Na Bi - 나비 in your Soul

Directions

Na Bi - 나비 in your Soul Contact information, map and directions, contact form, opening hours, services, ratings, photos, videos and announcements from Na Bi - 나비 in your Soul, Shopping Service, Seoul.

Q 🦋အလုပ်လုပ်ရတာ အခက်အခဲ ရှိပါသလား။ဒီပို့စ်မှာတော့ အချိန်ပိုင်းအလုပ်အတွက်ပဲ သီးသန့်ဖြေပေးမှာပါ။ Professional ပိုင်း အလု...
14/10/2024


Q 🦋အလုပ်လုပ်ရတာ အခက်အခဲ ရှိပါသလား။

ဒီပို့စ်မှာတော့ အချိန်ပိုင်းအလုပ်အတွက်ပဲ သီးသန့်ဖြေပေးမှာပါ။ Professional ပိုင်း အလုပ်အတွက်ကျ နောက်ပို့စ်မှာ သီးသန့် ရေးပေးသွားပါမယ်နော်။

၁။ အလုပ်ရှာရတာ လွယ်ပါသလား?

အချိန်ပိုင်းအလုပ်ရှာလို့ရတဲ့ application ကနေ အလွယ်တကူရှာလို့ရပါတယ်။ ဒါပင်မယ့် နိုင်ငံခြားသားမလို့ သူတို့နဲ့ မကိုက်ပါဘူးတို့ ပါတို့ အဲဒီလိုတွေ အငြင်းခံရနိုင်ပါတယ်။ တစ်ချို့ဆို နိုင်ငံခြားသား လုံးဝ မခန့်ပါ ဆိုတာမျိုးပါ ထည့်ရေးထားတာရှိတယ်။ အဲဒီထဲကနေမှ နိုင်ငံခြားသား အများဆုံးခန့်တဲ့ အချိန်ပိုင်းတွေကတော့

🌟Hall serving ( စားပွဲထိုးပဲပြောရမှာပေါ့) ကိုရီးယားမှာ အသားဆိုင်တို့၊ ဘီယာဆိုင်တို့က ညဆို လူအရမ်းများပါတယ်။ ကကြီးတွေတောင် ခဏခဏ ထွက်တာမလို့ အဲဒီလိုဆိုင်တွေက နိုင်ငံခြားသားတွေခန့်ပါတယ်။ အက်ဒမင်ကတော့ စားပွဲထိုးလုပ်ဖူးပါတယ်။ သူဌေးကောင်းရင်တော့ အဆင်ပြေပင်မယ့် အသေတော့ ပင်ပန်းပါတယ်။ သူတို့ခေါ်တဲ့ အချိန်တွေက လူကျတဲ့ အချိန်တွေပဲ ခေါ်တာမလို့ လမ်းကတော့ ရှယ်ပလန်နဲ့ လျှောက်ရမှာပါ။ အပြန်ဆို အိမ်ကို မနည်းလမ်းလျှောက်ပြန်ရတဲ့ အထိပါပဲ။ 😅
ဘာသာစကားတော့ နည်းနည်းတော့ တက်ထားမှ အဆင်ပြေမယ့်အလုပ်ပါ။ စလုပ်တုန်းက သိပ်မတက်သေးတော့ ဧည့်သည်အော်တာခံရဖူးတယ်။ သူဌးဝင်ရှင်းပေးလို့ပေါ့။ နောက်ပိုင်းတော့ အဆင်ပြေသွားပါတယ်။ အိမ်သာဆေးတာ ကြမ်းတိုက် ဘာညာကတာ့ မဖြစ်မနေပါနော်။ နောက်ပြီး သူက တစ်နာရီ လုပ်အားခက ပုံမှန်ထက်ပိုရတယ်ရယ်

