The Pirate Trip

27/08/2024

Outlet ទើបតែចូលស្តុក

27/08/2024

ខោខ្លីសាច់ស្អាត...original នៅចេញទៅក្រៅប្រទេស.

26/08/2024

21/07/2024

អាវក្រៅស៊ុីន 100%

21/07/2024

អាវក្រៅoriginal សាច់ស្អាត ស្រួលពាក់..😊
#អាវក្រៅពាក់ឡើងភ្នំ #អាវពាក់ការពារទឹកភ្លៀង

19/09/2022

😘😘😘

27/12/2021

ឆ្លងឆ្នាំ២០២១ នេះចង់ទៅបោះតង់នៅកន្លែងណា?🏕️

24/10/2021

ភ្នំ១៥០០-Phnom 1500 ខេត្តពោធិ៍សាត់
ភ្នំ១៥០០ បានបង្ហាញសម្រស់ដ៏ត្រកាល នៅលើផ្លូវជាតិថ្មីមួយខ្មែររបស់ប្រទេសកម្ពុជា លេខ ៥៥ ក្នុងស្រុកវាលវែង ខេត្តពោធិ៍សាត់។ភ្នំ ១៥០០ បានក្លាយជាទីឋានទេសចរណ៍ដ៏រមនាសម្រាប់ភ្ញៀវទេសចរ ក្រោយជំនោរដ៏បរិសុទ្ធ អាចជិះលម្ហែអារម្មណ៍តាមដងផ្លូវដ៏វែងអន្លាយ បត់បែន កាច់កុង ពត់ពែន តាមជម្រាលភ្នំដ៏ស្រស់បំព្រង ។
ភ្ញៀវទេសចរណ៍អាចចោលភ្នែកក្រឡេកទៅមើលទេសភាពព្រៃឈើបៃតងខ្ចី ដោយមានពពកដេដាសនាព្រឹកព្រលឹម ជាមួយនឹងសីតុណ្ហភាពដ៏ត្រជាក់ នាំឱ្យអារម្មណ៍ភ្ញៀវទេសចរ ឈ្លក់វង្វេងនឹងសម្រស់ធម្មជាតិ ពោរពេញដោយសេចក្ដីសុខផ្លូវចិត្ត ។ សម្រស់ធម្មជាតិទាំងនេះបានធ្វើឱ្យភ្នំ ១៥០០ មានទេសភាពស្រស់ស្អាតខ្លាំង ប្រៀបបានឋានសួគ៌នាកណ្ដាលទ្វីបលោកនេះ ។ លើសពីនេះទៅទៀត ភ្ញៀវទេសចរណ៍ក៏អាចឈប់សម្រាកនៅហាងការហ្វេធម្មជាតិ ដែលនៅជើងភ្នំ​១៥០០បាន។
សូមបញ្ជាក់ថា ផ្លូវជាតិលេខ ៥៥ មានប្រវែងសរុប ១៨២,១៦ គ.ម ចាប់ពីខេត្តពោធិ៍សាត់ (ផ្លូវជាតិលេខ ៥ គីឡូម៉ែត្រលេខ ១៩១) ទៅដល់ វាលវែង-ថ្មដា (ព្រំដែនកម្ពុជា-ថៃ) បានសម្ពោធបើកឱ្យប្រើប្រាស់ជាផ្លូវការ ស្របជាមួយការបើកការដ្ឋានសាងសង់ ផ្លូវជាតិលេខ ១០ ប្រវែងសរុប ១៩៨,៧១ គ.ម ចាប់ពី ខេត្តបាត់ដំបង (សំឡូត) កាត់ខេត្តពោធិ៍សាត់ (វាលវែង) ទៅដល់ខេត្តកោះកុង(ក្រុងខេមរភូមិន្ទ) កាលពីថ្ងៃទី០៩ ខែមីនា ឆ្នាំ២០២០ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ៕
#ភ្នំ១៥០០ #ភ្នំ១០០៥ #ខេត្តពោធិ៍សាត់

28/05/2021

[កោះទន្សាយ-Rabbit Island]

រមណីយដ្ឋានកោះទន្សាយ គឺជារមណីយដ្ឋានធម្មជាតិដ៏ល្អប្រណិត ដែលមានលក្ខណៈអំណោយផលពីធម្មជាតិ ដោយមានឆ្នេរសមុទ្រ ២កន្លែង វាលខ្សាច់ស និងជាកន្លែងងូតទឹកលេងយ៉ាងសប្បាយរីករាយ។​ វាមានចម្ងាយប្រមាណជា ៨គីឡូម៉ែត្រប៉ុណ្ណោះពីក្រុងកែប។

