https://www.facebook.com/124004797457569/

Move the Mission

Home
Madagascar
Antananarivo
Move the Mission

Mino izahay fa ny Kristianina tsirairay dia nantsoina hifoha, hihetsika ary hanao ny sitrapon’Andriamanitra.

🔥 MOVE THE MISSION 🔥dia sehatra natokana ho an’ny finoana velona, ny Tenin’Andriamanitra, ny vavaka, ny fampianarana soratra masina, fizarana ara-panahy ary ny iraka fitoriana ny filazantsara. 🔥 MOVE THE MISSION 🔥dia sehatra natokana ho an’ny finoana velona, ny Tenin’Andriamanitra, ny vavaka, ny fanofanana ara-panahy ary ny iraka fitoriana ny filazantsara. Hita eto amin'ny pejy noho izany :

👉 Fam

pianarana ara-Baiboly
👉 Fanentanana
👉 Fifampaherezana
👉 Fifampizarana mba hitomboana ara-panahy
👉 Fangatahana vavaka ao amin'ny hafatra miafina

📖 « Koa mandehana ianareo ka ataovy mpianatra ny firenena rehetra… » (Matio 28:19)

15/08/2026

🛑 MIANDRY VE IANAO? AZA MIALA.

Mety efa nivavaka ela ianao.
Mety efa nilaza hoe: “Tompo ô, rahoviana?”
Mety efa reraka ianao satria toa tsy misy miova.

Fa henoy ity. 👇🏽

Ny fahanginan’Andriamanitra ≠ ny tsy fisiany.

Indraindray, rehefa miandry ianao, dia miasa ao ambadiky ny zavatra tsy mbola hitanao Andriamanitra. 🙏🏽

💭 Miandry valin’ny vavaka?
💭 Miandry varavarana hisokatra?
💭 Miandry fahasitranana, fanarenana na fahafahana vaovao?
💭 Miandry ilay teny fikasana tanteraka?

AZA MAIKA HIALA.

Mety tsy izao no fotoananao.
Fa tsy midika izany hoe TSY HANATANTERAKA IZANY ANDRIAMANITRA.

“Fa izay miandry an’i Jehovah dia mandroso amin’ny hery kosa; Elatra no hiakarany tahaka ny voromahery; hihazakazaka izy, nefa tsy ho sasatra; handeha izy, nefa tsy ho reraka.”
— Isaia 40:31

Indro ary ny finoana tianao hotazonina androany:

“Tompo ô, tsy haiko hoe rahoviana.
Tsy haiko hoe ahoana.
Fa fantatro hoe Iza no itokiako.
Ka… HIANDRY ANAO AHO. 🤍”

I’m gonna wait on You.

23/07/2026

⚠️ Aza Very Ao Anatin’ny Tabataban’izao Tontolo Izao…

Misy vanim-potoana eo amin’ny fiainana miteny amintsika Jesosy hoe "mijanona kely". Tsy hoe miala amin’ny iraka nomeny antsika, fa mba hiverenantsika amin’ny "priorité".

Ao anatin’izao tontolo misafotofoto, feno ahiahy, fiovana ary fanamby izao, dia mora ny mety hahavery ny fifantohantsika amin'i Jesosy. Kanefa ny andraikitra lehibe indrindra ananantsika dia ny mitazona hatrany ny fontsika hifikitra Aminy ary ny mitory Azy amin'ireo mbola very.

Ny "mission" antsika izany dia ny mitondra olona ho an'i Jesosy fa tsy mijanona eo amin'ny fitoriana fotsiny ihany.
Rehefa nohavaozina isika dia manana fanoloran-tena vaovao ary lasa manana fijoroana vavolombelona ho an’ireo manodidina antsika.

Hanontanio ny tenanao :
🙏 Mbola mifanaraka amin’ny sitrapon’Andriamanitra ve ny foko ?
🙏 Manompo noho ny fitiavana ve aho sa noho ny fahazarana fotsiny ?
🙏 Mbola maneho ilay fanantenana inoako ve ny fiainako ?

Enga anie izao vanim-potoana iainantsika izao ho fotoana hanatonantsika bebe kokoa an’i Jesosy, hanamafisana ny finoantsika, ary hanavaozana indray ny fanoloran-tenantsika amin-kafanam-po vaovao.

« Ary aza manaraka ny fanaon’izao tontolo izao, fa miovà amin’ny fanavaozana ny saina, hamantaranareo ny sitrapon’Andriamanitra, dia izay tsara sady ankasitrahana no marina. » — Romana 12:2

14/07/2026

🚨 EFA ANDRO FARANY IZAO... Vonona ve ianao?