🌟 စတိုးဆိုင်
အထူးသဖြင့် ညဆိုင်းတွေပေးတာများပါတယ်။ ဒီအလုပ်ကတော့ စကား ပြောစရာမလိုတော့ တော်တော်အဆင်ပြေတယ်ပြောရမယ်။ ဒါပင်မယ့် သူကတိုင်အပတ်ဆုံးက ဆေးလိပ်နာမည်တွေမှတ်ရမှာရယ်။ နောက်ပြီး အသက်မပြည့်သေးတဲ့ သူတွေ မလှိမ့်တပတ်နဲ့ ဆေးလိပ်အရက် လာဝယ်လို့ သေချာ မစစ်ပဲ အတိုင်ခံရရင် တော်တော် တိုင်ပတ်ပါတယ်။ ကျန်တာတော့ စက်အသုံးပြုပုံဘာညာက သူဌေးက သင်ပေးသလို YouTube ကနေရှာပြီး အသုံးပြုပုံလေ့ကျင့်ရင်လဲ အဆင်ပြေပါတယ်။ ညဘက်ကျမှ အရက်တွေ၊ အအေးတွေ ဝင်တာများပါတယ်။ အဲဒီမှာပျော်ပျော်ပါးပါးကြီး မရပါလိမ့်မယ် ဖာလိုက်ကြီးတွေ၊ ပစ္စည်း မ အကောင်းလွန်တာ ခါးနာပြီး ၁ ပတ်လောက် ခါးမှာ ပလာစတာလေးနဲ့ နေရတဲ့ အခေါက်ရှိဖူးတယ်ရယ် ~~

🌟မီးဖိုချောင်
ဒါကတော့ အဓိက ပန်းကန်ဆေး၊ ကြက်ကြော်တာတို့ ဘာတို့။ သူလဲ လုပ်ခများများပေးပါတယ်။ အဲဒါကတော့ အတွေ့အကြုံမရှိပင်မယ့် အသိညီမလေးတွေ ပြောတာကတော့ အစပိုင်းသင်ယူတဲ့ အချိန်ပဲ မှတ်တာဘာညာနဲ့ ပင်ပန်းပင်မယ့်နောက်ပိုင်းတော့ အဆင်ပြေတယ်ပြောတယ်။ ကိုယ်တိုင်မလုပ်ဖူးတော့ review သေချာ မရေးနိုင်တာ စိတ်မရှိပါနဲ့နော်။

၂။ ကိုရီးယား သူဌေးတွေရဲ့ စိတ်နေသဘောထား

ကောင်းတဲ့လူနဲ့တွေ့ရင် အဆင်ပြေပါတယ်။ ဒါပင်မယ့် သူတို့ အားလုံးရဲ့ တူညီတဲ့ အချက်ကတော့ 빨리 빨리 해 ပဲ မြန်မြန်လုပ်ဆိုတဲ့ သဘောပါ။ လူများတော့ အလုပ်မှာ ဂယောင်ပေးရင်တော့ အ​ပြောတော့ခံရတာပေါ့ ဆိုးဆိုးဝါးဝါးကြီးတော့ မဟုတ်ပါဘူး။ ဒါပင်မယ့် အလုပ်အကုန်ပြီးသွားရင် သူတို့ မပြောဖူးတဲ့ အတိုင်းပဲ မျက်နှာပေးက 😂 အဲ့ကြ စားစရာတွေပါ ထည့်ပေးပါလိမ့်မယ်။ အက်ဒမင်က သူတို့ဘာပြောပြော Nae Nae အာလ်ဂတ်စမီးသားပဲ 🤣ပြီးတော့ ပြုံးပြုံးလေးနေပေးတော့ ချစ်ပေးရှာပါတယ်။ စားပွဲထိုးလုပ်တုန်းက ပင်ပန်းတယ်ဆိုပင်မယ့် မုန့်ဖိုးလဲရသလို ညစာလဲ ရပါတယ်။ တွက်ခြေတော့ကိုက်တယ်။ စတိုးဆိုင်ကတော့ သူဌေးနဲ့ အတွေ့နည်းတော့ အဲဒါတော့ တော်တော်အဆင်ပြေတယ်ရယ်~

