30/03/2022
الفاتورة ( la facture) تتمة
فالمقال السابق كنا دوينا علي التخفيضات ( les réductions) اللي ممكن اكونو فالفاتورة ،واليوم انشاء الله غادي نحاولو نسلطو الضوء على الزيادات ( les majorations ) اي الاشياء اللي كتكون ب (+) .
باختصار الزيادات هي أساسا :
-الضريبة على القيمة المضافة ( TVA)
- مواد التعبئة والتغليف ( les emballages)
- التأمين ( assurance)
-مصاريف النقل (les frais de port ou de transport)
فيما يلي انشرحو بطريقة مفصلة مصارف النقل بحكم التفاصيل والشروط اللي كتمتاز بها في انتظار شرح الزيادات الاخرى في منشورات قادمة .
اول شيئ هو السؤال على واش مصاريف النقل على حساب الزبون ( client) او المورد ( le fournisseur )
1: مصاريف النقل على حساب الزبون او المشتري client هنا كاينين تلاتة ديال الحالات :
* النقل ديال البضاعة تتم بواسطة وسائل النقل ديال الزبون ،وفي هاد الحالة الفاتورة كتكوت خالية من مصاريف النقل وبالتالي مكيكون حتا شي تسجيل محاسباتي ديال مصايف النقل (pas d'enregistrement comptable des frais de transport)
*النقل ديال البضاعة تتم بواسطة وسائل النقل ديال الممون ( le fournisseur) وبالطبع غادي إزيد هاد المصارف داخل الفاتورة ،وهنا كتوضيح مصارف النقل ،خاضعة للضريبة عل القيمة المضافة والنسبة المئوية هي نفسها النسبة ديال البضاعة لي تباعت ،وهاد مصارف النقل كيعتابرو عند le fournisseur كمداخيل تانوية produits accessoires وكيدخلو في حساب port et frais accessoires 71276 مع la TVA facturée 4455. وهادشي فالمقابل عند المشتري transport sur achat 61425 وكدالك la TVA récupérable 34552.
* مصاريف النقل تتم بواسطة شركة أخرى مختصة في النقل ،وهنا كيقوم البائع اولا بدفع تكاليف النقل لهاد الشركة تم كيزيدهم داخل الفاتورة ديالو لي يعطيها للزيون وبنفس المبلغ لي خلص مسبقا ،في المحاسبة عند le fournisseur ملي كيشد الفاتورة من عند الشركة المختصة في النقل كيدخلها في 61426 transport sur vente حنتاش هاد النقل موجة المبيعات ديالو داكشي لا سميتو sur vente وبالنسبة la TVA فهي 14٪ وكدخل ف TVA récupérable sur charges 43552 ولكن ملي كيعطي الفاتورة للزبون هنا خاصنا نردو البال ف مصاريف النقل مبقاوش produits accessoires ولكن بكل بساطة كيولو transport sur vente ها المرة ف crédit ديال الحساب ماشي débit وأيضا TVA récupérable sur charges ف crédit.
2: مصارف النقل على حساب الممون او البائع le fournisseur هنا كاينين فقط جوج حالات :
* اولا : النقل بواسطة وسائل النقل ديال البائع ( vente dite franco) هنا الفاتورة مكيبانوش فيها نهائيا مصاريف النقل يعني مكاين تا enregistrement comptable ديال transport
*تانيا : البائع le fournisseur كيمشي عند شي شركة مختصة في النقل وكيخلصها باش تدي السلعة لي باع للزبون ،وهنا كيشد فاتورة ديال النقل وكيدخلعا فالمحاسبة ديالو كما شرحنا الفوق ولكن ولكن ها المرة مغديش ازيد هاد مصاريف النقل على الزبون حنتاش على حسابو هو .
كنتما اكون هادشي واضح وحظ موفق للجميع .
