31/07/2026
❌Manana zo hitaky asa ny sortant ENS rehetra, ary mendrika hohenoina ny hetahetan'izy ireo. Na izany aza, ilaina hatrany ny fanajana ny filaharan'ny dingana ara-pitantanana sy ny lojika iorenan'ny recrutement eo anivon'ny Fanjakana.
❌Amin'izao fotoana izao dia mbola tsy vita ny recrutement 2025. Mbola eo am-pamaranana ny dingana mifandraika amin'ny ENF, ary mbola mitohy koa ny fikarakarana ny contrat ho an'ireo 211 sortant ENS. Noho izany, mbola tsy azo lazaina ho nifarana ny recrutement 2025.
❌Etsy ankilany, mbola tsy azo faritana mazava ny recrutement 2026, satria mbola tsy tanteraka ny Commission Nationale d'Affectation et de Mutation. Io no dingana ahafantarana ny tena filàn'ny faritra tsirairay sy ny isan'ny toerana banga, ka avy amin'izany no hamaritana ny isan'ny olona horaisina sy ny toerana hanendrena azy ireo.
Noho ireo antony ireo dia tsy midika ho tsy fihainoana na tsy firaharahiana ny fitakian'ny sortant ENS ny tsy fahafahana manome valiny mazava dieny izao. Fanajana ny dingana ara-dalàna sy ny fitsipika mifehy ny fitantanan-draharaham-panjakana no anton'izany, mba hahazoana mandray fanapahan-kevitra ara-drariny sy mifanaraka amin'ny filàn'ny rafi-pampianarana.
❌Koa manentana antsika rehetra mba hanana faharetana sy hitandro ny filaminana. Ny fifampiresahana sy ny fanajana ny fizotry ny asa no lalana mahomby indrindra hahazoana vahaolana maharitra.
❌Aza matahotra fa mandeha misesy ny dingana rehetra. Rehefa vita araka ny tokony ho izy ny recrutement 2025 sy ny Commission Nationale d'Affectation et de Mutation, dia ho mazava kokoa ny momba ny recrutement 2026. Ny faharetana sy ny fanajana ny rafitra no antoky ny mangarahara sy ny rariny ho an'ny rehetra.
