24/10/2019
តិ ប៊ិល គ្លិនតុន ៖ ការត្អូញត្អែរពីការលំបាកនៃជីវិត គ្រាន់ជាលេសរបស់ជនបរាជ័យប៉ុណ្ណោះ
ថ្ងៃទី 4 ខែ មិថុនា ឆ្នាំ 2019 ម៉ោង 8:41 am
Last updated on មិថុនា 14th, 2019 at 08:41 am
លោកប៊ិល គ្លិនតុន (Bill Clinton) អតីតប្រធានាធិបតីអាមេរិកទី៤២ បានលើកឡើងថា ការត្អូញត្អែរអំពីស្ថានភាពលំបាកតោកយ៉ាកនៃជីវិត គឺជាការដោះសារមិនព្រមធ្វើអ្វីដល់ទីបំផុតប៉ុណ្ណោះ នោះហើយជាជនបរាជ័យ។
សម្តីរបស់លោក ប៊ិល គ្លិនតុន បានរំលឹកយើងឲ្យប្រឹងប្រែងធ្វើរាល់កិច្ចការ ដែលអាចស្រោចស្រង់ស្ថានភាពជាក់ស្តែង មិនមែនអង្គុយតែសោកសៅ ត្អូញត្អែរពីក្តីលំបាកដែលកំពុងជួបប្រទះនោះទេ ។
គ្រប់ជីវិតមនុស្សសត្វ តែងជួបបញ្ហា សូម្បីសត្វស្រមោចពេលខ្លះក៏ត្រូវពាំពងរត់ ចេញពីសម្បុក នៅពេលមានទឹកជំនន់ដែរ ។
ហេតុនេះយើងជាមនុស្សក៏មិនខុសពីសត្វដែរ ដែលពេលខ្លះត្រូវជួបញ្ហាយ៉ាងចាក់ស្រេះ មិនអស់មិនហើយ ប៉ុន្តែសូមចងចាំថា មនុស្សខុសពីសត្វ ដែលមានសតិសម្បជញ្ញៈ មានសមត្ថភាពខ្ពស់ជាងបណ្តាសត្វដទៃទាំងអស់ សូមប្រើសតិដ៏អស្ចារ្យមួយនេះ ឲ្យសមតម្លៃ ដោះស្រាយបញ្ហារបស់យើងដែលកំពុងជួបប្រទះ ប្រសើរជាងអង្គុយយំស្រែកអនិច្ចាវាសនាមិនល្អដូចគេ។ បើយ៉ាងនេះ អ្នកមិនខុសពីស្លាប់ទាំងដែលកំពុងដកដង្ហើមនោះទេ។
សូមចងចាំថា ពេលជួបការលំបាក អ្នកមានជម្រើសតែ២យ៉ាងប៉ុណ្ណោះ ថាត្រូវខំប្រឹងងើបឡើង ឬត្រូវវារចូលទៅក្នុងផ្នូរ៕