Maro amintsika no variana amin'ny raharaha sy ny fahasahiranan'izao tontolo izao. Etsy ankilany kosa, ny fahavalo tsy mitsahatra mitady fomba hanimbana antsika sy handoto ny fitafiantsika ara-panahy.

Indraindray isika mivavaka hoe:"Jesosy ô, asio lamboridy ny masoko mba tsy hijery ny ratsy ary tsy ahita afatsy Ianao."

Fa ny fanontaniana lehibe dia izao: Tena ny masontsika ve no mila lamboridy... sa ny fontsika no mila ovain'i Jesosy sy amboariny?

Satria hoy ny Tenin'Andriamanitra:

"Tandremo ny fonao mihoatra noho izay rehetra tokony hotandremana; Fa avy ao aminy no ihavian'ny aina."
— Ohabolana 4:23

Tsy ny fanakatonana ny maso no vahaolana, fa ny fanokafana ny fo ho an'i Jesosy ary hijery an'i Jesosy, Ilay Tompon'ny finoantsika sy mpanefa azy. Rehefa feno an'i Jesosy ny fo, dia hianatra hijery izay madio, hisafidy izay marina ary handà izay mandoto ny fanahy isika. Amin'izao andro farany izao, aza avela hisy pentina ny fitafianao ara-panahy.

Mifikira amin'i Jesosy. Izy irery no mahavonjy, manadio ary mitahiry antsika ho vonona amin'ny fiaviany.

08/07/2026

🚨 MIANDRY HATRAMIN'NY RAHOVIANA?
Misy fotoana mivavaka ianao... nefa toa mangina Andriamanitra. Miezaka ianao... nefa tsy mbola hita ny valiny. Manantena ianao... nefa toa mihalava ny fotoana.

Dia manontany ianao hoe: "Andrasako hatramin'ny rahoviana?"
Ny valiny dia izao: Miandrasa mandra-pahatongan'ny fotoanan'Andriamanitra.
Ny fiandrasana dia tsy midika hoe nandao anao Andriamanitra. Matetika aza, ao anatin'ny fiandrasana no anomanany anao handray izay nangatahinao.
Aza kivy. Aza maika hiala amin'ny lalan'Andriamanitra. Ny fotoana iandrasanao dia mety ho fotoana anorenany ny finoanao, ny toetranao ary ny fahatokianao Azy.
✨ Tsarovy tsy mba tara Jesosy fa tonga ara-potoana foana Izy.

📖 "Miandrasa an'i Jehovah ianao; matokia, ary aoka hahery ny fonao; eny, miandrasa an'i Jehovah." — Salamo 27:14

01/07/2026

🚨 Aza mandray fanapahan-kevitra raha mbola tsy tony ny fonao!

📖 **Kolosiana 3:15a**

“Ary aoka hanapaka ao am-ponareo ny fiadanan'i Kristy, fa ho amin'izany no niantsoana anareo ho tena izay; ary aoka ho feno fisaorana ianareo.”

💡 Rehefa mitoetra ao am-pontsika Jesosy, dia ny fiadanany no lasa *famantarana sy fitarihana* amin’ny fanapahan-kevitra rehetra raisintsika.

❗ Saingy maro no tsy miandry Azy hiteny, fa maika manapa-kevitra araka ny fihetseham-po sy eritreritra mandalo.

🌿 Ny fiadanan’i Kristy dia tsy manjaka ao am-po raha tsy manokana fotoana isika:
🙏 mangina eo anatrehany
📖 mandinika ny Teniny
🤍 miandry Azy amin’ny fitoniana

Raha tsy izany dia mora ny mampifangaro:
❌ ny fiadanan’Andriamanitra amin’ny ❌ fihetseham-po, tahotra, na hafanam-po mandalo

🤫 Indraindray Jesosy dia miteny amin’ny fo milamina sy mangina. Raha feno tabataba isika dia mety tsy handre Azy.

✨ Rehefa avy amin’i Jesosy ny fitarihana dia:
➡️ mazava kokoa
➡️ milamina kokoa
➡️ matanjaka kokoa rehefa mandany fotoana Aminy

⚠️ Arakaraka ny maha be ny fihetseham-po, no ilàna fotoana bebe kokoa hanginana sy hihainoana Azy.
Amin'izao sisa izao, manokàna fotoana hihainoana ny Feony alohan'ny hanapahana hevitra.

27/06/2026

😊 Misy hafaliana tsy azon'ny olana ravana. Fantatrao ve izany?

Maro no mitsiky eo imason'ny olona, nefa ao am-pony feno tebiteby, alahelo, tahotra ary havizanana.
Misy kosa ny olona mandalo sedra mafy, nefa mbola feno fiadanana sy hafaliana.

