Koun Dangkouv

Koun Dangkouv សៀវភៅគ្រប់ចំណង់ជើងមានលក់នៅទីនេះ👇
https://t.me/koundangkouv

18/03/2025

Study life 📚💜✨

ចេះដាំបាយនៅ?បើអត់ទាន់ចេះទេ នេះរបៀបដាំបាយ...
07/03/2025

ចេះដាំបាយនៅ?
បើអត់ទាន់ចេះទេ នេះរបៀបដាំបាយ...

26/02/2025

តើនារីចាប់ផ្ដើមចាស់ទុំនៅពេលណា?

"សុភាពដូចខ្លា រាបសាដូចក្រពើ ល្ងីល្ងើដូចជ្រូក"អធិប្បាយឃ្លាថា «សុភាពដូចខ្លា»ខ្លាសុភាពត្រង់ណា បើឱ្យពួកយើងអង្គុយរកនឹកពី ចរិត...
23/02/2025

"សុភាពដូចខ្លា រាបសាដូចក្រពើ ល្ងីល្ងើដូចជ្រូក"

អធិប្បាយ

ឃ្លាថា «សុភាពដូចខ្លា»

ខ្លាសុភាពត្រង់ណា បើឱ្យពួកយើងអង្គុយរកនឹកពី ចរិតលក្ខណៈវាគឺពិបាក ប៉ុន្តែវាមានសកម្មភាពមួយដែល សុភាព នោះគឺការលបចាប់ចំណី សកម្មភាពលបពួនក្នុង ស្មៅជាដើម ពេលវាឃើញចំណី វាបោះជំហានមួយៗ និង ថ្នមៗ កាលណាសត្វដែលវាកំពុងផ្តោតនោះភ្លេចខ្លួន នោះវា នឹងសង្គ្រប់ខាំតែម្តង នេះហើយជាចំណុចសភាពរបស់វា។

ចំពោះខ្លឹមសារបង្កប់

រាល់មនុស្សណាដែលមានចរិតលក្ខណៈ សុភាពមិនសូវ ចេះមាត់ក មិនសូវចេះប្រតិកម្មពេលដែលខឹង ឬជាមនុស្សមានចរិតស្ងប់ស្ងាត់ លោកចង់ប្រាប់ថា ចូរប្រយ័ត្ននឹងមនុស្ស នេះ។

មនុស្សនេះមាន២ប្រភេទ៖

ទី១ សុភាពប្រកបដោយធម៌សប្បុរស

ទី២ សុភាពដោយលាក់ពុត

មនុស្សប្រភេទទី២ ជាមនុស្សមានចរិតចងគំនុំរង់ចាំ ឱកាស មនុស្សនេះមានទឹកមុខញឹមៗស្មើៗ តែកាច ដូច ពាក្យចាស់ថា ម៉ឺសៗកេះឆ្នាំងបាយធ្លុះ ដូច្នេះកុំឃើញសុ ភាពៗចង់មើលងាយ ឬចង់បំពាន ឬកុំភ្លាំងភ្លាត់ស្មារតី ជាមួយមនុស្សមានចរិតសុភាពនេះអី ប្រយ័ត្នគ្រោះថ្នាក់ ដោយមិនដឹងខ្លួន។

ឃ្លាថា «រាបសាដូចក្រពើ»

ក្រពើក៏មានចរិតលក្ខណៈ រាបសានៅពេលចាប់ចំណី ដូចគ្នា វារមែងសម្ងំស្ងៀមស្ងាត់នៅមាត់ទឹក រង់ចាំសត្វផ្សេងៗ ចូលមកផឹកទឹក កាលណាសត្វទាំងនោះចូលកៀកភ្លេចខ្លួន នោះ វានឹងហក់ត្របាក់ខាំជាចំណីហើយ នេះជាចំណុច រាបសារបស់ក្រពើ។

ខ្លឹមសារបង្កប់

ប្រហែលគ្នានឹងខ្លឹមសារខាងលើដែរ រាល់មនុស្សណា មួយ ដែលមានលក្ខណៈខាងក្រៅសុភាព មើលទៅដូចជា ស្លូតបូត មិនសូវចេះមាត់ក នោះមិនប្រាកដថាគេជាមនុស្ស កំសាកនោះទេ មិនប្រាកដថាគេខ្លាចក្នុងការធ្វើរឿងធំ ឬ រឿងកាចសាហាវនោះទេ ដូច្នេះចូរយើងកុំទាន់ប្រមាថ ចូរ កុំបៀតបៀនដោយប្រការណាមួយ ឬកុំទាន់ទុកចិត្តឱ្យសោះ ប្រយ័ត្នមានរឿងស្តាយក្រោយដែលមិននឹកស្មានដល់។

ឃ្លាថា «ល្ងីល្ងើដូចជ្រូក»

សត្វជ្រូកវាលី្ងលើ្ងយ៉ាងម៉េច ខ្ញុំមិនធ្លាប់ចិញ្ចឹមជ្រូកសោះ ធ្លាប់តែមើលរឿងថាំងចេង តួអាជ្រូកប៉ាជេ។ តែខ្ញុំដឹងពីន័យ បង្កប់ ឃ្លានេះសំដៅលើ ប្រភេទមនុស្សធ្វើល្ងង់ដើម្បីបោក គេស៊ី បើរស់នៅជាមួយនរណាម្នាក់ ឬនៅក្នុងក្រុមមនុស្ស ណាមួយ ប្រភេទជននេះឯងរមែងធ្វើជាឆោត ធ្វើជាល្ងង់ ដើម្បីនិយាយបញ្ហារសរសើរអ្នកក្បែរខ្លួនឱ្យគេសប្បាយចិត្ត កាលណាគេជោរតាមដែរនោះ គេចេះតែហុចនេះហុចនោះ ឱ្យហូបរហូតទៅ នេះហើយហៅថាល្លីលើដូចជ្រូក គឺដើម្បី បោករកប្រយោជន៍នោះឯង។

