28/06/2021
☘ အောင်မြင်တဲ့သူတစ်ယောက်ဖြစ်ဖို့ဆိုရင်...☘
၁။ ⏱ အချိန်မဖြုန်းပါနဲ့
၂။ 🤗 အပျော်ပါးလျော့ပါ
၃။ 💰 ငွေကိုအလွယ်တကူမသုံးပါနဲ့(စုပါ)
၄။ 📖 အားလပ်တဲ့အခါစာဖတ်ပါ
၅။ 🤔 ခံပြင်းစိတ်ထားပါ
၆။ 😘 အပြောအဆိုသိမ်မွေ့ပါ
၇။ 🙅 အလုပ်တစ်ခုကိုအကြွေးမထားပါနဲ့
၈။ 🙆♂️ လက်ရှိအလုပ်ကိုသစ္စာရှိပါ
၉။ 🙅♂️ အိပ်ယာထမပျင်းပါနဲ့
၁၀။ 👨✈️ ရည်မှန်းချက်ထားပါ
၁၁။ 🙆 ကျန်းမားရေးဂရုစိုက်ပါ
⏱ အချိန်မဖြုန်းပါနဲ့ ⏱
==================
- အချိန်မဖြုန်းပါနဲ့ဆိုသည်မှာ တစ်နာရီပဲသွားသင့်တဲ့ခရီးကို တစ်နာရီပဲအကုန်ခံပါ။
(ရန်သူမျိုးငါးပါး,အကြောင်းမျိုးမျိုးကြောင့်အချိန်လက်ဟင်းတာကိုမဆိုလိုပါ)
အကယ်၍တစ်နာရီထက်ပိုအချိန်ကုန်သွားတဲ့အချိန်ဟာ သင့်ရဲ့အောင်မြင်မှု့နဲ့အလှမ်းဝေးသွားကြမဲ့အချိန်တွေပါပဲ ဒါကြောင့်အချိန်ကိုမဖြုန်းပါနဲ့....။
🤗 �အပျော်အပါးလျော့ပါ 🤗
======================
- ခေတ်လူငယ်ပဲ အသောက်စားတော့ရှိမှာပဲ ထိုစကားဟာလုံးဝမှားပါတယ် လူငယ်ဆိုတိုင်းသောက်စားနေကြရင် လူငယ်တိုင်းအကုန်သောက်စားသမားတွေဖြစ်ကုန်မှာပေါ့ "အစရှိ တနောင်နောင်"တဲ့ "အစမကောင်းရင်အနှောင်းမသေချာပါ"ဘူး မိမိသူငယ်ချင်းဆေးသောက်တိုင်းမိမိကလိုက်သောက်စရာမလိုပါဘူး အတုခိုးသင့်,မသင့်စဉ်းစားပါ...။
💰 ငွေကိုအလွယ်တကူမသုံးပါနဲ့ 💰
===========================
- မိမိချွေးနဲစာနဲ့ရလာတဲ့ငွေကိုပဲဖြစ်ဖြစ်၊
အလွယ်တကူပဲရလာတဲ့ငွေပဲဖြစ်ဖြစ်၊ တန်ဖိုးထားပါ။ သုံးပြီးလို့ ပိုလာတာကိုမစုပါနဲ့။ မိမိသတ်မှတ်ထားတဲ့စီမံချက်တိုင်းစုလို့ပိုလာတဲ့ငွေကိုသုံးပါ။ ပိုက်ဆံမရှိတဲ့အခါ ကျန်တာတွေအဝေးကြီးစဉ်းစားမနေနဲ့၊ မိမိအမြဲတမ်းလိုလိုကျွေးမွေးခဲ့တဲ့သူဟာ မိမိအဆင်မပြေတဲ့အခါ သူဟာမိမိပေါ် ဘယ်လိုဆက်ဆံလဲ(သူငယ်ချင်းတိုင်းမဟုတ်ပါအများစုဖြစ်တတ်ကြပါတယ်)ကြုံဖူးသူတိုင်းသိကြမှာပါ။ နောက်တစ်ခုကမိမိရဲ့မိသားစုထဲမှာငွေမရှိတဲ့သားသမီးဟာ မောင်နှမ ညီအစ်ကိုတွေမိမိဘယ်လိုဆက်ဆံလဲ...? ဒါတွေကိုသိနေရင် မိမိငွေတစ်ခါသုံးဖို့ငွေစက္ကူတစ်ရွတ်ထုတ်တိုင်းအမှတ်ရပါ...။
📖 အားလပ်တဲ့ခါစာဖတ်ပါ 📖
========================
