12/05/2026
"Amethyst / ඇමතීස්ට් "
ඇමතීස්ට් යනු ලොව වඩාත්ම හඳුනාගත හැකි සහ සුවිශේෂී මැණික් වර්ගයකි. එහි ඇති මනස්කාන්ත දම් පැහැය නිසා අතීතයේ මෙය දියමන්ති තරම් වටිනාකමකින් යුක්ත විය. අද වන විට මෙය ස්වර්ණාභරණ සහ අලංකරණය සඳහා බහුලව භාවිතා වේ.
"Amethyst" යන වචනය බිහිවූයේ ග්රීක භාෂාවේ amethystos යන වචනයෙනි. එහි තේරුම "මත්වීම වැළැක්වීම" යන්නයි.
සොබාදහමේ ආරක්ෂාව: පැරණි ග්රීකයන් විශ්වාස කළේ මෙම මැණික් පැළඳීමෙන් හෝ මෙයින් තැනූ බඳුන්වලින් පානය කිරීමෙන් මත්වීම වැළකෙන බවයි.
රාජකීයත්වය: දම් පැහැය රාජකීයත්වයේ සලකුණක් වූ බැවින්, බ්රිතාන්ය කිරීටයේ ආභරණ සඳහා ද මෙය බහුලව භාවිතා කර ඇත.
ආගමික වටිනාකම: කතෝලික පල්ලියේ බිෂොප්වරුන් මෙම මැණික් පැළඳි බැවින් මෙය "බිෂොප්ගේ ගල" ලෙසද හැඳින්වේ.
වටිනාකම තීරණය:
හැම ඇමෙතිස්ට් ගලක්ම එකම මිලක් වෙන්නේ නැහැ. වටිනාකම තීරණය වෙන්නේ මේ කරුණු මතයි:
ගැඹුර: ලා පාටට වඩා තද, ඒකාකාරී දම් පාටට මිල වැඩියි.
පැහැදිලි බව: ගල ඇතුළේ ඉරි හෝ කුණු නැති තරමට වටිනාකම වැඩියි.
කැපුම: ගල ලස්සනට පෑහෙන විදිහට (Faceted) හෝ බෝල හැඩයට (Cabochon) කපා ඔප දැමීම.
