Twin Vlog

Twin Vlog ترفيه

بغيت نعرف واش القط لا كلا من شي حاجة وكليتي منها واش عادي ميسببش شي مرض ؟؟ الاحد لي فات مشيت أنا وشي أحباب نعزيو شي ناس ...
18/06/2026

بغيت نعرف واش القط لا كلا من شي حاجة وكليتي منها واش عادي ميسببش شي مرض ؟؟ الاحد لي فات مشيت أنا وشي أحباب نعزيو شي ناس فالبادية ومع وصلنا خرج عندنا راجل وغادي مدخلنا لصالة وكاين كولوار كبير فالعروبية كايقوليه (مرح) دزنا على بيت وانا من جيهتو ضربت عيني كتبان ليا الطابلة فوقها صينية وطبسيل الزيت و القط كيلعق في طبسيل الزيت هههه وبعد جابو لينا أتاي ونفس طبسيل زيت ناس لي معايا كلاو منو ونا قلت يلا فاطر غير كويس اتاي انا مقديتش نقوليهم راه القط كلا منو تا بغيت نزبقها وحشمت حدا الناس مالين دار يحسو قللت منهم والحباب لي معايا غطسو مزيان في طبسيل حتى خرجنا فطريق عاد قلتها ليهم هههه واش ميسببش ليهم شي حاجة

راجع من الخدمة قلت والله حتى ناخد شي تلاثة دراهم زيتون نشوف شحال فيها حيت بزاف الناس كايقولو لي فتعاليق مالين زيتون تاهم...
17/06/2026

راجع من الخدمة قلت والله حتى ناخد شي تلاثة دراهم زيتون نشوف شحال فيها حيت بزاف الناس كايقولو لي فتعاليق مالين زيتون تاهم فراقشية ولكن تانا بانو لي فراقشية شوفو شحال عطاوني فيها 😁 حيت انا ماكنشريش زيتون على طول السنة ماعنديش عليه فكرة كايجني فابور من المعرفة ديالي عندهم غرس تاعهم يسكنو في منطقة زيتونية ههه بلاما ندكرها وفيما يجيو يجيبو ليا الخير كثير بما فيه الزيت وسولت على الوتساب بشحال باعو زيتون هاد السنة قالو لي بعناه على تلاثة مراحل فلول ب6 دراهم، بعدها بشوي وجد بعناه مابين 4 دراهم ل4 ونص، والبيعة الأخيرة باعوه ب 3 دراهم ونص لكيلو، وقالو لي على مدة عاد باش لقينا لي ياخدو من عندنا حيت كانت الوفرة ومع ذلك بقات تعشيرة فشجر واغلابيتو طاح وهذا عطاني عشرة حبات بثمن كيلو فراقشية خاصم تاهم الطرش ولا ماشي فراقشية

تشوف تاتعيا وتضحك تصور دجاج مداير 10 دراهم لكيلو وشكون بغاه وريسطورات وسنكات باقين كايحسبو نفس الحساب القديم ربع دجاجة و...
14/06/2026

تشوف تاتعيا وتضحك تصور دجاج مداير 10 دراهم لكيلو وشكون بغاه وريسطورات وسنكات باقين كايحسبو نفس الحساب القديم ربع دجاجة وبطاطة وحدة فريت ب30 درهم ونص ب60 درهم ودجاجة ب120 درهم وعندهم واحد دجاج محدد في العبار مايفوتش 2 كيلو او قل بشوي او كثر بشوي كاطلع ليه ب 20 درهم كايحسب على الناس 120 درهم مهم فيكسين على الثمن وخا يعطوه دجاج فابور يحسب 120 درهم هذا فايروس تصابنا بيه في أي ميدان وخاصنا نحاربو هاد الفراقشية حتى ينقارضو وحتى بنادم لي باقي كياكل عندهم وياكل دجاج بالضبط ملهوط وكبر فجوع

باغينا نرومو لدجاج بزز بأي طريقة في العيد لي كان كسيبة غالية واللحم فيه الشريان كان ب 120 ل130 درهم دبا فات العيد قليل ...
12/06/2026

باغينا نرومو لدجاج بزز بأي طريقة في العيد لي كان كسيبة غالية واللحم فيه الشريان كان ب 120 ل130 درهم دبا فات العيد قليل لي كايشريه وصلوه ل170 درهم لكيلو وغادي طالع⬆️ باش نعطو راس لدجاج مايضيعش سطوكات لي كانت موجها لسوق وتقاطع وبقا معرم ليهم يعلفو فيه، والله العظيم حتى العيب فينا إذا ما استفدنا من تجارب السابقة ودرنا ليه كيف دجاج و البيض والزيت...🤷

صراحة حتى هدو خاصهم شي تشطيبة طغاو تمشي دبا تسولو على لحم يقولك 120 ينزل ثمن الكسيبة لنص ويبقاو يبيعو لك ب 120 درهم كايع...
10/06/2026

صراحة حتى هدو خاصهم شي تشطيبة طغاو تمشي دبا تسولو على لحم يقولك 120 ينزل ثمن الكسيبة لنص ويبقاو يبيعو لك ب 120 درهم كايعرفو غير زيادة مدرسة أخنوشية نقسان مايعرفوهش كايقولك عندنا سطوك اما واحد كزيزات صغار لي عندهم لمخلط داند ولحم ودجاجة تمشي دبا تاخد شي ربعمية دجاج يدير لك فيها فخد وجناح وقولك بصحة و الراحة وخا حتى حد مابقا يشريه خاصنا نردو ليهم بزيم السمطة لي شحطونا بيها هاد العام لي داز كامل

