https://www.facebook.com/415449844975594/

11Dec05., Nirouth, Phnom Penh (2026)

22/08/2024

ខុសឬទេ ?? គ្រាន់តែប្ដូរពីពាក្យថា‘’គូស្នេហ៌’’ក្លាយទៅជា’’មិត្ត’’ ។ នេះជារឿងរ៉ាវស្នេហារបស់សិស្សថ្នាក់ទី ១២ ម្នាក់ដោយសារចិត្តមិនស្មោះត្រង់របស់ខ្លួន ទើបខ្ញុំបានសាងកំហុសដែលមានវិប្បដិសារីមួយ ក៏ជាដំបៅក្នុងចិត្តពិបាកបំភ្លេចដែរ ។ ដំបូងឡើយខ្ញុំបានស្គាល់មនុស្សស្រីម្នាក់ នាងត្រូវជា សង្សារចាស់របស់មិត្តខ្ញុំ ។ ហើយខ្ញុំនិងនាងមានអាយុខុសគ្នាមួយឆ្នាំ ពួកយើងបានរាប់អានគ្នាដូចបងប្អូនចឹង ។ ថ្ងៃមួយនាងបានមកប្រាប់ខ្ញុំថា មានមនុស្សស្រីម្នាក់បានចាប់អារម្មណ៍នឹងបងឯង នាងជាប្អូនស្រីរបស់មិត្តភក្តិរបស់ខ្ញុំ តើបងគិតមិចដែរ ។ កាលនោះខ្ញុំក៏ទើបតែបែកបាក់ស្នេហាផង ក៏បានសម្រេចចិត្តសាកល្បងម្តងទៀត ។ ខ្ញុំក៏ចាប់ផ្ដើមប្រាស្រ័យទាក់ទងគ្នា នាងឈ្នោះ វ័លក្ខ** ។ យើងបានទាក់ទងគ្នាបែប private បានរយៈពេលមួយខែ ខ្ញុំចាប់ផ្ដើមដឹងខ្លួនថា ខ្ញុំមិនបានស្រលាញ់នាង គ្រាន់តែខ្ញុំមានអារម្មណ៍ល្អនឹងនាង ។ ក្រោយមកខ្ញុំបានឃើញមិត្តខ្ញុំម្នាក់ទៀត គេបាន post ពីសង្សារវា ហើយក្នុងនោះមានមិត្តរបស់សង្សារវាផងដែរ ដោយសារខ្ញុំចូលចិត្តសើចច្រើន ខ្ញុំក៏បានចូលទៅ reply តាម Add story នោះបែបលេងសើចថា ម្នាក់នោះស្អាតដល់ហើយ ។ មិត្តខ្ញុំវាមិនដឹងទេថាខ្ញុំសង្សារហើយទេ វាបានបញ្ចុះបញ្ចូលខ្ញុំទៅតាមញ៉ែមិត្តសង្សារវាម្នាក់នោះ ។ ដំបូងខ្ញុំគិតថា គ្រាន់តែនិយាយគ្នាលេងធម្មតាទេ តែនិយាយយូរទៅ ខ្ញុំក៏លង់ស្រលាញ់នាងតែម្តង ។ ដោយសារការគិតនៅក្មេង ចិត្តក្ដៅជំរុញឲ្យចិត្តឆៅ ខ្ញុំបានសុំបែកពី វ័លក្ខ** ។ នាងបានសួរហេតុផលខ្ញុំដែរ តែខ្ញុំនិយាយតិចទេ ថាខ្ញុំមានថាអារម្មណ៍ ខ្ញុំអស់ចិត្តនឹងនាងហើយ យើងរាប់អានគ្នាធម្មតាទៅ ( រយះពេល២ខែដែរបែបចាញ់ជាទីបី ) ។ នាងយំរៀបរាប់ប្រាប់ប្អូនខ្ញុំជាច្រើន គាត់បានមកប្រាប់ខ្ញុំបន្ត ។ ពេលនោះមកខ្ញុំបានចាប់ផ្ដើមទាក់ទង