17/06/2026
MBA HAHATONGA NY ZANAKAO
HO VOASINTONA EO AMINAO
Voajanahary amin’ny zaza ny filany ny ray aman-dreniny . Adidin’ny ray aman-dreny noho izany ny mamaly araka izay azo atao io filana sarobidin’ny zaza io .
Satria mila anao ny zanakao ; ary mba hisian’ny fifankahazoana am-po eo aminareo mianaka , dia misy fihetsika sy toetra tokony hanananao hisintonanao ny zanakao ho tia mankeo aminao .
Ity no lehibe indrindra amin’izany :
Fiarovana ara -pihetseham-po : mahita sy mahatsapa ny zaza fa raisina am-pitiavana izy .
Mahita ny zaza fa endrik’olon-dehibe faly sy malefaka no mijery , miresaka sy mihaino azy .
Ny fihetsika mifanohitra amin’izany dia manosika ny zaza hihataka amin’ny ray aman-dreniny .
Marefo ara-pihetseham-po ny zaza : mora sambatra izy ; kanefa mora mijaly ihany koa . Mora faly izy ; kanefa mora malahelo ihany koa .
Mahalala tiana ny zaza rehefa ekenao amin’ny fihetsika sy ny fomba fiteninao ny fisiany ao an-tokantrano .
Ny fifankahazoana am-po amin’ny zaza no tokony ho fototra apetratsika ray aman-dreny hiorenan’ny fahefantsika eo aminy .
Raoeliarijao
