Magical Hands by Dilsh

26/07/2026

12/07/2024

Dilvita Ayurveda

07/07/2024

Dilvita Ayurveda

හිසකෙස් ගැලවී යාම හරිම දුක්ඛිත අත්දැකීමක් නේද..
☹☹

සාමාන්‍යයෙන් දවසකට කෙස් ගස් 50-100 අතර ප්‍රමාණයක් ගැලවිලා යාම සාමාන්‍ය දෙයක්. ඒ උනත් ඊට වඩා ගැලවිලා යනවා නම්.... 🫵ඒක අවදානය යොමු කරන්න වෙන කාරණාවක්.

ඒ නිසා මම හිතුවා අද sudden hair loss එකකට වෙන්න පුලුවන් හේතු කිහිපයක් කතා කරන්න.

1. හෝර්මෝන අසමතුලිතතාවය:

හිසකෙස් වර්ධන චක්‍ර ඇතුළු විවිධ ශාරීරික ක්‍රියාකාරකම් නියාමනය කිරීමේදී හෝමෝන තීරණාත්මක කාර්යභාරයක් ඉටු කරනවා.
ඊස්ට්‍රජන්, ටෙස්ටොස්ටෙරෝන්, තයිරොයිඩ් හෝමෝන සහ කෝටිසෝල් වගේ හෝමෝනවල අසමතුලිතතාවයන් හිසකෙස් වර්ධන චක්‍රය කඩාකප්පල් කරන්න හේතු වෙනවා.
උදාහරණයක් විදියට, පොලි සිස්ටික් ඔවේරියන් සින්ඩ්‍රෝමය (PCOS) ඇන්ඩ්‍රොජන් වැඩි වෙන්න හේතු වෙනවා. මේ සමග කාන්තාවන්ගේ හිසකෙස් තුනී වෙලා ගැලවිලා යන්න පටන් ගන්නවා.
ඒ වගේමයි තයිරොයිඩ් ග්‍රන්ථිය ආශ්‍රිත ගැටලු නිසාත් හිසකෙස් කැඩී බිඳී යාම සහ වඩාත් පහසුවෙන් වැටීම සිදුවෙනවා.

2. භෞතික සාධක:

විවිධාකාර භෞතික සාධක sudden hair loss වීමට හේතු වෙනවා.
විශේෂයෙන් යකඩ, සින්ක්, විටමින් ඩී සහ බී වල ඌනතාවයන්. වැරදි ආහාර පුරුදු හෝ diet කිරීම වගේ දේ නිසා නිරෝගී හිසකෙස් වර්ධනයට අවශ්‍ය පෝෂ්‍ය පදාර්ථ ශරීරයට අහිමි වෙන්න පුලුවන්.
ඒ වගේම විවිදාකාර hair style වර්ගත් හේතු වෙනවා. මීට අමතරව, chemotherapy, autoimmune diseases සඳහා ප්‍රතිකාර කිරීමේදී භාවිතා කරන ඇතැම් ඖෂධ වල අතුරු ආබාධයක් ලෙසත් හිසකෙස් ගැලවී යාම සිදුවෙන්න පුලුවන්.

3. මානසික සාධක:

මනසේ සිදුවන වෙනස් වීම්, කම්පන සහගත සිදුවීම්, ශල්‍යකර්මයක් හෝ දිගුකාලීන කනස්සල්ලක්(anxiety) වගේ දැඩි මානසික ආතතීන්, හිසකෙස් වර්ධන චක්‍රය කඩාකප්පල් කරලා කෙස් යාම ඉක්මන් කරවනවා. සාමාන්‍යයෙන් ආතතියෙන් මාස දෙක තුනකට පස්සෙ තමයි ගොඩක් වෙලාවට මේ hair loss එක පේන්න ගන්නෙ.

