មូ៉ណា៎-MoNa OnlineShope

09/03/2020

មានលក់ម៉ាសក្រណាត់ 1=3000រៀល
​
០៩៥ ៥១២ ៥០០ សៀមរាប

28/02/2020

ស្គាល់ខ្លួនឯងអោយច្បាស់ជាមុនសិន ដោយសួរខ្លួនឯងថា÷ ១/ ចំពោះអ្នកដទៃ តើលោកអ្នកជានរណា?

រឿងដែលហួសចិត្តបំផុតនោះគឺមនុស្សយើងកម្រសួរខ្លួនឯងថាយើងជានរណាណាស់ ពីព្រោះយើងរវល់ពេកក្នុងការគិតអំពីរបៀបដែលអ្នកដទៃធ្វើចំពោះយើង។ នៅពេលយើងវិភាគរឿងរ៉ាវជីវិតរបស់អ្នកដទៃជាប្រចាំ យើងនឹងក្លាយទៅជាអ្នកវាយតម្លៃដោយស្វ័យប្រវត្តិ។ យើងក្លាយទៅជាមនុស្សពូកែចាប់កំហុសដែលអ្នកដទៃធ្វើឬមិនធ្វើចំពោះយើង។ ការវាយតម្លៃអ្នកដទៃត្រូវការព្យាយាមតិចតួចណាស់។ ប៉ុន្តែវិធីសាស្រ្តនេះគ្មានបានចូលរួមវិភាគទានអ្វីក្នុងជោគជ័យផ្ទាល់ខ្លួនរបស់លោកអ្នកទេ ហើយក៏គ្មានប្រយោជន៍ចំពោះអ្នកដទៃដែរ។

មនុស្សជោគជ័យជាមនុស្សដែលវិភាគនិងវាយតម្លៃខ្លួនឯង។ ការចាប់ផ្តើមគិតអំពីខ្លួនឯងជានរណាចំពោះអ្នកដទៃជារឿងសំខាន់ណាស់។ ពេលចាប់ផ្តើមគិតអំពីខ្លួនឯងជាពេលដែលយើងចាប់ផ្តើមបង្កើតបទពិសោធន៍នៃការផ្លាស់ប្តូរដែលមានខ្លឹមសារបំផុត។

២/ តើលោកអ្នកអាចចូលរួមវិភាគទានដោយរបៀបណាខ្លះ?

ជំនួសឱ្យការផ្តោតចិត្តតែលើអ្វីដែលយើងទទួលបាននិងមិនទទួលបាន យើងត្រូវការផ្តោតចិត្តលើផ្នែកនៃជីវិតរបស់យើងដែលយើងអាចចូលរួមវិភាគទានទាំងក្នុងជីវិត ការងារ និងសុភមង្គល ក៏ដូចជាជោគជ័យរបស់មនុស្សជុំវិញខ្លួនយើង។ រៀនធ្វើជាមនុស្សមិនអាត្មានិយម។ ជោគជ័យមិនកើតឡើងនៅក្នុងការរង់ចាំឱ្យអ្នកដទៃទទួលស្គាល់យើង ឬលើកយើងឡើងដល់កន្លែងថ្មីទេ។ យើងត្រូវតែខិតខំធ្វើការ និងប្តេជ្ញាចិត្ត ទាំងដើម្បីខ្លួនឯងនិងដើម្បីអ្នកដទៃ។

មនុស្សយើងកាន់តែទទួលបានជោគជ័យនៅពេលចូលរួមវិភាគទានអ្វីៗដែលល្អទៅក្នុងពិភពលោកនេះ។ គោលដៅរបស់ជោគជ័យមិនមែនជាលុយ ឬទ្រព្យសម្បត្តិទេ ប៉ុន្តែវាជាអារម្មណ៍នៃសុភមង្គលនិងការពេញចិត្ត។ មនុស្សយើងចង់ធ្វើការឱ្យមនុស្សណាដែលយើងជឿជាក់ថាគេគាំទ្រយើងវិញ។

៣/ តើលោកអ្នកពូកែស្តាប់កម្រិតណា?