၃။ ဧည့်သည်တွေ အနေအထား။
သဘောကောင်းတဲ့ ဧည့်သည်တွေလဲ အများကြီးတွေ့ဖူးသလို ဆိုးတဲ့ ကြောင်စီကွေး ဧည့်သည်တွေလဲ တွေ့ဖူးပါတယ်။ ဖွန်ကြောင်တဲ့ အဖိုးကြီးတွေလဲရှိပါတယ်၊ တက်နိုင်သမျှ မျက်နှာတည်ကြီးနဲ့ ရဲခေါ်မယ်တို့ ဘာတို့ ခြိမ်းခြောက်၊ နောက်ပြီး ဘာမှ နားမလည်သလို ဟန်ဆောင်လိုက်ရင် အဆင်ပြေပါတယ်။ သူတို့ရဲ့ မြန်မြန်လုပ်ခိုင်းတာကတော့ လူတိုင်းပဲ။ ဒါကတော့ ဘယ်နေရာမှာ လုပ်လုပ်ကို ရှောင်မရတဲ့ ပြသာနာကြီးပါပဲ။

ဒီအပိုင်းလေးကတော့ အချိန်ပိုင်း အတွေအကြုံလေး သီးသန့်ပါ။ Content creator လို pro ကျကျ review မရေးတက်တော့ အက်ဒမင်ရဲ့ အတွေ့အကြုံကို စိတ်ထဲ ရှိတဲ့ အတိုင်းရေးထားတာဖြစ်ပါတယ်။ သဘောထား ကွဲလွဲမှုလေးတွေများ ကြုံလာခဲ့ရင်လဲ ခွင့်လွှတ်ပါနော် ㅠㅠ

ကြုံတုန်းလေး page လေးကို Like & share လေး လုပ်ပေးရင် So So Tank Q ပါ 😛

I wanna be your Nabi 🦋 of your Seoul ~ ❤️

🦋 အက်ဒမင်တို့ တောင်ကိုရီးယား ရောက်တာ ဒီနှစ်ပါ အပါဆို ၄ နှစ်ပြည့်တော့​မယ်ရယ်။ မြန်မာနိုင်ငံမှာ ဘွဲ့ရပြီးကတည်းက ရှိသမျှ sc...
14/10/2024

🦋 အက်ဒမင်တို့ တောင်ကိုရီးယား ရောက်တာ ဒီနှစ်ပါ အပါဆို ၄ နှစ်ပြည့်တော့​မယ်ရယ်။
မြန်မာနိုင်ငံမှာ ဘွဲ့ရပြီးကတည်းက ရှိသမျှ scholarship တွေ အကုန်လျှောက်၊ အလုပ်မှန်သမျှ ဆိုလဲ လျှောက်၊ အဲဒီလိုနဲ့
scholarship ကျတာတွေ ဆိုတာလဲ သောက်သောက်လဲ~~ 😂
အလုပ်လဲ အဲ့နည်းအတိုင်းပဲ~ 😂
အဲ့တုန်းကတော့ scholarship ရပြီးပြီဆိုရင် ဘဝကြီး သာယာပြီ၊ အလုပ်ဆိုလဲ အလုပ်ရရင် သာယာပြီ ထင်ခဲ့တာ၊ တကယ်တမ်းကြတော့ ရထားတဲ့ အရာကို ထိန်းသိမ်းရတာရယ် နောက်ဆုံး ပြီးတဲ့အထိ ပြီးမြောက်အောင်လုပ်ရတာကမှ တကယ့် အခက်အခဲပဲ~~
ဒီလိုနဲ့ ၂ ယောက်လုံး ငယ်ပေါင်းကြီးဖော် သူငယ်ချင်းကြီးရဲ့ တွန်းအား (ထက်စာရင် ဆွဲအားကပိုမှန်မယ် 😅 ) ကျေးဇူးနဲ့ scholar ရပြီး အိုပါးတို့ နိုင်ငံကို လိမ်ဖယ် လိမ်ဖယ်နဲ့ ရောက်လာတယ်ဆိုပါဆို့~
ဒီလိုနဲ့ ဘွဲ့ရပြီး အခုတော့ အလုပ်တွေရတဲ့ အထိပေါ့နော်~
ဒါကြောင့် ဒီနေ့ အချိန် ထိ ကြုံတွေ့ခဲ့ရတဲ့ ပြသာနာပေါင်းပဲပြောရမလား အတွေ့အကြုံပဲ ပြောရမလား အဲဒါတွေကို ဒီ page လေးမှာ ဝေမျှပေးရင် ကောင်းမလားလို့ပါ။ page follower တွေကိုလဲ တစ်ခုခု ပြန်ပေးဆပ်ချင်တဲ့ သဘောနဲ့ပေါ့နော်။
သိချင်တဲ့ အကြောင်းလေးတွေရှိရင်လဲ comment လေးမှာ လာရေးပေးရင် အဲဒါနဲ့ ပတ်သတ်တာလေးတွေကို မျှဝေပေးပါမယ်။
ဒီအတိုင်း ပေါ့ပေါ့ပါးပါး ကိုယ်တွေ့ အတွေ့အကြုံလေးတွေ မျှဝေသွားမှာ မလို့ အားမနာတမ်း သိချင်တာလေးတွေ comment မှာ ရေးပေးသွားကြပါလို့။

