https://www.facebook.com/109088048151687/

QBIX, 77BT, Phnom Penh (2026)

24/02/2022

🍒🍒សៀវភៅ «ចិត្តវិទ្យាវ័យជំទង់» ដែលបានចូលរួមចំណែកក្នុងបណ្តាចំណេះដឹង និងបទពិសោធ ដែលសម្រាប់ជាគន្លឹះស្វែងយល់បន្ថែម អំពីចរិកលក្ខណៈ របស់ក្មេងជំទង់ដែលយើងគួរដឹង និងវិធានការផ្សេងៗដើម្បីចាត់ការ បណ្តុះបណ្តាលផ្លូវចិត្តរបស់ក្មេងឱ្យងាកទៅរកផ្លូវល្អ ។
*******

23/02/2022

យុវវ័យច្រើនណាស់ចូលចិត្តអានសៀវភៅ ប៉ុន្តែខ្ញុំធ្លាប់ជាយុវជនម្នាក់ខុសពីគេ ព្រោះខ្ញុំចូលចិត្តអានអត្ថបទឬសៀវភៅដែលសរសេរជាលក្ខណៈសង្ខេបខ្លីៗ។ ដូច្នេះប្រសិនបើអ្នកដូចជារូបខ្ញុំពីអតីតកាល អ្នកប្រហែលជានឹងដាក់សៀវភៅនេះចោលនៅលើធ្នើរហើយមើលទៅ។ តែមុននឹងធ្វើបែបហ្នឹង សូមស្តាប់ខ្ញុំបន្តិចសិន។ បើអ្នកសន្យាអានសៀវភៅនេះ ខ្ញុំក៏ហ៊ានធានាថាវានឹងធ្វើឲ្យអ្នកមានអារម្មណ៍ដូចជាកំពុងធ្វើដំណើរផ្សងព្រេងមួយ។ ដើម្បីធ្វើឲ្យកាន់តែមានលក្ខណៈទាក់ទាញ ខ្ញុំបានបញ្ចូលនូវរូបថ្លុកកំប្លែង គំនិតល្អៗ ទ្រឹស្តីល្បីៗ និងបទពិសោធន៍ជាច្រើនរបស់យុវវ័យជុំវិញពិភពលោក ... ក៏បានបញ្ចូលផងដែរនូវរបស់មួយចំនួនទៀតដែលនឹងធ្វើឲ្យអ្នកមានការភ្ញាក់ផ្អើលជាក់ជាមិនខាន។ ដូច្នេះតើអ្នកអាចសាកល្បងអានវាបន្តិចបានទេ?
-SEAN COVY

22/02/2022

# ដុសក្អែលជីវិត

ភាពស្រស់ស្អាតរបស់ជីវិតគឺស្ថិតនៅលើចិត្ត និងការគិត ពិចារណាឱ្យបានជំងកា្លយ។ ភាពថា្នក់របស់ជីវិតមិនអាច លាងសម្អាតដោយទឹកបានទេ ប៉ុន្តែអ្នកត្រូវការទឹកចិត្ត និងស្មារតីបកលាងសម្អាតវា។
ជីវិតដែលមានភាពស្រស់ស្អាតគឺជាជីវិតដែលពេញបៀប ទៅដោយក្តីសឡាញ់ ការអាណិតអាសូរ ការចែករំលែក និង ការញញឹបបកបដោយគុណធម៌។

18/02/2022

មនុស្សប្រុសប្រៀបដូចជាឆ្កែចចក!
ជ្រើសរើសត្រូវការពារអ្នក។
ជ្រើសរើសខុសធ្វើបាបអ្នក។

មនុស្សស្រីប្រៀបដូចជាសត្វពស់!
ជ្រើសរើសត្រូវតាមអ្នករហូត។
ជ្រើសរើសខុសអាចចឹកអ្នកឱ្យស្លាប់បាន។

