21/04/2024
💜️🌹
දියුණු වෙන්න නොදී අපිව බය කරගෙන ඉන්න, අපිව නවත්වන සත්රාක්ෂ බිය ගැන තමයි මේ කතාව...
අපේ ජීවිතේ දියුණුව අපෙන් ඈත් වෙන්න අපි තුළ ඇති වෙන බය හේතු වෙනවා.
බලන්න ඔයත් මෙහෙම බයයිද කියලා...!
1. ප්රතික්ෂේප කිරීමට ඇති බය
මං දන්නවා සමහරු තමන්ට නොගැළපෙන දේවල් අනිත් අය විසින් ඉදිරිපත් කරනකොට ඒවා ප්රතික්ෂේප කරන්නට බයයි. සමහර වෙලාවට එයාලා හිතනවා අනිත් අයගේ හිත් රිදෙයි කියලා. තවත් සමහර වෙලාවට එයාලා බයයි මෙහෙම ප්රතික්ෂේප කලොත් තමන්ට කරදරයක් වෙයි කියලා. ඒත් නිසි තැනකදී ප්රතික්ෂේප කිරීම් අපි සිදු නොකළොතින් අපේ ජීවිතවලට දියුණුවෙන්න ලොකු බාධාවන් පැමිණෙනවා.
ඉතින් අද ඉඳන් දෙයක් ප්රතික්ෂේප කරන්න කිසිම වෙලාවක බයවෙන්න එපා !
' නෑ ' ' බෑ ' කියනවා කියන්නේ දුර්වලතාවයක් නෙමෙයි ! සමහර වෙලාවට මේ වචන ඔයාව ආරක්ෂා කරනවා !
අනිත් අයගේ හිත රිදෙයි කියන බය නිසාම ඔයා සමහර වෙලාවට ඔයාගේ දේවල් පාඩු කරගෙන අනිත් අය වෙනුවෙන් වැඩ කරනවා. ඒත් අන්තිමට ඔයා අසාර්ථකයි. ඉතින් අනිත් අයගේ හිත රිදෙයි කියලා දේවල් ප්රතික්ෂේප නොකර ඉන්න එපා. ඔයාට දියුණු වෙන්න අවශ්යයි නම් මේ බය දුරුකර ගන්නම ඕනේ !
2. ප්රතික්ෂේප වීමට ඇති බිය
මං දන්නවා සමහර මිනිස්සු තමන් ප්රතික්ෂේප වේ යැයි කියල හිතලා විවිධ පියවර ඉදිරියට ගන්නේ නැහැ.
උදාහරණයක් විදිහට ආදරේ ප්රකාශ කිරීමේදී තවත් කෙනෙක් තමන්ව ප්රතික්ෂේප කරයි කියලා බයේ එයා ඒ යෝජනාව නොකර ඉන්නවා. මෙහෙම ඒ යෝජනාව නොකර ඉන්න නිසාම එයාට අවස්ථාවක් මග ඇරෙන්න පුළුවන්.
තවත් සමහරු තමන්ව ප්රතික්ෂේප වේවි කියලා විවිධ රැකියා අවස්ථාවලට ඉල්ලුම් කරන්නේ නැහැ.
මෙන්න මේ රාක්ෂයට බය වෙලා ඉන්න අය කල්තියාම හිතනවා මාව ප්රතික්ෂේප වෙයි , එහෙම වුනොත් මට ලැජ්ජ වෙන්න වෙයි නැත්නම් මට දුක හිතෙයි කියලා...
වෙනස් වෙන්න !
හැම මොහොතකම හිතන්න ඔයාට වෙන්න පුළුවන් හොඳම දේ අනිවාර්යෙන්ම හරිම වෙලාවට සිද්ධ වෙනවා කියලා. ඒ විශ්වාසය ඇතුව ප්රතික්ෂේප වෙන්න හෝ ඉදිරියට අඩිය තියන්න. අමතක කරන්න එපා ප්රතික්ෂේප වෙනවා කියලා කියන්නේ බයවෙන්න කාරණාවක් නම් නෙමෙයි හැබැයි ප්රතික්ෂේප වීම කියලා කියන්නේ ඔයාගේ ජීවිතේ අලුතෙන් මුල ඉඳන් පටන් ගන්න ලැබෙන හොඳම මෝටිවේෂන් එක කියලා !
