WAYS to STUDY

06/05/2021

04/05/2021

MADE OF vs. MADE FROM
What is the difference?

See our complete English lesson about MADE + Preposition (including a video) here:
https://www.woodwardenglish.com/lesson/made-preposition-made-of-made-from

22/04/2021

Over 11 million people use this 🌎

14/04/2021

សម្រាប់អ្នកមិនទាន់ស្គាល់ One Night Policy គឺយុទ្ធសាស្ត្រទឹកឡើងដល់ច្រមុះហើយទើបខំ ឬ ចោកំពុងលួចគោហើយទើបធ្វើរបង។ គ្រូដាក់កិច្ចការអោយធ្វើ ១ ខែ ២ ខែ អី ទាល់តែស្អែកឡើងគ្រូយក ទើបយប់ហ្នឹងដាច់ចិត្តធ្វើ ឬ ស្អែក ប្រឡងហើយ ទើបមើលសៀវភៅដាច់យប់។ ដល់ជំនៀងថ្នាក់ជួយប្រលងជាប់ចេញធ្វើការហើយ តទម្លាប់នេះមកដល់កន្លែងធ្វើការទៀត។ ទោះមិនចង់ក៏វាក្លាយជាទម្លាប់ទៅហើយ ចង់កែក៏វាពិបាក (ហត់នឹងខ្លួនឯងអត់?)។ ថ្ងៃនេះយើងមកមើលចំណុចល្អនិងអាក្រក់របស់យុទ្ធសាស្ត្រនេះទាំងអស់គ្នា៖

១. ចំណុចល្អ៖
ហ្វឹកហាត់ស្មារតីអោយរឹងម៉ាំ៖ ខំអានសៀវភៅ​ ១០០ ២០០ ទំព័រ ទាំងដែល ៥​ ម៉ោងអីទៀតដល់ម៉ោងប្រលង អានទាំងមុជទឹកបណ្តើរ អានទាំងជិះម៉ូតូបណ្តើរ យំផងអានផងក៏មាន។ ខំសរសេរសំណេរ ១០០០ ២០០០ ពាក្យ ទាំងដែលមិនបានស្រាវជ្រាវស្រួលបួលទាំងវេទនា។ ទាំងនេះវាមិនអត់ប្រយោជន៍ទេ គឺវាជួយអោយអ្នករឹងម៉ាំ មិនបោះបង់ដាច់ខាតទាល់តែវិនាទីចុងក្រោយទៅថ្ងៃអនាគត ព្រោះវាក្លាយទៅជាទម្លាប់របស់អ្នកទៅហើយដែលមិនបោះបង់ និង មិនងាយតក់ស្លុត។

ពូកែដោះស្រាយបញ្ហា៖ ពេលដែលទឹកលិចដល់ច្រមុះ ហើយវានឹងជម្រុញអ្នកអោយឆ្លាត ចេះដោះស្រាយយ៉ាងណាអោយរួចខ្លួន។ បើសៀវភៅមើលមិនអស់ទេ អានៅសល់ ៣០ នាទីជិតប្រលងនេះ ដើរឆ្លេឆ្លារសួរគេអោយពន្យល់អ្វីដែលខ្លួនមិនចេះ។ ដល់ពេលសរសេរ ដឹងតែគោលៗមិនដឹងសាច់ក្នុង អ្នកក៏ព្យាយាមគិតខ្លួនឯង ព្យាយាមសរសេរពន្យល់តាមគំនិតខ្លួនឯងធ្វើយ៉ាងណាអោយស្តាប់ទៅទំនង ហើយស្របនឹងគំនិតចម្បង។​ ពេលដែលវាកើតឡើងដដែលៗទៅ អ្នកក៏ពូកែទាញបញ្ហារៀបរាប់ ដោយមិនចាំតែទន្ទេញពីសៀវភៅ ឬ និយាយតាមអ្នកណាមួយ។

អ្នកនៅតែល្អជាងអ្នកបោះបង៖ អ្នកប្រើយុទ្ធសាស្ត្រ One Night Policy នៅតែល្អជាងអ្នកដែលមិនបានធ្វើ ជិតដល់ថ្ងៃក៏បោះបង់ ព្រោះយ៉ាងហោចអ្នកនៅមានចិត្តក្លាហានហ៊ានប្រឈម និង មិនព្រមចុះចាញ់ដែរ ហើយលទ្ធផល ទោះតិចច្រើន ក៏អ្នកទទួលបាន។