មិត្តភ័ក្តប្រៀបដូចជាផ្លូវ!
ជ្រើសរើសត្រូវនឹងបើកផ្លូវនាំអ្នករហូតសម្រេចគោលដៅ។
ជ្រើសរើសខុសនឹងធ្វើឱ្យអ្នកវង្វេងរកផ្លូវចេញមិនឃើញ។

នៅក្នុងពិភពលោកដែលគ្មានធម៌មេត្តានេះ ត្រូវចេះថែរក្សាមនុស្សដែលល្អនិងយើង បើធ្វើឱ្យបាត់បង់ហើយ ទោះថ្វាយភ្លេងហៅអ្នកតាមកក៏ជួយមិនបានដែរ!
ប្រភព: fb

18/02/2022

ប្រសិនបងប្អូនប្រាថ្នាចង់កសាងទម្លាប់ល្អនៃការផ្តោតលើការងារ ការសិក្សា និងប្រតិបត្តិការអាជីវកម្មឱ្យបានល្អ សូមរកអានសៀវភៅ "ផ្តោតលើរឿងមួយ" និង "IKIGAI" ចុះ មិនខកបំណងឡើយ។

14/02/2022

ក្នុងមួយឆាកជីវិតនេះ អ្នកមិនមែនត្រូវរស់នៅដើម្បីតែរៀបរាប់អំពីទុក្ខសោកនោះឡើយ។ អ្នកត្រូវដឹងថា ជីវិតគឺជាការរៀនរស់នៅយ៉ាងរីករាយពីអ្វីដែលអ្នកកំពុងមាននៅចំពោះមុខ និងស្វែងរកហេតុផលដើម្បីញញឹម ឱ្យបានច្រើនជាងហេតុផលដើម្បីសម្រក់ទឹកភ្នែក។

12/02/2022

កុំប្តូរពិភពលោក

នៅលើពិភពលោកយើងនេះ មានមនុស្សជាច្រើនប្រភេទផ្សេងគ្នា ក្នុងនោះមានអ្នកខ្លះជាមនុស្សដែលចេះកែប្រែស្ថានការណ៍គ្រប់យ៉ាង ខណៈមនុស្សមួយចំនួនផ្សេងទៀតត្រូវបានបង្អាក់ដោយកត្តាខាងក្រៅ ដែលធ្វើឱ្យគេមិនអាចអភិវឌ្ឍជីវិតបានល្អ។

ឆ្លើយតបនឹងបញ្ហានេះ លោក ស្ទីវិន ខូវី (Steven R. Covey) អ្នកជំនាញផ្នែកអភិវឌ្ឍន៍ផលិតភាពរបស់មនុស្ស បានលើកឡើងថា លើលោកយើងនេះមនុស្សមានពីរប្រភេទគឺមនុស្សមានផលិតភាពខ្ពស់ (proactive people) និងមនុស្សដែលបណ្តែតបណ្តោយជីវិតឱ្យរសាត់អណ្តែតតាមស្ថានការណ៍ (reactive people)។ ជាធម្មតា អ្នកមានផលិតភាពខ្ពស់ ជាមនុស្សដែលមានសមត្ថភាពគ្រប់គ្រងស្ថានការណ៍គ្រប់បែបយ៉ាងដោយសមត្ថភាពខ្លួនគេផ្ទាល់ ដែលលោកឱ្យឈ្មោះថា ជាការគ្រប់គ្រងបរិយាកាសក្នុងខ្លួន (carry your own weather)។

បើតាមលោក Stephen R. Covey មនុស្សម្នាក់ៗមានជម្រើសសម្រាប់ជីវិត។ មនុស្សអាចជ្រើសរើសធ្វើជាជនរងគ្រោះនៃស្ថានការណ៍និងអាចជ្រើសរើសជាអ្នកបត់បែនឬគ្រប់គ្រងស្ថានការណ៍គ្រប់យ៉ាងដោយខ្លួនឯង។ ជាឧទាហរណ៍ មនុស្សមិនមានផលិតភាពការងារខ្ពស់ (reactive people) តែងតែយល់ថាកត្តាខាងក្រៅជាអ្វីដែលអាចបង្អាក់សកម្មភាពរបស់ពួកគេឆ្ពោះទៅរកគោលដៅណាមួយ។ គ្រប់បញ្ហាទាំងអស់សុទ្ធតែកើតឡើងពីកត្តាខាងក្រៅ។ ប្រសិនបើបរិស្ថានខាងក្រៅល្អ ខ្លួនគេក៏ល្អ តែប្រសិនបើស្ថានភាពជុំវិញខ្លួនរបស់គេមិនល្អ នោះគេក៏ជួបផលលំបាកទៅតាមនោះដែរ។

