09/06/2026
බුක් රැක් නවතම ප්රකාශන – Bookrack New Book Bundle
මිත්යාදෘෂ්ටිකයාගේ නිධානය
සහස්රක ගණනාවක් සැඟව තිබූ රහසක්… ලෝකය වෙනස් කළ හැකි මාරාන්තික දෛවයකට මඟ පෑදිය හැකි තරම් බලවත් නිධානයක්!
ඊජිප්තුවේ දැවෙන කාන්තාර වැලි තලාව අතරේ අතීතයෙන් සඟවන්නට උත්සාහ කළ පාරාවෝවරයෙකුගේ නිධානයක් දක්වා විහිදෙන, මහා පාවාදීම් සහ ලේ වැගිරීම්වල සුළි කුණාටුවකට හිටපු SAS සෙබළ බෙන් හෝප් යළිත් මැදි වේ.
වර්තමානයේදී, එම නිධානයේ රහස සෙවීමට ගිය විශ්වවිද්යාල මහාචාර්යවරයෙකු අතිශය අමානුෂික ලෙස ඝාතනය කෙරේ.
අතීතයේ බෙන්ගේ පණ බේරාගත් හමුදා සගයෙකුගේ පුත්රයා වන මෙම
මහාචාර්යවරයාගේ ඝාතනය ගැන සොයායාමට බාරගන්නා බෙන් හට, එම නිධානය සොයායන්නට සිදුවන්නේ අනපේක්ෂිත ලෙසිනි.
මෙම ඝාතනය පිටුපස ඇති සත්යය සෙවීමට බෙන් හෝප් ඉදිරිපත් වූවද,
ඔහුට අන්තිමේ ගැටෙන්නට සිදුවෙන්නේ සාමාන්ය සතුරෙකු සමඟ නොවේ. ලෝක ඉතිහාසය තමන්ට අවශ්ය පරිදි වෙනස් කිරීමට මාන බලන, බලගතු, අනුකම්පාවක් නැති, බෙන් හා උරින් උර ගැටිය හැකි, ත්රස්තවාදී නායකයෙකුට එරෙහිවය.
පැරණි සංකේත, අභිරහස් සිතියම් සහ මාරාන්තික උගුල් පසුකරමින් බෙන් හෝප්ට “මිත්යාදෘෂ්ටිකයාගේ නිධානය” වෙත ළඟා විය හැකිද? නැතහොත් ඉතිහාසයේ අඳුරුතම රහස ඔහුත් සමඟම වැළලී යනු ඇත්ද?
මිථ්යාව සහ යථාර්ථය අතර සීමාවන් බොඳ කරන, කියවා අවසන් වනතුරුම පොත බිම තැබිය නොහැකි තරම් කුතුහලයෙන් පිරි ස්කොට් මරියානිගේ (Scott Mariani) විශිෂ්ටතම ඓතිහාසික අභිරහස් නවකතාවේ සිංහල පරිවර්තනය.
සැගවුණු මෙහෙයුම
විද්යාව සහ අද්භූත රහස් අතර සිරවුණු ලෝකයක මාරාන්තික සත්යය!
තත්පරයක පමාවීමක්… මුළු ලෝකයේම ඉරණම වෙනස් කරනු ඇත!
හිටපු රහස් නියෝජිතයෙකු වන බෙන් හෝප් මෙවර පැටලෙන්නේ ඔහුගේ ජීවිතයේ මුහුණ දුන් අතිශය භයානකම සහ අද්භූතම මෙහෙයුමටයි.
දෙවන ලෝක යුද්ධ සමයේ, එනම් 1944 සිට ලෝකයෙන් සඟවා තැබූ, මුළු මහත් මානව ඉතිහාසයම උඩුයටිකුරු කළ හැකි අතිශය රහසිගත ලියවිල්ලක්!
එය අත්පත් කරගැනීමට මාන බලන ‘නව-නාසි’ කල්ලියක්!
නමුත්, ඔහුගේ අතීතයේ සැඟවුණු අභිරහස් කාන්තාවකගේ හදිසි කරළියට පැමිණීමත් සමඟ, මෙම මෙහෙයුම හුදෙක් රාජකාරියක් නොව, ඔහුගේ ජීවිතයේ දරුණුතම පෞද්ගලික සටන බවට පත්වෙයි.
