Riya Online Shop

11/08/2020

តើរឿងនេះចង់អប់រំយ៉ាងដូចម្តេច?
ម៉ាស៊ីនកប៉ាល់ខូចមួយគ្មាននរណាម្នាក់អាចជួសជុលវាបានទេ។ ថ្ងៃមួយគេបាននាំវិស្វករមេកានិកដែលមានបទពិសោធន៍ ៤០ ឆ្នាំមកពិនិត្យ និងជួសជុលវា។ គាត់បានត្រួតពិនិត្យម៉ាស៊ីនយ៉ាងប្រុងប្រយ័ត្នបំផុតតាំងពីលើដល់ក្រោម។ បន្ទាប់ពីពិនិត្យគ្រប់សព្វហើយ ជាងនោះបានទាញយកញញួរតូចមួយចេញពីកាបូបរបស់គាត់ មកគោះមាស៊ីនកប៉ាល់ ហើយម៉ាស៊ីនក៏ចាប់ដំណើការវិញភ្លាម។ ម៉ាស៊ីនត្រូវបានជួសជុល!
៧ ថ្ងៃក្រោយមក ជាងនោះក៏បានផ្ញើវិក័យបត្រទៅម្ចាស់កប៉ាល់ដោយគិតថ្លៃឈ្លួលជុះជុលម៉ាស៊ីនកប៉ាល់ចំនួន ១០,០០០ ដុល្លារ។
"ស្អី?!" ម្ចាស់ហាងបាននិយាយ, "គោះមួយញញួរ យក១ម៉ឺនដុល្លារ?!! ផ្ញើវិក័យប័ត្រដែលមានរ៉ាយរ៉ាប់តម្លៃគ្រឿងបន្លាស់ និងថ្លៃឈ្លួលមក!"
ជាងឆ្លើយតបថា៖
- គោះមួយញញួរគិតថ្លៃ ២ ដុល្លារ
- ដឹងពីកន្លែងដែលត្រូវគោះធ្វើឱ្យម៉ាស៊ីនដំណើការគិតថ្លៃ ៩,៩៩៨ ដុល្លារ


Credit: Sok Dina

22/07/2020

បុរសចំណាស់ម្នាក់ជួបយុវជនម្នាក់ ហើយយុវជនម្នាក់នោះសួរថា៖

"តើអ្នកចាំខ្ញុំទេ?"

បុរសចំណាស់និយាយថា "អត់ទេ"​ បន្ទាប់មកយុវជននោះប្រាប់គាត់ថាគេជាសិស្សរបស់គាត់ ហើយគាត់សួរថា៖

"តើអ្នកប្រកបរបរអ្វីចិញ្ចឹមជីវិត?"

យុវជនឆ្លើយថា៖

“ ខ្ញុំបានក្លាយជាគ្រូបង្រៀន”

“ អូ! ល្អណាស់ ដូចខ្ញុំ?” បុរសចំណាស់សួរ។

“ មែនហើយ។ តាមពិតខ្ញុំបានក្លាយជាគ្រូពីព្រោះអ្នកបានជំរុញទឹកចិត្តខ្ញុំអោយធ្វើដូចអ្នកដែរ” ។

បុរសចំណាស់ឆ្ងល់ ក៏សួរយុវជននោះថាតើពេលណាទើបគាត់សំរេចចិត្តក្លាយជាគ្រូបង្រៀន។ ហើយយុវជននោះប្រាប់រឿងរ៉ាវដូចតទៅ៖

ថ្ងៃមួយមិត្តភក្តិរបស់ខ្ញុំក៏ជាសិស្សម្នាក់របស់លោកគ្រូដែរ បានដើរចូលថ្នាក់ជាមួយនាឡិការថ្មីដ៏ស្អាតមួយ ខ្ញុំឃើញនាឡិកានោះហើយចង់បានវាណាស់ហើយខ្ញុំក៏បានលួចវា។

បន្តិចក្រោយមកមិត្តខ្ញុំបានបានដឹងថាគេបាត់នាឡិកា ភ្លាមៗគេក៏បានទៅប្ដឹងអ្នកដែលជាគ្រូ។

'នាឡិការបស់សិស្សនេះត្រូវបានគេលួចអំឡុងពេលរៀនថ្ងៃនេះ។ អ្នកណាលួចវាសូមប្រគល់វាមកវិញ។ '