យើងគួរតែសួរខ្លួនឯងថាយើងពូកែស្តាប់កម្រិតណា? ដើម្បីស្គាល់មនុស្សណាម្នាក់កាន់តែច្បាស់ យើងត្រូវតែស្តាប់គេឱ្យបានច្រើន។ យើងមិនអាចធ្វើជាមនុស្សពូកែទាក់ទងបានទេ លុះត្រាតែយើងអាចផ្តល់ឱកាសឱ្យអ្នកដទៃប្រាប់យើងថាគេជានរណាសិន។ បើយើងដណ្តើមតែគេនិយាយ យើងមិនមានពេលស្តាប់គេទេ ហើយយើងគ្មានធ្វើអ្វីក្រៅពីលក់គំនិតរបស់ខ្លួនយើងនោះទេ។ គ្មានមធ្យោបាយសមរម្យណាមួយដើម្បីផ្តល់ដំបូន្មាន ឬជួយនរណាម្នាក់បានទេ បើយើងមិនអាចស្តាប់គេឱ្យយល់តម្រូវការរបស់គេ។

បើយើងកាន់តែយកចិត្តទុកដាក់ស្តាប់គេនិយាយ យើងនឹងរៀនបានកាន់តែច្រើន ហើយយើងក៏អប់រំខ្លួនឯងបានកាន់តែច្រើនដែរនៅពេលផ្តល់ដំបូន្មាន ឬបញ្ចេញគំនិតយោបល់។ រឿងដែលគួរឱ្យគោរពបំផុតដែលយើងអាចផ្តល់ឱ្យនរណាម្នាក់គឺស្តាប់គេនិយាយដោយគ្មានការវាយតម្លៃ។

៤/ តើលោកអ្នកអាចធ្វើអ្វីច្រើនជាងនេះ ឬតិចជាងនេះ?

តើផ្នែកណាមួយនៃបុគ្គលិកលក្ខណៈ ឬរបៀបរស់នៅរបស់លោកអ្នកដែលត្រូវខិតខំបន្ថែមទៀត? បើយើងដឹងខ្លួនថាយើងអាចជាមនុស្សគ្មានហេតុផលនិងលំបាកធ្វើការជាមួយ ហើយយើងជ្រើសរើសមិនធ្វើអ្វីសោះដើម្បីកែប្រែចំណុចទាំងនោះ មានន័យថាយើងកំពុងតែរាំងស្ទះដំណើរផ្ទាល់ខ្លួនឆ្ពោះទៅរកជោគជ័យហើយ។ តើលោកអ្នកធធ្វើការច្រើនពេកទេ ទទួលទានអាហារច្រើនពេកទេ និយាយច្រើនពេកទេ មិនការពារគំនិតខ្លួនឯងឱ្យដល់កម្រិតមែនទេ? បើលោកអ្នកឆ្លើយស្របចំពោះសំណួរណាមួយក្នុងចំណោមសំណួរទាំងអស់នេះ លោកអ្នកត្រូវខិតខំធ្វើការដើម្បីអភិវឌ្ឍខ្លួនក្នុងផ្នែកនីមួយៗ។ ជោគជ័យដែលគ្មានតុល្យភាពមិនមែនជាជោគជ័យពិតប្រាកដទេ។

៥/ តើលោកអ្នកអាចពង្រឹងខ្លួនឯងដោយរបៀបណា?

នៅពេលណាដែលយើងមានអារម្មណ៍ថាត្រូវការផ្លាស់ប្តូរ យើងសន្និដ្ឋានថាមានអ្វីម្យ៉ាងមិនត្រូវ ឬយើងមិនទាន់ល្អគ្រប់គ្រាន់ទេ។ យើងមិនចាំបាប់ផ្លាស់ប្តូរខ្លួនយើងទេ ប៉ុន្តែយើងត្រូវពង្រឹងខ្លួនយើង។ យើងត្រូវតែប្រកាន់ទស្សនៈវិស័យរបស់យើង និងរស់នៅក្នុងរបៀបផ្ទាល់ខ្លួន។ យើងត្រូវតែតស៊ូជម្នះដើម្បីធ្វើខ្លួនឱ្យដូចមនុស្សដែលយើងចង់ឱ្យគេស្រឡាញ់ និងគោរព។ យើងគួរតែខិតខំធ្វើការដើម្បីអភិវឌ្ឍខ្លួននិងជីវិតរបស់យើង ដោយសារបើមិនមានកិច្ចការផ្ទាល់ខ្លួននេះទេ ជីវិតរបស់យើងមិនអាចររីកចម្រើនបានទេ។ អ្វីៗទាំងអស់នៅក្នុងជីវិតមានដំណើរទៅមុខជានិច្ច ហើយខ្លួនយើងក៏ត្រូវបត់បែននិងផ្លាស់ប្តូរដូចគ្នាដែរ។ យើងត្រូវតែពង្រឹងខ្លួនឯងតាមរយៈការទទួលទានឱ្យកាន់តែប្រសើរ គេងឱ្យបានគ្រប់គ្រាន់ ហាត់ប្រាណ អានសៀវភៅ និងចូលរួមក្នុងព្រឹត្តិការណ៍ជួបជុំដើម្បីរៀនសូត្រនិងយល់ដឹងអំពីអ្វីៗដែលកើតឡើងជុំវិញខ្លួន។

16/01/2020