Hilarious රස කතා

11/09/2025

එක්තරා පෙදෙසක ජීවත්වූ පූජකයෙක් සහ එම පෙදෙසේ තිබූ එකම මගී ප්රවාහන බස් රථයේ රියැදුරා යම් හෙයකින් එකම දිනයේ මිය ගියා. දෙදෙනාම මරණින් පසු දිව්‍ය ලොකයේ දොරකඩට පැමිණියා. පූජකයා දිගුකලක් දේවස්ථානයේ කටයුතු කර තිබූ අතර රියැදුරා අධික බේබද්දෙකු විය.
පූජකයා එක්වරම දිව්‍ය ලෝකයට ඇතුළත් වන ගේට්ටුවෙන් ඇතුළු වීමට උත්සාහ කරත් දොරටුපාලක දේව පුරුෂයා ඔහුව නැවතීය.

පුරුෂයා : ඔබට එකවර දිව්‍ය ලොකෙට ඇතුළු වෙන්න බෑ. පොඩි පරීක්ෂණයක් තියෙනවා ඊට පස්සේ තමයි යතහැකි. නමුත් තමුන්ට ඇතුළට යන්න පුලුවන් යැයි බේබදු රියැදුරා අමතා කීවේය.

මෙයින් පූජකයා දැඩි පුදුමයටත් කළකිරීමටත් පත්වීය.

පූජකයා : මම වසර 60කට වැඩි කාලයක් මේ දේවස්ථානයේ වැඩ කළා. සෑම ඉරිදාකම නොවරදවා දේවමෙහෙය කළා නමුත් මට යන්න බෑ, ඒත් මේ බේබදු රියැදුරාට යන්න පුලුවන් කියනව. ඒ මොන දේව නීතියකට අනුවද?

පුරුෂයා : ඔබ දේව මෙහෙය පවත්වන හැම දාකම, මිනිස්සු දේවස්ථානයෙන් පිටවෙලා ගියා. නමුත් මේ රියැදුරා බස් රථය පදවන හැම අවස්ථාවකම, බස්රථයේ සිටින සියලුම මින්සුන් දැඩි ලෙස දෙවියන්ට යාඥා කළා. එනිසා ඔහු ඊට හොඳටම සුදුසුයි.

^සූ

04/09/2025

Original කතා.
අධ්‍යාපන කටයුත්තකට පහුගිය කාලේ ඉනදියාවේ යන්න වුණා. මාත් එක්කම ඉගෙන ගත්ත මිතුරියක් හිටියා ඇගේ නම රිචා.
ඇගේන් දැනගන්න ලැබුණු කතාවක් මේ.
අමෙරිකාවට ග්රීන් කාඩ ලැබිලා ගෝඩ්බෝලේ ගියා අමෙරිකාවට. ගියපු අලුත පාරවල් ඒතරම් හුරුත් නෑ එහෙ තියෙන්නේ විසාල පාරවල් හරවන තැනක් වැරදුණොත් ආපහු කිලෝමීටර් ගානකින් තමයි හරවල එන්න වෙන්නේ. ගොඩ් බෝලේ වාහනෙත් පැදගෙන යද්දි කරුමෙට හරවන්න ඕනේ තැන පහුවුණා. මේක අධිවේගී පාරක්. ෆ්රීවේ කියලලුනේ කියන්නේ. හරවන්න තිබ්බ තැන පහුවෙලා මීටර් 500කින් විතර වාහනේ නතර කරා. එහේ එහෙම බෑ නමුත් ඉන්දියන් කාරයෙකුට ඒක අදාල නෑනේ. ඉන්දියාවේ ගියපු අයනම් දන්නවා ඉන්දියානුවන්ගේ වාහන පැදිල්ල සහ මාර්ග ධාවනය ගැන. ඉස්සරහට ගියොත් තව කොච්චර යන්න වෙයිද දන්නේ නැත් නිසා මේ යකා කළේ වාහනේ අයිනෙම ලේන් එකට දාගෙන පුලුවන් තරම් වේගෙන් පහුවෙච්චි පාරට රිවස් කරපුඑක.
තප්පර ගානක් යන්න ලැබුණේ නෑ. පස්සෙන් ආපු වාහනයක් දඩාස් ගාල හැප්පුණා. ගෝඩ්බෝලෙට තරු විසික් වුණා. අමෙරිකාවට ආපුගමන්මයි වීසා එකටත් කෙළවෙන පොටක් තමයි කියල බය වෙච්ච පාර මූ වාහනෙන් බහිනනෙවත් නැතිව වාහනේ⁣ටම වෙලා හිටියා.
විනාඩි දෙකක් විතර යද්දි පොල්සියෙන් ආවා.
ගෝඩ්බෝලේ දෙයියෝ සිහිකරකර ගැහිගැහි හිටියා.
පොලිස් නිලධාරි බොහෝම ගරුසරුව ඇවිත් වාහනේ ඩරයිව්න් සීට් එකේ වීදුරුවට හෙමින් තට්ටු කළා.
ගෝඩ්බෝලේ බොහෝම අසරණ විදියට හිනාවක් දාලා වීදුරුව පාත් කළා.
⁣නිලධාරියා: සමාවෙන්න සර්. සර්ට අනතුරක් නෑනේ.
ගෝ : බෝ : මටනම් ප්රශ්නයක් නෑ. ඒත් සොරි...
නිලධාරියා : සර් ගැටලුවක් නැත්නම් සර් යන්න අපි මෙතන බලාගන්නම්.
ගෝඩ්බෝලෙට හිතාගන්න බෑ මොකද වෙන්නේ කියල. තමන්ගේ අතේ වරද තිවිලත් යන්න කියන්නේ.
ගෝ: බෝ: ඒත් කමක් නැද්ද ඒත්...
නිලධාරියා : කමක්නෑ සර් සර්ට යන්න පුලුවන්. පිටිපස්සේ වාහනේ මිනිහා කියනවා සර්ගේ වාහනේ හයිස්පීඩ් රිවර්ස් එකට ආවා කියලා,
මං හිතන්නේ මිනිහා හොඳටම බීලද කොහෙද?