යුරෝපය පුරා ඇදෙන මාරාන්තික ලුහුබැඳීමක්…
සෑම තත්පරයකම මරණයේ සෙවනැලි…
ලෝකය පාලනය කිරීමට සැරසෙන ඒ දෘශ්යමාන නොවන සතුරා පරාජය කිරීමට බෙන් හෝප්ට හැකි වේවිද? නැතහොත් ඔහුත් එම සැඟවුණු මෙහෙයුමේම ගොදුරක් බවට පත්වේවිද?
සැගවුණු මතක
එළියෙ වාහනයක් නතර වුණා. අපි මූණෙන් මූණ බලාගත්තා. අපි තුන්දෙනාගෙම ඇස් බයෙන් පිරිලා. ඩැනී නැගිටලා ජනේලය ළඟට දුවගෙන ගිහින්, තිර රෙද්ද අස්සෙන් එබිකම් කළා.
“පොලිසියෙන් ද?” මම කෙඳිරුවා.
“වෝල්ටර්. ඔයා තේ හදනවා වගේ රඟපාන්න. එයාට ඔයාගේ මූණේ ඔය පැත්ත පේන්න දෙන්න එපා. සෝෆාවෙ අඳුරුම කෙළවරේ වාඩි වෙලා අහක බලාගෙන ඉන්න….හායි, වෝල්ටර්.”
“ඔයාලා හොඳින්ද? වෙඩි සද්දයක් ඇහුණා.”
“ඔව්, ආයෙත් කබඩ්වල මීයො. මේ පාර නම් ඌව අහුවුණා.”
“ඔය ගෑණු ළමයි තුවක්කුව එක්ක පරිස්සමෙන් වැඩ කරන්න ඕන.”
“අපි පරිස්සම් වෙනවා. තාත්තා අපට උගන්නලා තියෙන්නේ.”
“ටිකකට කලින් එයාගේ ට්රක් එකේ සද්දේ ඇහුණා වගේ කියලා මට හිතුණා.”
“ඒ කෝට්නිව ඇරලවන්න ආපු එකක්.”
“ඔයාලගේ තාත්තා කවදාද ගෙදර එන්නේ? එයා කුලිය ගෙවන්න පරක්කුයි.”
“ඉක්මනටම එයි. අපට ඒ වෙනුවෙන් අමතර දෙයක් කරන්න පුළුවන් ද?”
“දන්නේ නෑ ඩැනී. ඔයා දන්නවා නෙ ඔයාලට දෙන්න පුළුවන් තරම් වැඩ අපි දීලා තියෙන්නේ….මොකක්ද ඒ සුවඳ?”
ෂිට්, එයාට ලේ සුවඳ දැනෙනවා ද?
සංග්රාම
අද රාත්රිය මඩොල්වෙල ගම්මානයේ වැසියන්ට මෙන්ම කොළඹ හමුදා මූලස්ථානයටද නින්ද නොඑන දීර්ඝ රාත්රියකි. එක් අතකින් මඩොල්වෙල ගම්මානයේ සියලු දෙනා ප්රාණ ඇපකරුවන් බවට ඒ වනවිට පත්ව හමාරය. තවත් අතකින් කොළඹ හමුදා මූලස්ථානයේ අණ දෙන නිලධාරි වසන්ත දිසානායක සහ ඔහුගේ සහයක උදාර සේනානායක ඇතුළු හමුදා කණ්ඩායම ඔවුන්ගේ ජිවිතයේ මුහුණ දීමට සිදුවන තවත් එක් බිහිසුණු ක්රියාන්විතයක් ඇරඹිමට සියළු කටයුතු සුදානම් කොට හමාරය. ඉදිරි පැය කිහිපය තුළ ගතවන සෑම මොහොතකම ඔවුන් ගන්නා තීරණ රටේ අනාගතය පමණක් නොව ඔවුන්ගේම ජිවිතද වෙනස් කිරිමට තරම් ප්රබලය.
“මහලොකු කෙරුමෝ නම් උබලට පුළුවන් දෙයක් ඇවිල්ලා අපට කරලා අපිව නවත්තපල්ලා.අපි ජීවත් වෙන්නෙත් මේ රටේම තමයි!”