Nahoana ary?
Satria tsy ny toe-javatra no miteraka ny tena hafaliana, fa i Jesosy. ❤️ Ny hafaliana avy Aminy dia tsy miankina amin'ny vola, fahombiazana, na olona. Tsy levon'ny olana, tsy voasakan'ny ranomaso, ary tsy azon'izao tontolo izao alaina.
Rehefa mitoetra ao amin'i Kristy ianao, dia mahazo hery hijoro na dia ao anatin'ny tafio-drivotra aza. Mety tsy ho mora ny lalana, saingy efa azonao antoka hoe tsy ho irery ianao.

📖 "Izany zavatra izany dia efa nolazaiko taminareo, mba ho ao aminareo ny fifaliako, ka ho tanteraka ny fifalianareo." — Jaona 15:11

✨ Aza mitady hafaliana amin'izay mety ho very. Mitadiava an'i Jesosy, fa Izy no loharanon'ny fifaliana tsy mety ritra.

19/06/2026

🚨 ⚠️ TSY AMPY NY FAHENDRENA RAHA TSY VOAMBINA NY FO!

Maro no mihevitra fa ampy hahombiazana eo amin'ny fiainana ny fahendrena. Kanefa asehon'ny Baiboly fa na dia ilay lehilahy hendry indrindra aza dia mety hianjera rehefa miala amin'Andriamanitra.

👑 Solomona no lehilahy hendry indrindra ao amin'ny Baiboly. Nomen'Andriamanitra fahendrena miavaka izy, ka tonga nihaino ny toroheviny ny mpanjaka sy ny firenena maro. Nanorina ny Tempolin'Andriamanitra izy ary niaina tao anatin'ny fanambinana lehibe. Saingy ny nampalahelo dia rehefa nandeha ny fotoana dia nivily tsikelikely ny fony. Nanao marimaritra iraisana tamin'ny ota izy, nanaraka fitaomana hafa, ary very ilay zava-dehibe indrindra: ny fifandraisany akaiky tamin'Andriamanitra.

💡 Ny tena fahendrena dia tsy ny fahalalana zavatra maro, fa ny fandehanana isan'andro miaraka amin'Andriamanitra.

📖 "Ny fahatahorana an'i Jehovah no fiandohan'ny fahendrena; ary ny fahalalana ny Iray Masina no fahazavan-tsaina." — Ohabolana 9:10
Androany, mangataha fahendrena, nefa indrindra koa fo manetry tena sy mahatoky an'i Jesosy. Aza avela hisaraka Aminy ny fonao, fa mianara mandeha miaraka Aminy isan'andro.

✨ Tsarovy: Ny olona hendry indrindra dia tsy ilay mahalala ny zavatra rehetra, fa ilay mamela an'Andriamanitra hitarika ny fiainany.

15/06/2026

🛡️ GOD'S PROTECTION: VOAHODIDIN'NY FIAROVANY IANAO 🛡️

Fantaro fa misy ady tsy hitanao maso ary misy loza tsy fantatrao akory fa efa nosakanan'Andriamanitra. Misy varavarana nikatona, nefa tatỳ aoriana vao tsapanao fa fiarovana izany fa tsy sazy, izay ilay atao hoe God's Protection.

🕊️ Ny fiarovan'Andriamanitra dia tsy midika hoe tsy hisy olana fa midika kosa hoe tsy handao anao Izy ao anatin'izany olana izany.

Rehefa miaraka aminao Andriamanitra:
🛡️ Ny teti-dratsin'ny fahavalo dia tsy hahomby satria efa voasoratra hoe ny fiadiana rehetra noforonina hamelezana anao dia tsy hambinina ireny.
🛡️ Ny tahotra dia soloina fiadanana, afaka matory ao anaty tafiotra ianao.
🛡️ Ny fahalemena dia soloina hery, ny fahalemenao no tanjakao.
🛡️ Ny ranomaso dia havadiny ho fijoroana vavolombelona satria azonao ilay satroboninahitry ny fiainana.

Indraindray dia tsy hitanao ny tanany miasa... fa isaky ny mijery ny lalana nodiavinao ianao dia ho hitanao fa tsy kisendrasendra ny nahatafavoaka anao fa Fiambenany izany.

Koa anio:
🙏 Aza matahotra ny ampitso.
🙏 Aza kivy amin'ny ady lalovanao.
🙏 Matokia fa Ilay niaro anao omaly dia mbola hiaro anao anio sy rahampitso.

