24/03/2019
උපුටාගනීමකි.
බදුර්ධින් ඉල්ලන දේ දීලා නිකං ඉමු.
පවතින කාලකන්නි මුසල දේශපාන ස්වරුපය රට වැසියා නොමඟ යවමින් පාලකයන් බලය රැක ගැනීමටත්, තවත් පිරිසක් බලයට ඒමට වන උමතු පිපාසාවෙන් වැසී පවතී. එකී ඔද්දල් වූ පක්ෂ දේශපාලනික අන්ධකාරය හේතුවෙන් රටට අත්ව ඇති ඉරණම කෙබදු ද?
නිල් කොළ රතු දේශපාලනය පිනවීමට පමණක් මහත් අභිරුචියක් ඇති බොහොමයක් මහා වන සංහාරයක් සිදු කළ රිෂාඩ් බදුර්දීන් වෙතට එල්ල කල යුතු ගල් මුල් මඩ පහාරයන්, විල්පත්තුව වෙනුවෙන් පෙනී සිටින අප වෙතට වැරයෙන් එල්ල කරමින් සිටි. විල්පත්තු සිදුවීම සහ අප සමාජගත කල පණිවිඩයේ හරය විකෘති කරමින් එය වෙනතනට හරවමින් තව දුරටත් පරිසරය වනසන කණ්ඩායම් වෙත වාසි සහාගත අයුරින් මිත්යාවන් වැපීරීම අභාග්යයකි. මෙකී පරිද්දෙන් කිසිදු පොදු අරමුණක් වෙනුවෙන් නැගී සිටීමට නොහැකි තරම් සිය පක්ෂ දේශපාලනය එයට බාධාවක් බවට පත්කරගෙන ඇත.
එබැවින් මුළු මහත් දේශපාලන යාන්ත්රණයම දවා හළු කිරීමෙන් තොරව මේ රට ගොඩනැංවීමක් සිදු නොකළ හැකි බවට සිතනවාට වඩා දුෂිත පෙරේත දේශපාකයන්ගෙන් මෙරට ජන මනස බේරා ප්රත්යක්ෂ අවබෝධයක් සහිතව වර්ධනය කළ යුතුව ඇත.
විල්පත්තු ජාතික වනෝද්යානයේ උතුරු මායිම වන මෝදරගං ආරු ඔයට මායිම් ව පිහිටන විල්පත්තු උතුරු අභය භූමිය එළි පෙහෙළි කරමින් ජනාවාස පිහිටුවීම ආරම්භ කරනු ලැබුවේ 2009 - 2010 වසරේ දීය. යුද්ධය අවසන් වීමත් සමඟ අවතැන් වූ ජනතාව යලී පදිංචි කිරීම සීග්රයෙන් සිදුවිය. ඒ අවසරයෙන් රිෂාඩ් බදුර්ධින් අමාත්යවරයා සිය ව්යාප්තවාදී අදහස් පෙර දැරිව යුද්ධයට කිසිදු සම්බන්ධයක් නොමැති පිරිස්ද ලයිස්තුගත කරමින් 'නැවත' යෙදුම භාවිතයේ යොදවා තාවකාලීක ධිවර ගම්මානයක් වූ මරිච්චි කට්ටු ගම්මානය පෙන්නවමින් ඉන් ඹබ්බට වන සංහාරය ඇරඹීය.
ඉතාමත් සූක්ෂම ලෙස නිළධාරීන් සහ රට නොමග යවමින් වන රක්ෂිත අතුරින් මරිච්චුකඞ්ඩි – කරඩික්කුලි වන රක්ෂිතයේ අක්කර 2500 ක්, විලත්තිකුලම් වන රක්ෂිතයේ අක්කර 700 ක්, වේප්පාල් වන රක්ෂිතයේ අක්කර 100 ක් හා මාවිල්ලූ වන රක්ෂිතයේ අක්කර 100 ක් වශයෙන් මෙම වන රක්ෂිත පද්ධතියෙන් වනාන්තර අක්කර 3400 ක් පමණ නීතිවිරෝධී ලෙස එළි පෙහෙළි කර දේශපාලන උවමනාවන් මත අලූතින් ජනාවාස පිහිටුවීම හා ඉඩම් අත්පත් කර ගැනීම සිදු විය. කෙසේ වෙතත් මේ වනවිට එහි සමස්ථ භුමි ප්රමාණය අක්කර 4000කට ආසන්න වේ.
මෙම කොටස අයත්ව ඇත්තේ මන්නාරම දිස්ත්රික්කයේ මුසලි ප්රාදේශීය ලේකම් කොට්ඨාශයටය, සමස්ථ වනාන්තර ප්රදේශය කල් ආරු වනාන්තරය ලෙස හැදින්වෙන අතර වනාන්තරය ප්රධාන වශයෙන් ම කල් ආරු ඔයේ ජල පෝෂක ප්රදේශයයි. විල්පතුතු ජාතික වනයේ එකදු බිම් අගලක් හෝ විනාශයට පත් වී නොමැති බවට තාක්ෂණික කරුණු ඉදිරිපත් කරණ දේශපාලකයන් මෙය විල්පත්තු වනාන්තර පද්ධතිය ලෙස නොදන්නවා නොවේය. පරිපාලන පහසුව වශයෙන් බෙදා වෙන් කරගත් විල්පත්තු වනාන්තර පද්ධතිය අලි කොටි වලසුන්ට එකම වන ප්රදේශයකි. මිනිසුන්ගේ සීමා සතුනට අදාල නොවේ.
අවැතැන් වූ ජනතාවගේ නිවාස ප්රශ්නය විසදිය යුතුය. එය සිදු කල යුත්තේ ජෛව විවිධත්වයෙන් ඉහළ සුවිශල් උරුමයක් විනාශ කර දමා නොව උචිත සුදුදු පරිදී එම සහෝදර ජනතාව සැපවත් ජීවිකාවට යෝග්ය පසුබිමක් තුළය. ජීවත් වීමට නොසුදුසු කැළැවකට අසරණ මිනිසුන් තල්ලුකර සිය දේශපාලනික අරමුණු වෙනුවෙන් රට වනසන බදුර්ධීන්ට කුමක් කළ යුතුද?
විල්පත්තුව දැන් කපනවාද නැද්ද නොව කැපූ පුද්ගලයාට දඩුවම් ලබාදෙන්නේ නැද්ද?
විල්පත්තුවේ විලත්තයිකුලම් රක්ෂිතය කපා පදිංචි කර ඇත්තේ යුද්ධයෙන් අවතැන් වූවන් නොවේ.
එය විගණකාධිපති වාර්තාවෙන් හෙළි විය. විලත්තයිකුලම් රක්ෂිත වනාන්තරය අවභාවිතය සම්බන්ධයෙන් සිදු කරන ලද විශේෂ විගණන වාර්තාවෙන් බදුර්දීන්ගේ වන සංහාරයේ සත්ය තත්වය හෙළි වන්නේ මෙසේය.
ජූජ්ය පාහියංල ආනන්ද සාගර හිමියන්ගේ නායකත්වයෙන් විල්පත්තු වන විනාශයට එරෙහිව පසුගිය වසර කිහිපය පුරා පරිසරවේදීන් හා විල්පත්තුව සුරකිමු සංවිධානය ඇතුළු පරිසර සංවිධාන විසින් කරන ලද බලපෑම් වල ප්රතිපලයක් වශයෙන් විගණකාධිපති දෙපාර්තමේන්තුව විසින් සිදු කරන ලද විල්පත්තු වන විනාශය පිලිබඳ විශේෂ විගණන පරීක්ෂණයේ වාර්තාව (2017 දෙසැ. 20) පාර්ලිමේන්තුවට ඉදිරිපත් කිරීම සඳහා කථානායකවරයාට භාර දී තිබේ. නමුත් අද වෙන තෙක් එහි ප්රගතියක් නොමැත. පාර්ලිමේන්තුවේ අසුනෙන් අසුනට පැන ඒවා ක්රියාත්මක කොට දූෂිතයන්ට දඩුවම් දීමට ස්වාධීනව සහෝදරයන්ට ද කැක්කුමක් නැත්තේය. එම වාර්තා අනෙකුත් ඒවාට වඩා ඔහුනගේ තර්කයට අනුව ඉතාමත් බාලය.
