04/02/2023
#អត្ថបទខ្លីខ្លឹមសម្រាប់ឪពុកម្តាយគ្រប់រូបត្រូវតែយល់ដឹង
💞 ៥ មិនបន្ទោស 💕 ៦ មិនជេរស្ដី
កូនក្មេងធម្មតាមិនអាចចៀសផុតពីការធ្វើខុសនោះទេ ប៉ុន្តែការស្តីបន្ទោសកូនក្មេងក៏ត្រូវមានវិធីសាស្រ្តដែរ។ ពាក្យសម្តីដែលមនុស្សចាស់និយាយចេញទៅដាក់កូន កូនអាចនឹងចងចាំរហូត រហូតដល់គេធំឡើងទៀតក៏មាន។
💞 ៥ មិនបន្ទោស
១.មិនបន្ទោសកូនខ្សោយ
សមត្ថភាពរបស់មនុស្សម្នាក់ៗសុទ្ធតែមានកម្រិត ដូច្នេះប្រសិនបើមានអ្វីមួយដែលកូនមិនអាចធ្វើបាន ក៏ជារឿងធម្មតាដែរ។ លើសពីនេះទៅទៀត ភាពវៃឆ្លាត និងអំណោយទានក៏មានច្រើនប្រភេទណាស់ដែរ មិនពូកែខាងមុខនេះ ក៏គង់តែពូកែខាងមុខផ្សេងដែរ។ ឧទាហរណ៍៖ ត្រីមិនចេះឡើងដើមឈើដូចស្វាទេ ប៉ុន្តែវាចេះហែលទឹកយ៉ាងពូកែ ហេតុនេះមិនគួរត្រីបន្ទោសត្រីរឿងវាមិនចេះឡើងដើមឈើនោះទេ។
២. មិនបន្ទោសពេលកូនសួរច្រើន
កូនក្មេងតែងតែចង់ដឹង និងឆ្ងល់ច្រើន មានពេលខ្លះសួរច្រើនល្មមតែមនុស្សចាស់ហត់ និងធុញទ្រាន់។ ប៉ុន្តែតាមរយៈសំណួរ និងចម្លើយនេះហើយ ដែលកុមារបានរៀនយល់ពីពិភពលោកនៅជុំវិញខ្លួនពួកគេ។ ហេតុនេះ កុំបណ្តោយឲ្យភាពធុញទ្រាន់ និងខ្វះភាពអត់ធ្មត់ ធ្វើឲ្យយើងជាឪពុកម្តាយមើលរំលងសំណួរដ៏ឆោតល្ងង់របស់ក្មេងទាំងនោះឲ្យសោះ។ ត្រូវពន្យល់យ៉ាងល្អិតល្អន់ មិនដឹងក៏ត្រូវស្រាវជ្រាវ និងពន្យល់ឡើងវិញឲ្យក្មេងយល់ នោះហើយគឺជាការបណ្តុះបណ្តាលចំណេះដឹងសម្រាប់ក្មេង។
៣. កុំបន្ទោសកូនព្រោះតែគ្រោះថ្នាក់ចៃដន្យ
អ្នកណាក៏ធ្លាប់ប្រហេះដៃប្រហេះជើងដែរ បែកបាក់ ឬជំពប់ជើងដួល សុទ្ធតែជារឿងស្មានមិនដល់។ ក្នុងនាមជាឪពុកម្តាយ មិនគួរដោយសារតែមានកំហុសអ្វីមួយចេះតែស្តីបន្ទោសកូននោះទេ ព្រោះវាអាចនឹងធ្វើឲ្យក្មេងពេលមានបញ្ហាម្តងៗមិនហ៊ាននិយាយប្រាប់យើង។
៤.មិនបន្ទោសកូនរឿងធ្វើអ្វីយឺតយ៉ាវ
ទើបរៀនមិនអាចស្ទាត់ ទើបធ្វើមិនអាចលឿន យឺតប៉ុន្តែមាំល្អ ប្រសើរជាងលឿនដោយធ្វេសប្រហែស ។ ប្រសិនបើក្នុងពេលធ្វើការមិនផ្តោតអារម្មណ៍ ហាមលេង ធ្វើតាមវិធីឲ្យតែរួច... គឺសមនឹងត្រូវស្តីបន្ទោស ប៉ុន្តែប្រសិនបើកុមារបានព្យាយាមយ៉ាងម៉ត់ចត់ ទោះបីមិនបានរហ័សរហួនដូចកូនរបស់គេឯងក៏ដោយ ក៏សមតែទទួលបានការលើកទឹកចិត្ត និងសសើរដែរ។
៥. មិនបន្ទោសកូនព្រោះតែគ្នាឈឺ
មានមនុស្សជាច្រើន កូនឈឺ ទោះបីជាខ្វល់ខ្វាយ និងមើលថែក៏ពិតមែន ក៏នៅតែរអ៊ូរទាំព្រោះតែកូនបែបនេះបែបនោះទើបឈឺ ត្រូវបង់ខាតចំណាយលុយទិញថ្នាំគ្រប់សព្វបែបយ៉ាង។ ពេលមានជំងឺឈឺស្កាត់ គឺនៅពេលដែលរាងកាយមនុស្សយើងចុះខ្សោយបំផុត ស្មារតីក៏ចុះខ្សោយ ហើយងាយនឹងមានអារម្មណ៍ថាអាណិតខ្លួនឯង។ កុមារខ្លួនឯងមិនមែនចង់ឲ្យខ្លួនឈឺនោះទេ ហេតុអ្វីត្រូវស្តីបន្ទោសចំពោះរឿងដែលពិបាកគ្រប់គ្រងបែបនេះ?