4. Alopecia Areata:

Alopecia areata කියන්නෙ auto immune disease එකක්, ඔයාගේ ප්‍රතිශක්තිකරණ පද්ධතිය වැරදීමකින් ඔයාගෙම hair follicles වලට විරුද්ධව වැඩ කරලා hair loss කරනවා. මේ තත්වය හින්දා හිස්කබලේ හෝ ශරීරයේ වෙනත් ප්‍රදේශවල පොඩි, වටකුරු hair loss patches ඇති කරනවා. ගොඩක් වෙලාවට මේකට ජානමය හෝ පාරිසරික සාධක හේතු වෙන්න පුලුවන්.

ඉතින් මේ වගේ විවිධ හේතු නිසා ඔයාගෙත් suddenly hair loss වීමක් තියනවා නම් ඔයාට ආයුර්වේද ප්‍රතිකාර ලබාගන්න පුලුවන්. එහිදී මුලින්ම මේ තත්වයට හේතුව හොයාගෙන (රෝග නිදානය) ඒ සදහා බාහිර වගේම අභ්‍යන්තර ප්‍රතිකාරත් සිදු කරනවා. බාහිර ප්‍රතිකාර විදියට තෛල අභ්‍යංග, ස්වේද, hair pack, mask වර්ග වගේම ශිරෝධාරා වගේ ප්‍රතිකර්ම සිදු කරනු ලබනවා. Acupuncture, රක්ත මෝක්ශන වගේ විශේෂ ප්‍රතිකාරත් රෝගී තත්ව සලකල සිදු කරනවා.
මේ ඔක්කොම ස්වභාවික සත්කාර නිසාත් නියම ආයුර්වේද මූලධර්ම අනුවම සිදු කරන නිසාත් ඔයාට තව දුරටත් දුකින් ඉන්න ඕන නෑ.
🥰🥰

Dr. Dilasha Jayawardene
BAMS(HONS)
University of Kelaniya

03/07/2024

Dilvita Ayurveda

ලස්සන ළමයෝ.... 🥰🥰

ඔයාට තියෙන්නෙ සාමාන්‍ය කෙස් කළඹක් එහෙමත් නැත්නම් කඵජ hair එක්ක නම්...

ඔයාගෙ කෙස්කලබ රැක ගන්න මෙන්න මේ tips අනුගමනය කරලා බලන්න..

ඔයාගෙ hair type එක තවම අදුරගන්න අමාරු නම් මෙන්න මේක කියවලා බලලා එන්නකෝ...

https://www.facebook.com/share/p/zKcx2LnoemNzgZu5/?mibextid=WC7FNe

How to take care of your hair

1. සතියකට සැරයක් වත් හිස්කබලට තෙල් දාලා massage කරන්න.
මේ සදහා ඔයාට පුලුවන් olive oil, caster oil, Almond oil, Sesame oil වගේ oil එකක් හෝ ආයුර්වේද medicated oil එකක් භාවිතා කරන්න. Medicated oil භාවිතා කරනවානම් ඔයාගෙ අනෙකුත් රෝග තත්ව, ප්‍රකෘතිය ආදිය බලල වෛද්‍ය නිර්දේශය මත භාවිතා කරනවා නම් හොදයි.

2. තෙල් හිස්කබලට දාලා හොදින් පීරන්න.
මේ සදහා දැති ඈතින් තියන/ wide tooth comb භාවිතා කරන්න. එතකොට කෙස් අග දක්වාම තෙල් හොදින් පැතිරෙනවා.

3. අනිවාර්යයෙන්ම තෙල් දාලා පැය 2-3ත් අතර කලයක් ඉදලා ස්නානය කරන්න.
මෙහිදී ඔයාට medicated water එකක් භාවිතා කරන්න පුලුවන් නම් ගොඩක් හොදයි.
- පොකුරු වදමල් තැම්බූ වතුර
- පොල් වතුර
- කරපිංචා කොල තැම්බූ වතුර
මේ සදහා භාවිතා කරන්න පුලුවන්.