أمولا نوبة فراقشية الدجاج صبرو لصهد كانو يتسناو الصيف يطلع الثمن بالعرسات والحفالات ولكن بعد نظام طيبات ماحشاه ليهم حد و...
09/06/2026

أمولا نوبة فراقشية الدجاج صبرو لصهد كانو يتسناو الصيف يطلع الثمن بالعرسات والحفالات ولكن بعد نظام طيبات ماحشاه ليهم حد ودخل معاهم الصهد مزيان العام خرج ليهم زيرو خرجو يبكيو قالك "حنا على حافة الإفلاس دجاج طالع لينا من 15 ل 17 درهم لكيلو وكانخرجو فيه ب 12 و 10 دراهم لكيلو" نساو أش دوزو علينا 27 و 28 درهم لكيلو فروج كان يطلع ب 100 درهم غير خليوه عندكم يقاقي ماتحسو بينا مانحسو بيكم كان ثمن شاعل فرقشتونا حتى حنا طاح الثمن نفرقشوكم حتى إفلاس افراقشية ازمات

بزاف الناس كايضنو بلي مول الشفنج بعد يسالي كايلوح ديك كدرة الزين والغد يدير زيت جديد هو نهار كامل كايبيع في شفنح وميصورش...
08/06/2026

بزاف الناس كايضنو بلي مول الشفنج بعد يسالي كايلوح ديك كدرة الزين والغد يدير زيت جديد هو نهار كامل كايبيع في شفنح وميصورش ديك 5 لتر لي في الكدرة راه كايديرها في قرعة والغد يخدم بيها وبعد الغد كذلك وكايبقى يزيد عليه وهي ماشية نفس الزيت كايضرب بيه اسابيع ولي كايدير الشفنج والمسمن زيت لي خدم بيه اليوم شفنح كاياخد منو غدا يمسن منو ومرة مرة يزيد في كدرة لسفنج وهي ماشية حتى شي حاجة ماكتلاح هذا علاش لا كثرتي من سفنج او مسمن زنقة كاتحس بيه زواك ولا ضرك في المعدة

قيد هادي عندك العام الماجي 99 في المئة غايتلغى العيد لأنه فهاد العيد وقع واحد النقص كبير في الخروفة لي غتولد ويتكاثر الق...
08/06/2026

قيد هادي عندك العام الماجي 99 في المئة غايتلغى العيد لأنه فهاد العيد وقع واحد النقص كبير في الخروفة لي غتولد ويتكاثر القطيع في تلثيام الخرة بعدما قل الحولي وغلا السوق خروفة ديال ربعين ولا ساوية سبعين ألف الكساب سال ريقو وطمع فيها كاين لي داها لسوق وكاين لي باعها في الكوري وكاين لي باع حتى الفحل اذن فكرة تكاثر مستحيلة والعام الماجي كسيبة المملكة كاملة مغتقدش حتى كازة و 99 فمئة أو مئة في المئة العيد ملغي والفراقشي ماغيلقى مايفرقش اينوض يعري على كتافو بحالنا يضرب البالة يجيبهاا باردة كيما كايقولينا كاتجيبوها باردة

⛔الناس لي عندهم نساء كبار ماعندهمش فيسبوك ماعارفينش أشنو واقع في العالم لي تبان ليهم رخيصة ياخدو منها وهما لي نشوفهم بعد...
08/06/2026

⛔الناس لي عندهم نساء كبار ماعندهمش فيسبوك ماعارفينش أشنو واقع في العالم لي تبان ليهم رخيصة ياخدو منها وهما لي نشوفهم بعد المرات يتقداو البيض كايضنو زين غير كاين الوفرة ورخاص ماعارفينش البيض حاليا زيادة على ماشي صحي ولا سرطان الناس من رمضان مبقات شراتو وهو مخزن والعالم الله ظروف تخزينو فين كاراج ولا وسط التبن معرض لبرد والحرارة وبعد تنقل يضلو يدورو بيه صحاب بيكوبات وتريبوطورات زيد وقف زيد وقف وسوكس طلع هبط، هبط طلع في واحد الجو الشمس تحرق وميتباعش كامل ويعاودو يردوه الغد نفس العملية وبعد الغد نفس السيناريو البيض ولا جاري ومحرحر وزفر البيضة كتهرسها الصفر ديالها كيتشتت ممجموعش والبيض تاعها ولا ماء سائل وريحتو تعيف ولا كليتيه ماتقدش تكملو تحس بيه ماشي بيض كايدير واحد لسعة في قرجوطة بحال شحيحة ولا مسموم لي عندهم ناس كبار كايتقداو يردو معاهم البال ويوصوهم راه كيدخلو على ولادهم سرطان ويقدر بعد يتصابو بشي مرض خايب راه حتى سبيطارات ماكينينش غير لي بغا يقلب عليها ديرو بالكم على وليداتكم و واليديكم مايقربوش ليه الله ويحفظ وينجي الجميع

كان الله في عون فراقشية البيض لي دوزوها علينا بدرهم ونص وماشين بيه لجوج دراهم اما محلبات خاسر اسليق ويقطعها لك بجوج دراه...
07/06/2026

كان الله في عون فراقشية البيض لي دوزوها علينا بدرهم ونص وماشين بيه لجوج دراهم اما محلبات خاسر اسليق ويقطعها لك بجوج دراهم ونص ولا من حس بالدرويش هاهما اليوم ولاو دايعين بيه على ديور ويبرحو اعشرة دريال ولا من حشاه ليهم وصراحة دوزوها علينا في رمضان وقبلو ولكن ربي يمهل ولا يهمل

Address

Casablanca

Website

Alerts

Be the first to know and let us send you an email when Twin Vlog posts news and promotions. Your email address will not be used for any other purpose, and you can unsubscribe at any time.

Shortcuts

Share