15/06/2026
"ජීවිතේ සමහර කාලවල් තියෙනවා,
අපි සමහර මිනිස්සුන්ව,
සමහර බැඳීම්ව අපේ පණටත් වඩා තදින් අල්ලාගෙන ඉන්න උත්සාහ කරන.
ඒත් අපි තේරුම් ගන්න ඕනේ එකම දෙයයි,
හැම දේකටම වගේම හැම බැඳීමකටම නියමිත වෙලාවක් තියෙනවා.
ඒ වෙලාව ආපුවාම,
අපිට කොච්චර රිදුණත් ඒ හැමදේම අත්හරින්න අපිට සිද්ධ වෙනවා.
ආදරේ කියන්නේ තවත් කෙනෙක් අස්සේ හිරවෙලා,
තමන්ගේ ආත්මගරුත්වය නැති කරගෙන,
හිත ගැහි ගැහී විඳවන එකකට නෙවෙයි.
අපිට ආදරේ නැති,
අපේ අගයක් නැති තැනක බලෙන් රැඳිලා ඉන්න එකෙන් වෙන්නේ අපිව තවත් පෑරෙන එක විතරයි.
ඒ නිසා යන්න ඕන කෙනෙකුට නිදහසේ යන්න දෙන්න.
ඒක දරාගන්න බැරි තරම් ලොකු පාලුවක්,
ලොකු දුකක් තමයි, ඒත් කාටවත් බැහැ තමන් ළඟ ඉන්න අකමැති,
තමන්ව මඟහරින කෙනෙක්ව බලෙන් නවත්තගන්න.
ආදරය බලෙන් ලබාගන්න පුළුවන් දෙයක් නෙවෙයි.
ඉතින්, ඔය හැම වේදනාවක්ම දරාගෙන ජීවිතයට ශක්තිමත්ව මුණ දෙන එකයි අපි කරන්න ඕනේ.
ඔයාට ආදරේ නැති,
ඔයාගේ හැඟීම් සෙල්ලමකට ගත්ත කෙනෙක් වෙනුවෙන්,
ඔයාගේ ඒ පිරිසිදු ආදරයේ වටිනාකම බිංදුවට දාගන්න එපා. අඬන්න එපා, බැගෑපත් වෙන්න එපා.
ඔයාගේ වටිනාකම,
ඔයා කරපු කැපකිරීම් ඔවුන්ට දැනෙන දවසක් අනිවාර්යයෙන්ම ඒවි.
හැබැයි එදාට... ඔයා ඔවුන්ට කවදාවත් අතකින්වත් අල්ලන්න බැරි තරම්, හීනෙකින්වත් ළඟාවෙන්න බැරි තරම් ගොඩක් දුර ඉඳීවි.
රිදෙන තැන් තදින් අල්ලන් ඉන්නවට වඩා, නිදහසේ අත්හරින එක කොයිතරම් සහනයක්ද? අත්හරින්න..
✍️ Madhu
