14/09/2025
🤝🤝👊
1️⃣ Efa fizara matetika teto ihany ny hoe “Ny tany mandroso dia tsy mamerina trosa fa zana-bola fotsiny ny azy no averiny”, dia io ilay antsoina hoe “Charge de la dette”.
Ny olana nefa dia tsy maintsy nampiakatra ny zana-bola foana ny Frantsay 🇫🇷 tao aorian’ny Covid mba ahafahany mifehy ny fiakaran’ny vidim-piainana, koa :
- raha 29,7 milliards d’Euro isan-taona io Charge de la dette io ny taona 2020
- dia ho tonga any ho any amin’ny 67,1 milliards any ho any io ny taona 2025.
Ny vokatr'izay ? Tsy maintsy mamorona harena hanetsemana io elanelana io ny Frantsay, na mampidina ny "Dépenses Publiques".
Voaresaka foana tato ho ato ilay hoe mitady 44 milliards d’économie, fa raha ny tena marina dia ny 38 milliards amin’io dia anetsemana io fiarakan'ny zana-bola io fotsiny.
2️⃣ Manarak’izany, nisy vaovao somary nisoko miadana sy tsy dia niparitaka firy omaly nefa dia mety ho enjankenjana ny fiatraikany:
📉 Naimpidinin’ny Agence de notation Fitch ho A+ ny naotin’ny la Frantsa raha ohatra ka AA- izany teo aloha.
Raha ny fiatraikany mivantana amin’ny toe-karena aloha dia tsy misy satria somary “Symbolique” fotsiny io naoty io.
⚠️ Fa kosa, ny atahorana dia ny fiatraikan’io any amin’ny tahan’ny zana-bola izay efa ambony dia ambony, ka ampiakatra indray io “Charge de la Dette” io. Marihina fa ny Taux ny Obligation à 10 ans ny La Frantsa dia efa avo kokoa noho ny an'ny Grèce, izany hoe : mahatoky kokoa ny Grèce izany ny mpampindram-bola.
3️⃣ Fahatelo, ny olana amin’ny fitombon’ny zana-bola avo loatra dia : “Lasa ny toe-karena manontolo mihitsy no mihisatra na kenda”.
Ny secteur “Immobilier” sy ny “Automobile” matetika no voakasika voalohany dia lasa miha-mihitatra hatrany.
🏦 Aty Eoropa tsinona dia amin’ny alalan’ny findramam-bola no ahafahan’ny ankamaroan’ny olona mividy Trano, Fiara, na entana lafo vidy.
🤔 Mety miteny isika hoe “Any La Frantsa izany, fa tsy misy idiran’i Madagasikara” ?
Raha ny faniriana dia izany tokoa.
Ny mampalahelo nefa dia mbola miankina tanteraka amin’ny toekarena Frantsay isika satria mbola tsy vitantsika ny nanao “Deversification” tao anatin’izay 65 taona nahazahoantsika fahaleovantena izay.
📌 Raha tsy hilaza afatsy ny banky, ny orinasan-tserasera, ny mpitsinjara solika, ny grande surface, ny mpizahantany, ny mpamokatra herinaratra, ny teleferika, ny mpanao lalana … sy ny Western Union isam-bolana.
🎯 Toy ny Krizy rehetra nefa dia mitondra Opportunités ho an’i Madagasikara 🇲🇬 ity krizy ity fa mila :
✅ miomana mialoha,
✅ mametraka lalana mazava sy paikady (ho aiza ?),
✅ fifampatokisana amin'ny mpiara miombon'antoka hafa (hiaraka amin'iza ?)
✅ miray hina,
✅ ary manome lanja ny Malagasy, sy ny manam-pahaizana Malagasy.
🤝 Izay aloha ny androany fa dia Mirary soa antsika rehetra !
Rija 🇲🇬