ඔයාට තියෙන්නෙ ක්ලෝරීන් වතුර නම්, වතුර ටැංකියකට එකතු කරලා දිනයක් විතර තියලා ඔලුව සෝදන්න ගන්න.

ඔයාට තියන වතුර කිවුල් නම්, අර විදියටම වතුර එකතු කරල ඒකට අගුරු පොට්ටනියක් ගිල්ලවලා තියන්න.
ඒ වගේම කුඹුක්, ඉගිනි වගේ ගස් වර්ග ඔයාගෙ water source එක ලග හිටවන්න.

4. නිතර water pools භාවිතා කරනවානම් hair cap එකක් දාන්න. ඒ වගේම වතුරේ ක්ලෝරීන් ප්‍රමාණය ගැනත් සැලකිලිමත් වෙන්න.

5. කොන්ඩේ පිහින්න මෘදු towel එකක් භාවිතා කරන්න. විනාඩි 10ක් විතර wrap කරලා තියන්න. (පීනස් රෝග එහෙම තියනවා නම් සැලකිලිමත් වෙන්න.)

6. කොන්ඩේ වියලන්න dryers , AC, Fan භාවිතය අඩුකරන්න. Air dry වෙන්න දෙන්න.

7. හිසකෙස් පීරන්න මෘදු පනාවක් භාවිතා කරන්න.

8. මාසෙකට සැරයක් 1cm පමණ අගින් කපන්න.
මේ මගින් කෙස් අග පැලීම් වලින් වැලකෙන්න පුලුවන්.

9. ඔයා නිතරම dye වර්ග, bleaching වගේ chemical වර්ග භාවිතා කරන එකත් පුලුවන් තරම් අඩු කරන්න. ඒ වගේම සල්ෆර් අඩංගු නොවන shampoo භාවිතා කරන්න.

10. Healthy diet එකක් ගන්න එකත් ඉතාම වැදගත්. ඒ ගැන මම වෙනම කතා කරන්නම්කෝ..

මේ වගේ ඔයාගෙ සෞඛ්‍යයට වැදගත් වන තවත් තොරතුරු දැනගන්න අපිව follow කරලා තියාගන්න.
අනිත් අයටත් දැනගන්න share කරන්න.

26/06/2024

Dilvita Ayurveda

ලස්සන ළමයෝ.... 🥰

ඔයාගෙ hair type එක මොකක්ද කියලා දන්නවද ඔයා...

දන්නෙ නැත්නම් මෙතනින් ගිහින් බලලා එන්න..

https://www.facebook.com/share/p/WRHqW8YY1Gh4oqwd/?mibextid=WC7FNe

අද මම කතා කරන්නේ...
පිත්ත type hair ගැන.

ඉතාමත් තුනී, මෘදු හා තඹ පැහැයට හුරු හිසකෙස් නම් ඔයාට තියෙන්නෙ ඒ වගේම මද්‍යම ප්‍රමාණයේ සවිවරතාවයක් තියන straight pattern එකේ hair එක්ක නම් ඔයා පිත්ත type hair තිබෙන කෙනෙක්.ඒ වගේම oily ගතිය තියන dandruff ඉක්මනින් හටගන්න scalp එකක් ඔයාට තියනවා.