ဥပမာ- အက်ဒမင်တို့က K-popper တွေမလို့ အတွေ့အကြုံလေးပြောပြပါတို့
အပြင်မှာ ရုပ်ရှင်ထဲက မင်းသားမင်းသမီးတွေကို မြင်ဖူးလားတို့
နောက်ပြီး စျေးသက်သက်သာသာနဲ့ shopping ထွက်နည်းတို့
အက်ဒမင်တို့ ရေသောက်ဗိုက်မှောက်ပြီး နေဖူးတဲ့ အခြေအနေတွေရှိခဲ့ဖူးလား
စသဖြင့် အကုန်မေးလို့ရပါတယ်နော်။
ရည်းစားထားတဲ့ အတွေ့အကြုံသိချင်ပါတယ်လို့တော့ မမေးပါနဲ့နော်။ အဲ့အကြောင်း အစဖော်စရာ အတွေ့အကြုံတောင် မရှိတာမလို့ ဒီ Topic လေးတော့ 금지 🚫 ဂင်မ်ဂျီ ပါနော် 🥹

I will be Nabi 🦋 in your Seoul ~ ❤️

11/10/2024

안녕하세요 ~~~

🤣 စီးပွါးရေးလုပ်ငန်းရှင် admin 2 ယောက် ဒီတစ်ခေါက် Service အသစ်နဲ့ comeback ပြန်လာပါပြီလို့~~

နိုင်ငံစီးပွါးရေး အခြေအနေကြောင့်ရယ် အရင် မြန်မာ နိုင်ငံကို ပို့တဲ့ online shop business လေးကို ရပ်နားပြီး အရင်တစ်ခေါက်က customers တွေရဲ့ 70% ကို နေရာယူထားခဲ့တဲ့ သင်္ဘောသား seaman ကိုကြီးတွေအတွက် Korea သီးသန့် Personal shopper service အသစ်လေးနဲ့ မိတ်ဆက်ပေးချင်လို့ပါ။

အက်ဒမင် ၂ ယောက်လဲ တောင်ကိုရီးယား အထက်နဲ့အောက် တစ်နေရာစီ ဖြစ်သွားတာမလို့ ဒါလေးကိုအခွင့်ကောင်းယူရင်း တောင်ကိုရီးယားမှာ ကမ်းအများဆုံးကပ်တဲ့ Busan ဘူဆန် နဲ့ Incheon အင်ချွန်း ကို ရောက်လာတဲ့ မြန်မာနိုင်ငံသား သင်္ဘောသားအာလုံးအတွက် လိုချင်တာတွေကို

❤️ Online ကနေမှာမှ သက်သာနိုင်မယ့် အရာတွေကို ကြိုမှာပေးထားပြီး မြန်မာ ပြန်တာနဲ့တစ်ပါတည်းသယ်သွားလို့ရအောင် လုပ်ပေးပါမယ်