- "စာအုပ်စာပေ လူ့မိတ်ဆွေ"တဲ့ မိမိလမ်းမှားနေရင်စာအုပ်ဖတ်တဲ့အခါမိမိဖြစ်နေတဲ့ဖြစ်ရပ်နဲ့ ကိုက်ညီသောစာသားတွေ့ခဲ့ရင်ရှေ့ကိုဘယ်လိုလုပ်ရမလဲဆိုတာတွေကိုအဲဒီစာပေတွေက မိမိကို ပြန်လည်လမ်းပြပေးမှာပါ။ အတွေ့မရှိသော်လည်းစာပေရဲ့ဗဟုသုတကြောင့် လွယ်လင့်တကူပိုင်ပိုင်နိုင်နိုင်ဆုံးဖြတ်ချက်တစ်ခုကိုချနိုင်ပါတယ်။ ဒါကြောင့် မိမိအားလပ်နေတဲ့အချိန်တွေကိုမဖြုန်းတီးပဲစာဖတ်ပါ...။
🤔 ခံပြင်းစိတ်ထားပါ 🤔
===================
- ခံပြင်းစိတ်ထားခြင်းဟာလည်း မိမိလုပ်နေတဲ့အလုပ်အတွက် အားအင်တစ်ခုပါပဲ။ အလုပ်မရှိတော့လို့စိတ်ဓာတ်ကျတဲ့အခါ၊ မိမိငွေမရှိတဲ့အခါ ၊ ပတ်ဝန်းကျင်၊ သူငယ်ချင်း မိသားစုတွေက မိမိပေါ်ဘယ်လိုဆက်ဆံလဲ...??ပြန်အမှတ်ရပြီး ကျသွားသောစိတ်ဓာတ်ကိုပြန်လည်ထူထောင်စေပါတယ်
။ ဒါကြောင့်ခံပြင်းစိတ်ထား၍ မိမိအလုပ်ကိုအရင်ကထက် ၂ဆပိုမိုလုပ်ပြီးကြိုးစားလိုက်ပါ...။
😘 အပြောအဆိုသိမ်မွေ့ပါ 😘
=======================
- အပြောအဆိုသိမ်မွေ့ခြင်းဟာ မိမိလုပ်ငန်းတွက် မိတ်ဆွေတိုးပွား၍ လုပ်ငန်းကိုလဲပိုမိုဖြစ်မြောက်စေပါတယ်။" ဥပမာ=ငါ့ညီရေ...အကိုတို့ဒီပစ္စည်းလေးဝယ်တုန်းကဘယ်လောက်ပေးရတယ်အကိုတို့ကအမြတ်ကို ဘယ်လောက်လေးပဲတင်ထားတာပါ"
ဒီလိုအေးအေးဆေးဆေးလေးသိမ်မွေ့စွာရှင်းပြခြင်းအားဖြင့်မိမိပစ္စည်းဟာအမြန်ရောင်းရစေပါတယ်။ အဲလိုမဟုတ်ပဲ ဒီလို "ငါဝယ်တာတောင်ဘယ်လောက်ပေးရတာ မင်းကိုငါကဒီစျေးနဲ့ပေးရမယ် "မင့်ကြိုက်ရင်ဝယ်မဝယ်ချင်နေပြောတာနဲ့အင်မတန်မှကွာခြားလှပါတယ်။ ထို့ကြောင့် မိမိရဲ့အောင်မြင်မှုတွေအမြန်ပိုင်ဆိုင်ဖို့အတွက် အပြောအဆိုသိမ်မွေ့ခြင်းဟာလဲအရာရောက်ပါတယ်....။
👷အလုပ်တစ်ခုကိုအကြွေးမထားပါနဲ့ 👷
===============================
- မိမိလုပ်စရာရှိတဲ့အလုပ်ကိုချက်ချင်းထလုပ်လိုက်ပါ။ တော်ကြာမှ၊ ခဏနေမှဆိုတဲ့ပုံစံကိုဘယ်တော့မှမလုပ်ပါနဲ့။ အဲလိုလုပ်ခြင်းဟာ မိမိရဲ့ပန်းတိုင်ကို မြန်မြန်မလိုချင်ပါဘူးလို့ငြင်းပယ်လိုက်တာနဲ့အတူတူပါပဲ။ အလုပ်တစ်ခုဘယ်တော့မှအကြွေးမထားပါနဲ့။ မိမိမလုပ်ပဲထိုင်နေတဲ့အချိန်တွေက
ဘယ်လိုတန်ဖိုးရှိလဲဆိုတာ တော်ကြာမှဆိုပြီးပြစ်ထားလိုက်တဲ့အလုပ်ကို စိတ်ပါမှထလုပ်ရင်း အချိန်တွေမလောက်ငှပဲ နောက်အလုပ်တွေကိုနောက်နှေးစေပါတယ်။ လုပ်စရာရှိတဲ့အလုပ်မြန်မြန်သာထလုပ်လိုက်ပါ....။
👩🔧 လက်ရှိအလုပ်ကိုသစ္စာရှိပါ 👨🔧
==========================