අධිකව උෂ්ණ දේවලට, හිරු රෂ්මියට, ගින්දරට නිරාවරණය, උණුසුම් වතුරෙන් නිතර නෑම
උෂ්ණ අධික ආහාර, මිරිස්, කුලුබඩු වර්ග මිශ්‍ර ආහාර, අධික තෙල් සහිත හා කටු අම්ල ලවණ රස ආහාර, මුදවපු කිරි වගේ මුදවන ලද ආහාර වර්ග, cola වගේ කාබණීකෘත පාන වර්ග, ක්ෂණික ආහාර, ඉස්සෝ,දැල්ලෝ, බලමාලු, කකුළුවො, සැමන්, හරක් මස්, ඌරු මස්, අබ, විනාකිරි දාපු චට්නි, අච්චාරු වගේ ආහාර නිතර නිතර ගන්නවා නම් පිත් ප්‍රකෘතික ඔයාගේ පිත්ත ලක්ෂණ වැඩි වෙනවා.
රසායනික ද්‍රවය අධිකව යොදපු නිශ්පාදන වර්ග ඔලුවට යොදනවා නම් හිස්කබලේ පෝෂණය අඩු වෙලා පිත් ලක්ෂණ වැඩි වෙනවා. ඒ වගේම නිතර නිරාහාරව සිටීමත් නිතර කෝප ගන්නවා නම් එහෙම ඔන්න ඔයාගෙ පිත් ලක්ෂණ වැඩි වෙලා කොන්ඩේ යන්න පටන් ගන්නවා. තට්ටෙ පෑදෙනවා(Boldness)
ඒ වගේම කොන්ඩේ ඉක්මනට සුදු වෙනවා.
Seborrheic dermatitis/eczema, tinea capitis වගේ තත්ව පහසුවෙන්ම ඇති කරවනවා.

පිත් කෝපය එක්ක පරිවෘත්තීය ක්‍රියා හරියට වෙන්නෙ නැතිවෙලා ඔයාගෙ හිස්කබලට ලැබෙන පෝෂණය අඩු වීම තමයි මෙහිදී මූලිකවම වෙන්නෙ.

පිත් ශමනය කරන තෙල් වර්ගයකින් හිස සම්භාහනය, ශිරෝධාරා වගේ ප්‍රතිකර්ම ඔයාට ගොඩක් හොදයි. ශිරෝධාරා නම් කරන්න ඕනේ වෛද්‍ය අදීක්ෂණයක් යටතේ විතරයි.

එඩරු තෙල්, ඔලිව් තෙල්, black seed oil, Tea tree oil ඔයාට ගොඩක් හොදයි. ආයුර්වේද තෙල් වර්ගත් භාවිතා කරන්න පුලුවන් වෛද්‍ය උපදෙස් මත.

තෙල් දාල හිසකෙස් අග දක්වා හොදින් පීරන්න තෙල් හිසකෙස් වල අග දක්වාම ව්‍යාප්ත වීමට. පැය 2ක් විතර තියලා shampoo කරන්න. දවසක් හැර දවසක් නාන්න.
ස්නානය සදහා medicated water භාවිතා කරන්න පුලුවන් නම් ගොඩක් හොදයි. ඒ සදහා
කොහොඹ කොළ, අමු කහ තම්බපු වතුර
දෙහි, උලුහාල් තැම්බූ වතුර
භාවිතා කරන්න පුලුවන්.

ආහාර විදියට ඔයාට ගොඩක් හොදයි
ගිතෙල්, කිරි ආහාර, මධුර, තික්ත, කශාය රස ආහාර
කැරට්, පිපිඤ්ඤා, බතල, වට්ටක්කා, ඕට්ස්, බාර්ලි, තිරිගු, සහල්, පරිප්පු, මුං ඇට, සෝයා, ආමන්ඩ්, සූරියකාන්ත ඇට, රට ඉදි, මුද්දරප්පලම්, පලා වර්ග, කැද වර්ග නිතර ආහාරයට ගන්න.

ප්‍රාණායම, සූර්ය නමස්කාර, සලබාසන, උපවිශ්ටකෝණාසන, පශ්චිමෞත්තානාසන
වගේ යෝග ආසන ඔයාට ගොඩක් හොදයි.

මෛත්‍රී භාවනාව වගේ පුරුදු වෙන්න පුලුවන් නම් ඔයාගෙ පිත් ස්භාවය balance කරගන්න හැකියාව තියෙනවා.