ខ្ញុំមិនបានយកវាចេញមកវិញទេ។ អ្នកបានបិទទ្វារហើយប្រាប់យើងទាំងអស់គ្នាឱ្យក្រោកឡើង ហើយឱ្យពួកយើងបិទភ្នែកពីព្រោះអ្នកនឹងរកនាឡិកានោះលុះត្រាតែយើងទាំងអស់គ្នាបិទភ្នែក។ បន្ទាប់ពីពួកយើងបិទភ្នែក អ្នកបានលូកហោប៉ៅយើងពីមួយទៅមួយ រហូតដល់ហោប៉ៅរបស់ខ្ញុំ អ្នកបានយកវាចេញពីហោប៉ៅខ្ញុំ។ អ្នកបានលូកហោប៉ៅរបស់មនុស្សគ្រប់គ្នាទោះជាបានរកឃើញនាឡិកានោះក៏ដោយ បន្ទាប់មកអ្នកអោយសិស្សទាំងអស់គ្នាបើកភ្នែកហើយនិយាយថា "យើងរកឃើញនាឡិកាហើយ" ។

អ្នកមិនបានប្រាប់ថា អ្នកយកនាឡិកានោះពីហោប៉ៅខ្ញុំទេ ហើយអ្នកមិនដែលនិយាយពីរឿងនេះទេ។ អ្នកមិនដែលនិយាយថាអ្នកណាលួចនាឡិកានោះទេ។ ថ្ងៃនោះអ្នកបានរក្សាសេចក្តីថ្លៃថ្នូររបស់ខ្ញុំជារៀងរហូត។ វាជាថ្ងៃដ៏គួរឱ្យអាម៉ាសបំផុតក្នុងជីវិតរបស់ខ្ញុំ។

ប៉ុន្តែវាក៏ជាថ្ងៃដែលខ្ញុំបានសំរេចចិត្តមិនក្លាយជាចោរ ឬមនុស្សអាក្រក់ដែរ។ អ្នកមិនដែលនិយាយអ្វីទាំងអស់ហើយក៏មិនដែលស្តីបន្ទោសខ្ញុំដែរ ខ្ញុំបានទទួលសាររបស់អ្នកយ៉ាងច្បាស់។ ។

ហើយអរគុណដល់អ្នក ខ្ញុំបានយល់ពីអ្វីដែលអ្នកអប់រំពិតប្រាកដត្រូវធ្វើ។ តើអ្នកចាំបានទេ លោកគ្រូ?

ហើយបុរសចំណាស់នោះឆ្លើយថា៖

ខ្ញុំចាំពីរឿងនាឡិកាដៃដែលបានលួចនោះ ដែលខ្ញុំបានយកចេញពីក្នុងហោប៉ៅរបស់អ្នករាល់គ្នាប៉ុន្តែខ្ញុំមិនចាំថាហោប៉ៅរបស់អ្នកណាទេព្រោះខ្ញុំក៏បិទភ្នែកដែរពេលនោះ។

ខ្លឹមសារអប់រំ៖ ប្រសិនបើគ្រាន់តែដើម្បីអប់រំអ្នកណាម្នាក់ហើយធ្វើអោយគេអាម៉ាស់ អ្នកមិនដឹងពីអ្វីដែលហើយថាការអប់រំទេ"

ប្រែសំរួលពីអត្ថបទបរទេសដោយ ៖ ឧត្ដមគំនិត - OutdomKumnit
-------------------------------------------------------------------

✌️Peace✌️

Like ឧត្ដមគំនិត - OutdomKumnit ដើម្បីទទួលបានគំនិតល្អៗសំរាប់គិតពិចារណាជាប្រយោជន៍

19/04/2020

រឿងកង្កែបពីរក្បាល

មានថ្ងៃមួយ មានកង្កែប មួយក្រុមបានធ្វើដំណើរ នៅព្រៃមួយ ប៉ុន្តែពេលកំពង់ធ្វើដំណើរ នោះស្រាប់តែ មានកង្កែប 2 ក្បាលបានធ្លាក់ចូលទៅក្នុង រណ្តៅជ្រៅមួយ បន្ទាប់មកកង្កែបផ្សេងៗ នៅខាងលើ បានមើលទៅ ជំរៅ របស់រណ្តៅ នោះរួចបាន ស្រែកប្រាប់កង្កែបដែរធ្លាក់ចុះ នោះថា ពួកគេគ្មានសង្ឃឹមនិង ឡើងរួចទេ ។

