Modellbahn Manufaktur

Accueil
Luxembourg
Mersch
Modellbahn Manufaktur

Appeler Itinéraire Site Web Contacter l'entreprise

https://www.manufaktur.lu

🇱🇺 Däin Fachgeschäft fir Modelleisebunnen zu Miersch.
🇩🇪 Dein Fachgeschäft für Modelleisenbahnen in Mersch.
🇫🇷 Ton magasin spécialisé pour le modélisme ferroviaire à Mersch.

08/10/2026

🚂 🚛 Märklin – E Camion, deen net nëmmen um Zuch matfiert!

Op den éischte Bléck gesäit et aus wéi e ganz normale Gidderwaggon mat engem Camion drop. Mee dësen neie Set vu Märklin huet eng ganz besonnesch Iwwerraschung parat! 😉

De Mercedes-Benz MB 1620 mat Planenunhänger ass nämlech ferngesteiert! Mat der Fernsteierung, déi dobäi ass, kanns Du de Camion selwer fuere loossen. An dat ass nach net alles: De Camion huet och Liicht- a Soundfunktiounen. 🚛💡

De passende Nidderflurwon Saadkms 690 vun der DB, wéi en op der „Rollenden Landstraße“ agesat gouf, ass natierlech och dobäi. De Won huet e Metallopbau a gëtt mat enger Spezial-Kuerzkupplung an engem Haltekeil geliwwert.

Mat dësem Set verbënnt Märklin zwou Welten: d'Modelleisebunn an de Spaass mat engem ferngesteierte Camion. Eng flott Ergänzung fir deng Anlag!

📦 Märklin 47412
💶 Präis: 229,00 €

De Set ass elo bei mir am Geschäft zu Miersch an och a mengem Online-Shop ze kréien.

05/10/2026

De 25. Oktober sinn ech op der Internationaler Modelleisebunn-Tauschbourse zu Steesel dobäi. 🚂

Ech hunn do en eegene Verkafsstand a freeë mech op e flotten Dag ronderëm d’Modelleisebunn, vill Gespréicher an natierlech och op bekannt Gesiichter.

📍 Steesel – Centre de Loisirs Norbert Melcher
📅 Sonndeg, 25. Oktober 2026
🕙 10:00 – 16:00 Auer

Wann s du och do bass, da freeën ech mech, dech bei mengem Stand ze gesinn. 😊

Bis geschwënn zu Steesel!

04/10/2026

Alles Guddes zum Pappendag! 🚂 ❤️

Haut wënschen ech all de Pappen e schéinen Dag, vill flott Momenter an natierlech och e bëssen Zäit fir déi Saachen, déi Freed maachen.

Ob Modelleisebunn, Famill, Hobby oder einfach e rouege Moment – ech hoffen, dir kënnt dësen Dag genéissen.

E schéine Pappendag un all d’Pappen! 😊

02/10/2026

🚂 Occasioun – CFL Dampflok 4502

Ech hunn aktuell eng flott CFL Dampflok 4502 (BR 55) als Occasioun am Geschäft.

D’Lok ass digital a mat Sound equipéiert – e schéine Modell fir all CFL-Frënd a fir deng Lëtzebuerger Modellbunn. 🇱🇺

🔹 CFL 4502 – BR 55 Brawa
🔹 Digital + Sound
🔹 Art.-Nr.: 40730
🔹 Präis: 530 €

📍 Du kanns de Modell bei mir am Geschäft zu Miersch ukucken.

Bei Interesse oder wanns du nach eng Fro hues, schreiw mir einfach eng Noriicht. 😊

01/10/2026

🚂 Occasioun – CFL 2106 🇱🇺

Als Occasioun bei mir verfügbar:
👉 CFL 2106 – Autorail Jouef
🔹 Gläichstroum (DC) / Analog
🔹 Spur H0
🔹 Präis: 195 €

Et handelt sech ëm en Occasiounsmodell – also nëmmen 1 Stéck verfügbar.

📍 Am Geschäft zu Miersch ze gesinn an ze kréien.

01/10/2026

🚂 Occasioun – Märklin CFL 1801 HAMO 🇱🇺

E schéint Stéck Lëtzebuerger Eisebunnsgeschicht ass elo als Occasioun bei mir verfügbar:

👉 CFL 1801 – HAMO
🔹 Art.-Nr. 83468
🔹 Gläichstroum (DC)
🔹 Spur H0
Präis: 175 Euro

Et handelt sech ëm en Occasiounsmodell – ass just 2 mol do. Eng 1804 ass och do.

