ប្រាថ្នា-Prathna

28/06/2026

នៅពេលដែលទទួលយល់ព្រមអំពីដំណើរជីវិត នោះនឹងទទួលបាននូវអំណោយដ៏វិសេសបំផុតដែលក់តអំពីការយល់។ ការទទួលព្រម បានបង្រៀនអោយយើងភ្ញាក់អំពីដំណេកដ៏លង់លក់នៃតណ្ហា! ដើម្បីរស់ ជីវិតនេះត្រូវការភាពល្មមសម ជាមួយភាពសុចរិតនៃផ្លូវជីវិតដ៏វែងឆ្ងាយ។

27/06/2026

19/04/2026

🍂🍂🍂🍂

11/09/2025

#ចំណតនៃបញ្ហាគឺផែនការ

ជីវិតមួយនេះសឹងតែគ្មានទីសុំចតទាល់តែសោះ! ពេលខ្លះហត់មិនហ៊ាននឹងសម្រាកឲ្យបានស្រួល ដោយសារពាក្យថាខំ។ ទ្រនិចនាឡិកាចាន់ផ្ដើមវិល ខួរក្បាលចាប់ផ្ដើមដំណើរការ ទំនួលខុសត្រូវក៏ចាប់ផ្ដើមមាន បញ្ហាក៏រះឡើង។ បើរឿងរ៉ាវច្រើនយ៉ាងនេះ តើជីវិតនេះពិតជាធ្ងន់ណាស់មែនទេ?

ជីវិតនេះមិនធ្ងន់ពេកទេ រឿងខ្លះយើងត្រូវបែកចែកឲ្យបានត្រឹមត្រូវ ទៅតាមបែបផែននៃបញ្ហានិមួយៗ។ ជីវិតក៏ត្រូវការកាលវិភាគផងដែរ ជីវិតនេះវាពិតជាមិនមានទីសុំចតនោះទេ ប៉ុន្តែប្រសិនបើយើងចេះរៀបចំផែនការអោយបានល្អិតល្អន់ គឹវាមិនស្មុគស្មាញពេកទេ។ ព្រះពុទ្ធបរមគ្រូបានសម្ដែងថា«ការងារមិនច្របូកច្របល់ ជាមង្គលដ៏ឧត្ដម»។ ត្រឡប់មកវិញ ការងារដែលមានផែនការនេះហើយ ជាការងារមិនច្របូកច្របល់ ហើយវាក៏ទីសុំចតនៃជីវិតដែរ។ ប្រសិនបើមានបានដល់ទីសុំចត ក៏អាចថាបានដល់កន្លែងដែលអាចបង្អង់នៃល្បឿនបញ្ហាជីវិតដែរ។

ពេលខ្លះជីវិតវាពិតជាត្រូវរត់រហូតពិតមែន ជាពិសេសសម័យប្រកួតប្រជែងបែបនេះ។ ប្រកួតប្រជែងកាន់តែខ្លាំង ជីវិតកាន់តែហត់! ប្រកួតប្រជែងកាន់តែសកម្ម ជីវិតកាន់តែមានទម្ងន់! មែនទែន គឺវាបែបនេះ ប្រសិនបើយើងទន់ខ្សោយ ពិភពលោកនេះនឹងមិនទុកឪកាសឲ្យយើងសូម្បីជីវិតនេះ។ ប្រសិនបើចង់ខ្លាំង ចង់ឈ្នះលើជីវិត ត្រូវត្រូវប្រឹងគ្មានថ្ងៃស្រាកនោះទេ ដោយហេតុយ៉ាងនេះ យើងត្រូវចេះសម្រាកក្នុងទីលានប្រយុទ្ធនៃសមរភូមិជីវិត។ ប្រសិនបើផែនការយើងខ្លាំង នឹងមានទីសំចត ប្រសិនបើមិនបានរៀបផែនការជីវិតទេ យើងនឹងទីសុំចតនៃជីវិតឡើយគឺត្រូវប្រយុទ្ធនឹងសង្គ្រាមបញ្ហានៃជិតលុះរលត់ដង្ហើម។
#អរុណសួស្ដីប្រិយមិត្ត🌱