ផ្ទុយមកវិញ បុគ្គលមានផលិតភាពការងារខ្ពស់ (proactive people) តែងតែគិតថាអ្វីដែលគេចាប់ផ្តើមផ្លាស់ប្តូរនិងយកចិត្តទុកដាក់បំផុតគឺការពង្រឹងខ្លួនឯងពីខាងក្នុង។ បើស្ថានការណ៍អំណោយផល គេនឹងអនុវត្តការងារដោយរលូន តែប្រសិនបើស្ថានការណ៍មិនល្អ ក៏គេចេះបត់បែនដើម្បីសម្រេចការងារនោះឱ្យទាល់តែបាន។

ឧទាហរណ៍ជាក់ស្តែង នៅពេលមានភ្លៀងធ្លាក់ មនុស្សមិនមានផលិតភាពការងារ តែងរអ៊ូរទាំថា គេមិនអាចចេញទៅខាងក្រៅដើម្បីសម្រេចអ្វីដែលបានគ្រោងទុកនោះទេ ដោយសារមេឃកំពុងភ្លៀង ខណៈអ្នកដែលមានផលិតភាពការងារខ្ពស់គេអាចបង់បែនបានយ៉ាងងាយ។ ប្រសិនបើមេឃភ្លៀង គេបាំងឆ័ត្រ ប្រសិនបើធ្លាក់ព្រឹលគេពាក់អាវរងារ ហើយទោះឧបសគ្គប្រភេទណាក៏ដោយ ក៏គេអាចកែប្រែស្ថានការណ៍បានជាប់ជានិច្ច។

ពាក់ព័ន្ធនឹងបញ្ហានេះដែរ ព្រះពុទ្ធក៏បានអប់រំផងដែរថា ដើម្បីឱ្យមនុស្សទទួលបានសេចក្តីសុខសុភមង្គល ចាំបាច់ត្រូវតែផ្លាស់ប្តូរខ្លួនឯងពីខាងក្នុង។ កាលណាមនុស្សមានឯករាជ្យផ្លូវចិត្ត នោះគាត់អាចនឹងរស់នៅគ្រប់ទីកន្លែងប្រកបដោយសេចក្តីសុខ។

ជាក់ស្តែងយើងឃើញហើយថា នៅលើពិភពលោកយើងនេះមានរឿងរ៉ាវ បរិស្ថាន និងប្រភេទមនុស្សខុសៗគ្នា។ ប្រសិនបើយើងមិនព្រមផ្លាស់ប្តូរខ្លួនឯងពីខាងក្នុងដើម្បីទទួលបានសេចក្តីសុខ ហើយបែរជាព្យាយាមផ្លាស់ប្តូរអ្វីៗគ្រប់យ៉ាងនៅខាងក្រៅដើម្បីបំពេញចិត្តខ្លួនឯងវិញនោះ យើងនឹងជួបទុក្ខពេញមួយជីវិត។