📖 "Jehovah hiaro anao amin'ny ratsy rehetra; Eny, hiaro ny fanahinao Izy. Jehovah no hiaro anao, na mivoaka na miditra, hatramin'izao ka ho mandrakizay."
— Salamo 121:7-8

11/06/2026

“REHEFA MANDALO JESOSY, NA NY TSY AZO ATAO AZA DIA LASA AZO ATAO!”

📖 Asan’ny Apostoly 3:2–8

Misy fotoana eo amin’ny fiainana maha-Kristianina toa mahazatra fotsiny… mifandimby ny andro, mitovy ny tolona, mitovy ny vavaka, nefa tsy misy fiovana hita maso.

Ilay lehilahy teo amin’ny Vavahady Tsara Endrika dia ohatra velona amin’izany.

Efa teo akaikin’ny Tempoly izy.
Efa teo amin’ny toerana “mendrika” izy.
Efa nahita olona miditra sy mivoaka isan’andro izy.

Saingy mbola nalemy izy. 😔

Indraindray isika koa dia toy izany:
✨ Eo akaikin’ny fiangonana
✨ Mandre Tenin’Andriamanitra isan’andro
✨ Mahafantatra ny fahamarinana

…nefa mbola misy zavatra tsy miova ao anatintsika sy eo amin'ny fiainantsika.

💡 Fa indray andro, nisy fihaonana nanova ny tantara.

Tsy vola no nomena azy.
Tsy fiononana vonjimaika.

Fa hery avy amin’ny Anaran’i Jesosy Kristy:

“... Amin'ny anaran'i Jesosy Kristy avy any Nazareta, mitsangatsangana.” (Asa 3:6)

🔥 Ary teo no nitranga ny tsy nampoizina: Ilay tsy afaka nandeha nandritra ny taona maro dia nitsangana, nitsambikina, ary nidera an’Andriamanitra!

🙏 Mampianatra antsika izany fa:

✨ Tsy voafetra amin’ny tantara niainanao taloha ianao
✨ Tsy voahidy amin’ny fahalemenao ankehitriny ianao
✨ Rehefa miditra amin’ny fiainanao i Jesosy, miova ny zava-drehetra

Indraindray tsy “fanampiana” no ilaintsika, fa ny "fihaonana amin’i Jesosy".

💥 Satria rehefa Jesosy mandalo… na ny zavatra efa nilaozan’ny fanantenana aza dia afaka mitsangana indray.

📖 Androany:
Aza mijanona eo amin’ny “vavahady” fotsiny. MITSANGATSANGANA!

07/06/2026

⚠️Maro no mitady fahefana, saingy vitsy no mahay mitantana izany!

Ao anatin’izao tontolo izao izay ahitana olona maro mitady fahefana sy voninahitra, dia ampianarin’Andriamanitra isika fa ny tena fahalehibeazana dia hita amin’ny fanompoana 🤝, ny fanetren-tena 🙏 ary ny fitiavana ❤️.

Afaka manokatra varavarana ny fahefana, saingy ny toetra no mamaritra izay hataonao rehefa tafiditra ao ianao.

Aza mikatsaka fotsiny ny ho olona manana fahefana. Mikatsaha ho olona mitondra fiadanana, fahamarinana, fanantenana ary fahazavana ho an’ny manodidina anao.

Ireo mpitarika lehibe indrindra ao amin’ny Baiboly dia tsy nahatonga fiovana tamin’ny alalan’ny fanjakazakana, fa tamin’ny alalan’ny fanompoana tamim-pahatokiana an’Andriamanitra sy ny hafa.

✨ Ny fahefana tsy miaraka amin’ny fahendrena dia manimba.
✨ Ny fahefana tsy miaraka amin’ny fitiavana dia mandratra.
✨ Ny fahefana atolotra eo ambany fitarihan’Andriamanitra no manova fiainana.

📖 "... Fa izay te-ho lehibe aminareo dia ho mpanompo anareo." Matio 20:26

🙏 Jesosy anie hanome anao:
✅ ny hery hanao ny tsara
✅ ny fahendrena hampiasa ny fahefana amim-pahamarinana
✅ ny fanetren-tena hijanona ho mahatoky
✅ ary ny fahasoavana hitondra fitahiana ho an’ny hafa

💡 Tadidio: Ny olona tena mahery dia tsy ilay manjakazaka amin’ny hafa, fa ilay mahafehy ny tenany ary manaiky tarihin’Andriamanitra.

Address

Antananarivo
101

Website

facebook.com

Alerts

Be the first to know and let us send you an email when Move the Mission posts news and promotions. Your email address will not be used for any other purpose, and you can unsubscribe at any time.

Want your business to be the top-listed Shop in Antananarivo?