26/02/2025
හරි අපූරු දවස් තුනක් ආයෙත්.....
2022 කරුක්කුව සුගතානන්ද විද්යාලයේ පැවති සාහිත්ය උළෙලට පසු රීඩ් ප්ල්ස් පදනම, නයිනමඩම මීසම ඇතුලු තවත් ආයතනය ගණනාවක එකතුවකින් සංවිධානය කරන ලද ‘‘සාහිත වර්ෂා’’ 2025 උළෙල අති සාර්ථකව අවසන්වීමේ නිහතමානි සතුටක් ඇත.
‘‘සාහිත වර්ෂා උළෙල’’ හුදු පොත් ප්රදර්ශනයක් හෝ වැඩසටහනක් නොවේ.
දරුවන් වෙනුවෙන් නිර්මාණාත්මක වැඩසටහන් ගොන්නක්, චිත්රපට උළෙලක්, ජාත්යන්තර මට්ටමේ පොත් පොත් ප්රදර්ශනයක්, නාට්ය උළෙලක් දෙමාපිය සැසි ගනණක් සහ ලේඛක පාඨක හමුවලින් සමන්විත විය.
400 කට අධික දරුවන් ප්රමාණයක් උදේ 8 ට පැමිණ, රාත්රී 9 පහුවෙනතුරු රැුදෙමින් සංස්කෘතික සමාජයක් තැනිමේ කටයුත්තට මැදිහත් වූහ. ප්රකට සාහිත්යකරුවන්, උපදේශකයින්, නිර්මාණකරුවන්, ජාත්යන්තර ඇගැයීම්වලට ලක්වූ සම්මානනීය නාට්ය එකතුවක් සම`ග ගත වූ දින තුන අති සොදුරු විය.
අපට හිතෙන්නේ පොත් විකුනන්න නම් පාඨකයෝ හොඳින් දැනුවත් විය යුතුය. චිත්රපට බැලිමට සිනමා රසිකයා දැනුවත් විය යුතුය. නාට්ය බැලිමට පේ්රක්ෂකයා අවධි විය යුතුය. ලේඛකයන් බිහිවීමට නවකයන් ප්රවීණයන් හමුවිය යුතුය. පොත් අරන්දීමට දෙමාපියන් පොතපත ගැන අවබෝධ කරගත යුතුය. ලේඛකයන් හමුවිය යුතුය.
මේ සියල්ල ‘‘සාහිත වර්ෂා’’ තුල සිදු විය. නයිනමඩම වැනි ගමක් පල්ලියක් කේන්ද්ර කරගනිමින් සිදු කල මෙම කාර්යය නිසා ගමක් අවධි වූ බව අපගේ හැගීමයි. එය හුදු ප්රකාශයක් නොවේ. එය අප අත් වින්දෙමු. එයට සාක්ෂි කරුවන් එමටය. වෙනදාට සහපිරිවර සමග එන ඇමතිවරු සරලව ප්රදර්ශනයේ සැරිසරමින් ප්රකාශයන්, ලේඛකයන් සමග කාලය ගත කලේය.
රාත්රීයෙදී ශාලාව අතුරු සිදුරු නැතිව පිරුනේය. දරුවන් වෙනුවෙන් වෙන්කල චිත්රපට වෙනුවෙන් දෙමාපියන්ද දරුවන් සමග එකට චිත්රපට නැරඹුවේය.
එයයි අප බලාපොතරොත්තුව වෙනස. එය සිදු වූ බව සහතිකය..
මෙම සියල්ල වෙනුවෙන් මැදිහත්කරණය සහ පහසුකම් ඇති කල ගරු පීටර් හේමපි්රය බොතේජු පියතුමන් වචනයේ පරිසමාප්ත අර්ථයෙන්ම පියතුමෙකි. දෙවියන් වෙනුවෙන් සේවය කරන්නේකි. ආගමට වඩා දහම මූලික කරගෙන කි්රයා කරන්නෙකි. එයයි අප බලාපොරොත්තුවන සමාජ සංස්කෘතික වෙනස. ස්තුතියට වඩා අප පියතුමාට ගෞරවය සහ ආදරය පුද කරමු.
රීඩ් ප්ලස් පදනමේ සාමාජික ආයතන සද් භාවයෙන් එක්වූයේ ලාභ අපේක්ෂාවෙන් තොරවය. ගම පුරා දෙමාපියන් අපට සත්කාර කලේ ආදරයෙනි. දරුවන් දිවපැන ගියේ සතුටිනි.
ඉතින් ‘‘සාහිත වර්ෂා’’ සංස්කෘති වැස්සක්ම විය.
