14/01/2026
Галерија ГРАЛ го најавува лансирањето на својот нов официјален веб-сајт - современа дигитална платформа креирана со цел да ѝ понуди на публиката полесен пристап до уметноста, подлабоко разбирање на уметничките дела и поблиска комуникација со галеријата и уметниците.
🎨🖼️😍
Новиот веб-сајт е резултат на процес на јакнење на дигиталните и комуникациските капацитети на Галерија ГРАЛ, реализиран во рамки на проектот „Поддршка за обука на работното место и градење на капацитетите на организациите и професионалците во областа на културата и уметноста“. Проектот е поддржан преку програмата „Култура за развој“ на Владата на Швајцарија, а се имплементира од ХАРТЕФАКТ Фонд. Активностите се спроведуваа во периодот од 17 ноември до 16 декември 2025 година во Скопје.
Во фокусот на дигиталната трансформација беше токму публиката – нејзините навики, интереси и потреби. Преку ангажман на ИТ експерт и креатор на содржини, Галерија ГРАЛ го модернизираше начинот на презентација на уметничките дела, воведе автоматизиран дигитален инвентар и разви функционална е-трговија базирана на едукативен „storytelling“, овозможувајќи им на посетителите да ја доживеат уметноста и надвор од физичкиот галериски простор.
Новиот веб-сајт им овозможува на посетителите подобро да се информираат, да ги следат програмите и уметниците на галеријата, како и директно да комуницираат и да поддржат современа уметност.
Oваа дигитална платформа е посветена на публиката на Галерија ГРАЛ - создавајќи отворен, достапен и динамичен простор за дијалог, учење и уживање во уметноста.✨🤩💫
Линк до веб-сајтот: https://gral.com.mk/
За повеќе информации:
Галерија ГРАЛ
[email protected]
