25/11/2022
مساء الخير أمهات المستقبل حنتكلموا شوية علي متلازمة تكيس المبايض اكيد تتسألوا شن تقصدي بمتلازمة 🤔 متلازمة يعني مجموعة من الأعراض والعلامات الطبية المرتبطة ببعضها في تكيس المبايض يتأثر افراز هرمون المبيض فيتمثل في مجموعة اشياء اهمها😉 اضطراب الدورة الشهرية الذي يعني عدم انتظام التبويض🥴 زيادة هرمون الذكورة المتثل في زياده نمو الشعر في الوجه والجسم 🤐 لما تدير جهاز دكتورتك تقولك عندك زيادة في حجم المبيض واكياس عالمبيض🤕 السؤال المعتاد كيس عالمبيض دكتوره 🙃 لا المقصود هنا وجود زيادة في الحويصلات المبدئية (البيوض) عالمبيض وبالتالي حتقولك دكتورتك عندك ارتفاع في مخزون المبيض AMH ، اكيد الجميع يتسأل عن السبب🤔 الي الان مش معروف بالضبط لكن يعتقد انه اضطراب هرموني وغالبا يكون وراثي يأثر علي 1 في كل 10 من النساء اخر شئ ارتفاع مقاومة الأنسولين 😐 كيف يعني 🙄 يعني الجسم يفرز انسولين اكثر من اللازم وبالتالي حيرتفع هرمون الذكورة زي ماحكينا ☝وحيكون في زياده فالوزن باهي دكتوره توا عرفنا شن المتلازمة واعراضها لكن شنو العلاج🤔 زي ما دائما نحكي لحالاتي مفيش علاج نهائي لتكيس المبايض لكن نحن نعالجوا فالاعراض وبالتالي الجسم يكون في حالة أقرب للطبيعية تسمح بحدوث الحمل أحيانا نتعاونوا مع اخصائيين التغذية والغدد حسب خصوصية كل حالة ☺ هذا بإختصار شديد لانه الموضوع طويل ومتداخل نرحب بأسئلتكم فالتعليقات
اخيرا لازم النفسية تكون ممتازة😅 ونكونوا ديما متفائلين😊 وحيكون شعارنا إن شاءالله
حيتحقق الحلم وحنكون احلي أم🤗