អត្ថបទ: ស្មេរ ប្រាថ្នា
រូបភាព: Pinterest

05/09/2025

04/09/2025

#ទង្វើរក្បត់ជាថ្នាំបន្សាបក្តីស្រឡាញ់
[...]សេចក្តីស្រឡាញ់ខ្លះទោះបីវាបានឆ្លងកាត់ពេលវេលាយូរកម្រិតណាក៏ដោយ ក៏មិនអាចបញ្ជាក់ថាមនុស្សនៅតែស្មោះត្រង់រហូតនោះឡើយ។ ស្រឡាញ់គ្នារាប់ឆ្នាំ ផ្តល់ទង្វើរល្អៗឲ្យគ្នាទៅវិញទៅមកស្ទើរតែមិនអាចខ្វះគ្នាបាន មនុស្សដែលធ្លាប់តែទទួលបានអារម្មណ៍កក់ក្តៅរវាងគ្នានិងគ្នា ទោះទៅដល់ទីណាក៏នឹកនាពីគ្នាសឹងតែមិនចង់ឲ្យចាកឆ្ងាយពីគ្នាសូម្បីតែបន្តិច។ព្រោះថាក្តីស្រឡាញ់វាពិតជាធំធេងណាស់ វាធ្វើឲ្យមនុស្សផ្លាស់ប្តូរគ្រប់យ៉ាង វាធ្វើឲ្យមនុស្សរស់នៅក្នុងពិភពស្រមើស្រមៃ វាធ្វើឲ្យមនុស្សរស់នៅស្ទើរឆ្កួតស្ទើរជា តែបើមនុស្សមិនចេះប្រើប្រាស់វាឲ្យត្រឹមត្រូវទេ វានិងបន្សល់នៅស្លាកស្នាមមួយដ៏សែនអាក្រក់សម្រាប់ជីវិតអ្នក។គ្រោះថ្នាក់ដ៏ធំបំផុតនៅក្នុងសេចក្តីស្រឡាញ់គឺការរំពឹងទុកនិងក្តីសង្ឃឹមទៅលើនរណាម្នាក់ ព្រោះការរំពឹងទុកកាន់តែខ្លាំងនោះក្តីខកចិត្តក៏កាន់តែខ្លាំងដូចគ្នាដែរ។

ទោះបីជាស្រឡាញ់គ្នាស្ទើរតែលេបគ្នាទុកហាក់បីដូចជារេហ៊ូលេបច័ន្ទក៏ដោយ ប្រសិនបើថ្ងៃណាមួយអ្នកក្បត់ខ្ញុំគ្រប់ទម្រង់រូបទាំងឡាយទាំងខ្ញុំដឹងថាអ្នកក្បត់នៅភាពស្មោះត្រង់ដែលខ្ញុំផ្តល់ឲ្យទៅកាន់អ្នក អ្នកមិនខុសពីសត្វដែលអវិជ្ជាទេ។ សេចក្តីក្បត់របស់អ្នកទោះបីជាអ្នកបង្កើតមួយរយលានទង្វើរល្អៗមកកាន់ខ្ញុំដើម្បីលប់លៀងនៅកំហុសអ្នកយ៉ាងណាក៏ដោយ ក៏ខ្ញុំនៅតែមិនអាចទទួលយកបាននោះដែរ ។ ទង្វើរក្បត់ប្រៀបដូចជាធ្នូរបាញ់ចាក់ទម្លុះត្រង់បេះដូងដោយពុំមានបន្សល់នៅស្លាកស្នាមប៉ុន្តែវាពិតជាឈឺរកអ្វីមកប្រៀបផ្ទឹមពុំបានទេ ។ ទង្វើរល្អកម្រិតណាច្រើនយ៉ាងណាតែបើមានទង្វើរក្បត់ចូលមកហើយវាប្រៀបបីដូចជាគ្រប់យ៉ាងត្រូវបានរលាយសាបសូន្យអស់ ព្រោះតែឥទ្ធិពលនៃទង្វើរក្បត់វាបានគ្របដណ្តប់រាល់ទង្វើល្អអស់ទៅហើយ។ ថាមពលនៃទង្វើរក្បត់គឺជាថ្នាំដែលមកបន្សាបក្តីស្រឡាញ់ដ៏បរិសុទ្ធព្រោះពុំមាននរណាម្នាក់អាចទ្រាំទ្រជាមួយវាបានទេ ទោះបីអ្នករឹងមាំយ៉ាងណាក៏ដោយ ក៏អ្នកមិនអាចទទួលយកបានដូចគ្នា ក៏ព្រោះតែវាបានជាន់ឈ្លីមកលើភាពស្នោះត្រង់រួមទាំងជីវិតរបស់អ្នកផងដែរ។