❤️ကိုယ်တိုင် သွားဝယ်မှ အဆင်ပြေနိုင်မယ့် အရာမျိုး တန်ကြေး ကြီးတဲ့ အရာတွေကို schedule တိုက်ပြီး ကိုယ်တိုင်ပါ လိုက်ဝယ်ပေးမယ့် service

❤️ ရောက်တဲ့ အချိန်လေး ခဏပဲဖြစ်ဖြစ် နီးတဲ့နေရာကို လည်ချင်ပါတယ်ဆိုရင်လဲ tour guide လေးပါ လုပ်ပေးမှာပါ

အောက်က service 2 ခုကတော့ ကမ္ဘာ့အလုပ်များဆုံး admin 2 ယောက်နဲ့ schedule နဲ့ ညှိရမှာ မလို့ booking လေးနဲ့မှ ရမှာပါလို့~~

အသေးစိတ်ကိုတော့ chatbox မှာ လာမေးမြန်းလို့ရပါတယ်ရှင့်၊ ဒီတစ်ခေါက်တော့ စီးပွါးရေသေချာ ပြန်စလုပ်ပြီမလို့ စာတွေ အကုန် ပြန်ပေးမှာပါနော်။ စာမပြန်ရင် ဒီ post အောက်မှာပဲ ရန်လာတွေ့လို့ရပါတယ်။
🥹🥹

Nabi လေးရဲ့ comeback လေးကို အားပေးကြပါဦးလို့နော် 😘😘😘

부탁드립니다~~~

အက်ဒမင်တွေ update တွေမပျက်တင်မယ်ဆိုပြီး လေကြီးမိုးကြီးတွေပြော ပြီးတော့ပျောက်ချက်သားကောင်းနေတာက page က ကိုယ့်ပရိသတ်နဲ့ကို...
13/01/2023

အက်ဒမင်တွေ update တွေမပျက်တင်မယ်ဆိုပြီး လေကြီးမိုးကြီးတွေပြော ပြီးတော့ပျောက်ချက်သားကောင်းနေတာက page က ကိုယ့်ပရိသတ်နဲ့ကိုယ် အဆင်တွေပြေနေလို့ပါရှင့် 😛
PS: ဓာတ်ပုံ ရုပ်ဆိုးတာလေးတော့ သည်းခံပေးပါနော်။
လိုချင်တာတွေ ဓာတ်ပုံပြပြီး ရှာခိုင်းရင်လဲရသလို သေချာမသိလဲ ဒါမျိုးခပ်ဆင်ဆင်ထဲက ဒီဇိုင်းအကုန်ပြပါဆိုရင်လဲ မြေလှန်ရှာပေးပြီး မဝယ်ဝယ်ချင်အောင် အတင်းအားထုတ်ပြီး ရောင်းတဲ့ admin တွေဆိုတာ အသိလာပေးတာပါ ပုံနဲ့တကွပေါ့။ 😜
အစက Page ထောင်ရင် တင်ထားတဲ့ အထဲကရောင်းရမယ်လို့ တွက်ထားတာ၊ အခုထိ တင်ထားတဲ့အထဲက တစ်ခုမှ ရောင်းမထွက်သေးပါရှင့်။ ဒါပင်မယ့် “ ဒီလိုမျိုးလေးထဲက ရှိနိုင်မလား၊ အိုနီးရယ် ဆင်တာအကုန်ရှာပေး “ ဆိုတာမျိုးချည်းပဲ။ ရှေ့လျောက် personal shopper ပဲ လုပ်ရမည့်ကိန်းဆိုက်နေသလားပဲ🤣

အန်ညော်~~~စကားနည်းနည်းများပါမယ် ~~~အက်ဒမင်တို့ ဒီ page လေးထောင်ရတဲ့ နောက်ကွယ်က ဇာတ်လမ်းလေးက အပိုဝင်ငွေလေး ရှာချင်တာက နည...
28/11/2022

