28/05/2023
كلشي كيهضر على الحملة ولكن مكاينش لي كيهضر على أسباب ديالها ؟! والمشاكيل لي كاينين عند الدراجيين .؟!
علاش منهضروش على أصل المشكل ونحاولو نلقاو ليه الحل وكلشي إكون مرتاح . ولكن صراحة مكاينش لي إهضر علينا 🤦
المشاكيل ديالنا هي
🔴 بالنسبة للدراجات الصينية . مشكل المحرك 49cc مع وزن الدراجة راه مستحيل تركب عليه هكاك بكل صراحة
🔴 لاصيرونص غالية مقارنة مع الخدمات ومع الدراجات . مثلا الدراجات الصغيرة 1450 درهم . غالية 🤑
🔴 مشكل الخبرة بالنسبة للمواطر الكبار . قانون معندوش ضوابط ومكايناش حتى وثيقة كتبث أنك دزتي في الخبرة .
🔴 مشكل البلاكة وتحويل الملكية كتاخد وقت كبير أكثر من شهرين وسير واحد عام ولا عام ونص 🤦
أغلب الناس لي مشاو ليهم مواطرهم للمحجز خدامين بيهم ولا كيمشيو بيهم للخدمة وهم مواطنين فاعلين في المجتمع مستعدين إديرو القانون ويخلصو الواجبات ديالهم . ماشي كلشي شفار بغيناكم تعاملو معنا على أساس أننا مواطنين صالحين الهم ديالهم هو إركبو على دراجة إقضيو بها الأغراض ديالهم بكل حرية وبكرامة
بغينا حوار بين المسؤولين والناس خدامين في القطاع ويحطو المشاكيل والإكرهات . باش إخرجو لينا قوانين في صالح المجتمع . وديك الساعة يدكم طويلة لي غلط إودي 👍
#منقول