Dr. Dilasha Jayawardene
BAMS(hons)
University of Kelaniya

24/06/2024

Dilvita Ayurveda

ලස්සන ළමයෝ.... 🥰

ඔයාගෙ hair type එක ආයුර්වේදයට අනුව වාත ධාතුව ප්‍රමුඛ, වාත type hair එකක් නම්..

අද මම කතා කරන්නේ ඔයාගේ hair එක ගැන.
🫵🫵🫵

තවම ඔයා ඔයාගෙ hair type එක දන්නෙ නැත්නම් මෙන්න මේක බලල එන්නකෝ...

https://www.facebook.com/share/p/WTwGjSgRcNbYVBam/?mibextid=WC7FNe

මම මුලින්ම කියන්නම් ඔයාගේ හිසකෙස් වලට අහිතකර දේවල් මොනවද කියල.

මෙන්න මේ දේවල් නිසා වාත දෝෂය ඉහල ගිහින් ඔයාගේ හිසකෙස් dryness එක වැඩි වෙලා අග පැලීම් ඇති වෙලා ගැට ගැසිලා අහුරු පිටින් ගැලවිලා යන්න පුලුවන්.

1. ස්නානය සදහා උණු වතුර හෝ අධික සීතල වතුර භාවිතා කිරීම.
2. ගංගා ඇලදොල වැව් මුහුදු ජලයේ වැඩි වෙලාවක් සිටීම.
3. අධික හිරු රශ්මියට, සුලගට නිරාවරණය වීම.
4. රාත්‍රියේ අධිකව නිදිමැරීම.
5. අධිකව කය වෙහෙස කර කාර්යයන්හි නිරත වීම.
6. මල, මූත්‍ර අවශ්‍ය වෙලාවට බැහැර නොකර දරා සිටීම.
7. Harsh chemical යෙදූ නිශ්පාදන වර්ග භාවිතය.
8. Stress
9. නිතර බඩගින්නේ සිටීම හා ආහාර වේල් මග හැරීම.
10. අධික උණුසුම් හෝ ශීත ආහාර ගැනීම.
11. තික්ත රස, කශාය රස හෝ කටු රස ආහාර වැඩිපුර ගැනීම.
12. කොස්, කොස් ඇට, අර්තාපල්, පොලොස්, බතල, මඤ්ඤොක්කා, දෙල්, වම්බටු, මෑකරල් වගේ ආහාර නිතර නිතර ගැනීම.
13. ක්ෂණික ආහාර, අධිකව රසකාරක වර්ණකාරක යෙදූ ආහාර ගැනීම.

ඔන්න ඔය කිව්ව දේවල් වලින් පුලුවන් තරම් ඈත් වෙන්න.
පෝෂදායී ආහාර වේලක් ගන්න.

ආහාර විදියට ඔයාට ගොඩක් හොදයි
විටමින් A,B හා c, කැල්සියම්, මැග්නීසියම් වැඩිපුර අඩංගු ආහාර, මධුර රස, අම්ල හා ලවණ රස ආහාර..
තල තෙල්, චීස්, බටර් වගේ කිරි ආහාර,
කොල පාට එළවළු පලා වර්ග
කුඩා මාලු, සැමන්, ටුනා වගේ මාලු
නෙල්ලි, පේර, දෙලුම්, අලිපේර, කොමඩු, කජු, ආමන්ඩ්, බෙරි වර්ග
බඩඉරිඟු, රතු කව්පි
කුරක්කන්, තල වලින් හදපු ආහාර ගොඩක් හොදයි.

ඒ වගේම ආහාර වේල් මග නොහැර නිසි වෙලාවට මදක් උණුසුම්ව ආහාර ගන්න.
උතුරවා නිවාගත් ජලය වැඩිපුර පානය කරන්න.

වෙහෙස වෙලා කරන ව්‍යායාම වෙනුවට ඔයාට ගොඩක් හොදයි යෝගා, ප්‍රාණායම වගේ දේවල්.