3. අසමත් වීමට ඇති බිය
ඔයාට කවද හරි දැනිලා තියෙනවද විභාගයකින් අසමත් වෙයි කියලා බයක්....?
ඔයා දන්නවද තමන් තමන් ගැන විශ්වාස නොකර තමන් අසාර්ථක වෙයි කියලා පැත්තකට වෙලා ඉන්න පටන් ගත්තොතින් ඔයාට කවදාවත් ඉස්සරහට යන්න බැහැ. පුංචි කාලෙ අපි වැටි වැටී ඉස්සරහට ගියා. පුංචි කාලෙ අපි වැටි වැටී ඇවිදින්න පුරුදු වුණා. ඒ වගේමයි ජීවිතේ එක එක කාලෙට ඔයාව හොයාගෙන එන විවිධ තරග විභාග වලදී අසමත් වෙයි කියලා බයෙන් ඉන්න හිතන්න එපා. ඒ වෙනුවට හිතන්න හැමදේම හොඳින් සිද්ධ වෙනවා කියල. ඒ බය කුණු කූඩෙට දාලා හිතන්න,
' මට මාව විශ්වාසයි ! මට පුළුවන් ! " කියලා !
සමහර මිනිස්සුන්ගේ දියුණු වීමට ඇති ලොකුම බාධකය ,
එයාලා බයයි එයාලට ඒ දේවල් කරගන්න බැරි වෙයි කියලා...
ඒත් ඒ බය අර මං කිව්ව වගේ කුණු කූඩයට දාලා ඉස්සරට ගියෝතින් ඔයාට දැනේවි ඔයා කොච්චර ශක්තිමත්ද කියල...!!!!!!
අමතක කරන්න එපා අසමත් වීමක් කියලා කියන්නේ පරාජය නෙමෙයි.. දෙයක් අසමත් වීම කියලා කියන්නේ දිනන්න තවත් පුහුණුවක් ලැබුණ එක විතරමයි...!
4. තනි වීමට ඇති බිය
සමහර මිනිස්සු තමන් තනිවෙයි කියලා බයෙන් ජීවත් වෙනවා. තමන් වයසට ගියාට පසුව තනිවෙලා අසරණ වෙයි කියලා බයෙන් ජීවත් වෙන නිසාම නොගැලපෙන මිනිසුන් සමග කොහොම හරි ඉන්න උත්සහ කරනවා. ඒත් එයාලගේ ජීවිත හරියට අපාය වගේ. දුක විතරක්මයි ඒ ජීවිතවල දකින්න තියෙන්නේ. ඔයාට ඇත්තටම සතුටින් ඉන්න අවශ්යයි නම්, ඔයාට ඔයාගේ ජීවිතේ දියුණු කරන්න අවශ්යයි නම් , නොගැළපෙන තැන්වලින් ඈත් වෙන්න බය වෙන්න එපා. තමන් තනිවෙයි කියලා කවදාවත් ටොක්සික් තැනක රැඳිලා ඉන්න එපා. ඔයා දන්නවද විෂ පිරුණු මිනිසුන් සමග ජීවත් වෙනවට වඩා තනියම ගෙවන ජීවිතේ හරිම නිදහස් කියලා. ඉතින් තනිවෙන්නට බයවෙන්න එපා ! ඔයා තනි වෙනවා කියලා කියන්නේ ඔයා ගොඩක් දේවල් ඉගෙන ගන්නවා කියන එකට ...
5. අහිමි වේ යැයි සිතා ඇතිවන බිය
අපි හිතමු ඔයා ඉන්නේ ආදර සම්බන්ධයක. මේ සම්බන්ධය ඉතාම විෂ සහිතයි. මේ සම්බන්ධය නිසා ඔයාගේ ජීවිතය හරිම සෘණාත්මක වෙලා. ඒත් ඔයාට ඒ පුද්ගලයා අහිමි වෙයි කියලා හෝ ඒ ලැබෙන විවිධ වරප්රසාද නැතිවෙයි කියලා ඔයා ඔයාවත් නැති කරගෙන දුක් විඳගෙන ඒ සම්බන්ධය ඉදිරියට අරගෙන යනවා.....
