20/07/2026
“ສ້າງແພລັດຟອມຄົນລາວ... ມັນບໍ່ແມ່ນເລື່ອງງ່າຍ”
ເປັນຫຍັງທີມງານ Startup ຄືພວກເຮົາ ຖິງກ້າລຸກຂຶ້ນມາທ້າທາຍກັບຍັກໃຫຍ່ໃນຕະຫຼາດ?
ແພລັດຟອມຕ່າງຊາດມີທຶນມະຫາສານ ພວກເຮົາຮູ້ດີວ່າຕົນເອງເປັນຄືກັບ "ປານ້ອຍທີ່ຕ້ອງສູ້ກັບປາໃຫຍ່" ທີມງານຕ້ອງເຮັດວຽກໜັກກວ່າຄົນອື່ນ ກໍເພາະວ່າ "ເຮົາເຂົ້າໃຈຄວາມຮູ້ສຶກຂອງຄົນລາວ ແລະ ຜູ້ປະກອບການບ້ານເຮົາດີທີ່ສຸດ"
ເຮົາຮູ້ວ່າທຸກມື້ນີ້ທຸກຄົນຕ້ອງສູ້ຊົນກັບຕົ້ນທຶນຊີວິດທີ່ສູງຂຶ້ນ ແລະ ຍິ່ງໄປກວ່ານັ້ນ ໃນໂລກອອນລາຍ ຄົນລາວແລະຜູ້ຄ້າຂາຍຕ້ອງຕົກເປັນພຽງ "ຜູ້ອາໄສ" ໃນແພລັດຟອມຂອງຄົນອື່ນ. ຫຼາຍຄັ້ງທີ່ຕ້ອງເຈີກັບຄ່າທຳນຽມ-ຄ່າ GP ທີ່ບໍ່ເປັນທຳ, ກະຕິກາທີ່ປ່ຽນໄປມາໂດຍບໍ່ບອກກ່າວ, ສິນຄ້າປອມທີ່ເຂົ້າມາທຳລາຍຕະຫຼາດ, ຫຼື ເວລາທີ່ລະບົບມີບັນຫາກໍບໍ່ສາມາດຕິດຕໍ່ລົມກັບຄົນຈິງໆໄດ້ເລີຍ
ນັ້ນຄືເຫດຜົນທີ່ພວກເຮົາທຸ້ມເທທັງກາຍແລະໃຈ ເພື່ອສ້າງ “Lanxang (ລ້ານຊ້າງ)” ຂຶ້ນມາ. ເຮົາບໍ່ໄດ້ຢາກສ້າງແຕ່ແອັບຊື້ຂາຍເຄື່ອງທົ່ວໄປ ແຕ່ເຮົາຢາກສ້າງ "ບ້ານຫຼັງໃໝ່" ແລະ "ລະບົບນິເວດເສດຖະກິດໃໝ່" ທີ່ໃຊ້ເທັກໂນໂລຢີເຂົ້າມາຊ່ວຍໃຫ້ຊີວິດງ່າຍຂຶ້ນ ໂດຍຍຶດໝັ້ນໃນອຸດົມການ "Fair First" (ຄວາມຍຸດຕິທຳຕ້ອງມາກ່ອນ)
ເພື່ອເປັນຄຳໝັ້ນສັນຍາ ແລະ ອຸດົມການທີ່ເຮົາຈະບໍ່ມີວັນທໍລະຍົດຕໍ່ຄົນລາວ ນີ້ຄື "ສັນຍາ 7 ຂໍ້" ທີ່ເປັນຫົວໃຈຂອງລ້ານຊ້າງ:
1. ເຮົາຈະບໍ່ເຕີບໂຕດ້ວຍການເອົາປຽບຜູ້ຄ້າ ແຕ່ເຮົາຈະເຕີບໂຕໄປດ້ວຍກັນຢ່າງຍືນຍົງ (Fair First)
2. ກະຕິກາຂອງເຮົາຕ້ອງຊັດເຈນ, ໂປ່ງໃສ, ແລະ ສາມາດອະທິບາຍໄດ້ຢ່າງກົງໄປກົງມາ.
3. ເຮົາຈະບໍ່ເຂົ້າຂ້າງໃຜ, ແຕ່ຈະຢືນຢູ່ຄຽງຂ້າງຄວາມເປັນທຳ ແລະ ຄວາມຖືກຕ້ອງສະເໝີ.
4. ຜູ້ຄ້າ ແລະ ລູກຄ້າ ຕ້ອງສາມາດຕິດຕໍ່ລົມກັບເຮົາທີ່ເປັນ "ມະນຸດຈິງໆ" ໄດ້, ບໍ່ແມ່ນຖືກຖິ້ມໃຫ້ລົມແຕ່ກັບບັອດ
5. ເຮົາຈະຈັດການກັບສິນຄ້າປອມຢ່າງຈິງຈັງ ເພື່ອປົກປ້ອງຜູ້ບໍລິໂພກ ແລະ ຄົນເຮັດມາຄ້າຂາຍທີ່ຊື່ສັດ
6. ເຮົາຈະຊ່ວຍໃຫ້ຜູ້ຄ້າສ້າງ "ແບຣນ" (Brand) ທີ່ເຂັ້ມແຂງ, ບໍ່ແມ່ນແຕ່ເນັ້ນສ້າງຍອດຂາຍພຽງຊົ່ວຄາວ
7. ເຮົາພ້ອມຈະຮັບຟັງ, ແກ້ໄຂ, ແລະ ກ້າຮັບຜິດຊອບໃນທຸກສິ່ງທີ່ເຮົາເຮັດຜິດພາດ
ທີມງານຂອງເຮົາອາດຈະຍັງນ້ອຍ ແລະ ຄວາມຝັນນີ້ມັນກໍໃຫຍ່ຫຼາຍ... ພວກເຮົາບໍ່ສາມາດຍ່າງໄປເຖິງຈຸດນັ້ນໄດ້ເລີຍ ຖ້າບໍ່ມີ "ພວກທ່ານ" ທຸກຄົນ
ພາລະກິດຂອງເຮົາມີພຽງຂໍ້ດຽວຄື:
"ສ້າງແພລັດຟອມຂອງຄົນລາວ, ໂດຍຄົນລາວ, ແລະ ເພື່ອຄົນລາວຢ່າງແທ້ຈິງ."
ມື້ນີ້ ບໍ່ວ່າທ່ານຈະເປັນຜູ້ຊື້, ຜູ້ຂາຍ, ນັກສ້າງຄອນເທັນ, ຫຼື ຄົນລາວທີ່ຢາກເຫັນບ້ານເຮົາກ້າວໄປຂ້າງໜ້າ ແລະ ມີລະບົບເສດຖະກິດທີ່ຍຸດຕິທຳ
ເຮົາຂໍເຊີນຊວນທຸກຄົນມາຈັບມື ແລະ ເຕີບໂຕໄປນຳກັນ🇱🇦
#ລາວເຮັດໄດ້ #ແພລັດຟອມຄົນລາວ #ລ້ານຊ້າງ #ຊັບພອດຄົນລາວ