💞 ៦ មិនជេរស្ដី
១.មិនត្រូវជេរស្តីកុមារនៅកន្លែងដែលមានមនុស្សច្រើន
កិត្តិយសគឺជាអ្វីដែលមនុស្សគ្រប់គ្នាតែងមាន មិនថាមនុស្សធំឬកូនក្មេង។ ដូច្នេះ ការស្តីបន្ទោសក្មេងនៅកន្លែងមានមនុស្សច្រើន កាន់តែធ្វើឲ្យពួកគេមានអារម្មណ៍ខ្មាស់អៀន និងអន់ចិត្តច្រើនតែប៉ុណ្ណោះ។
២. កុំជេរស្តីនៅពេលកូនដឹងកំហុស
នៅពេលដែលក្មេងដឹងពីកំហុសរបស់ខ្លួន មិនគួរស្ដីនាំថែមទៀតនាំតែអាសារបង់ទេ គួរតែណែនាំចង្អុលប្រាប់ទៅក្មេងថាធ្វើដូចម្ដេចទើបត្រូវវិញប្រសើរជាង។
៣. កុំជេរស្តីកូននៅពេលយប់
ការស្តីបន្ទោសកូននៅពេលនេះ អាចបណ្តាលឲ្យកូនមានអារម្មណ៍ថាអាណិតខ្លួនឯង ធុញទ្រាន់នឹងការដេក គេងមិនបានស្កប់ស្កល់ ថែមទាំងគេងយល់សប្តិអាក្រក់ផងក៏ថាបាន។
៤. កុំជេរស្តីកូនក្នុងពេលទទួលទានអាហារ
រាល់ពាក្យរិះគន់ ស្ដីបន្ទោស ចាំក្រោយពេលញ៉ាំរួចចាំនិយាយ។
៥. កុំជេរស្តីពេលកូនកំពុងតែសប្បាយចិត្ត
កូនកំពុងតែសប្បាយរីករាយតែត្រូវឪពុកម្តាយស្តីបន្ទោស មិនខុសអីពីកំពុងដើរលេង ជួបខ្យល់ព្យុះនោះទេ។ ការផ្លាស់ប្តូរភ្លាមៗ អាចបង្កឲ្យស្មារតីបាត់ភាពនឹងនរ ដែលជះឥទ្ធិពលដល់ការអភិវឌ្ឍរបស់កុមារ។
៦. កុំជេរស្តីកូន ពេលកូនកំពុងមានរឿងមិនសប្បាយចិត្ត
រាល់ការរិះគន់នៅពេលនេះ នឹងធ្វើឲ្យអារម្មណ៍កូនកាន់តែយ៉ាប់យ៉ឺន និងបង្កើតសម្ពាធផ្លូវចិត្តកាន់តែច្រើនឲ្យកូនទៀត។ រាល់សម្ពាធទាំងនេះ ប្រសិនបើមិនត្រូវបានរំសាយនោះទេ អាចនាំឲ្យមានផលវិបាកដែលមិនគួរឲ្យនឹកស្មានដល់។
ប្រភពហ្វេសប៊ុក🙏🙏