ប៉ុន្តែកង្កែបទាំងបានមិនបានស្តាប់សម្តីកង្កែបខាងលើហើយព្យាយាមលោតចេញពីរណ្តៅ។

ទោះបីជាកង្កែបទាំងពីរ ខិតខំយ៉ាងណា ក៏កង្កែបខាងលើនៅតែ ព្យាយាមស្រែកប្រាប់អោយ កង្កែបទាំងពីរ បោះបង់ការខិតខំចោលទៅ ព្រោះវាមិនអាចទៅរួចទេ។

កង្កែបមួយបានបានស្តាប់កង្កែបផ្សេងរួច បោះបង់ការខិតខំចោល រួចបានធ្លាក់ស្លាប់ទៅ, តែកង្កែបមួយទៀតព្យាយាមលោកខ្លាំងតាមអ្វីដែរវាធ្វើបាន , កង្កែបខាងលើបានស្រែកដាក់កង្កែបម្តងទៀត បញ្ឈប់ការព្យាយាមរួច ស្លាប់តាមសម្រួលទៅ។

ប៉ុន្តែកង្កែបនោះនៅតែព្យាយាម ខ្លាំងឡើងៗ រហូតវាធ្វើបានសម្រេច នៅពេលដែរវាចេញបាន កង្កែបផ្សេងៗ បានសួរថា តើឯងមានលឺយើងនិយាយទេ ?

កង្កែបបានឆ្លើយថាវា ធ្ងន់ត្រចៀក វាស្មានតែ ការដែរកង្កែបផ្សេងៗ ខំស្រែក ជា សំរ៉ែក ដែរ អោយវា ខិតខំ អោយខ្លាំង ។

តាមសាច់រឿងមានន័យថា
សំដីរបស់មនុស្សពិតជាមាន ឥទ្ធិពលខ្លាំងលើជីវិតអ្នកដទៃណាស់ ។ ចូលគិតមុននិងអ្នកនិយាយអ្វីចេញពីមាត់របស់អ្នកវាអាចធ្វើអោយ អ្នកដទៃ ស្លាប់រឺ រស់បាន ។

ប្រភព៖​ ស៊ុក រតនា

-------------------------------------------------------------------

✌️Peace✌️

Like @ឧត្ដមគំនិត - OutdomKumnit ដើម្បីទទួលបានគំនិតល្អៗសំរាប់គិតពិចារណាជាប្រយោជន៍

19/04/2020

គ្មាននរណាម្នាក់ធ្លាបមានអតីតកាលដ៏ល្អឥតខ្ចោះនោះទេ
គ្មាននរណាម្នាក់ដែលថាមិនធ្លាប់ត្រូវគេធ្វើបាបនោះទេ
គ្មាននរណាម្នាក់ដែលថាមិនធ្លាប់ប្រព្រឹត្តកំហុសនោះដែរ

តែអ្វីដែលសំខាន់ អតីតកាលក៏បានកន្លងហួសទៅ យើងមិននៅជាមួយវាទៀតទេ
ពេលដែលគេធ្វើបាបយើង យើងកាន់តែរឹងមាំជាងពីមុន
កំហុសរបស់យើងបានបង្រៀនយើងឲ្យចេះមេរៀនកាន់តែច្រើននៅក្នុងជីវិត យើងកាន់តែស្គាល់មនុស្សច្រើនជាងមុន យើងដឹងល្អអាក្រក់ច្រើនជាងមុន យើងនឹងមិនធ្វើឲ្យគេឈឺចាប់ដូចលើកមុន។

រៀនអត់ទោសឲ្យខ្លួនឯង និងអ្នកដទៃ។ តម្លៃរបស់យើងមិនស្ថិតនៅលើមាត់អ្នកដទៃនោះទេ សំខាន់យើងដឹងថាយើងជានរណា ហើយត្រូវដើរទៅណា។
សន្យាបានទេថាឈប់ស្អប់ខ្លួនឯង? សន្យាបានទេថាឈប់ខ្វល់ពីអតីតកាល? សន្យាបានទេថាធ្វើខ្លួនឲ្យសប្បាយចិត្ត និងស្រឡាញ់ខ្លួនឯងឲ្យបានច្រើនជាងមុន?