២. ចំណុចយ៉ាប់៖
លទ្ធផលគួរតែបានល្អជាងនេះ៖ ចំណុចនេះអ្នកក៏ដឹងដែរមែនទេ? ការដែលយើងមើលមិនបានគ្រប់ជ្រុងជ្រោយ និង មិនបានព្យាយាមដិតដល់តាំងពីដំបូងមក លទ្ធផលដែលបានមកក៏នៅមានកម្រិត។ បើទោះជាអ្នកបានលទ្ធផលល្អ តែសាកគិតមើល ព្យាយាមតែមួយយប់បានប៉ុណ្ណឹង ចុះបើខំតាំងពីដើមបានប៉ុណ្ណាទៅ?

សម្ពាធផ្លូវចិត្ត៖ ការភិតភ័យ ការស្លន់ ធ្វើការ ឬ ទន្ទេញមេរៀនត្រៀមប្រលងមិនទាន់ កើតឡើងដដែលៗយូរទៅ ផ្លូវចិត្តអ្នកកាន់តែទ្រុធទ្រោម។ ហេតុអី? ព្រោះអ្នកដាក់សម្ពាធអោយវាខ្លាំងពេក។ វាអាចនឹងវិវឌ្ឍន៍ទៅរក anxiety ការឆាប់ភ័យតក់ស្លុត ឬ depression ការបាក់ទឹកចិត្តផងដែរ។

ប៉ះពាល់សុខភាព សម្រស់ និង ការចងចាំ៖ គេងមិនគ្រប់ ញ៉ាំកាហេ្វ ឬ ភេសជ្ជៈជំនួយ គិតថាល្អសម្រាប់សម្រស់ប៉ុណ្ណា? ចុះសុខភាព? ការចងចាំក៏នឹងចុះខ្សោយដូចគ្នា ព្រោះការដែលគេងមិនគ្រប់នេះវាប៉ះពាល់ខួរក្បាល ហើយការដែលអ្នកបង្ខំខួរក្បាលអោយខំទៀត វារឹតតែដុនដាប។ ប្រហែលថ្មីៗមិនទាន់ឃើញផលប៉ះពាល់ តែអ្នកគួរគិតទៅថ្ងៃអនាគតផង។

ប៉ះពាល់អ្នកជុំវិញខ្លួន៖ សម្រាប់ការធ្វើកិច្ចការក្រុម បើអ្នកមិនចង់បានពិន្ទុ គួរអាណិតសមាជិកផង។ វាតែងតែមានម្នាក់ ឬ ២នាក់ក្នុងក្រុមនីមួយៗ ដែលខំអស់ពីចិត្តដើម្បីអោយការងារល្អ មិនថាក្នុងការងារ ឬ ការរៀនសូត្រ តែការខំប្រឹងក៏ខ្ទេចក្នុងដៃអ្នកដែលមិនខិតខំ។ ការរៀនសូត្រក៏ដូចគ្នា គួរអាណិតដល់អ្នកដែលលះបង់ដើម្បីអ្នកបានទទួលការសិក្សារល្អ ហើយយកវាមកធ្វើជាកម្លាំងចិត្ត។
សរុបមកវិញ យើងឃើញថាផលវិបាកវាច្រើនជាង។ អញ្ចឹងបើអ្នកចង់បញ្ឈប់ អ្នកគួរបែងចែកពេលវេលាអោយបានល្អហើយគោរពអ្វីដែលអ្នកបានបែងចែក កុំយកការងារមកដាក់ខ្លួនច្រើនហួសដែលខ្លួនអាចធ្វើបាន Less is more ហើយនឹង ដាក់គោលដៅសម្រាប់ខ្លួនឯង។

ចុះបទពិសោធន៍ One Night Policy របស់អ្នកទាំងអស់គ្នាជូរចត់យ៉ាងម៉េចខ្លះ?

13/04/2021

08/04/2021

My favs Teacher💖

08/04/2021

Vocabulary related to the cockerel in English.