အလုပ်ရှင်ဟာလဲ အလုပ်သမား-အလုပ်သမားဟာလဲ အလုပ်ရှင်ပါပဲ ရောင်းဝယ်သူအသံတူနေမှသာ လုပ်နေတဲ့အလုပ်ဟာစည်းလုံးခြင်းကိုဖြစ်ပေါ်စေပါတယ်။ အလုပ်သမားဟာလဲမိမိလုပ်နေတဲ့အလုပ်ကို မိမိကိုယ်ပိုင်ပစ္စည်းသဖွယ်စိတ်ထဲထင်မှတ်ကာသစ္စာရှိပါ။ အလုပ်ရှင်ဟာလဲ မိမိအလုပ်သမားတွေဟာ ငါရဲ့စီးပွားရေးလုပ်ငန်းအောင်မြင်ခြင်းတွက်ထောက်ပံ့နေသောသူတွေပါလို့ တစ်ဦးမေတ္တာတစ်ဦးသိလို့လက်ရှိအလုပ်ကိုသစ္စာရှိပါ...။
🙅♂️🙅 အိပ်ယာထမပျင်းပါနဲ့ 🙅🙅♂️
==========================
"ဝီရိယအကျိုး စောစောနိုး -သူခိုးတုတ်နဲ့ပြစ်လတ္တံ"တဲ့ရှေးဆိုရိုးစကားရှိပါတယ် စောစောအိပ်ယာထပြီးအလုပ်လုပ်ခြင်းဟာ
မိမိပြောမပြတတ်လောက်အောင်
အကျိုးကြီးမားလှပါတယ်။ ဥပမာ-နေ့လည် ၁နာရီနားရမဲ့ဟာ၁၀နာရီနဲ့နားရပါတယ်။ အချိန်တွေကိုပိုမိုရစေပါတယ် စောစောထပြီးအလုပ်လုပ်တော့ နောက်ဆုံးပြောရရင်တစ်ခြားသူတွေ နေပူတာလောက်တောင်မခံရပါဘူး ထို့ကြောင့်အိပ်ယာစောစောထပြီးအလုပ်ကိုကြိုးစားကြပါ....။
👩✈️👩🎓 ရည်မှန်းချက်ထားပါ 👨✈️👨🎓
==========================
- မိမိအောင်မြင်မှု့ရခြင်းတွက် ရည်မှန်းချက်ထားပါ ။ ဥပမာ- ငါအခုအသက်၂၀ရှိပြီ ဒီနှစ်ကိုငါဆိုင်ကယ်တစ်စီးပိုင်ဆိုင်ရမယ် ၊ နောက် ၂နှစ်နေရင် ငါ့မှာကိုယ်ပိုင်အလုပ်လေးတစ်ခုပိုင်ဆိုင်ရမယ်၊ နောက် ၃နှစ်ကြာရင်ငါမြေကွက်တစ်ကွက်ပိုင်ရမယ်၊ ဒီ ၆နှစ်မှာငါ့ဘဝခုလက်ရှိဘဝနဲ့မတူပြောင်းလဲစေရမယ်။လူ့လောကမှာအသက်၃၀ကျော်သွားရင်
လုပ်ရကိုင်ရတာတွေသိပ်အဆင်မပြေတော့ပါဘူး ။ ဒီလိုစီမံကိန်းချ ရည်မှန်းချက်ထားပါ ရည်မှန်းချက်မရှိရင်ဘာလုပ်လုပ်အလကားပါပဲ ရည်မှန်းချက်ရှိရှိအလုပ်ကိုလုပ်ကြပါ....။
🙆♂️ ကျန်းမာရေးဂရုစိုက်ပါ 🙆
======================
- မြတ်စွာဘုရားဟောကြားခဲ့ပါတယ် "အာရောဂျံ ပရမံ လာဘံ"ကျန်းမာခြင်းသည်လာဘ်တစ်တစ်ပါးပါပဲ၊ မိမိကျန်းမာရေးကိုဂရုစိုက်ပါ။ မိမိနေမကောင်းရင် အလုပ်လုပ်ဖို့မပြောနဲ့အုံး မိမိမဟုတ်တဲ့အခြားတစ်ယောက်ချက်ထားတဲ့ထမင်း၊ဟင်းတောင်စားရတာအဆင်မပြေပါဘူး။ မိမိမှာဘယ်လောက်ပဲစည်းစိမ်တွေရှိနေပါစေ ကျန်းမာရေးမကောင်းရင်အပြည့်အဝခံစားပိုင်ခွင့်မရှိပါဘူး။ မိမိလုပ်ချင်သောအလုပ် မိမိလိုချင်သောရည်ရွယ်ချက်တွေကိုဘာတစ်ခုမှလုပ်လို့မရပါဘူး။ မိမိမကျန်းမာခြင်းဟာ ကိုယ်လိုချင်တဲ့ပန်းတိုင်ကိုဟန့်တားစေပါတယ်။ ဒါကြောင့်ကျန်းမာရေးဟာလဲ မိမိအောင်မြင်မှု့ရခြင်းတွက်အရေးပါလှပါတယ်....။
☘☘☘☘☘☘☘☘☘
😇 ဘဝက သုညဖြစ်နေပါစေ....