នៅទីនោះក៏មានកញ្ចុះអង្គុយលំហែកាយ ហើយក៏មានអាហារដ្ឋានផងដែរ។ ភ្ញៀវទេសចរអាចកម្ម៉ង់អាហារ​គ្រឿង​សមុទ្រ អាហារ​បែប​បរទេស និងអាហារ​បែប​ខ្មែរ​ជាដើមជាមួយនឹង​តម្លៃ​សមរម្យទៅតាមតម្រូវការ។

ក្រៅពីការលំហែកាយ នៅទីននោះក៏មានកន្លែងស្នាក់នៅលក្ខណៈគ្រួសារជាមួយនឹងបឹងហ្គាឡូជាច្រើន របស់អ្នកភូមិដែលរស់នៅលើកោះ​​ ឬ បោះតង់​។ ​បន្ទប់​ទាំង​អស់នោះ​សុទ្ធតែ​មានការ​ផ្គត់ផ្គង់​ប្រព័ន្ធ​ទឹក និង ភ្លើង​សព្វគ្រប់​តែ​ម្តង។

ដើម្បីទៅដល់ទីតាំងនៃរមណីយដ្ឋានកោះទន្សាយ ភ្ញៀវទេសចរត្រូវធ្វើដំណើរតាមផ្លូវទឹក ដោយការជិះទូក ឬកាណូតក្នុងចម្ងាយប្រមាណ១៥នាទី​-៣០​នាទី ទៅ​តាម​លក្ខខណ្ឌ​ធម្មជាតិ និង អាកាសធាតុ​។ ទូកមួយអាចជិះបានគ្នា ៨នាក់ ក្នុងតម្លៃ២៥ដុល្លារសម្រាប់ធ្វើដំណើរទៅមក។ រីឯកាណូតមានតម្លៃប្រមាណ ៨ដុល្លារសម្រាប់ធ្វើដំណើរមួយជើង។

គួរបញ្ជាក់ផងដែរថា ទូកចេញដំណើរពី​កំពង់​ផែ​ក្រុងកែប​ពី​ម៉ោង ៩.០០​ព្រឹក​, ​​១៣.០០​ថ្ងៃត្រង់ និង ជើង​ចុង​ក្រោយ​ម៉ោង ១៥.០០​ថ្ងៃត្រង់។
#ខេត្តកែប #កោះទន្សាយ #រមណីយដ្ឋានធម្មជាតិ

10/05/2021

អន្លង់ភ្ញៀវ-កំពូលពេជ្រ​ ខេត្តតាកែវ
អន្លង់ភ្ញៀវជារមណីដ្ឋានធម្មជាតិដែលមានភ្នំព័ទ្ធជុំវិញ និងមានទេសភាពស្រស់ស្អាត។ នៅទីនោះភ្ញៀវទេសចរអាចសម្រាកលំហែរ និងស្រុបយកខ្យល់អាកាសពីសម្រស់ធម្មជាតិព្រៃភ្នំដ៏គួរអោយទាក់ទាញ។
តើនៅទីនោះមានអ្វីខ្លះ?
- ទាទឹកសម្រាប់ជិះកម្សាន្ត
- មានកញ្ចះមាត់ទឹកអង្គុយញុំាបាយ
- ម្ហូបកុម្ម៉ង់ឆ្ងាញ់ៗជាច្រេីនមុខ
- មានសួនទឹកធំសម្រាប់ក្មេងៗ
- សួនផ្កា កន្លែងថតរូបស្អាតៗ
- និងមានបឹងហ្គាឡូសម្រាប់ស្នាក់នៅផងដែរ!!
ដើម្បីទៅដល់ទីនោះ ភ្ញៀវទេសចរធ្វើដំណើរចេញពីភ្នំពេញ ជិះតាមផ្លូវជាតិលេខ ៤១ ដល់ផ្សារត្រពាំងអណ្តេីក បត់ស្តាំចូល ១៨គីឡូម៉ែត្រ នឹងឃេីញអន្លង់ភ្ញៀវ ឬកំពូលពេជ្រ នៅឆ្វេងដៃ។
#អន្លង់ភ្ញៀវ #កំពូលពេជ្រ #រមណីយដ្ឋានធម្មជាតិ #តាកែវ

09/04/2021