အန်ညော်~~~

စကားနည်းနည်းများပါမယ် ~~~

အက်ဒမင်တို့ ဒီ page လေးထောင်ရတဲ့ နောက်ကွယ်က ဇာတ်လမ်းလေးက အပိုဝင်ငွေလေး ရှာချင်တာက နည်းနည်း shopping site တွေကို အဲဒီ အကြောင်းပြချက်နဲ့ ဝင်ကြည့်ချင်တာက များများရယ် ㅋㅋ

Stress လဲပြေ ဝင်ငွေလေးလဲ ရလို ရညားပေါ့။ Shopping ကို အရမ်းကြိုက်တဲ့ သူမလို့ အလုပ်ကို စီးပွားရေးထက်စာရင် ချစ်တဲ့စိတ်နဲ့ ထောင်ထားတာလဲ ပါတာမလို့ ဒီ page လေးကို အသက်အရွယ်အပိုင်းအခြား မရှိ လူတိုင်းအတွက်အပျင်းပြေ အလည်လာကြည့်လို့ ရတဲ့အထိ ရင်းနှီးတဲ့ အငွေ့အသက်လေးကိုပါ ပေးနိုင်တဲ့ နေရာလေးအဖြစ် ဖန်တီး ပေးချင်တာပါ။

ဒီတော့ page လေး run မည့် ပုံစံက လက်ရှိ ကိုရီးယားမှာ အများဆုံးသုံးတဲ့ shopping app တွေမှာ အမျိုးအစား အလိုက် လက်ရှိ popular အဖြစ်ဆုံး ပစ္စည်း အဒီလို keyword နဲ့ ရှာလို့ရပါတယ်။ အဲဒီမှာထွက်လာတဲ့ brand ရဲ့ အကြောင်းလေးကို ဗဟုသုတ အနေနဲ့ မိတ်ဆက်ပေးတဲ့ content တွေ၊ နောက်ပြီး အက်ဒမင် မေမေ လို အသက်အရွက် အပိုင်းအခြား တွေရင်းနှီးတဲ့ ပစ္စည်းတွေ Brand တွေအကြာင်းလဲ content ရေးပေးဖို့ စဥ်းစားထားပါတယ်။ ကိုသိချင်တဲ့ brand အကြောင်းရှိရင်လဲ chatbox မှာ လာပြောထားလို့ရပါတယ်။ အဆင်ပြေသလို ကောင်နှုတ်ပြီး content လေးတွေ ရေးပေးသွားပါမယ်။

Lab report ရေးရတာတင် အားမရလို့ Fb မှာပါ စာစီပြီး လျှာရှည်မည့် အက်ဒမင်တွေပါ။

နောက်ပြီး # hashtag နဲ့ပတ်သတ်ပြီးလဲ အသိပေးချင်ပါတယ်။ ယောရောဘွန်းတို့ ရှာရလွယ်အောင် ဒီ page ကတင်တဲ့ post တိုင်းရဲ့ အဆုံးသက်မှာ သက်ဆိုင်ရာ hashtag လေးတွေရှိပါလိမ့်မယ်။ ဥပမာ- စသည်ဖြင့်ရှိပါလိမ့်မယ်။

ပို့စ်တွေ တင်ရင်း တင်ရင်းနဲ့ ဒီpage လေးနဲ့ ပိုပိုရင်းနှီးလာအောင် အကောင်းဆုံး ကြိုးစားပေးသွားမှာဖြစ်ပါတယ်။

အားလုံးရဲ့ စိတ်ကူးထဲက တစ်ခုတည်းသော လိပ်ပြာငယ်လေး နာဘီ(Nabi) ဖြစ်ပါရစေနော်။

안녕하세요 ~~~မင်္ဂလာပါ ~~~ Na Bi in your Soul ကနေ နှုတ်ခွန်းဆက်သလိုက်ပါတယ်။ယောရောဘွန်းတို့ဆီကို ဟန်ဂုကနေ Soulmate အဖြစ် အရော...
25/11/2022