មិត្តសង្សាររបស់មិត្តខ្ញុំម្នាក់នោះ ប៉ុន្តែខ្ញុំនៅតែដដែលចឹងចាប់ផ្ដើមអារម្មណ៍ពីមួយភាគរយ ។ រយះពេលមួយខែជាង ពួកយើងបានបែកគ្នាម្ដងតែនាងយំខ្លាំង ខ្ញុំធម្មតាប៉ុណ្ណោះ ។ នាងសុំខ្ញុំថាត្រូវគ្នាវិញ ពេលនោះអារម្មណ៍ខ្ញុំចាប់ផ្ដើមឡើងពីមួយភាគនោះហើយ ។ រហូតខែទី៣ នាងបានហីៗដាក់ខ្ញុំ មួយសប្ដាហ៍ក្រោយមក នៅសុខៗនាងសុំខ្ញុំបែកគ្នា ដោយប្រាប់ថា នាងមានអារម្មណ៍ថាអស់ចិត្តពីខ្ញុំហើយ ។ ខ្ញុំព្រមឲ្យនាងទៅ ក៏មិនហ៊ានហាមឃាត់នាងឡើយ ។ មុននាងទៅ នាងបានសុំខ្ញុំម្យ៉ាងទៀតនាងបានសុំខ្ញុំធ្វើជាមិត្តនឹងគ្នា ។ មួយសប្ដាហ៌ក្រោយមកទៀត នាងបាន post ពីសង្សារថ្មីនាង ខ្ញុំឃើញក៏មិនមាត់អីដែរ ព្រោះគិតថានាងរកបានបុរសល្អជាងខ្ញុំ ។ ថ្ងៃមួយ នាងបានមក chat មកហៅខ្ញុំ ទៅដើរជុំគ្នាជាមួយមិត្តភក្តិគេ តែខ្ញុំបានបដិសេធ ព្រោះខ្ញុំមិនចង់មើលគេនឹងសង្សារគេ នៅជាមួយគ្នាទេ ។ រំលងបានប៉ុន្មានថ្ងៃមក នាងបាន block ខ្ញុំ ដោយឆ្ងល់ក៏ទៅសួរមិត្តគេ គេបាននិយាយថាសង្សារគេឲ្យគេ block ខ្ញុំ ។ រឿងរ៉ាវនេះរំលងរយៈពេលមកហើយ ទើបខ្ញុំបានទៅសួរមិត្តគេម្ដងទៀត ពីដំណើររឿងស្នេហានាង មិត្តគេប្រាប់ ’’ នាងស្គាល់ម្នាក់ប្រុសនឹងយូរហើយតាំងពេលរៀនទី ៦ ព្រោះរៀនថ្នាក់តែមួយ ហើយនាងក៏បានចាប់អារម្មណ៍ម្នាក់ប្រុសនឹងពេលនោះមក ហើយខាងប្រុសនោះក៏មានចិត្តដូរគ្នាតែ គេមិនអាចស្រលាញ់គ្នាបាន ព្រោះទាំងពីរអ្នកគាត់មានសង្សារដូចគ្នា ( ខ្ញុំមិនទាន់សង្សារនឹងនាងទេពេលហ្នឹង ) ។ មកដល់ពេលនាងឡើងដល់ថ្នាក់ទី ១០ នោះជាពេលស្រលាញ់គ្នាជាមួយខ្ញុំ ទើបខាងប្រុសនោះបែកបាក់ហើយ ។ រួចមកអ្នកទាំងពីរ បានចាប់ផ្ដើមស្និតស្នាលគ្នា មុនពេលបែកជាមួយខ្ញុំ មួយសប្ដាហ៌ជាងមកហើយ ។ ដឹងរឿងពិតហើយខ្ញុំហួសចិត្តនឹងខ្លួនឯងជាខ្លាំង ចោលគ្រាប់ពេជ្រ ស្រវ៉ាដុំដី ។
« ប្រសិនបើពាក្យខាងដើមអត្ថបទនិយាយមកកាន់អ្នក តើអ្នកនឹងប្រឈមនឹងវាដូចម្ដេច?? »
“Think Before You Draw”
It’s my real story
Title : Remorse is mine
Written : Zhan