^සූ

04/09/2025

පන්තියේ ගුරුතුමිය සහ සිරිපාල ළමයා අතර ඇතිවුණු දෙබසක්..
සිරිපාල : ටීචර්
ගුරුතුමිය : ඇයි පුතා
සිරිපාල : ටීචර් ... බබාලා හම්බවෙන්නේ කොහොමද ?
මදක් කල්පනා කර ....
ගුරුතුමිය : සුරංගනාවියක් ගෙනල්ලා දෙනවනේ පුතා
මද වේලාවක් ගුරුතුමිය ලෙස බලා හිඳිමින් කුතුහලයෙන් යුතුව
සිරිපාල : එතකොට ටීචර් ... ඩිෂ්ටි ඩිඩින් කරන්නේ සුරංගනාවියටද නැත්නම් වයිෆ්ටද ?
😮 😮 😮 😮 😮
^සූ

01/01/2024

අදින් ඇරැඹුණු 2024 වසර සියලු යහපත් පැතුම් ඉටුකරගන්නට , සුබ කරගන්නට ලැබේවායි ප්‍රර්ථනා කරමි !
ප්‍රාර්ථනය පතන්නාද ලබන්නාද පිරිසිදු සිතකින් එසේ පතන්නේ හා ලබන්නේ විය යුතුය. පැතුම ඒක පාර්ශවිකව පලදරන්නක් නොව.
එසේ පැතුවද වසර සුබ වන්නේ පුද්ගලයාගේ ක්‍රියාව සහ තීරණ අනුවය.
අපගේ ජීවිතය යනු අපේ තීරණයන්ය, තෝරා ගැනීම්ය.
හරි හෝ හොඳ තීරණ හෝ වැරදි හෝ නරක තීරණ යනුවෙන් දෙයක් නැත. කිසිවෙක් කිසිවිට වැරදි තීරණ ගන්නේ නැත. අදාල මොහොතේදී තමාට ගැනීමට හැකි හොඳම සහ නිවැරැදිම තීරණය ගනී. තීරණ දෙකක් තුනක තබාගෙන මෙය හොඳම තීරණය නමුත් මම දෙවැනි හෝ තෙවැනි තීරණ තෝරාගන්නවා යයි කිසිවෙකු තෝරාගන්නේ නැත. ගන්නා තීරණය අදාල මොහොතට සර්ව සාධාරණය. එය වැරදි හෝ හරි වන්නේ පසුව කරන්නාවු විපරමෙනි. කිසිවෙක් හොඳින් සිතා කල්පනා කර වැරදි තීරණ ගන්නේ නැත.
ක්‍රියාත්මක මොහොතේදී ලැබෙන ප්‍රතිපල අනුව එය හරි හෝ වැරැදි ලෙස නම් කරයි. එම නිසා ජීවිතයේදී ගත් තීරණ පිළිබඳව නැවත සිතා බැලිය යුතු නොවේ. අවශ්‍ය කරන්නේ ප්‍රතිපලයත් සමග ජීවිතය කළමනාකරණය කරගැනීමය.
සෑම ප්‍රශ්නයකටම පිළිතුරක් ඇතුවා සේම සෑම ප්‍රශ්නයක්ම යම්කිසි මොහොතක නිමවෙන්නට නියමිතය. අවශ්‍ය කරන්නේ එතෙක් තත්ත්වය කළමනාකරණය කර ගැනීමයි. එම කළමනාකරණය තමන්ට තමා පිළිබඳ අවබෝධයේ තරම පසක් කරයි. කළමනාකරණය තුළදීම අප අපව සොයාගැනීම ලැබෙන මොහොත ප්‍රයෝජනයට ගත යුතුය. අප උගත් දේ, ජීවිතාභාසය වඩා ප්‍රයෝජනවත් වන්නේ වඩා දුෂ්කර මොහොතේදීය.