මඩොල්වෙල ගම්මානයේ වැසියන් ප්රාණ ඇපයට ගත්තේ කවුරුන්ද? ඒ කුමක් නිසාද ?වසන්ත හා උදාර ඇතුළු කණ්ඩායම ඇරඹිමට සුදානම්ව සිටින බිහිසුණු ක්රියාන්විතය කුමක්ද? තම ජිවිත පමණක් නොව රටේ අනාගතය පවා වෙනස් කිරිමට තරම් සමත් ඒ තීරණ මොනවාද?
අද රාත්රිය නම් අතිශයින්ම අමුතුම රාත්රියකි!
වික්ටිම්ස්
අහිමි ව ගිය ප්රේමයෙන් සෝදාපාළුවී ගිය සිත කොතැනකවත් නොඅලවාගෙන වසර දෙක තුනක් ගෙවූ ඇයට මේ සිදුවූ අහඹුව තවමත් සිතාගැනීමට නොහැකි පුදුමයකි. නිරංගව පළමු වරට දුටු දින ඔහු වෙත පෑ රළු ප්රතිචාරය වෙනස් කරන්නට තමා ගත් තීරණය නිරංගව මේ තත්ත්වයට පොළඹවාවී යැයි අවබෝධයක් එවෙලේ ඇයට තිබුණේ නැත. එහෙත් එය එසේ වන්නට යන බවට ඉංගිතයන් සම්මුඛ වන්නට වූ කල තමන් ඔහුව ඊට පොළඹවනසුළු ප්රතිචාර දැක්වූ බව ඇය පිළිගන්නීය. දැන් ඇය විඳවන්නේද ඒ හේතුවෙන්මය. නිරංගට තම සිත තුළ ඉඩක් වෙන් වී තිබුණද, ඒ ඉඩට ඔහුව ඇතුළු කරගන්නට ඇය තවමත් ඉන්නේ විචිකිච්ඡාවෙනි. දෙගිඩියාවකිනි. අහිමිව ගිය ප්රථම ප්රේමයට සපුරා වෙනස් වූ මෙම නවතම පෙම පිළිගන්නට සිතේ එක් පසක් බල කරද්දී, අනෙක් පස ඊට විරුද්ධව නැගී සිටියි. පැරණි පෙම පිළිබඳ සිතුවිලි සිතට බලහත්කාරයෙන් ගෙන එන්නට තැත් කරයි. ඒ හරහා නිරංග කෙරෙහි ඇගේ සිත බිඳවන්නට තැත් කරයි. එක සිත දෙතැනක නතර වී කරන මේ විගඩම දැන් දින දෙක තුනක සිටම ඇගේ නින්දද සැනසීමද විනාශ කර දමා අවසානය.
❄️❄️❄️❄️
සිය නැගණියගේ සිය දිවි නසා ගැනීමට හේතු සොයන තරුණයෙක්…..
ඔහුගේ පිහිටට එන, විරහ වේදනාව හදෙහි ගුළි කරගත් යුවතියක්…..
ඔවුන්ගේ ජීවිත කෙසේ නම් එකිනෙකාගේ ජීවිත මත අතිපිහිත වේවිද?
සිය බලාපොරොත්තු සඵල කරගැනීමට ඔවුනට හැකිවේවිද?
VICTIMS
අසම්මත ඉරණමක වින්දිතයෝ
ඩී එන් ඒ
එදා සිදු වූ ඒ සිද්ධියත් සමඟ අකමැත්තෙන් හෝ රීටා නෝනාගේ බසට අවනත වනු හැරෙන්නට නිව්ටන්ට වෙනත් විකල්පයක් සොයාගත නොහැකි විය. විකල්පයක් තිබෙනවා නම් තිබෙන්නේ ආපහු ලංකාවට යෑමය. නමුත් එය කබලෙන් ලිපට වැටීමක් බවද හේ දනියි. එබැවින් යාන්තම් අතගසාගත් මේ දූපතේම තව කාලයක් සිටීම අතමිට සරුවීමට එකම මඟ බවද ඔහු දනියි. සරණාගතයෙක් ලෙස මෙරට හිරේ විලංගුවේ වැටෙනවාටත් වඩා වරදකරුවෙක් ලෙස ලංකාවට යාමට කිසිසේත්ම කැමැත්තක් නොතිබූ නිව්ටන්ට දූපතෙන්ම කසාදයක් කරගන්නවා හැරෙන්නට වෙනත් විසඳුමක්ද නොපෙනිණ. සෝමේට අවශ්ය වූයේද එයමයි. ඊට අවශ්ය සියලු කරුණු කාරණා සම්පාදනය කිරීමෙහි මූලිකයා ලෙස ඔහු විශාල බරක් කරට ගත්තේද එනිසාය. අවසානයේ නිව්ටන්ගේ දිවියේ තීරණාත්මක දිනය එසේ උදාවිය.