ඇයි මෙහෙම විඳවන්නේ ? ඇයි ටොක්සික් මිනිස්සු අහිමි වෙනවට බය ? ඔයාට දියුණු වෙන්න අවශ්යයි නම් තව දෙයක් අහිමි වෙනවාට තියෙන බයට වඩා තමන්ට තමන් අහිමි වෙයි කියලා ඇතිවන බයට ගරු කරන්න... කිසිම දවසක තමන්ට තමන් නැති කරගෙන අනිත් මිනිස්සු වෙනුවෙන් කාලය වැය කරන්න එපා !
හොඳට මතක තියාගන්න අහිමිවෙන්නේ ඔයාට ගැලපෙන්නෙ නැති දේ පමණක්මයි !
සමහර වෙලාවට පිටතින් ඔයාට පෙනුනට ඒ තමයි හොඳම දේ කියලා නොදකින ටොක්සික් ඇතුලාන්තයක් ඒ හැම තැනකම තියෙනවා !
6.අදහස් දැක්වීමට ඇති බිය
මං දැකලා තියෙනවා බොහෝ දෙනා කතා කළ යුතු තැන් වලදී කතා නොකර ගොළු වෙනවා. එයාලා බයයි කතා කරන්න. දන්නවද අවශ්ය තැන් වලදී කථා කිරීම වගේම අවශ්ය තැන්වලදි නිහඬවීමට කිසිම වෙලාවක බය වෙන්න එපා ! අමතක කරන්න එපා අපි තුළ ඇතිවන බිය අපිව පහතට ඇද දමනවා. එනිසා ශක්තිමත්ව අවශ්ය තැන් වලදී නැගී සිටින්න.
7. මුදල් ආයෝජනය කිරීමට ඇති බිය
මං දැකල තියෙනව සමහර මිනිස්සු එයාලගේ මුදල් වියදම් කරන්නට බයයි. ඒ කියන්නේ අපි හිතමු එයාලට ලැබෙනවා හොඳ ව්යාපාරික අවස්ථාවක්. ඒත් එයාලා බයයි ඒ සල්ලි ආයෝජනයක් නොවී නාස්තියක් වෙයි කියලා. මේ අහේතුක බිය නිසාම එයාලගේ ජීවිතේ එයාලා එකම තැන ඉන්නවා.
උදාහරණයක් විදිහට අපි හිතමු ඔයාට ව්යාපාරික අවස්ථාවක් ලැබෙනවා වෙළඳාම වැඩි ස්ථානයක කැෆේ එකක් ඕපන් කරන්න. ඒත් එක එක අය කියන කතා අහලා ඔයාට ඔයා ගැන විශ්වාසයක් නැතුව ඔයා ඒ දේ නොකර ඉන්නවා. ඉතින් ඔයාට දියුණු වෙන්න ලොකු අවස්ථාවක් අහිමිව යනවා.
කල්පනාකාරී ව එලදායි දේ වෙනුවෙන් මුදල් වියදම් කිරීමට බයවෙන්න එපා..
ඒත් වියදම් කරන්න කලින් ඒ කියන්නේ ඔයා ආයෝජනය කරන්න කලින් ඒ දේවල් ගැන හොඳට හොයන්න. ඒ විතරක් නෙමෙයි නියම මූල්ය සැලැස්මක් ගොඩනගාගෙන ආයෝජනය කරන්න බය වෙන්න එපා .
පුංචි රිස්ක් එකක් අරගෙන විවිධ ආයෝජනයන් කරපු සමහර ව්යාපාරිකයෝ අද හිතාගන්නත් බැරි තරම් දියුණුවෙන් දියුණුවට පත්වෙලා.
අමතක කරන්න එපා ඔයාගේ හිතේ ඇතිවන බය තමයි ඔයාට ඉන්න ලොකුම සතුරා..
ඒත් ඔයා ඔයාව විශ්වාස කරලා ඉදිරියට පියවරක් තැබුවොත් ඔයාට ලස්සන අනාගතයක් උදාවේවි..
එහෙනම් අද ඉඳන් බය වෙන්න එපා...
මොකද අනිවාර්යෙන්ම හැමදේම ඔයාට නියම විදියට කළමනාකරණය කරගන්න ශක්තිය තියෙනවා දැනටමත් ! ❤️
- Gumiho's Diary -
- Level Up With Gumiho -
