08/03/2025
Vehivavy ianao,noharian'Andriamanitra ho feno fahatsarana sy voninahitra. Tsy natao hitovy amin'ireo vehivavy hafa ary tsy natao hitovy amin'ny lehilahy ihany koa 👸🏻🤴🏻
"Hidera Anao aho; fa mahatahotra sy mahatalanjona ny nanaovana ahy" Sal 139:14
🥰Tamim-pitiavana sy tamim-pahendrena no nahariany anao ho vehivavy 👉Anaty tanjony koa ny hiavahanao, ny hahitanao sy hitrandrahanao ny maha ianao anao.
🚶🏻♀️Izay toerana rehetra handehananao dia tian'Andriamanitra hideranao ny fahatsarany 🙏 hitomboanao sy hitrandrahanao ireo fanomezam-pahasoavana, talenta, fahaizana, sy toetra tsara. Izany dia mba ho hahatonga anao ho fitahiana ho an'ny hafa.
🍁Raha efa tratranao ny tanjonao, raha efa hitanao ny fahatsaranao, raha efa hiainanao ny vina nomena anao 👉tsy midika izany fa tsara noho ireo vehivavy hafa ianao.
🏆Ny fahombiazana dia tsy natao hanindriana ny hafa, tsy natao koa hisehoana fa enjana noho ny lehilahy 💪🏻Nomena anao ireny mba ho fitahiana ianao ho an'ny hafa, nomena anao ireny mba hisintomanao ny olona ho liana ny amin'ilay Andriamanitra nampahomby anao🧐
🍁Raha ianao kosa ilay tsy mbola mahita mazava ny lalanao, tsy hainao tsara ny antom-pisianao, tsy hitanao izay mba fahatsarana na zavatra hainao dia izao no ambarako anao:
😎Ho hitanao ilay TENA MAHA IANAO ANAO izay rehefa hitanao sy fantatrao tsara ilay NAMORONA anao sy ilay NAMONJY Anao.
☝Afaka hita ny fahombiazana, afaka tratra ny tanjona, afaka hihoarana ny olana, afaka hatsaraina ny endrika ivelany🥻 afaka hampitomboana ny talenta sy fahaizana 💍azo atao ny manambady rehefa mahatsiaro vonona.
❗Hampiavonavona sy hampanalavitra ny fonao amin'Andriamanitra anefa izany 😣raha azonao ivelan'ny sitrapon'Andriamanitra, raha samborinao amin'ny fotoana tsy mbola voatendriny.
☝Izao no tadidio rahavavy a!Tsara ny fahitany anao satria asan'ny tanany nokaliany tamin'ny fitiavana ianao. 🥰Maniry Izy sady miantso anao mba hitady Azy mihoatra noho ireo fanirianao sy ireo tanjonao.
🎉happy women's day🎉
