30/04/2024
قالو في شايب عنده غلم و ابل وعقب عليهن واحد من ضناه اوباع الابل
وحط حقهن في كروزل جديده ومشا بيها لرمل انسرقت منه في أول رحله
المهم بعد ايام والشايب ماعندش علم من شي ولع سيارته تيوتا موديل #88 ومشا بيها للبل في دير مو هنا بلكل وكان بعد مايقرب منها ايبانن عليه انياق من بعيد مهم الشايب استغرب هاالمره كيف ماقبله لاشي من بعيد
اول ماوصل سأل الراعي وين انياق !
رد عليه الراعي وقاله
بعدها حكا لشايب بلي صارت
والشايب ايحط ايديه علي رأسه و ويقول
هظا غضب ياخوي مسع ريته *** عطاه الحلال اوبدله ابحرام
ليش باعها الله يخربيته *** هذي دونها بعنا تريس اكرام
كمين شايب دونها عزق طاقيته *** للغازي متومج في نهار ألطام
وكمين نجع شالت كي تقرطس بيته *** اوخشت حطايا صايمات اصيام
نباتن امفلت م البداري ريته *** ترقيم في نوير من يدين اسقام
دالنه قبالي من بعد تفليته *** اوتما جدب يطني عقاب العام
سبحان من امغير كل شي ثاريته *** وجاعل نهار وعاقب بضلام
خطرها نياقي كي الراعي جيته *** لومينه ألعب بيهن اوليد حرام
اغرنه فعايل فالحياه مقيته *** ساقنه افكاره في طريق ضلام..