បើពិចារណានៅក្នុងជីវិតជាក់ស្តែង យើងនឹងឃើញថា គ្រប់មនុស្សទាំងអស់មិនមែនសុទ្ធតែល្អ ហើយពេញចិត្តយើងទាំងអស់នោះទេ បើទោះបីជាយើងបានធ្វើរឿងល្អជាច្រើនក៏ដោយ។ មនុស្សដែលគេចូលចិត្តយើងនឹងសរសើរ តែមនុស្សដែលមិនចូលចិត្តយើងក៏គេអាចរិះគន់ មាក់ងាយ ឬមិនឱ្យតម្លៃទៅតាមនោះដែរ។ ដូច្នេះ ដើម្បីទទួលបានសេចក្តីសុខ យើងមិនអាចទៅបិទមាត់គេឬប្រកាសឱ្យគេឈប់រិះគន់ទេ ព្រោះមាត់នៅលើគេ។ ម្យ៉ាងទៀតបើយើងព្យាយាមបិទមាត់គេម្នាក់បាន ក៏មិនប្រាកដថាអាចបញ្ឈប់ការគិតអាក្រក់ពីមនុស្សផ្សេងៗទៀតបានដែរ។

វិធីសាស្រ្តល្អ គឺស្វែងយល់ពីខ្លួនឯងឱ្យច្បាស់ថា តើយើងកំពុងធ្វើរឿងល្អឬរឿងអាក្រក់។ បើយើងធ្វើល្អគ្រប់គ្រាន់ហើយ មិនមានហេតុផលអ្វីត្រូវទៅបង្ខំគេឱ្យសរសើរឬកុំនិទ្ទានោះទេ តែយើងអាចព្យាយាមពង្រឹងឯករាជ្យភាពផ្លូវចិត្តដោយចេះរីករាយជាមួយអំពើល្អផ្ទាល់ខ្លួន ហើយកែប្រែចំណុចខ្វះខាតបើយើងគិតថាការរិះគន់របស់អ្នកដទៃត្រឹមត្រូវ។

ជារួម កុំកែប្រែពិភពលោកដើម្បីបំពេញចិត្តយើង តែយើងអាចព្យាយាមគ្រប់លទ្ធភាពដើម្បីកែប្រែខ្លួនឯងឱ្យរស់នៅក្នុងពិភពលោកដែលពោរពេញដោយភាពចម្រុះនេះឱ្យទទួលបានសេចក្តីសុខសុភមង្គល៕

វិថីសុភមង្គល
ហេង សុវណ្ណ

11/02/2022

ជីវិតជាយុវវ័យគឺជាជីវិតដែលសប្បាយអស្ចារ្យ តែក៏ជាជីវិតដែលពើបប្រទះនឹងការលំបាកជាច្រើន។ នៅក្នុងសៀវភៅ ទម្លាប់៧យ៉ាងដ៏មានប្រសិទ្ធភាពសម្រាប់យុវវ័យ នេះ ម្ចាស់និពន្ធលោក Sean Covey បានផ្តល់នូវទម្លាប់ចំនួន៧ប្រការដែលជាគោលការណ៍ដ៏មានប្រសិទ្ធភាពបំផុត អាចអនុវត្តបាននៅគ្រប់សម័យកាល ដើម្បីជួយយុវវ័យក្នុងការដោះស្រាយបញ្ហាសែនលំបាកដែលគេកំពុងប្រឈមមុខ និងជួយដល់ការធ្វើការសម្រេចចិត្តដែលនឹងកំណត់ជោគវាសនារបស់គេថែមទៀតផង។

11/02/2022

...នៅក្នុងជីវិតទាំងមូលរបស់អ្នក គ្មានជនណាម្នាក់ធ្លាប់ធ្វើបាបអ្នក ច្រើនជាងអ្នកធ្វើបាបខ្លួនឯងទេ។ ហើយដែនកំណត់នៃការធ្វើបាបខ្លួនឯងរបស់អ្នក គឺពិតជាដែនកំណត់ដែលអ្នកត្រូវរងអត់ធន់ពីជនដទៃម្នាក់ទៀត។ បើជនណាម្នាក់ធ្វើបាបអ្នកលើសពីកម្រិតដែលអ្នកធ្វើបាបខ្លួនឯង សូម្បីតែបន្តិច នោះប្រហែលជាអ្នកនឹងដើរចេញពីជនម្នាក់នោះ។ ប៉ុន្តែបើជនណាម្នាក់នោះធ្វើបាបអ្នក ទាបជាងកម្រិតដែលអ្នកធ្វើបាបខ្លួនឯង ប្រហែលជាអ្នកនឹងរក្សាទំនាក់ទំនងនោះទុក ហើយអត់ធន់នឹងវាជាបន្តដោយគ្មានទីបំផុត។...
-កិច្ចព្រមព្រៀងបួនប្រការដើម្បីសេរីភាពនៃចិត្ត