안녕하세요 ~~~

မင်္ဂလာပါ ~~~ Na Bi in your Soul ကနေ နှုတ်ခွန်းဆက်သလိုက်ပါတယ်။

ယောရောဘွန်းတို့ဆီကို ဟန်ဂုကနေ Soulmate အဖြစ် အရောက် ပျံသန်းလာမယ့် 나비 လိပ်ပြာငယ်လေးဖြစ်ပါတယ်။

Page အကြောင်းလေး မိတ်ဆက်ပေးပါရစေ။ ဒီ page လေးက ယောရောဘွန်းတို့ စိတ်ကူးထဲက ကိုရီးယားဖက်ရှင်၊ Accessory ၊ အိမ်တွင်းအသုံးအဆောင် ပစ္စည်းတွေကအစ၊ ကိုရီးယားကနေ shipping လုပ်လို့ရမယ့် အရာအားလုံးကို မျက်စိရှေ့အရောက်ပို့ပေးမယ့် Online shopping လေးဖြစ်ပါတယ်။

များသောအားဖြင့်တော့ Sale ပစ္စည်းတွေကို အဓိက ရောင်းချပေးသွားမှာ ဖြစ်ပြီးတော့ လက်ရှိ ကိုရီးယားမှာ trending ဖြစ်နေတဲ့ အခြားသော ပစ္စည်းတွေကိုလဲ အလျဉ်းသင့်သလို ဒီ page လေးမှာ တင်ပေးသွားမှာဖြစ်ပါတယ်။

ဒါတင်မကသေးပါဘူး ကိုရီးယားကား ကြည့်ရာကနေ ဒါလေးလိုချင်လိုက်တာ၊ စိတ်ဝင်စားပါတယ်ဆိုတဲ့ ပစ္စည်းလေးများ ရှိရင်လဲ ဓာတ်ပုံလေးရိုက်ပြီး ပို့ထားပေးရင် ရှာပေးပါမယ်နော်။ ဒီ service လေးကတော့ Admin တို့ ကျောင်းပိတ်ရက်မှသာ ကူညီပေးနိုင်မှာ ဖြစ်ပြီးတော့ Loyal Customer တွေအတွက် သီးသန့် Service လေးပါ။

Personal Shopper Service လိုချင်ရင်လဲ Page မှာ လာမေးလို့ရပါတယ်။ Service fee လေးသာပေးအပ်မယ်ဆိုရင် ကိုယ်တိုင် ကိုရီးယားမှာ shopping ထွက်နေသလား မှတ်ရလောက်တဲ့ အထိ service ပေးမှာဖြစ်ပါတယ်။ မယုံရင် ကိုယ်တိုင်လာဝယ်ကြည့် 😉

များသောအားဖြင့် မှာယူလိုတဲ့ ပစ္စည်းတွေအတွက် မြန်မာငွေ ၁၅၀၀၀ deposit ပေးပြီးတာနဲ့ order confirmed ဖြစ်ပါမယ်။ ပစ္စည်းစျေးနှုန်းပေါ် မူတည်ပြီး အပြောင်းအလဲတော့ ရှိနိုင်ပါတယ်နော်။

Admin တို့က Seoul မှာ ကျောင်းတက်နေတဲ့ ကျောင်းသူတွေ ဖြစ်တာကြောင့် ယုံကြည်စိတ်ချစွာ မှာယူနိုင်ပါတယ်။ Waiting time ကတော့ 2~2.5 months ကြာမှာ ဖြစ်ပါတယ်။

Customer များလာရင် ပစ္စည်းတွေကို Instock ထားပြီး live အနေနဲ့ ရောင်းချပေးသွားဦးမှာမလို့ Page reach လေးများအောင် Like & Share လေးလုပ်ပေးဖို့ တောင်းဆိုပါရစေ။

부탁드립니다~~~

Address

Seoul

Website

Alerts

Be the first to know and let us send you an email when Na Bi - 나비 in your Soul posts news and promotions. Your email address will not be used for any other purpose, and you can unsubscribe at any time.

Shortcuts

Share

Category