නව වසර ආරම්භයේ සිටම පහත සඳහන් මේ කරුණු පිළිබද උනන්දු වන්නේනම්, වසර වඩා යහපත් කරගැනීමට ඔබට 100% ප්‍රයෝජනවත් වේවි.
1. මම කවුද?
2. මම කරන්නේ කුමක්ද?
3. මම මේ තැන/ තත්ත්වයේ සිටින්නේ ඇයි?
4. මම යමක් කරන්නේද, ඒ කරන විට මම සැබවින්ම අදාල දේ කරන්නේද?
5. මම ප්‍රශ්නයේ කොටසක්ද නැත්නම් විසඳුමේ කොටසක්ද?
ඔබගේ ජිවිතයේ ලොකු කුඩා ඕනෑම අවස්ථාවක මේ කරුණු වලට අදාලව ඔබ සිතා බලන්නට පෙළඹෙන්නේ, පුරුදු-පුහුණු වන්නේ නම් ප්‍රතිඵල පිළිබඳ ඔබ සැබවින්ම විශ්මයට පත්වනු ඇත.
ඔබට පිළිතුරු අවශ්‍ය වන්නේ දුකින් සිටින විටය, වේදනාවෙන් සිටින විටය, ප්‍රශ්නවලින් මිරිකී සිටින විටය. සතුටින් සිටින විට ඔබට කිසිවකට පිළිතුරු අවශ්‍ය නොවේ.
අප, ප්‍රශ්නගත කිසි විටෙක පිළිතුරු තමා තුළින් සෙවීමට උගෙනගෙන නොමැත. නිරන්තරයෙන් පිළිතුරු සොයන්නේ බාහිරිනි. පිළිතුරු ඇත්තේ තමා තුළමය.
මේ වසරේදී සිතන්න. හදවතින් ප්‍රර්ථනා කරන්න, හදවතින් ප්‍රාර්ථනය ලබන්න. ප්‍රාර්ථනය කළ පමණින් වසර සුබ වන්නේ නැත. ප්‍රාර්ථනයකින් වන්නේ මානසික ශක්තිය වැඩි වීමකි. එම මානසික ශක්තිය වසර සුබකරගැනීමට ඉවහල් වේ. මානසික ශක්තිය වැඩෙන විට කායික ශක්තිය ඉබේම වර්ධනය වේ. ඔබ සතුටින් සිටින විට සැහැල්ලු දැනෙන්නේ එනිසාය. එයට ශරීරයේ බර අදාල නොවේ. එහි විරුද්ධ පැත්තද එසේමය.
අපගේ ජීවිතය යනු අප‍ගේ තෝරාගැනීමයි. ඒ තෝරාගැනීම් මත ලැබෙන ප්‍රතිපලයයි. තීරණය අපගේ ක්‍රියාවයි ජීවිතය එහි ප්‍රතික්‍රියාවයි. එය වැළඳගන්න, පිළිගන්න.
අදින් ඇරඹුණු 2024 වසර සියලු යහපත් පැතුම් ඉටුකරගන්නට , සුබ කරගන්නට ලැබේවායි ප්‍රර්ථනා කරමි !
මේ සියලුම විශ්වතලයන්හි වෙසෙන ඇසට පෙනෙන නොපෙනෙන සියල්ලෝ නිදුක් වෙත්වා, නිරෝගී වෙත්වා, සුවපත් වෙත්වා! සතිමත්වන්න!
(නිරතුරුවම) තමා උපමාකොට සිතන්න !

