13/08/2019
◀️-مرة طلع علينا القذافي في التلفزيون الليبي وقال دزيت الساعدي يسلف من جلود حق الحولي (خروف العيد) !!!
◀️- ايامات القدافي كانت شفرة المدار بـ4000 دينار وما يشريها الا جماعة عاش الفاتح، وكان مرتبك 150 د.ل
◀️- هل تعلم ان سيارة الداو سيلو كانت بدون تكييف بـ 20 الف دينار
◀️- ايامات القدافي كان كمبيوتر الفاتح بــ 5000 الاف دينار وبالموافقة الأمنية والطابعة ممنوعة وتعتبر خطر على امن الدولة.
◀️- ايامات القدافي كان الدفع فى السيارة للعسكرين فى 1994 ويستلمها فى 2003 وفيه اللي دفع وما استلمش لتوا.
◀️- ايامات القذافي كان راتب الدكتور (170) دينار والدكتور الاجنبي كان مرتبه الاف الدولارات
◀️- ايام القذافي كانت ملابس العيد بعد ما تدفع حقهم، يحدفولك شكارة مش معروف شن فيها !!! تقول شعب عايش على مساعدات مش بلاد بترول وغاز ...
◀️- ايامات القذافي (التمنينات)، كان الليبي ما يعرفش الموز والتفاح !!! ولما يجيبوه في الجمعيات اتطيح رقبة.
◀️- ايامات القذافي طلبة الثانوية يدخلو للفصل بعد تمرميدة في الغدران وهزايب من جيشنا الليبي البطل !!!
◀️- ايام الطاغية كان توجيه الطلبة اجباري بعد الثانوية !!! واللي يتم توجيهه للكليات العسكرية يكتب ارجو قبولي،،،
بعدها دخل بيهم لحرب اوغندا وتشاد وبعدها تبرأ منهم وقال اللي مات غبي واللي تاسر خائن واللي هرب جبان.
◀️- ايام بابا معمر كنا نشوفو في الشكلاطة في الصور بس !!!
◀️- ايام الطاغية كانو الليبيين ايباتو ليلة بيش ايحصلو بطارية أو قومات لسيارتهم الخرخاشه !!!
◀️- ايام الطاغية كانت الدورات العقائدية الثورية ثلاث أسابيع باش يقبلوك وتتطلع تقرأء برااا
او تقبل في كلية داخل الجماهيرية !!!
◀️- ايام الطاغية كان المرتب يتأخر بالسنة والشعب راضي يهتف وايقول زيد تحدى زيد تحدى ... عادي حتى المرتب شده !!!
◀️- ايام الطاغية كان الليبي يدفع 2500 دينار باش يتفرج على 20 قناة فضائية، وكان طلع معمر يتكلم، ال20 قناة نفس الخطاب، ان شاء الله حتى نهائي كاس عالم، ال20 قناة ناقلين خطاب معمر !!!
◀️- ايام الطاغية كان لما تبي تركب ستالايت، ضروري من موافقة أمنية من الامن الداخلي !!!
◀️- ايام الطاغية كان الايفاد للخارج مش لاي حد، وكانت اكتر مدينة مستفيدة من الايفاد ورفلة تكريما لابنهم معتوق !!!
والا تزكية من مكتب الاتصال او ابن او قريب امين لجنة شعبية ...
واللي كان ناسي دكرناه، والصغير اللي مايعرفش، قريناه وريناه ...
قال تعالى
(وذكر فأن الذكري تنفع المؤمنين).
المنشور للتدكير بس👌👍💣💥