05/08/2024

បងហា៎ !! អូននឹកបងណាស់ ។ បងអាចវិលវិញបានទេបង ?? បងក៏ព្រៃផ្សៃយ៉ាងនេះ ហ៊ានទៅចោលអូន ។ ... ពាក្យអូននិយាយទាំងនេះជាការពិតមែនហ៎ ?? បងបានលះបង់អស់ហើយ ពេលវេលា ថវិកា និងក្ដីស្នេហ៍ស្មោះសរ ទាំងនេះហើយអូនគិតថា បងព្រៃផ្សៃនឹងអូនទៀតឬ ?? សូមបីតែបងបានដឹងខ្លួនថា បងនឹងត្រូវចាកចេញពីអូនរហូតហើយ បងនៅតែនឹកឃើញអូនម្នាក់ទេ ។ បំណងប្រាថ្នាបងគ្រាន់ឃើញអូនបន្តិច មុននឹងបងត្រូវចាកចេញ បែរជាអូននៅគេចមុខនឹងបងទៀត ។ អូនចាំទេ ? ពេលយើងបានចាប់ផ្ដើមស្គាល់គ្នាដំបូង នៅណាទេ ?? ពិតហើយអូនមិនបានចាំថ្ងៃមួយបានទេ ។ ពេលនោះបងបានផ្លាស់ផ្ទេរវិទ្យាល័យ ពីរាជធានីភ្នំពេញ មកកាន់ស្រុកកំណើតរបស់ម៉ាក់បងនៅខេត្តសៀមរាប ។ ថ្ងៃដំបូងដែលបង បានផ្លាស់មកវិទ្យាល័យថ្មី បងពិតពិបាកណាស់ក្នុងការប្រាស្រាយទាក់ទងនឹងមនុស្សជុំវិញខ្លួនណាស់ ប៉ុន្តែមានតែអូនម្នាក់ដែលបានចូលមកនិយាយជាមួយបង ។ ពេលអូននិយាយមកបងដំបូងបងមិនបានឆ្លើយតបនឹងអូនទេ ព្រោះថា អូនស្អាតណាស់ សក់ខ្លីត្រឹមក ហើយរលោង ច្រមុះស្រួច ចង្ការបស់អូនរាងអក្សរ U និងរបស់ដែលបងចាំមិនភ្លេចជាងគេនោះ គឺក្លិនក្រអូបផ្កាកុលាប ។ អូនបានឃើញបងភ្លឹកៗបែបនេះ អូនហៅបងពីរទៅជាបីដង តែបងនៅដដែល ។ ភ្លាមនោះអូនក៏តោះតុឲ្យមានសំឡេង ទើបបានបងភ្ញាក់ពីកាភ្លឹកវិញ ប៉ុន្តែមនុស្សក្នុងថ្នាក់បានមើលមកកាន់យើងទាំងពីរ ។ ចាប់ពីពេលនោះមកបងបានលង់ស្រឡាញ់នឹងអូនហើយ ។ រាល់ថ្ងៃបានត្រឹមញញឹមម្នាក់ឯង ពេលអូនរីករាយ និងពិបាកចិត្តណាស់ រាល់ពេលបងបានឃើញអូនមិនសប្បាយចិត្ត ។ ពេលខ្លះបងតែងតែរកវិធីសាស្រ្ដណាស់ ដើម្បីបានចូលទៅជិតរូបអូន ។ មានកិច្ចការសាលា បងតែងតែរកអូនឲ្យជួយហើយ ។ នៅក្នុងថ្នាក់ យើងទាំងពីរស្និតស្នាលគ្នាណាស់ ពេលខ្លះមិត្តរួមថ្នាក់ដទៃយល់ច្រលំ យើងថាជា គូរសង្សារទៀតផង ។ ក្រៅម៉ោងរៀនវិញ បងជា Delivery ផ្ទាល់ខ្លួនអូន មិនថាអូនចង់ញ៉ាំអ្វី បងទៅទិញឲ្យអូនជានិច្ច អូនចង់ទៅណា ក៏បងជូនអូនទៅដែរ ។ បងចាំបានជាងគេ ថ្ងៃដែលអូនប្រាប់បងថាចង់ទៅលេងសមុទ្រ ពេលនោះពួកយើងបានប្រឡងបញ្ចប់ថ្នាក់ទី ១០ ហើយ ។ បងបានសម្រេចចិត្តថា បងនឹងអូនទៅឲ្យទាល់តែបាន ។ ថ្ងៃដែលពួកយើងបានទៅលេងសមុទ្រ អូនពិតជាទ្រេតអរណាស់ នៅតាមផ្លូវអូនច្រៀងផង អូនស្រែកផង អូនសប្បាយចិត្តណាស់ តែភាពរីករាយមួយនេះមិនបានយូរទេ ភ្លាមនោះភ្លៀងបានធ្លាក់មកយ៉ាងខ្លាំង យើងនៅតែតស៊ូទៅទៀត ។ នៅក្រោមទឹកភ្លៀង អូនខ្លាចសំឡេងផ្គោលរន្ទះណាស់ ពេលនោះ អូនបានជិះឲ្យចង្កេះបងយ៉ាងណែន ។ បងពិតសប្បាយចិត្ត ព្រោះមិនដែរនឹងគិតថា មានពេលវេលាជាមួយអូនបែបនេះឡើយ ។ លុះទៅដល់សមុទ្រភ្លាម អូនរត់ទៅរកសមុទ្រយ៉ាងលឿន ។ គ្រាន់រត់ទៅដល់ មានរលកធំមួយបក់មកបុកអូន ធ្វើឲ្យអូនឈ្លួកទឹក ។ អូនមិនដែរមកសមុទ្រឡើយ អូនមិនដឹងអ្វីពីសមុទ្រ ពេលឈ្លួកទឹកហើយអូនបានមកសួរបងតិចថា មិចបានទឹកសមុទ្រប្រៃខ្លាំងម្ល៉េះ ?? បងសើចហួសចិត្តនឹងអូនណាស់ ។ បងបានបោកអូនថា អូនច្រលំផឹកទឹកនោមគេទេអី ?? អូនឮហើយ អូនយំយ៉ាងខ្លាំង ដល់ថ្នាក់មនុស្សជុំវិញយើងមើលមកទាំងទឹកមុខឆ្ងល់យើងទាំងពីរ ។ ដោយអូនយំឮខ្លាំងពេក មានមីងរែកលក់អាហារមក ទើបបងបបួលអូនញ៉ាំអី ។ អូននៅមិនអស់ចិត្តទេ អូននៅសួរបងដដែលទៀតថា អូនបានផឹកទឹកនោមក្នុងសមុទ្រឬ ? មីងលក់អាហារឮបែបនេះ គាត់ក៏សើច ហើយប្រាប់ទៅអូនថា សមុទ្រគឺប្រៃបែបនេះហើយ ។ អូនដឹងរឿងពិតហើយ អូនខឹងនឹងបងណាស់ដែលកុហកអូន ហើយអូនយំ ឡើងខ្មាស់គេ ។ ពេលត្រឡប់មកវិញអូនអត់បាននិយាយជាមួយបងបន្តិចទេ ។ លុះដល់ផ្ទះទើបអូន បាននិយាយថា អរគុយបងដែលបានជូនទៅលេងសមុទ្រ ។ ពេលដល់ផ្ទះ បងគិតខ្លាំងណាស់ បងគេងផង បងអង្គុយផង ថាបងគួរសារភាពពីអារម្មណ៍បងមានលើអូន អស់រយៈពេលពីរ ឆ្នាំទេ ។ បងខ្លាចណាស់ បងខ្លាចប្រាប់អូនហើយ អូនបដិសេពនឹងបង ខ្លាចអូនឈប់និយាយជាមួយបង ខ្លាចអូននិងបងមើលមុខគ្នាមិនចំ ខ្លាចមិត្តភាពបែកបាក់ បងខ្លាចគ្រប់យ៉ាង ។ ប៉ុន្តែបងប្រាប់ខ្លួនឯងថា បងត្រូវបង្ហាញអារម្មណ៍ពិត បងសម្រេចចិត្តថា បងនឹងសារភាពទៅអូន ។ បងផ្ញើរសារទៅអូនទាំងអារម្មណ៍ផិតភ័យ តែបងនៅតែផ្ញើរទៅអូន ។ ពេលនោះអូនបានទទួលបានសាររបស់បង ហើយ តែពេលនោះ អូនគ្រាន់ចូលមើលសារនោះតែមិនបានឆ្លើយតបបងទេ បងពិតអស់សង្ឃឹមខ្លាំងណាស់ បងគិតថាអូនបដិសេដហើយបងបានបិទទូរស័ព្ទហើយ ដេកភ័យថា ថ្ងៃស្អែកពេលចូលរៀនបងនឹងប្រឈមមុខអូនយ៉ាងមិចទៅ បងចង់យំតិច ចង់សើចតិច ហួសចិត្តផង ស្ដាយផង ពេលហ្នឹងបង ពិបាកបកស្រាយអារម្មណ៍មួយនោះណាស់ ។ នៅម៉ោង ១២ យប់បងបានឮសំឡេងទូស័ព្ទរោទ៍ដំណឹងសារមក តែបងគ្រាន់តែសារនោះ ជាសាររបស់មិត្តភក្ដិទេ ។ បងបើកទូរស័ព្ទមក បងភ្ញាក់ផ្អើលជាខ្លាំង អូនបានឆ្លើយតបបងវិញហើយ គឺអូនថា ពិនម្ល៉េះយើងហ្នឹង ។ បងមានអារម្មណ៍ភ័យទៀតហើយ បេះដូងលោតលឿនណាស់ ក្នុងខ្លួនកាន់តែក្ដៅហើយ អូនបានតបបងបន្ថែមថា អូនក៏ចាប់អារម្មណ៍នឹងបងដែរ តែមិនច្បាស់ចិត្តថាបង រាល់ថ្ងៃនឹងបងធ្វើសកម្មភាពបែបនេះដដែលៗ បងមានអារម្មណ៍នឹងអូនឬទេ បងតែងតែល្អនឹងអូនណាស់ ។ ឥឡូវអូនបានដឹងច្បាស់ហើយថាបង ពិតមានចិត្តលើអូនមែន ។ ឮសម្ដីនេះហើយបងរីករាយខ្លាំងឥតឧបមា ។ អូនយល់ព្រមធ្វើគូរសង្សារនឹងបងហើយ ។ ចាប់ពីពេលនោះហើយយើងបានបង្ហាញទំនាក់ទំនងរបស់យើងទាំងពីរឲ្យមនុស្សជុំវិញខ្លួនបានដឹង ។ បងតែងតែយកចិត្តទុកដាក់នឹងអូនលើសដើម បងជូនអូនទៅសាលារៀនទៅវិញទៅមក ជារៀងរាល់ថ្ងៃ ។ ពេលឈប់សម្រាកពីការសិក្សា បងតែនាំអូនមក ញ៉ាំអី មើលកុន ដើរលេងជានិច្ច ។ ពីមួយថ្ងៃទៅមួយថ្ងៃ យើងទាំងពីរកាន់តែយល់ពីគ្នាទៅកាន់ច្បាស់ ។ បងតែញ៉េះអូន អូនខឹងបង បងលួងអូន អូនងរនឹងបងលើសដើម ។ បងធ្លាប់គិតថា បើយើងស្រលាញ់គ្នាបែបនេះយូរទៅ យើងនឹងបានរៀបអាពាហ៌ពិពាហ៌ជាមួយគ្នាហើយ ។ តែគ្រប់យ៉ាងបងបានត្រឹមស្រមៃប៉ុណ្ណោះ ការពិតចិត្តចាប់ផ្ដើមប្លែកហើយ អូនតែសោះកក្រោះនឹងបងម្ដងតិចៗ អូនតែងតែរករឿងឥតហេតុផល ។ បងនៅតែតាមអូន លួងអូន អង្វរអូន សព្វគ្រប់បែបយ៉ាង ដើម្បីរក្សាមនោសញ្ចេតនាមួយនេះឲ្យបាន ។ ថ្ងៃមួយនោះ អូននៅចាំបានទេ ?? អូនបានសួររឿងសរសៃរសក់វែងមួយសរសៃរ អូនចោលបងថាមាន ស្រីខាងក្រៅមកពីណា ?? បងប្រាប់អូនយ៉ាងច្បាស់ថា បងមិនមានស្រីមកពីណាទេ សក់នេះប្រហែលជា សក់របស់បងស្រីបង ហើយព្រោះគាត់ទើបមកពីភ្នំពេញ មកលេងបងទេ គាត់បានចូលទៅអង្គុយនិយាយគ្នាលេងជាមួយនឹងបងក្នុងបន្ទប់ ហេតុនេះហើយទើបមានសក់ជាប់នឹងអាវរបស់បង ។ ទោះបងបានពន្យល់អូនច្បាស់ប៉ុនហ្នឹងហើយ អូននៅឡើយមិនស្ដាប់បងដែរ ។ ពេលនោះបងជ្រើសយកជម្រើស នៅស្ងាត់ស្ងៀមហើយ ព្រោះអូនក៏ដឹងដែរ ថា បងមិនចូលចិត្តនិយាយច្រើនដងច្រើនសារឡើយ ។ ពេលនោះហើយ ជាពេលបងពិបាកទទួលយកបំផុតនោះគឺ អូនបានសូមបង បែកគ្នា ។ បងបានសូមអង្វរអូន ។ តាមពិតទៅ អូនចាប់ផ្ដើមប្លែកតាំងតែពី អូនមានមិត្តក្នុង Game មកហើយអូនស្គាល់មនុស្សមនុស្សប្រុសម្នាក់ គេនោះពូកែលេង Game ណាស់ ។ អូនបានផ្ញើរសារជាមួយគេនោះ ថែមទាំង Add friend meta គ្នាទៀត ។ បងដឹងគ្រប់រឿងដែលអូនធ្វើជាមួយគេទាំងអស់ តែបងធ្វើគ ធ្វើថ្លង់ ព្រោះមិនចង់បាត់បង់អូន ។ អូនតែងតែប្រាប់បងថា រវល់ជាប្រចាំ តែបងប្រាប់អូន មិនអីគ្រាប់ពេល ។ រហូតដល់ថ្ងៃមួយ មានមិត្តបងមកប្រាប់បងថា បានឃើញអូនទៅផ្ទះ ជាមួយមនុស្សមួយមិនដឹង ។ ឮហើយបងមិនជឿគេទេ តែពេលបងទៅទើបបងបានឃើញផ្ទាល់ភ្នែក