10/02/2022

សៀវភៅ #រួមដំណើរជាមួយគ្នា គឺជាសៀវភៅដែលបណ្តុំទៅដោយកម្រងអត្ថបទ និងទស្សនៈអំពីលក្ខណៈសម្បត្តិទាំង៧នៃដំណើរជីវិត ហើយដែលត្រូវបានសហការនិពន្ធដោយក្រុមអ្នកសរសេររបស់ហាតប៊ុកចំនួន៣២រូប។

សៀវភៅ រួមដំណើរជាមួយគ្នានេះ នឹងផ្តល់ឱ្យអ្នកអាននូវដើមទុនគំនិត សម្រាប់ធ្វើដំណើរនៅលើផ្លូវជីវិតរបស់ខ្លួន ដែលស្របទៅនឹងពាក្យថាដំណើរដែលសរសេរជាភាសាអង់គ្លេសថា Passage ដែលចាត់ទុកជាពាក្យគន្លឹះនៅក្នុងសៀវភៅមួយនេះ។ ក្នុងសៀវភៅនេះ គេបានបែងចែកអត្ថបទទាំងអស់ជាប្រាំពីរចំពូក ដោយផ្អែកទៅលើថា PASSAGE ដែលពាក្យនេះយើងអាចបំបែកបានជា
P.A.S.S.A.G.E ហើយអក្សរនីមួយៗមានន័យថា៖
P: Possibility៖ គ្រប់អ្វីៗទាំងអស់សុទ្ធតែអាចទៅរួច
A: Awareness៖ ការភ្ញាក់រឮក
S: Self-worth៖ តម្លៃផ្ទាល់ខ្លួន
S: Success៖ ភាពជោគជ័យ
A: Adoration៖ សេចក្តីស្រឡាញ់
G: Gender៖ ការលើកកម្ពស់យេនឌ័រើ
E: Education៖ ការអប់រំ

លក្ខណៈពិសេសមួយរបស់សៀវភៅរួមដំណើរជាមួយគ្នាគឺជាដាក់អមនូវខ្លឹមសារនៃអត្ថបទនីមួយៗទៅដោយរូបគំនូ និងទស្សនៈខ្លីៗមួយចំនួនដែលសិល្បៈមួយនេះនឹងធ្វើឱ្យបងប្អូនកាន់តែមានអារម្មណ៍រីករាយជាងមុនក្នុងការអានសៀវភៅមួយនេះដោយមិនធុញទ្រាន់ ព្រមទាំងឆាប់ចាប់បាននូវខ្លឹមសារថែមទៀតផង។

សៀវភៅមួយក្បាលនេះល្អសម្រាប់មនុស្សដែលកំពុងតែជួបបញ្ហារស់នៅក្នុងជីវិតប្រចាំថ្ងៃ អ្នកដែលតែងតែបាក់ទឹកចិត្ត គ្មានកម្លាំងចិត្ត និងគ្មានអ្នកជំរុញទឹកចិត្ត ដើម្បីធ្វើសកម្មភាពអ្វីមួយ ឬសម្រេចគោលដៅរបស់ខ្លួន។ សៀវភៅនេះជួយបង្ហាញពីវិធីដោះស្រាយបញ្ហាដែលកើតឡើងចំពោះទំនាក់ទំនង មិនថា មិត្តភាព គ្រួសារ ស្នេហាផងដែរ។ ហើយប្រធានបទនៅក្នុងផ្នែកនីមួយៗសុទ្ធតែជាប្រធានបទល្អៗ ជាពិសេសមានការលើកកម្ពស់ទៅលើស្ត្រី ផ្តល់តម្លៃឱ្យស្ត្រី។
មានចំណុចមួយបានបង្ហាញថាអ្វីគឺជាចំណេះដឹងពិតប្រាកដ សម្រស់ពិតប្រាកដនៅក្នុងខ្លួនរបស់មនុស្ស ហើយក៏ធ្វើឱ្យយើងអាចស្វែងរកនូវអ្វីជាខ្លួនឯង ភាពជាខ្លួនឯង និងស្គាល់គោលដៅដែលនឹងនាំអ្នកដើម្បីសម្រេចទៅរកភាពជោគជ័យរបស់អ្នកផងដែរ។

