រួលដោយ admin Violet

ប្រភពដេីមជាភាសាអង់គ្លេសយកមកពី: https://mobile.twitter.com/JasonYanowitz/status/1238977743653687296

Address

#17a, Street 5, Sangkat Krang Angkrong, Khan Sen Sok
Phnom Penh
120804

Website

http://www.sewa.com.kh/

Alerts

Be the first to know and let us send you an email when Sewa Online Mall posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Sewa Online Mall:

Sewa Online Mall