"විලත්තයිකුලම් රක්ෂිත වනාන්තරය අවභාවිතය සම්බන්ධයෙන් සිදු කරන ලද විශේෂ විගණන වාර්තාව" ලෙස නම් කර ඇති මෙම වාර්තාව විගණකාධිපති ගාමිණී විජේසිංහ මහතා විසින් සකස් කර ඇත.
විලත්තයිකුලම් රක්ෂිත වනාන්තරයේ සිදු කර ඇති වන හායනය සහ නැවත පදිංචි කිරීම් සම්පූර්ණයෙන්ම නීති විරෝධී බවත්, එම රක්ෂිත වනාන්තර ඉඩම් නිදහස් කිරීම වන සංරක්ෂණ දෙපාර්තමේන්තුව විසින් ප්රතික්ෂේප කර තිබියදී බලහත්කාරයෙන් වනය විනාශ කර ඇති බවත්, එහි පදිංචි කළ ජනතාව යුද්ධයෙන් අවතැන් වුවන් නොවන බවත්, පදිංචි කොට ඇති පවුල් වලින් 80% ක් නිවාස වල දීර්ඝ කාලීනව ජීවත් නොවන බවත්, එයින් පෙනී යන්නේ ඔවුන්ට පදිංචිය සඳහා වෙනත් ස්ථාන වල නිවාස ඇති බවත්, රිෂාඩ් බදුර්දීන් ඇමතිවරයා රක්ෂිත ඉඩම් නිදහස් කිරීමේ ක්රියාවලියට බලපෑම් කොට ඇති බව සහ ඔහුට ඒ සඳහා අධිකාරිමය බලයක් නොමැති බවත් යන කරුණු සහ තවත් විශාල කරුණු ගණනාවක් මෙම විගණන පරීක්ෂණයෙන් අනාවරණය විය.
විලත්තයිකුලම් රක්ෂිතය සංරක්ෂණය කළ යුතු ඉතා වටිනා වනාන්තරයක් බැවින් මෙලෙස පදිංචි කොට ඇති අනවසර පදිංචි කරුවන් හා නිවාස ඉවත් කොට එම හායනය කළ ප්රදේශය නැවතත් වනාන්තරයක් බවට පත් කරන ලෙසත් විගණකාධිපතිවරයා නිර්දේශ කොට ඇත.
මෙම විගණකාධිපති වාර්තාව හැකි ඉක්මනින් පාර්ලිමේන්තුව වෙත ඉදිරිපත් කරන ලෙසත්, එම වාර්තාවේ නිර්දේශ කඩිනමින් ක්රියාත්මක කරන ලෙසත්, මෙම දැවැන්ත වන විනාශයට මුලික වූ රිෂාඩ් බදුර්දීන් ඇතුළු පුද්ගලයින්ට තරාතිරම නොබලා පොදු දේපළ පනත යටතේ දඬුවම් කරන ලෙසත් විල්පත්තුව සුරකිමු සංවිධානය ඉල්ලා සිටී.
මෙම තත්වය මෙසේ තිබියදී බදුර්ධීන් විසින් කර්මානත් පුරයක් සදහා නැවතත් විල්පත්තුව වැනසීමට අර අදිමින් සිටි. එමෙන්ම සිංහරාජය, නකල්ස් සහ කන්එළිය ඇතුළු බෙහෝ අප රැකගත යුතු පරිසර පද්ධති විනාශයන්ගෙන් වළක්වා ගැනීමට පුළුල් ජනතා පවුරක් අවශ්ය වී ඇත. රටම රකින එකි ජන පවුරට ඔබත් එන්න.
ඔබ සතුව ඇත්තේ බදුර්ධීන් ඉල්ලා සිටින ජාතිවාදය දෙනවාද? ජාතිවාදයේ නොගැටි විල්පත්තුව ජාතික ප්රශ්නයක් සේ දැක කොයිකාගේත් ආණ්ඩුවල හැමදාමත් ඇමති කම් දැරු බදුර්ධීන්ගේ ඇමතිකම ගලවා දමනවාද යන්නයි.
අමල් ලංකා
මාධ්ය හා ප්රචාරක ලේකම්
සුරකිමු ශ්රී ලංකා