“දැන් කිසිදේකට බයවෙන්න ඕනෙ නැහැ. නිව්ටන් අයියා ළඟත් දැන් කසාද සහතිකේ තියෙනවා. දැන් ඉතින් කුරුල්ලා වගේ ඕනෙ තැනක නිදහසේ පියාඹන්න පුළුවන්.”
“ඒත් මගෙ හිතට හරි නැහැ සෝමෙ.”
දෙව්භරණ
“මගේ ළඟට වරෙන් භරණ… ආයෙත් මගේ ළඟට වරෙන්… මං බලාගෙන ඉන්නම් උඹ එනකල්… උඹ මගේ ළඟට එනවා නේද මගේ භරණ”
* * * * * * * * * * * * * * *
“මම මේ හිතුවේ උඹ ගෑනු ආත්මෙක ඉපදුනේ ඇයි කියලා… උඹ දන්නව ද ගෑනු වෙලා උපදින්නේ පවුකාරකමටලු”
ඔහු පැවසුවේ යුවතිය දෙස නොබලමින්ය.
“මගේ පවුකාරකමෙන් මිස්ටර් මෞර්යට වැඩක් නෑනේ. හැබැයි මිස්ටර් මෞර්ය ඔය පවුකාරයි කිව්වේ තමුන්ගෙ ම අම්මාටත් එක්ක කියලා මතක තියාගන්න”
යුවතිය කෝපයෙන් පැවසුවාය.
“නෑ බන් මං කිව්වේ එහෙම එකක් නෙවෙයි. පිරිමි ආත්මෙකින් පස්සේ ආයෙම ගෑනු ආත්මෙක ඉපදෙන්න උඹ කලින් ආත්මේ මොනවා හරි පවුකාරකමක් කරන්න ඇති”
බලාපොරොත්තුවේ ආලෝකය 01 / 02
“මම හිතන්නේ මම සටන්වලට ගොඩාක් දක්ෂ වුණා. පුංචි කාලේ ගහ ගන්නයි, කඩු සටන් වලටයි, දුනු විදීමටයි, ඒ හැමදෙයකටම මම සාමාන්ය අයට වඩා දක්ෂයෙක් වුණා.
මට ලැබුණේ හොද පුහුණුවක්. ඒ කියන්නේ ඇනිඑල්ලේ කදුකර මිනිස්සු අතර පාලනය කරන ආදිපාදවරයාගේ පුතා හැටියට,
වයිට් ෆැන්ග් කදුකරයේ හිටපු බලවන්තමපුද්ගලයා මගේ තාත්තා. ඒ නිසා මට විශේස පුහුනුවක් ලැබුනත් , මට හරි විදිහේ පුහුණුවක් ලැබෙන්න පටන් ගත්තේ මම රිෆ්තෝල්ඩ් මාලිගාවට ආවට පස්සේ, ඒ ඇවිල්ලා රාජකීය හමුදාවට බැදුනාට පස්සේ” ඇය ඔහු පිටු පසින් ගමන් කලාය.
ඔහු ඇවිදින්න අමාරු විදිහට මුල් උඩට ඇවිත් තිබු තැන් වලින් ඇයව ප්රවේසමෙන් කැදවාගෙන ගියේ ඔහුත් එම මුල් වල පැටලෙන්නේ නැතිවය.
මම හිතන්නේ ඔයාගේ අකීකරුකමයි, හරකෙක් වගේ ඔළුව කෙලින් කරගෙන ඉන්න එකයි වෙන්න ඇති ඔයාව හොද විනය ගරුක සොල්දාදුවෙක් කරන්න ඇත්තේ නේද? ඇය සිනාසි ඇසුවාය
JUNE මස 28 වෙනිදාගෙන් පසු නිකුත් වේ
ගෙන්වා ගැනිමට නම ලිපිනය දුරකතන අංක මැසේජ් කරන්න
නැතිනම් ඔන්ලයින් ඇණවුම් කරන්න....
https://bookrack.lk/Book/bookrack-new-book-bundle/