មួយវិញទៀត មនុស្សនេះក្នុងកិច្ចការងារអ្វីមួយរមែងធ្វើ មិនចេះ ធ្វើមិនដឹង ព្រោះខ្លាចគេប្រើ ធម្មតាការងារមួយចំនួន គេរមែងប្រើអ្នកចេះ ម៉្លោះហើយមនុស្សនេះធ្វើជាមិនចេះ ធ្វើជាលីលើដើម្បីគេចវេះរកស្រណុកមួយគ្រាៗនោះឯង។

ទឹកថ្លាលាងសក់ ទឹកល្អក់លាងជើងអធិប្បាយចំពោះន័យត្រង់ ជាធម្មតាទេ មិនថាសក់ ឬក្បាល ទោះបីខ្លួនប្រាណទាំងមូលក៏ត្រូវការលាង ឬងូតដោយ...
17/02/2025

ទឹកថ្លាលាងសក់ ទឹកល្អក់លាងជើង

អធិប្បាយ

ចំពោះន័យត្រង់ ជាធម្មតាទេ មិនថាសក់ ឬក្បាល ទោះបីខ្លួនប្រាណទាំងមូលក៏ត្រូវការលាង ឬងូតដោយទឹកថ្លា ឬទឹកស្អាតដែរ ប៉ុន្តែសក់ ឬក្បាលនេះជាតួសំខាន់ជាងកន្លែងណា ទាំងអស់ ថ្លៃថោកអាក្រក់ល្អ សខ្មៅ វានៅនឹងក្បាលនេះហើយ វាជាតួនៃបញ្ញា វាជាតួនៃគំនិត ជាពិសេសខ្មែរយើងមានទាំងត្រណមទៀតផង ដូច្នេះពុំអាចយកទឹកល្អក់មក លាង ឬងូតនោះទេ។ ចំណែកតួជើងនេះវិញ តួនៃជើងនេះ អាចជាន់គ្រប់របស់កខ្វក់ទាំងឡាយ ដូច្នេះប្រសិនបើគ្មាន ទឹកថ្លាសម្រាប់លាង ត្រឹមទឹកល្អក់ល្មមៗក៏អាចលាងបានដែរ ព្រោះវាមិនសូវសំខាន់ជាងក្បាល។

ចំពោះន័យធៀបពាក្យថា «ទឹកថ្លាលាងសក់»

ទឹកថ្លា ប្រៀបធៀបទៅអ្វីដែលល្អៗមានដូចជា មនុស្សល្អ, ចំណេះដឹងល្អ, និងមតិយោបល់ល្អជាដើម។ ដូច្នេះបើ ចូបចាស់ព្រឹទ្ធាចារ្យ ឬមនុស្សល្អ យើងត្រូវចេះឱនក្បាល គោរព បែបនេះស្មើនឹងលាងជម្រះភាពឆ្មើងឆ្មៃ បើចូបនូវ ចំណេះដឹងល្អ យើងត្រូវសិក្សាឈ្វេងយល់ឬត្រូវចងចាំផ្ទុក ក្នុងគតិគំនិត បែបនេះស្មើនឹងលាងជម្រះភាពល្ងង់ខ្លៅ បើ ចូបមតិយោបល់ល្អ យើងត្រូវចេះយកមកពិចារណាទុកជា ជំនួយវិភាគបន្ថែមដើម្បីកែតម្រូវបញ្ហាកំពុងប្រឈមជាដើម បែបនេះស្មើនឹងលាងជម្រះមន្ទិលសៅហ្មង បែបនេះហើយ ទើបហៅថា «ទឹកថ្លាលាងសក់»។

ចំពោះន័យធៀបពាក្យថា «ទឹកល្អក់លាងជើង»

ទឹកល្អក់ ប្រៀបធៀបមកអ្វីគ្រប់យ៉ាងដែលមិនល្អចំពោះ យើង ភាពមិនល្អទាំងអស់នោះដ្បិតវាផ្តល់ការឈឺចាប់ឱ្យ យើង ដ្បិតវាធ្វើឱ្យយើងមួម៉ៅ វាធ្វើឱ្យយើងមិនសប្បាយចិត្ត តែវាមិនអត់ប្រយោជន៍ទេ ប្រសិនបើយើងចេះច្នៃវា យ៉ាង ហោចណាស់អាចយកវាមកលាងជើងយើងទៅ។ បានន័យ ថា ក្នុងដំណើរជីវិតរបស់យើងគ្រប់គ្នាមិនមែនចួបតែរឿង ល្អៗនោះទេ តែចំពោះរឿងមិនល្អ ប្រៀបដូចជាទឹកល្អក់ អ៊ីចឹង បើមិនអាចគេចពីវាចូរយើងយកវាមកប្រើទៅ វាជា បទពិសោធដើម្បីដើរឆ្លងទៅចាប់យកអ្វីគ្រប់យ៉ាងដែលល្អជាងវា និងល្អចំពោះយើង បែបនេះទើបហៅថា «ទឹកល្អក់លាងជើង»។
#កូនដង្កូវ

22/12/2024

អារម្មណ៍ពេលបាន Unboxing 🥹🫶

Address

Phnom Penh

Telephone

+85517440269

Website

Alerts

Be the first to know and let us send you an email when Koun Dangkouv posts news and promotions. Your email address will not be used for any other purpose, and you can unsubscribe at any time.

Shortcuts

Share

Category