☝ တစ်ကနေစရတာပါ....
😴 အိမ်မက်ထဲမှာပဲ အိမ်မက်တွေကိုမက်မနေပါနဲ့...
😮 သင့်အိမ်မက်တွေကို လက်တွေ့မှာအကောင်အထည် ဖော်နိုင်ဖို့အတွက်
အိမ်မက်တွေထဲက နှိုးထလိုက်ပါ...
ဖြစ်ချင်တာကို ဖြစ်အောင်လုပ်လိုက်ပါ
ဖြစ်မလာတာက အရှုံးမဟုတ်ပါဘူး
မလုပ်ပဲ ပျင်းနေတာကမှ
ရှုံးနေတာပါ။
သင်ရောက်နေတဲ့နေရာကနေ
ရောင့်ရဲနေသရွေ့ ဒီနေရာမှာပဲသင်ရှိနေမှာပါ
ရှေ့ဆက်တိုးတက်အောင် ကြိုးစားနေမှ
ဘဝက တိုးတက်လာမှာပါ။
အောင်မြင်ခြင်းကို အတွေးတွေထဲမှာပဲ
ထားမနေပါနဲ့တော့ စပြီးလုပ်လိုက်ပါ
အတွေးက လက်တွေ့လောက်မလွယ်ကူပါဘူး
အတွေးနဲ့ထပ်တူ ကြိုးစားတတ်ဖို့တော့လိုပါတယ်။
ဘဝမှာ တိုးတက်အောင်မြင်ချင်ရင်....
ကံ၊ဥာဏ်၊ဝီရိယရှိရပါမယ်...
ကံကိုပဲယုံကြည်နေလို့မရပါဘူး
ဥာဏ်ကိုသုံးပြီး
ဝီရိယ ရှိစွာကြိုးစားတတ်ဖို့တော့လိုပါတယ်။
တခါတလေ ကြိုးစားတိုင်းလည်း
ဖြစ်မလာတာ ရှိချင်ရှိလိမ့်မယ်
ဒါပေမယ့် ဖြစ်မလာဘူးဆိုတာထက်
ဖြစ်ချိန်မတန်သေးလို့ပါပဲ။
လောကဓံဆိုတာ ကြံ့ကြံ့ခံနိုင်မှ
ဘဝဆိုတာ လိုရာပုံသွင်းရတာပါ။
ဒုက္ခကိုမတွေ့ဖူးရင် အခက်အခဲကိုမသိဘူး
အခက်အခဲကိုမသိသရွေ့ ကြိုးစားချင်စိတ်က ရှိလာမှာမဟုတ်ပါဘူး ။
လူတိုင်းက ကိုယ်တိုင်ကြုံဖူးမှ
ဒုက္ခဆိုတဲ့အဓိပ္ပါယ်ကို နားလည်တာပါ
တချို့အရာတွေက ဖိအားမရှိရင်
တွန်းအားမရှိရင် မရွေ့တတ်ကြပါဘူး
ဘဝက နာတတ်မှတိုးတက်တာပါ
ဘဝမနာသရွေ့ဘယ်တော့မှတိုးတက်မှမဟုတ်ပါဘူး။
ဘဝမှာ
ဘယ်လောက်အခက်အခဲရှိရှိ
ဘယ်လောက်ဒုက္ခတွေပဲကြုံကြုံ
ဇွဲတော့မလျော့လိုက်ပါနဲ့
အောင်မြင်မှု ဆိုတာအလွယ်မရလို့ပဲ
ဘဝလမ်းမှာ အောင်မြင်သူတွေနည်းနေတာပါ။
ဘဝလမ်းဘယ်လောက်ကြမ်းကြမ်း
ကြိုးစားနေသူတွေအတွက်ကတော့
အောင်မြင်ခြင်းက ဆည်းကြိုနေမှာအမှန်ပါပဲ။
အောင်မြင်သောစီးပွားရေးပိုင်ရှင်များဖြစ်နိုင်ကြပါစေလို့ဆုတောင်းပေးလိုက်ပါတယ်...
ကျန်းမာချမ်းသာလို့ ရွှင်လန်းချမ်းမြေ့ကြပါစေ.....
စာပေချစ်သောမိတ်ဆွေများအတွက်
ပြန်လည်မျှဝေပေးလိုက်ပါသည်။
