Naphatt online shop

12/05/2021

“គេស្ទាបខ្ញុំ” “ខ្ញុំខ្ពើមខ្លួនឯង” ស្ដាប់ហើយខ្ញុំពិតជាឈឺចាប់ណាស់ 😭

14/04/2021

ក្ដៅៗ ! ភ្នំពេញ និងតាខ្មៅ ត្រៀមបិទ២សប្ដាហ៍

សភាពការណ៍នៃជំងឺកូវីដ១៩ ទប់លែងជាប់ សម្ដេចតេជោ ហ៊ុន សែន ត្រៀមប្រកាសបិទរាជធានីភ្នំពេញ រយៈពេល២សប្ដាហ៍ នៅវេលាយប់នេះ ។ សម្ដេចថា សេចក្ដីប្រកាសនឹងត្រៀមចេញផ្លូវការនៅពេលបន្ទាប់។

សារសំឡេងរបស់សម្ដេចតេជោ ហ៊ុន សែន បានលើកឡើងបន្ថែមទៀតថា ក្រៅពីបិទភ្នំពេញរយៈពេល២សប្ដាហ៍ ក៏បិទក្រុងតាខ្មៅ ខេត្តកណ្ដាល ដូចគ្នា ប៉ុន្ដែ តំបន់ផ្សេងក្នុងខេត្តកណ្ដាល មិនបានពាក់ព័ន្ធឡើយ ដោយសារតែ ក្រុងតាខ្មៅ និងភ្នំពេញ ក្បែរគ្នា។

គួរបញ្ជាក់ថា កន្លងទៅថ្មីៗនេះ សាលារាជធានីភ្នំពេញ បានប្រកាសបិទតំបន់មួយចំនួនក្នុងរាជធានី ក្នុងនោះមាន ខណ្ឌមានជ័យ មាន២សង្កាត់ គឺសង្កាត់មានជ័យ១ និង២ ។ បិទភូមិទ្រុងមាន់ ខណ្ឌសែនសុខ និង​ ខណ្ឌពោធិ៍សែនជ័យ ចំនួន៧ភូមិ៕

28/02/2021

បងប្អូនជនរួមជាតិជាទីគោពស្រឡាញ់!

ដូចដែលក្រសួងសុខាភិបាលបានប្រកាសជូនដំណឹងរួចមកហើយថា កម្ពុជានឹងទទួលបានវ៉ាក់សាំងឈ្មោះ អាស្រ្តាហ្សេនីកា(AstraZeneca)ដែលផលិតនៅឥណ្ឌាចំនួន ៣២៤,០០០ដូស ក្នុងចំណោម
១,១០៤,០០០ដូស ដែលកម្ពុជាត្រូវបានទទួលក្នុងឆមាសទី១ ឆ្នាំ២០២១ ដែលជាជំនួយបឋមផ្តល់ដោយមជ្ឈមណ្ឌលកូវ៉ាក់ (COVAX Facility)។

ប្រសិនបើពុំមានការប្រែប្រួលទេ វ៉ាក់សាំងនេះនឹងមកដល់កម្ពុជានៅម៉ោង១៩:៥០ល្ងាច ថ្ងៃទី២ មីនា២០២១។ ឯកឧត្តម ម៉ម ប៊ុនហេង នឹងតំណាងអោយរាជរដ្ឋាភិបាលកម្ពុជាទទួលយកវ៉ាក់សាំងនេះពីតំណាងអង្គការសុខភាពពិភពលោក និងតំណាងអង្គការយូនីសេហ្វប្រចាំកម្ពុជានៅយប់ថ្ងៃទី២ មីនា២០២១ នៅព្រលានយន្តហោះអន្តរជាតិភ្នំពេញ។

នេះជាផ្លែផ្កានៃកិច្ចសហការអន្តរជាតិដែលកម្ពុជាបានធ្វើជាមួយដៃគូពហុភាគីជាមួយអង្គការសហប្រជាជាតិ ជាពិសេសជាមួយអង្គការសុខភាពពិភពលោក និងអង្គការយូនីសេហ្វ។ តាមគំរោងកូវ៉ាក់នឹងផ្តល់អោយយើងចំនួន ២០ភាគរយ នៃចំនួនប្រជាជន១៦លាននាក់ ដែលស្មើនឹង៣លាន២សែននាក់ ឬស្មើនឹងវ៉ាក់សាំងចំនួន ៦លាន៤សែនដូស។

កម្ពុជាសូមអរគុណចំពោះប្រទេសនានា ក្រុមហ៊ុន និង សប្បុរសជននៅលើសកលលោកដែលបានផ្តល់ជំនួយដល់យើងតាមរយៈកូវ៉ាក់។

ខ្ញុំសូមជំរាបបន្ថែមថា ប្រសិនបើពុំមានការប្រែប្រួលទេ ខ្ញុំនឹងទទួលចាក់វ៉ាក់សាំងនៅម៉ោង៨និង៣០នាទីព្រឹកថ្ងៃទី ៤ មីនា ២០២១ នៅមន្ទីរពេទ្យកាល់ម៉ែត្រ ដោយមានការធ្វើសន្និសីទសារព័ត៌មានផងដែរ៕

23/06/2020