📍 Am Geschäft zu Miersch, op 90, rue Nic Welter L-7570 Mersch.

30/09/2026

🏭🚂 Neies vu Märklin ass ukomm!

Ech hunn nei Waggone vu Märklin erakritt, déi wierklech super bei den Héichuewe vu Faller passen.

Wann s du deng Industrieanlag nach e bëssen ausbaue wëlls, sinn dës Waggone genee dat Richtegt. Si passen einfach flott an den Dekor ronderëm den Héichuewen a maachen dat Ganzt nach méi lieweg. 🔥🚂

🔸 Märklin 46047 – 195 €
🔸 Märklin 46221 – 125 €

D'Waggone sinn elo bei mir am Geschäft zu Miersch disponibel.

Kommt roueg laanscht a kuckt se iech un! 😊

29/09/2026

🔥 E Stéck Industriegeschicht fir d’Modellbunn!

Fir säin 80. Anniversaire bréngt FALLER 2026 e ganz besonnesche Modell eraus: den Héichuewen.

D’Original gehéiert zu der grousser Geschicht vun der europäescher Stolindustrie. De Modell weist net nëmmen den imposanten Héichuewen, mee och ënner anerem de Schréiopzuch, de Staubsammler, d’Gasfackel, d’Géisshal mam Portalkran an e klengen Dagesbunker.

➡️ Ab elo ass de FALLER Héichuewen bei mir am Geschäft verfügbar.

29/09/2026

🚂 Ech sinn erëm do – d’Modellbahn Manufaktur ass nees op!

No enger dëst Joer e bëssen méi laanger Summerpaus sinn d’Dieren zu Miersch erëm op, an ech freeë mech, Iech nees am Geschäft begréissen ze kënnen. 😊

Datt d’Paus dëst Joer méi laang ausgefall ass wéi gewinnt, hat och e perséinleche Grond. Nieft e bëssen Zäit fir ofzeschalten, stounge bei mir dëse Summer e puer medezinesch Behandlungen an Agrëffer um Programm. Ech hunn dofir bewosst e bëssen méi Zäit ageplangt, fir dat alles a Rou hannert mech ze bréngen.

Mee keng Suerg: Mir geet et gutt! 😊
Et kann just sinn, datt ech an den nächsten Deeg beim Schwätzen nach net ganz esou flësseg sinn, wéi Dir dat vu mir gewinnt sidd. Dat brauch nach e bëssen Zäit, fir sech anzespillen. Ech bieden dofir ëm e bëssen Verständnis, wann dat eng oder anert Wuert nach net direkt esou erauskënnt, wéi et soll. 😉

Elo freeën ech mech awer virun allem drop, erëm fir Iech do ze sinn – an natierlech drop, datt et nees ëm dat geet, wat eis hei am Geschäft am meeschte Spaass mécht: d’Modelleisebunn! 🚂

Ech freeë mech op déi nächst Wochen, op vill flott Neiheeten, Projeten an natierlech op Iech!

📍 Modellbahn Manufaktur – Miersch

🕚 Ëffnungszäiten:
Dënschdeg bis Freideg: 11:00–18:00 Auer
Samschdeg: 10:00–16:00 Auer

Bis geschwënn zu Miersch! 😊

Ären Tom C.V. Schintgen 🍁✨

25/09/2026

🍂🚆 D’Hierschtneiheeten 2026 vu Minitrix!

Spur N ass kleng am Moossstaf, mee grouss an de Méiglechkeeten. Laang Zich, grouss Strecken a vill Betrib loossen sech och op méi kompakter Plaz realiséieren.

Ech hunn dir hei déi nei Minitrix-Modeller aus dem aktuelle Hierschtprogramm zesummegestallt. Et sinn puer interessant Neiheeten dobäi, bei deenen et sech lount, e bësse méi genee hinzekucken. 👀

Wann däi Favorit dobäi ass, kanns du en natierlech och bei mir virbestellen, per Email oder Whatsapp.

Adresse

90, Rue Nic Welter
Mersch
7570

Téléphone

0035226322206

Site Web

https://www.manufaktur.lu/

Notifications

Soyez le premier à savoir et laissez-nous vous envoyer un courriel lorsque Modellbahn Manufaktur publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.