24/12/2023
១៣មេរៀនជីវិតដ៏មានន័យដែលអ្នកអាចរៀន😊👇🏻👇🏻
១. មនុស្សដែលគួរឲ្យច្រណែនបំផុត គឺមនុស្សដែលមិនចេះ ច្រណែនអ្នកដទៃ។ នេះជាគន្លឹះបង្កើតក្ដីសុខងាយៗដែល មនុស្សមួយភាគច្រើនមើលរំលង។
២.គ្រប់យ៉ាងកើតឡើងលើលោកយើងនេះគឺគ្រាន់តែបណ្ដោះ អាសន្នតែប៉ុណ្ណោះបើវាល្អចូរមានក្ដីសុខជាមួយ វាព្រោះវានៅជាមួយយើងមិនយូរនោះទេតែបើវាមិនល្អ ចូរ កុំខ្វល់ខ្វាយនឹងវាពេកព្រោះវានៅជាមួយយើងមិនបានយូរ ដូចគ្នា។
៣.ពេលខឹងឬ មួម៉ៅសូមកុំទៅជេរត្មេះដៀលអ្នកដទៃព្រោះនៅពេលដែលភាពក្រេវក្រោធរបស់អ្នករលាយបាត់ម្ដងបន្តិចៗទៅតាមពេលវេលាតែពាក្យជេរត្មះដៀលទាំងអស់ នោះនឹងមិនរលាយទៅតាមឡើយ។
៤. គ្រប់វិនាទីដែលអ្នកដកដង្ហើមគឺជាឱកាសនៃជីវិតចូរកុំខ្លាច ការចាប់ផ្ដើមសាជាថ្មីហើយកុំខ្វាយខ្វល់នឹងក្រសែភ្នែកអ្នក ដទៃខ្លាំងពេកត្រូវដកដង្ហើមដោយច្រមុះខ្លួនឯងក្រោកឈរ ចាប់ផ្ដើមជាថ្មីដោយខ្លួនឯង។
៥. កុំពាក់ព័ន្ធនឹងជីវិតអ្នកដទៃកុំបន្ថុចបង្អាក់ក្ដីសុខអ្នកដទៃកុំចេះគិតជំនួសអ្នកដទៃកុំច្រណែនអ្នកដទៃមើលងាយជាន់ឈ្លីអ្នកដទៃ កុំប្រើជីវិតអោយអ្នកដទៃច្រណែនតែចូរប្រើជីវិតរស់នៅរបស់អ្នកអោយគេគោរពស្រឡាញ់រាប់អាន៕
៧.ពេលវេលាធ្វើដំណើរឥតឈប់ឈរពេលវេលាទាំងនោះបានបង្រៀនអោយយើងយកឱកាសទាំងនោះថែរក្សាមនុស្សដែលយើងស្រឡាញ់ទោះបីគេបានចាកឆ្ងាយពីយើងក៏យើងគ្មានវិប្បដិសារីព្រោះយើងបានធ្វើល្អបំផុតហើយ៕
៨. ក្ដីសុខទោះបីជានៅជាមួយយើងមិនបានយូរតែការចងចាំ ដ៏ល្អនឹងនៅជាមួយយើងជានិច្ចនិរន្តរ៍បើចង់មានអនុស្សាវរីយ៍ល្អៗចូរធ្វើអំពើល្អជាមួយអ្នកដទៃឲ្យបានច្រើន។
៩.ធ្វើល្អមិនចាំបាច់គិតទទួលបានផលតបស្នងមកវិញឡើយ សេចក្តីសុខផ្លូវចិត្តគឺជាប្រយោជន៍ដ៏មហាសាលសម្រាប់ជីវិត៕
១០.បើសិនជាអ្នកអាចដកចេញភាពអគតិរបស់អ្នកហើយមកគិតវិជ្ជមានវិញអ្នកនឹងបានឃើញពីទង្វើរល្អរបស់មនុស្សម្នាក់នោះ៕
១១.សេចក្តីសុខក្នុងគ្រួសារគឺសមាជិកគ្រួសារអ្នកបង្កើតមិនមែនស្ថិតលើទ្រព្យសម្បត្តិ រឺភាពសាកសម .
១២.មនុស្សដែលយើងយល់ថាល្អបែរជាមិនល្អ មនុស្សដែលអ្នកគិតថាអាក្រក់បែរជាមិនអាក្រក់ចូរមើលគេដោយសតិនិងវាយតម្លៃដោយទង្វើរ៕
១៣..ក្នុងជីវិតមនុស្សយើងមានបីថ្ងៃគឺ:
– “ម្សិលមិញ”យើងបានប្រើវារួចហើយមិនអាចយកត្រលប់ មកវិញបានទេ
– “ថ្ងៃនេះ”យើងកំពុងតែប្រើវហើយប្រើបានតែម្ដងគត់
– “ថ្ងៃស្អែក”នៅមិនទាន់មកដល់ហើយកមិនដឹងថាយើងអាចមានឱកាសប្រើវដែរឬអត់ទេ។ដូច្នេះបើថ្ងៃនេះយើងមាន ឱកាសប្រើវានៅឡើយចូរប្រើវាប្រព្រឹត្តនូវទង្វើល្អប្រពៃនិងទង្វើដែលធ្វើហើយនាំមកនូវតែក្តីសុខនិងមិនបណ្ដាលឲ្យ អ្នកដទៃក្តៅក្រហាយដោយសារយើង៕
