26/08/2026
គ្នាចេះនេសាទ ចិត្តស្អាតស្អំ
រាយមងដាក់ដំ សន្សំត្រី
រកព្រឹកខ្វះល្ងាច អាចពឹងអី
ម្ដេចក៏មន្ត្រី ចោទបំពាន?
នេសាទមួយរស់ ព្រោះក្រីក្រ
រកតែអង្ករ ស្ទើរតែគ្មាន
អក្សរមិនចេះ អត់បានរៀន
តើអាចបំពាន បទល្មើសទេ?
គ្នាថាមិនស្គាល់ សូម្បីផ្លូវ
ចូលក្នុងព្រៃជ្រៅ ផ្លូវវៀចវេរ
គ្នាថាស្គាល់ត្រឹម ផ្លូវទន្លេ
នេសាទនឹងគេ រស់មួយគ្រា...
អរគុណ! អស់លោកតុលាការ
ព្រះរាជអាជ្ញា ថ្លាវិជ្ជា
ក្រឡាបញ្ជី ទាំងអស់គ្នា
បម្រើប្រជា គ្រាសង្វេគ...
ថ្ងៃក្រោយសូមផ្ដាំ អស់មន្ត្រី
ចោទជនប្រុសស្រី ត្រូវបើកភ្នែក
កុំប្រើគូទជួសក្បាលខ្លាំងពេក
បូកដកគុណចែក ត្រូវពិនិត្យ!
ពលរដ្ឋស្លូតត្រង់ សូមមួយរស់
រក្សាកេរ្តិ៍ឈ្មោះ យសជីវិត
ចំណេះក៏គ្មាន របៀនគិត
តើជាប់ឧក្រិដ្ឋ ដូចម្ដេចទៅ?
២៥ សីហា ២០២៦ #ខ្មែរស្រលាញ់ខ្មែរ