បងឈឺណាស់តែបងមិនហ៊ាននិយាយអ្វីទេ ។ បងមិនបានសួរអូនរឿងនោះទេ អូនក៏នៅធ្វើធម្មតាដូគ្មានរឿងអ្វីទេ ។ ឆ្នាំនេះ ពួកយើងទាំងពីរបានរៀនថ្នាក់ទី ១២ ហើយ ។ អូនបានណាត់បងមកជួបគ្នាបន្តិច បងឮពិតរំភើប បងគិតថា អូនមានរឿងអ្វីមួយល្អហើយ តែការគិតមិនមែនការពិតទេ បងស្លន់ចិត្តណាស់ អូននិយាយថា ពួកយើងបែកគ្នាទៅ !! ឆ្នាំនេះ ថ្នាក់ទី ១២ អូនគ្រាន់ចង់ផ្ដោតទៅលើការសិក្សាតែប៉ុណ្ណោះ អូនមិនចង់មានរឿងអ្វីផ្សេងមកប៉ះពាល់ទៅដល់ការសិក្សារបស់អូនទេ ។ បងមិនអាចហាមសិទ្ធអូនឡើយ មានតែទទួលយកនូវការពិត និងយល់ស្របនឹង សំណើរអូន ។ ពេលនោះហើយបេះដូងបងបាន កម្ទេចក្លាយជាធូលី ខួរក្បាលគឺទទេរស្អាត ។ បងបានប្រាប់ខ្លួនឯងថា បងនឹងចាំដល់ពេលពួកយើងបញ្ចប់ការសិក្សានៅថ្នាក់វិទ្យាល័យ បងនឹងចាំត្រឡប់រកបងវិញ ។ មិនបនានប៉ុន្មាន អូនមានអ្នកថ្មី ដណ្ដើរគ្នាស្រស់នៅមុខបង បងមិននិយាយបងគ្រាន់ញញឹមដាក់បងអ្នកចាញ់ ។ បងស្ទើរសូន្យក្នុងចិត្តខ្ទេចខ្ទីអស់ហើយ ។ បងមិនហ៊ានទៅសួរអូនទេ បានត្រឹមយកម៉ូតូចាកចេញពីទីនោះ ។ នៅលើផ្លូវធំ បងកំពុងបើកម៉ូតូយ៉ាងលឿន នៅចំកណ្ដាលផ្លូវតែម្ដង ។ ក្នុងខួរក្បាល គិតតែពីអូនមិនមានអារម្មណ៍ បើកបរឡើយ ។ តែរឿងអកុសលរបស់បងបានចូលមកដល់ ភ្លាមនោះមានឡានមួយដល់ធំ បើកលឿនណាស់ ។ ចំណែកបងវិញក៏បើកលឿនដែរ តែបងនឹងឡាននោះ បានបើកទិសខ្វែងគ្នា មកដល់ផ្លូវកែងបងបានឃើញឡាននោះហើយ បងក៏បន្ថយល្បឿនហើយ តែសំណាងមិនល្អនៅកើតឡើងលើបងទៀត បងបានជ្រុលជឹះចូលរណ្ដៅតូមនៅកណ្ដាលផ្លូវ បងក៏ភ្ញាក់បន្តិច ជ្រុលដៃបើកម៉ូតូទៅមុន ។ បណ្ដាលឲ្យបងទៅនៅខាងមុខឡាននោះ ពេលនោះអារម្មណ៍បងពិតជានឹងអូនដដែល ។ ឡានបានមកដល់ខ្លួនបងហើយ អូនពិតនៅស្រលាញ់បងទៀតទេ ។ បងបានឡានមកប៉ះយ៉ាងពេលទំហឹង បងបានខ្ទៀចពីម៉ូតូ ចេញពីលើផ្លូវធ្លាក់ចូលស្រែ ។ ពេលនោះមនុស្សដែលនៅទីនោះ ភ្អើលអ៊ូរអរ មកមើលហេតុការណ៍នេះគ្រប់គ្នា បងបានហូរឈាមយ៉ាងក្រហមដាមពេញស្រែរបស់អ្នកស្រុក ។ ដង្ហើមចុងក្រោយបង ពិតស្ដោកស្ដាយណាស់ដែលមិនអាច ថែរក្សាអូនបានទៀត បងសុំទោសណា៎ ។ បងទៅហើយ ទៅអូនមួយជំហានហើយ បងនៅរង់ចាំអូន នៅឡើយម្ខាងទៀត ។ អូននិយាយថា បងព្រៃផ្សៃ បងពិតជាបែបនេះមែន ។ មានជាតិក្រោយពិត បងបានជួបអូនម្ដងទៀត បងទៅហើយណា៎ លាហើយពិភព ដែលស្រស់ស្អាតអើយ ។
“ don’t forget our memories “
Rest in places !! Boy
Tittle : See you in another places
Written : Zhan