សៀវភៅនេះពិតជាល្អមែនទែនមិនថាសម្រាប់សិស្សដែលសិក្សានៅអនុវិទ្យាល័យ វិទ្យាល័យ បញ្ចប់ការសិក្សាឬកំពុងបន្តការសិក្សានៅមហាវិទ្យាល័យ និងមនុស្សពេញវ័យទូទៅដែលវាផ្ដោតសំខាន់ភាគច្រើនទៅលើការដោះស្រាយ និងបង្ហាញពីបុព្វហេតុនៃបញ្ហាដែលកើតមាននៅក្នុងជីវិតប្រចាំថ្ងៃរបស់យើង។ ជីវិតរបស់អ្នកគឺជាការធ្វើដំណើររួមគ្នារវាងសុខ និងទុក្ខ បញ្ហា និងដំណោះស្រាយដោយចៀសមិនផុតហើយបញ្ហានិងដំណោះស្រាយអ្នកទាំងអស់គ្នាអាចរកបាននៅក្នុងសៀវភៅរួមដំណើរជាមួយគ្នានេះ។
-----
អត្ថបទដោយ៖ លោក ធី វីរាក់
សៀវភៅ៖ រួមដំណើរជាមួយគ្នា
សហការនិពន្ធដោយ៖ ក្រុមការងារហាតប៊ុក
បណ្ណាធិការ៖ លោក ម៉ាង ម៉េងស៊ាង
សន្លឹកសៀវភៅ៖ ពណ៌កាកអំពៅស្រាល
កម្រាស់៖ ២៦០ទំព័រ
តម្លៃ៖ ២៤០០០រៀល ឬ ៦ដុល្លារ

10/02/2022

បរាជ័យ មិនអាក្រក់ទេ!

វាជាកន្លែងដែលចូលមកបង្រៀន ចំណុចដែលយើងខ្វះខាត។

បើមិនធ្លាប់បរាជ័យ ក៏រកជោគជ័យមិនឃើញ

បើមិនធ្លាប់ធ្វើខុស ក៏រកត្រូវមិនឃើញ

បើមិនបញ្ចេញទឹកកខ្វក់មកក្រៅ ទឹកស្អាតក៏ចេញមកមិនកើត

នេះជាចំណាប់អារម្មណ៍ របស់ខ្ញុំបន្ទាប់ពីអានសៀវភៅ "ហ៊ានបរាជ័យ"។ ចុះចំណាប់អារម្មណ៍របស់អ្នកទាំងអស់គ្នាយ៉ាងណាដែរ?
📖ចំណាប់អារម្មណ៍ Poly Ratanak

11/12/2021

# ការលើកទឹកចិត្ដនិងអភិវឌ្ឍខ្លួនឯង🤍

សៀវភៅដែលខ្ញុំពេញចិត្ដបំផុត និងផ្លាស់ប្ដូរខ្ញុំបាន ដោយការអនុវត្ដតាមវិធានការរបស់សៀវភៅមួយក្បាលនេះ។
បង្រៀននិងណែនាំឲ្យស្គាល់មេរោគនៃការធ្វើឲ្យបាក់ទឹកចិត្ដ និងការត្រៀមខ្លួន...។
_________
តម្លៃ 20,000 រៀល

QBIX

24/02/2022

23/02/2022

22/02/2022

18/02/2022

18/02/2022

14/02/2022

12/02/2022

11/02/2022

11/02/2022

10/02/2022

10/02/2022

11/12/2021

Address

Telephone

Website

Alerts

Shortcuts

Share

Category