ហេតុអ្វីមនុស្សស្មោះត្រង់មិនជួបមនុស្សស្មោះត្រង់ដូចគ្នា ចាំបាច់ជួបនិងមនុស្សក្បត់ដើម្បីអ្វី? ចុះម្តេចមិនព្រមបើកឱកាសឲ្យមនុស្សក្បត់ជួបនិងមនុស្សក្បត់ដូចគ្នាទៅ ? មិនចង់ឃើញរបស់ល្អស្ថិតក្នុងដៃមនុស្សអាក្រក់ទេ ព្រោះវាអាចបន្សល់នៅភាព
អពលក្លមកដល់របស់ដែលល្អៗទាំងនោះ។ ចូរចាំថាបើទោះបីជាអ្នកស្រឡាញ់នរណាម្នាក់ខ្លាំងក៏ដោយ តែបើគេក្បត់អ្នកដើម្បីផលប្រយោជន៍របស់គេប៉ុន្តែជារឿងដែលបំផ្លាញអ្នក ចូរដោះលែងមនុស្សជំពូកទាំងនោះរួចអ្នកបន្តដំណើរទៅមុខទៀតជាមួយភាពស្មោះត្រង់របស់អ្នក។ 💔🥀
#កូនដង្កូវតូច #ស្មេរប្រាថ្នា
រូបភាព: Pinterest

02/09/2025

#សេរីភាព

ជីវិតដ៏ពេញលេញ និងមានគុណភាព មិនមែនជារូបភាពទំនេរ ខ្ជិលធ្វើការ ឃើញតែត្រេកត្រអាលនឹងការដើរលេងនោះឡើយ។ ស្ថិតក្នុងសភាពមិនបានការ បើទោះជាគ្មានអ្នកណារិះគន់អ្នក ក៏អ្នកខ្លួនឯងទទួលអារម្មណ៍ថា ជីវិតនេះគ្មានតម្លៃអ្វីដែរ បើទោះជាឧបមាថាអ្នកមានប្រាក់ចាយមិនអស់ក៏ដោយ។ ប្រសិនបើអ្នកខ្ជិល ហើយអ្នកសប្បាយចិត្ត អ្នកពិតជាអាចខ្ជិលបន្តទៀតបាន ប៉ុន្តែធម្មជាតិបង្កើតមនុស្សឱ្យរស់ជុំគ្នា និងជាប្រយោជន៍ដល់គ្នា ទើបបានជាអ្នកតែងតែទទួលបាននូវអារម្មណ៍រីករាយត្រឡប់មកវិញ បន្ទាប់ពីអ្នកបានបំពេញកិច្ចការជាប្រយោជន៍ដល់គេឯង។
=====================

ដកស្រង់ចេញពីសៀវភៅ #ម្នាក់ឯងតែមិនឯកា

01/09/2025

#តើខ្លួនឯងពូកែខាងអ្វីឱ្យប្រាកដ?
បើចង់ស្វែងរកអត្ថន័យជីវិត គួរតែតាមរកទេពកោសល្យពិតរបស់យើងជាមុនសិន ព្រៃនៅពេលយើងដឹងថា ខ្លួនយើងប៉ិនប្រសព្វលើអ្វីមួយហើយនោះ មិនត្រឹមតែធ្វើឱ្យជីវិតយើងប្រសើរឡើងទេ ក៏អាចកែប្រែពិភពលោកឱ្យទៅជាកន្លែងមួយស្រស់បំព្រងសម្រាប់យើង និងមនុស្សជាទីស្រឡាញ់យើងបានដូចគ្នា។ យើងម្នាក់ៗសុទ្ធតែមានចំណុចពិសេសរៀងខ្លួន ព្យាយាមបញ្ចេញនូវទេពកោសល្យ និងចរិតលក្ខណៈរបស់ខ្លួនឯង តើយើងពូកែខាងប្រាស្រ័យទាក់ទងឬទេ? តើស្រឡាញ់ក្នុងការបង្រៀនអ្នកដទៃឬទេ? តើយើងជាមនុស្សពូកែវិភាគរកគំនិតថ្មី យកចិត្តទុកដាក់ ឬគោរពវិន័យដែរទេ? តើមានសកម្មភាព ឬកីឡាជាក់លាក់ណាមួយ ធ្វើឱ្យអ្នកមានអារម្មណ៍ថាមានទេពកោសល្យពីកំណើត? សូមកុំបណ្ដោយឱ្យការវាយតម្លៃរបស់សង្គមរារាំងក្ដីសុបិនរបស់យើង ពេលណាយើងមានទេពកោសល្យដែលអ្នកផ្សេងមិនមាន នោះឱកាសជោគជ័យ គឺមានកាន់តែច្រើននាំយើងអាចដើរទៅរកអត្ថន័យនៃជីវិតខ្លួនបានកាន់តែងាយ។

ដកស្រង់ចេញពីសៀវភៅ ច្នៃជីវិតឱ្យមានប្រយោជន៍ និពន្ធដោយ រិន វិចិត្រ
រូបភាពដោយ Pinterest
---------------