වජ්‍රාසන
ශීර්සාසන
බාලාසන
මත්ස්‍යාසන
උත්තානාසන

වගේ යෝග ඉරියව් වලින් රුධිර සංසරණයත් හොදින් සිදුවෙලා හිසකෙස් වලට පෝෂණය හොදින් සැපයෙනවා වගේම stress වගේ තත්ව වලිනුත් වලකින්න පුලුවන්කම ලැබෙනවා.

වාත ප්‍රකෘතික ඔයාට ඉතාම වැදගත්ම දෙයක් තමයි හිසට තෙල් දාන එක.
මෙය ඔයාගෙ හිස්කබලේ hydration එක මනාව පවත්වා ගන්න උපකාරී වෙනවා.

සතියකට අවම වශයෙන් 2-3 වතාවක් වත් හිසට තෙල් සාත්තුවක් කරන්න.
ඒ සදහා ඔයාට තල තෙල්, ආමන්ඩ්, tea tree oil සාමාන්‍යයෙන් භාවිතා කරන්න පුලුවන්.

එහෙමත් නැත්නම් වෛද්‍ය උපදෙස් මත ආයුර්වේද medicated oil එකක් භාවිතා කරන්න පුලුවන්.

මේවගේ ආයුර්වේද beauty tips දැනගන්න අපිව follow කරල තියාගන්න. අනිත් අයටත් දැනගන්න share කරන්න.

Dilvita Ayurveda

23/06/2024

Dilvita Ayurveda

22/06/2024

මගේ ලස්සන ළමයෝ.... 😍

මම හිතුවා.. .ඔයත් එක්ක මුලින්ම ඔලුව ගැන කතා කරන්න. 😊
ඔලුව දිහා බලපු ගමන්ම පේන්නෙ ඉතින් කොන්ඩේ නේ.(තට්ටෙ තියන අය මේකට මොකුත් කියන්න එපා ඔන්න.🥸අපි ඒ අය ගැන වෙනම කතා කරමු)

හිස කෙස් කියන්නෙම ලස්සන බවෙහි එක සංකේතයක් නේ. හිස කෙස් වල ලස්සන පවත්ව ගන්න නොයෙකුත් දේවල් දැනටමත් ඔයා කරනව ඇති.
Oil, shampoo, conditioners, hair mask/masque, hair mist වගේ දේවල්.
ඉතින් ඔයා මේ දේවල් භාවිතා කරන්නෙ හරියටම ඔයාගේ ඔලුවට ගැලපෙනවද කියල දැන ගෙනද..

ඒ දේවල් වල අන්තර්ගත වෙන්නෙ Herbal වුනත් active ingredients වුනත් භාවිතයට තෝරගන්නකොට අනුවාර්‍යයෙන් ඔයා ඔයාගෙ hair type එක ගැන සැලකිලිමත් විය යුතුයි.

ඉතින් මං හිතුවා ඔයාගෙ hair type එක අදුරගන්නේ කොහොමද කියල කියලා දෙන්න.

ආයුර්වේදයට අනුව hair type එක තීරණය වෙන්නෙ ඔයාගෙ ප්‍රකෘතිය මත.
ප්‍රකෘතිය කියන්නෙ ආයුර්වේද විද්‍යාව අනුව අපේ ශරීරයේ ක්‍රියාකාරීත්වයට වැදගත් වන ත්‍රිධාතු කියල හදුන්වන වාත, පිත්ත හා කඵ ශරීරයේ පිහිටලා තියෙන්නෙ කොහොමද කියන කාරණය.

ඔයාගෙ ශරීරයේ වාත ධාතුව නම් ප්‍රමුඛව තියෙන්නෙ ඔයා වාත ප්‍රකෘතිකයෙක්.
ඔයාගෙ ශරීරයේ පිත්ත ධාතුව නම් ප්‍රමුඛව තියෙන්නෙ ඔයා පිත්ත ප්‍රකෘතිකයෙක්.
ඔයාගෙ ශරීරයේ කඵ ධාතුව නම් ප්‍රමුඛව තියෙන්නෙ ඔයා කඵ ප්‍රකෘතිකයෙක්.