02/08/2024

បងទទួលស្គាល់ហើយ បងមិនអាចឈ្នះគាត់បានទេ 😔💔

01/08/2024

តើស្នេហ៍ជាអ្វី ?? តើចាំបាច់ទេ បើមិនមានស្នេហ៍ ?? ហេតុអ្វីបានជាបង្កើតស្នេហ៍ឲ្យមានការបែកបាក់ ?? សំណួរទាំងនេះខ្ញុំតែងតែសួរខ្លួនឯង ក្រោយពេលខ្ញុំបានជួបរឿងរ៉ាងចំណងស្នេហ៍មួយ ។ ខ្ញុំមានមិត្តម្នាក់ យើងទើបតែស្គាល់រាប់អានគ្នារយៈពេលខ្លី តែប៉ុណ្ណោះគាត់មានអាយុច្រើនជាងខ្ញុំបន្តិច ។ ថ្ងៃមួយគាត់បានមកលេងខ្ញុំ ពេលនោះមិត្តខ្ញុំបាននាំប្អូនរបស់គាត់មកជាមួយគាត់ ។ ពេលនោះអារម្មណ៍ខ្ញុំបានប្រាប់ថា នាងស្អាតណាស់ នាងមានថ្ពាល់ខួច សក់ខ្មៅរលោងហើយថែមទាំងក្រអូបណាស់ ភ្នែករបស់នាងពិតជាខ្មៅថ្លា ស្អាតណាស់!! ក្រោយថ្ងែនោះមកខ្ញុំបានទៅអាចសួរមិត្តខ្ញុំអំពីនាង គាត់បានប្រាប់ខ្ញុំ នាងទើបតែបែកបាក់ជាមួយនឹងអតីតមិត្តប្រុសរបស់នាង មួយរយះហើយ ក្នុងពេលឥឡូវនេះ នាងនៅតែម្នាក់ឯង ។ ខ្ញុំពិតរំភើបណាស់ មិត្តខ្ញុំបានលើកទឹកចិត្ត ខ្ញុំចូលទៅនិយាយជានាង ។ ខ្ញុំក៏សាកល្បងនិយាយជាមួយនាង ។ យប់នោះខ្ញុំបានស្វែងរក Acc meta របស់នាង ដែលមិត្តខ្ញុំបានប្រាប់ ។ មួយសន្ទុះមក ខ្ញុំបានស្វែងរក account របស់នាងបានជោគជ័យ ខ្ញុំក៏សម្រេចចិត្ត Add friend ទៅនាងទាំងអារម្មណ៍ភ័យអរ ទាំងមិនថានាងព្រម Confirm Account meta របស់ខ្ញុំឬទេ ?? ភ្លាមនោះខ្ញុំបានឃើញ ទូរស័ព្ទរបស់ខ្ញុំបានទទួល Notification មក ។ ខ្ញុំបានចូលមើល Notification នោះក៏នបានឃើញនាង Confirm ហើយ ខ្ញុំពិតជាសប្បាយចិត្តណាស់ ។ ខ្ញុំបានឃើញនាង post notes របស់នាងថា (***) ។ ខ្ញុំបានសម្រេចចិត្តថាខ្ញុំត្រូវក្លាហាន reply notes នាង ដោយក្នុងចិត្តភ័យខ្លាចនាងមិនឆ្លើយតបសារនោះ ។ ពិតជាទទួលបានលទ្ទផលមែន នាងបានតប reply របស់ខ្ញុំហើយ ។ ចាប់តាំងតែងពេលនោះហើយ ពួកយើងបាននិយាយតាមសារ ជារៀងរាល់ថ្ងៃ ។ ពួកយើងបានសួរនាំសុខទុក្ខគ្នាទៅវិញទៅមក គ្រប់សកម្មភាពទាំងអស់ ។ រាល់យប់ នាងតែងតែបបួលខ្ញុំលេង Games រៀងរាល់ថ្ងៃ ។ ខ្ញុំមិនពូកែលេងទេ រាល់ពេលនាងតែង Carry ខ្ញុំជានិច្ច ។ គ្រប់ពេលខ្ញុំលេងខ្សោយ ណាស់ ធ្វើឲ្យនាងធ្លាក់ Rank ប៉ុន្តែនាងមិនដែរនឹងបន្ទោសខ្ញុំឡើយ ។ តែទង្វើល្អទាំងនេះវាបានតែមួយរយះតែប៉ុណ្ណោះ ។ ប៉ុន្មានថ្ងៃនេះនាងចាប់ផ្ដើមខកខានតបសារ ពេលខ្លះតបសារក្នុងរយះពេលយូរ ប៉ុន្តែខ្ញុំមិនបានគិតអ្វីឡើយ ខ្ញុំបានសួរនាងដូចធម្មតាដដែល ។ អស់មួយរយះពេល ទង្វើរបស់នាងកាន់តែប្លែកខ្លាំងហើយ ខ្ញុំក៏ចាប់ផ្ដើមឆ្ងល់នឹងទង្វើនាង ខ្ញុំមិនហ៊ានសាកសួរនាងផ្ទាល់ទេ ព្រោះថាខ្ញុំនិងនាងមិនមែនជាគូរសង្សារនឹងគ្នាឡើយ ។ មិនអស់ចិត្ត ខ្ញុំបានទៅសាកសួរទៅមិត្តខ្ញុំ តែគាត់បានប្រាប់ ខ្ញុំថា ប្រហែលនាងរវល់ ឬអាចថានាងគេងហើយ ព្រោះថានាងពិតជាពូកែគេងណាស់ ។ ឮដូច្នោះខ្ញុំក៏ធូរចិត្តបានបន្តិចហើយ ខ្ញុំក៏នៅបន្តព្យាយាមផ្ញើរសារទៅ ។ ថ្ងៃនេះយប់នេះ ខ្ញុំបានដឹងរឿងរ៉ាវទាំងអស់ហើយ ការពិតទៅ នាងនៅតែស្រលាញ់គេ ។ ខ្ញុំពិតឈឺខ្លាំងតែគ្មានសិទ្ធធ្វើអ្វីបានឡើយ ។ ការពិតទៅ ល្បែងមួយក្តារនេះ ខ្ញុំបានចាញ់តាំងតែសេចក្តីផ្តើមមកម្លេះ ។ ក្តីស្នេហ៍បរិសុទ្ធមួយនេះ លទ្ធផលដែលទទួលបានតែរបួស ប៉ុណ្ណោះ ។
“ Much hope much hurt “
Title : 1mistake
Written : Z…n
Thank you guy for read 💖

Address

Nirouth
Phnom Penh

Website

facebook.com

Alerts

Be the first to know and let us send you an email when 11Dec05. posts news and promotions. Your email address will not be used for any other purpose, and you can unsubscribe at any time.

11Dec05.