03/06/2021
ការផ្អាកដំណើរការកម្មវិធី ចុះឈ្មោះគម្រោងផ្សារជីស៊ី អូរឫស្សី
គោរពតាមសេចក្ដីសម្រេចលេខ 121/21 សសរ របស់សាលារាជធានីភ្នំពេញ ស្ដីអំពីការដាក់ចេញនូវវិធានការរដ្ឋបាលដោយផ្អាកជាបណ្ដោះអាសន្នចំពោះសកម្មភាព ការងារ មុខរបរ ឬអាជីវកម្មដែលមានហានិភ័យខ្ពស់នៃការឆ្លងរាលដាលជម្ងឺ កូវីដ 19 និងការជួបជុំ ឬការប្រមូលផ្ដុំមនុស្សជាលក្ខណៈឯកជន នៅក្នុងភូមិសាស្រ្តរាជធានីភ្នំពេញ សម្រាប់រយៈពេល 14 ថ្ងៃគិតចាប់ពីម៉ោងសូន្យ នាថ្ងៃទី 3 ខែមិថុនា ឆ្នាំ 2021 រហូតដល់ថ្ងៃទី 16 ខែមិថុនា ឆ្នាំ 2021 ។
ដូច្នេះកម្មវិធីចុះឈ្មោះគម្រោងផ្សារជីស៊ី អូរឫស្សី ក្នុងថ្ងៃទី 5-6 ខែមិថុនា ឆ្នាំ 2021 នឹងត្រូវបានលុបចោល។
ជីស៊ី អូរឫស្សី ឯ.ក មានការសោកស្ដាយយ៉ាងខ្លាំង ក្នុងការសម្រេចចិត្តលុបចោលកម្មវិធីនេះ ដើម្បីចូលរួមពង្រឹងនូវការការពារការឆ្លងវីរុស Covid-19 ដោយសារតែព្រឹត្តិការណ៍ឆ្លងជាសហគមន៍ ជាលើកទី 3 នៅថ្ងៃទី 20 កុម្ភៈ 2021 នៅមិនទាន់គ្រប់គ្រងបានទាំងស្រុង។
ផ្សារជីស៊ី អូរឫស្សីតែងគិតអំពីការរក្សា ការពារសុវត្ថិភាពរបស់អតិថិជន បុគ្គលិក និងក្រុមគ្រួសារពីផលប៉ះពាល់នៃជម្ងឺកូវីដ 19។ យើងរួមគ្នាបន្តចូលរួមអនុវត្តន៍ “ 3កុំ 3ការពារ” ដើម្បីទប់ស្កាត់ការឆ្លងរាលដាល
នៃជម្ងឺកូវីដ 19 ជាមួយនឹងរាជរដ្ឋាភិបាល និងប្រជាជនកម្ពុជាទាំងអស់។