මෙන්න මේ ප්‍රකෘතිය මත ඔයාගෙ කෙස් කළඹේ වර්ගයත් තීරණය වෙනවා.

ඔයා වාත ප්‍රකෘතිකයෙක් නම් ඔයාට තියෙන්නෙ වාත ලක්ෂණ සහිත හිසකෙස්.
ඔයා පිත්ත ප්‍රකෘතිකයෙක් නම් ඔයාට තියෙන්නෙ පිත්ත ලක්ෂණ සහිත හිසකෙස්.
ඔයා කඵ ප්‍රකෘතිකයෙක් නම් ඔයාට තියෙන්නෙ කඵ ලක්ෂණ සහිත හිසකෙස්.

මේ එක් එක් වර්ගයට අදාලව ප්‍රමුඛ ලක්ෂණ අනුව ඔයාට ඔයාගෙ හිසකෙස් වර්ගය අදුරගන්න පුලුවන්.

ඒ ලක්ෂණ මොනවද

ඒ ඒ වර්ගයට අදාලව නිශ්පාදන වර්ග කොහොමද තෝරගන්නෙ..ආහාර රටාව, ජීවන රටාව කොහොමද පවත්ව ගන්න ඕනේ කියන කාරණා ඉදිරියට අරගෙන එන්නම්...

21/06/2024

Dilvita Ayurveda

21/06/2024

Dilvita Ayurveda

ලස්සන ළමයෝ....

ඔයා දන්නවද

මමත් ඉස්සර කැතම කැත කෙල්ලෙක් කියල හිතන් හිටපු කෙනෙක්. චීස් බෝල දෙකක් වගේ සහෝදරියො දෙන්නෙක් මැද අගුරු කෑල්ලක් වගේ හිටපු මම රූපය නිසා මානසිකව වැටුනු තැන් අනන්තයි.

හැබැයි ඉතින් වැඩි වෙලාවක් මට එහෙම ඉන්න ලැබුනෙත් නෑ. මොකද මට කරන්න ගොඩක් වැඩ තිබුණා. Studies වලට අමතරව sports, music වගේ අමතර වැඩ.
හැබැයි ඉතින් අව්වට පිච්චිලා කලුවෙලා හිටපු මම සුදු වෙන්න කියල හිතන් tv එකේ යන එක එක advertisements වල cream වර්ග අරන් ගාල දරුණුවටම pimples, pigmentation වලින් තව තවත් පීඩා වින්ද.
ඒ නිසා කාලයක් මම කිසිම දෙයක් මූනෙ ගෑවෙ නෑ.

ආයුර්වේද වෛද්‍යවරියක් වෙන්න ඉගෙන ගන්නකොට තමයි මම ස්භාවික සත්කාර හරියටම තෝරගෙන භාවිතා කරන්නෙ කොහොමද කියල හරියටම දැනගත්තේ.

විවිධ සමේ රෝග, හිසකෙස් ආශ්‍රිත ගැටලු වලට මගෙ ලගට බෙහෙත් ගන්න එන ලස්සන ළමයි (විශේශයෙන් ගෑණු ළමයි) දැක්කම මට මගේ බාල කාලය තමයි මතක් වෙන්නෙ.
ඒ කාලේ මට හොද මගපෙන්වීමක් නොලැබුණාට අද මගේ ලග තියෙන දැනුමෙන් ස්භාවික දේවල් භාවිතා කරල ලස්සන වෙන්න guide කරන්න පුලුවන් නේද කියල හිතුණු නිසා තමයි මේ වගේ වෑයමක් කරන්න හිතුවේ.

ඉතින්... ළමයෝ.... එන්න
ස්භවික දේවල් වලින් ලස්සන වෙන්න.