article: Chorvorn Nath

-------------------------------------------------------------------

✌️Peace✌️

Like ឧត្ដមគំនិត - OutdomKumnit ដើម្បីទទួលបានគំនិតល្អៗសំរាប់គិតពិចារណាជាប្រយោជន៍

17/04/2020

ជីវិតជួបមនុស្សពោរពេញទៅដោយការសម្តែង៖

១. មនុស្សខ្លះសម្តែងជាអ្នកអាន ប៉ុន្តែគ្រាន់តែការថតបង្ហោះចង់ឱ្យគេសរសើរថាខ្លួនគ្រាន់បើ ស្រឡាញ់ការសិក្សា។

២.មនុស្សខ្លះសម្តែងជាអ្នកឱ្យទាន ធ្វើជាអាណិតដល់ជនក្រីក្រ​ ដើម្បីថតរូបបង្ហោះទាញយកការស្រឡាញ់ ការគាំទ្រ និងលាភសក្ការៈ មុខមាត់។

៣.មនុស្សខ្លះសម្តែងធ្វើជាមិត្ត អែបអប លើកជើងលើកដៃ ដើម្បីទទួលបានផលប្រយោជន៍ បន្ទាប់មកក៏និយាយមួលបង្ខូចបង្កាច់លាបពណ៍។

Credit : Millionaire Idea

27/12/2019

27/12/2019

ក្ងាន និងកង្កែប (តម្លៃការងារជាក្រុម)​

នៅ​ថ្ងៃមួយ​មាន​កង្កែប​មួយ​ក្បាល​បាន​សុំ​ក្ងាន​ពីរ​ក្បាល​ឱ្យជួយ​នាំ​វា​ទៅ​ភាគខាងត្បូង​ដែរ​។ ដំបូង​ឡើយ ក្ងាន​ទាំងពីរ​រឹងទទឹង​ដោយសារ​ពួកវា​មិនដឹង​នាំ​កង្កែប​ទៅជា​មួយ​ពួក​យ៉ាងម៉េច​។ នៅ​ទីបំផុត​កង្កែប​ស្នើឱ្យ​ក្ងាន​ទាំងពីរ​ពាំ​កូនឈើ​កន្លះ​ម៉ែត្រ​នៅ​នឹង​ជំ​ពុះ​របស់​វា រួចហើយ កង្កែប​ខាំ​ឈើ​នោះ​ឱ្យ​ជាប់​ដើម្បីឱ្យ​ក្ងាន​ហោះ​ទៅ យោង​វា​ទៅជា​មួយ​ផង​។​

​ដូច្នេះ​ពួកវា​ក៏​ចាប់ផ្ដើម​ចេញដំណើរ ដោយ​ហោះហើរ​ទៅកាន់​ភាគខាងត្បូង​ជាមួយគ្នា​។ ការសហការ​នេះ​ពិតជា​គួរឱ្យ​ស្ញប់ស្ញែង ហើយ​មនុស្ស​នៅលើ​ដី​បាន​សម្លឹងមើល​ជាមួយ​ការកើត​សរសើរ​ចំពោះ​គំនិត​ច្នៃប្រឌិត ដែល​នេះ​គេ​ហៅថា ការធ្វើការងារ​ជា​ក្រុម​។​

​ ​បន្ទាប់មក​មាន​មនុស្ស​ម្នាក់​និយាយថា "​ពិតជា​អស្ចារ្យ​ណាស់​! នរណា​ទៅ​ឆ្លាត​ម្ល៉េះ​ដោយ​ចេះ​រកឃើញ​វិធី​ធ្វើដំណើរ​បែបនេះ​?"​។ ភ្លាមនោះ​កង្កែប​បាន​ហាមាត់​និយាយថា "​ខ្ញុំ​! ខ្ញុំ​!" ស្របពេលនោះ​វា​ធ្លាក់​ស្ប៉ា​ប​ទៅ​លើដី​ស្លាប់​តែម្តង​។​

​ ​*** គ្មាន​ពាក្យ "​ខ្ញុំ​" នៅក្នុង "​ក្រុម​" ឡើយ​។

ប្រភព៖ បរទេស