21/08/2026
នាព្រឹកថ្ងៃទី២១ ខែសីហា ឆ្នាំ២០២៦ សិប្បកម្មកែច្នៃ និងវេចខ្ចប់អំបិលសញ្ញាភ្នំ បានចូលរួមជាមួយឯកឧត្តម សុន សេងហួត រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្នុងវគ្គបណ្ដុះបណ្ដាលស្ដីពី « បច្ចេកទេសនៃការបញ្ចូលជាតិអុីយ៉ូដក្នុងអំបិល និងការប្រើប្រាស់ស្លាកសញ្ញាជាតិសម្គាល់អំបិលដែលបានបញ្ចូលជាតិអុីយ៉ូដ » នៅសាលប្រជុំអគារចមប្រសិទ្ធ នៃទីស្ដីការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្រោមការរៀបចំនិងសម្របសម្រួលដោយអគ្គនាយកដ្ឋានសហគ្រាសធុនតូចនិងមធ្យម និងសិប្បកម្ម -នាយកដ្ឋានកិច្ចការសិប្បកម្ម។
វគ្គបណ្ដុះបណ្ដាលនេះ រៀបចំឡើងក្នុងគោលបំណងពង្រឹងចំណេះដឹង និងជំនាញបច្ចេកទេសដល់ម្ចាស់សិប្បកម្មកែច្នៃ និងវេចខ្ចប់អំបិលដើម្បីអនុវត្តការបញ្ចូលជាតិអុីយ៉ូដក្នុងអំបិលឲ្យបានត្រឹមត្រូវ ស្របតាមស្ដង់ដារបច្ចេកទេស និងបទប្បញ្ញត្តិជាធរមាន ព្រមទាំងជំរុញការប្រើប្រាស់ស្លាកសញ្ញាជាតិសម្គាល់អំបិលដែលបានបញ្ចូលជាតិអុីយ៉ូដឲ្យបានត្រឹមត្រូវ។
តាមរយៈវគ្គបណ្ដុះបណ្ដាលនេះបានរួមចំណែកលើកកម្ពស់គុណភាព សុវត្ថិភាព និងភាពជឿជាក់នៃផលិតផលអំបិលសម្រាប់អ្នកប្រើប្រាស់ ព្រមទាំងគាំទ្រដល់ការអភិវឌ្ឍនវិស័យអំបិលប្រកបដោយនិរន្តរភាព។