2024 නව වසර සැම සිත් තුටු වෙන සුබම සුබ වසරක් වේවා!

^සූ

01/01/2024

2024 නව වසර සැම සිත් තුටු වෙන සුබම සුබ වසරක් වේවා!

^සූ

05/01/2016

Hilarious රසකතා සුහද හමුව වැඩේ වෙන්නේ මෙහෙමයි.

ලොකු සීන් එකක් නෑ, ලොකු දේවල් කරන්න විදියකුත් නෑ.
ජනවාරි 9 වෙනිදා උදේ සුහද හමුව පවත්වන්න මූලික ක‍ටයුතු සියල්ල කරලා ඉවරයි.
දැන් තියෙනේ එදාට ඇවිල්ලා වැඩේට සහභාගී වෙන්න විතරයි.

වැඩේ තියෙන්නේ දෙහිවල ග්ලිට්ස් එකට මෙහා පැත්තේ ( දෙහිවල - ගල්කිස්ස සුසාන භුමිය ඉස්සරහ) මිහිඳු මාවතේ මීටර් 50ක් විතර ඇතුළට එනකොට තියෙන "ජනනද" උත්සව ශාලාවේ.

එනකොට රුපියල් 500ක් අරන් එන්න

උදේ 11 සිට එන අයව ලියාපදිංචි කරනවා එවලේට රුපියල් 500 එතන ඉන්න මුදල් බාරගන්න කෙනාට දෙන්න. මේ මුදල ගන්නේ හවස සංග්‍රහයට සහ එන සංගීත කණ්ඩායමට මුදල් ගෙවන්න සහ අනෙකුත් වියදම් වලට.

එතැනින් එහාට

එන අයට දෙන බීම එක බීලා වැඩේ පටන් ගමු.

11.30 ට විතර වැඩසටහන ආරම්භ කරනවා. පොඩි පිළිගැනීමේ කතාවක් කරලා ආගිය තොරතුරු කතාකරලා ඉන්න පිරිස හඳුනාගන්නවා.

ඊට පස්සේ සංගීත කණ්ඩායමට අවස්ථාව දෙනවා පැදුර පටන්ගන්න. ගිටාරය , මන්ඩලීනය, වයලීනය, සහ කොන්ගෝ එක එක්ක සින්දුඅකින් රසවත් වෙන්න පුළුවන්.

ඒ අතරේ එන සාමාජිකයින්ට අවස්ථාව දෙනවා අතරින්පතර තමන්ගේ රසවත් අත්දැකීම් කියන්න, රස කතාවක් කියන්න.

2 විතර වෙද්දී සවස සංග්‍රහය සුදානම් වෙනවා. ඒ සඳහා කෙටි කෑම සූදානම් කරලා තියෙනවා.

ඉන් අනතුරුව විශේෂ රසකතා අවස්ථාව "කතා සාගරේ" එකනම් කරන්නේ මම. මෙතෙක් හිලේරියස් රසකතා සමුහයේ නොලියැවුණු කටින් කියයන්න ඕන කතා මාලාවල් ටික පටන් ගන්නවා.

* සත්තු කතා කරන විදිය අහන්න අවස්තාව
* ආච්චි සීයාගේ කතා මාලාව
* චින්තනගේ කතා මාලාව
* ගිරවුන්ගේ කතා මාලාව
* පිස්සන්ගේ කතා මාලාව
සහ තවත් කතා

ඔය අතරේ බොන්න සෙට් වෙන කට්ටියට ඒවා තමන්ම සපයා ගන්න වෙනවා. උදේ ඇවිල්ලා වේලාසනින් පටන් ගත්තානම් සින්දුවක් කියල කතාවක් අහලා විනෝද වෙන පුළුවන් .

ඔන්න ඔය විදියට තමයි වැඩේ වෙන්නේ. කැමැති ඕනෑම කෙනෙකුට එන්න පුළුවන්.

ඉළ ඇදෙනකන් හිනාවෙලා , කාලා බීලා විනෝද වෙලා යන්න එන්න හැමෝටම නැවත ආරාධනා කරනවා. එහෙනම සෙනසුරාදාට හමුවෙමු.

සිනා බෝ වේවා !!

^සූ

08/11/2015

06/11/2015

සහෘද හිතවතුනි,

Hilarious රසකතා සුහද හමුව සාර්ථක කරගැනීමට මුදල් පරිත්‍යාග කිරීමට කැමැති ඔබ සහෘද හිතවතුන් පහත සඳහන් බැංකු ගිණුමට මුදල් බැරකර රිසිට් පත මාවෙත ලබාදෙන මතක්කර සිටිනවා..

M S L Perera
BoC - 71664387

මෙම බැංකු ගිණුමට මුදල් බැර කරන්න. (නොවැම්බර් 30 වැනිදාට පෙර ඔබේ පරිත්‍යාගය ,
දායකත්වය ලබාදුන්නොත් වටිනවා. සංවිධාන කටයුතු වලට එය පහසුවක් )
....................................................................................................................

වැඩසටහන ක්‍රියාත්මක කිරීමට අවශ්‍ය පිරිවැයක් දරන්නට වෙන දේවල් (දැනට සරලව)

1. හමුව පැවැත්වීම සඳහා ගෘහස්ථ හෝ එළිමහන් තැනක් (එන පිරිස අනුව ස්ථානය තීරණය කිරීමට සිදුවෙනවා. ශාලිකා ක්‍රීඩාංගණය දිනක කුලිය ලෙස දල වශයෙන් රුපියල් 25,000 පසුගිය වසරේ ඉල්ලා තිබුණා)

2. සංගීත කණ්ඩායමක් + Dj (සමුහයේ එවන් පිරිසක් ඉන්නවානම් දැනුම්දෙන්න)

3. Light, Sound n Stage (අවශ්‍යතාව අනුව තීරණය කළ හැකියි)

4. සංග්‍රහය සඳහා ( සහභාගීවන අයෙකුගෙන් දිවා අහාරය සඳහා මුදලක් එදින එකතු කළ හැකියි. ඊට අමතරව බීම , කේක් , කෙටි කෑම වැනි යමක් දෙන්න පුලුවන්නම් හොඳයි)

මූලික පිරිවැය මේ සඳහා දැරීමට සිදුවන අතර සමුහයේ සහෘද ඔබගේ පරිත්‍යාගය මේ සඳහා අපේක්ෂා කරනවා.
....................................................................................................................

වැඩසටහන

දැනට දල සැකැස්මක් තිබෙන්නේ.

1. සමුහයේ දක්ෂතා ඇති පිරිසට අවස්ථාවක් ලබාදෙන්න (Like a Talent Show) (සින්දු , නැටුම්, නාට්‍ය, කතා, හෝ වෙනත් )
2. විශේෂාංග/ ක්‍රියාකාරකම් කීපයක් (ක්‍රීඩා හෝ වෙනත් - යෝජනා ඉදිරිපත් කරන්න - සම්පත් දායකයින් සිටීනම් අමතන්න)
3. සවස විශේෂ Hilarious රස කතා ඉදිරිපත් කිරීම (ඔබ කිසිදා අසා නොතිබෙන කතා)
4. සංගීත සංදර්ශනය + DJ (DJ අවශ්‍යනම් පමණක්)

සහ etc.

මීට අමතරව LION, Three Coins වැනි ආයතනයකට , MILO, Nestomolt වැනි ආයතනයකට සහ ක්ෂණික ආහාර Maggi, Koththumee වැනි ආයතනයක් සම්බන්ධ කරගන්නට අදහසක් තියෙනවා. මේ සියල්ල කරන්නට වෙන්නේ ලැබෙන සහයෝගය අනුව .. එහෙම නැත්නම් නිකම්ම සුහද හමුවක් චාමෙට කරලා නිකන් ඉන්නත් පුළුවන්,.............................................................................................................................................................................

මින් අනතුරුව තවත් පියවරක් තියන්න බලාපොරොත්තු වෙනවා . එය ක්‍රියාත්මක වෙන්නේ මේ සුහද හමුවට දක්වන සහය සහ සාර්ථකත්වය මතයි..

එහෙමනම් දැනට වැඩ කටයුත්ත ඔහොමයි...

ඔබේ දායකත්වය හැකි ඉක්මනින් ලබාදෙන ලෙස සමුහය වෙනුවෙ මම ඉල්ලා සිටිනවා.

අවශ්‍ය විස්තර සඳහා මා අමතන්න

0772-094211
....................................................................................................................................................................
පරිපාලක මඩුල්ල වෙනුවෙන්

Hilarious රසකතා සමුහයේ නිර්මාතෘ

සුරංග ලක්මාල් පෙරේරා

^සූ