မိသားစုအာဟာရ

13/11/2025

#ရယ်စရာမဟုတ်ခဲ့ပါ။
🌻ကလေးလေးတွေက မိဘစကားထက်ကို သူတို့ရဲ့ဆရာ၊ဆရာမ စကားတွေကို ပိုနားထောင်တတ်ကြတာ သဘာဝပါပဲ။
🌻မိဘနဲ့‌ထိတွေ့ရချိန်ထက် ဆရာ၊ဆရာမနဲ့ ထိတွေ့ရချိန်က ပိုများကြပါတယ်။
🌻 ဒီနေ့ သမီးငယ်ဖြစ်သူ Grade (2)ကျောင်းသူလေးကျောင်းက ပြန်ရောက်ချိန် မျက်နှာက မကောင်းဘဲ ပြန်လာပြောပြရှာတယ်။
🌻မေမေရေ ဒီနေ့ ကျောင်းမှာ နာမည်လေးတွေ မိတ်ဆက်ရတယ်။ သမီးနာမည်ကို ပြောပြီးတော့ဆရာမက ဖေဖေမေမေ နာမည် ကိုမေးတယ်တဲ့။
🌻အဲ့တာဆို သမီး ပြန်ပြောနိုင်တယ်မလားလို့ မေးလိုက်တော့ သမီးလေးက ပြောပြလိုက်ပါတယ်တဲ့။
🌻ဒါပေမယ့်ဆရာမကို သမီးဖေဖေ့နာမည်ကို ပြောပြတော့ ဆရာမက "နင့်အဖေနာမည် အစစာလုံးကလည်း ကရင်လိုဆိုရင် မိန်းမနာမည်ကြီး ဟားဟား"ဆိုပြီး ရယ်တယ်တဲ့။ တခန်းလုံး‌ သူငယ်ချင်းတွေ ရှေ့မှာ လေတဲ့။
🌻သမီးလေးက မျက်နှာလေးညိုးပြီး ဖေဖေ့ကိုအဲ့လိုပြောတာ မကြိုက်ဘူးမေမေ။ ဆရာမကို သမီး ဘယ်လိုပြန်ပြောရမလဲလို့မေးတယ်။
🌻ကျွန်မ စိတ်မကောင်းအတော်ဖြစ်မိတယ်။ အမည်နာမလေးတစ်ခုက မိန်းကလေးနာမည် ဖြစ်တယ်ပဲထားဦး ဒါဟာ ကလေးတစ်ဦးလေးစားရတဲ့ ဖခင်တစ်ဦးရဲ့နာမည်လေ ဘယ်သားသမီးက ကြိုက်မလဲ။
🌻ဆရာမအတွက် ရယ်စရာဖြစ်ခဲ့ရင်တောင်ကလေးငယ်လေး တစ်ယောက်အတွက်တော့ ဒါက ဟာသ တစ်ခု မဟုတ်ခဲ့ပါဘူးကွယ်။
🌻ကျွန်မသမီးကို နှစ်သိမ့်ဖို့ စကားလုံးရှာရင်းနဲ့ ပဲ ဒီစာလေးကို ရေးဖြစ်သွားတယ်။
🌻ဆရာမရေ အဆိုတော် နော်နော် ကလည်း ‌စကောကရင်လိုဆိုရင် မမ ပါနော်။ အဲ့လိုသာ ဆရာမတွေးမိရင် ကျွန်မ သမီးလေး သူ့အဖေနာမည်ပြောတုန်းက ရယ်စရာလို့ ထင်မိမှာ မဟုတ်ဘူးထင်ပါရဲ့။
🌻ပိုးကရင်နာမည်အစ နန်းဆိုတဲ့စကားလုံးလေးက ဗမာတိုင်းရင်းသား ယောက်ကျားလေး အချို့ရဲ့ အစ စာလုံးလေးတွေမှာ သုံးတတ်တယ်ဆိုတာ ဆရာမ အခြားဒေသတွေ မရောက်ဖူးသေးလို့မသိတာပါ။း ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌🌻ဆရာမရဲ့ မသိလိုက်သလို ရယ်စရာလုပ်ပြောခဲ့တဲ့ စကားလေးတစ်ခွန်းက ကလေးတစ်ယောက်ရဲ့ စိတ်အားငယ်မှုလေး ဖြစ်ခဲ့ပါတယ်။
🌻အကြောင်းအရာတိုင်းက ရယ်စရာမဟုတ်ပါဘူးကွယ်။

29/10/2025

#ဘားအံနဲ့ရေစက်
💛ဘားအံမှာ အခြေချရမယ်လို့ ဘယ်ထင်ခဲ့ပါမလဲ။
💛ပြန်တွေးကြည့်ရင် ဘားအံနဲ့ ရေစက်က ၅နှစ်အရွယ်လေးထဲက ရှိခဲ့တာ။ အဲ့တုန်းက သာမညဆရာတော်ကို ဖူးဖို့ဆိုပြီး မိဘတွေနဲ့အတူ
မော်လမြိုင်ကနေ ဘားအံကို သင်္ဘောနဲ့ သံလွင်မြစ်ကြောင်းအတိုင်းဆန်တက်ခဲ့တာ။ ညအိပ်သင်္ဘောစီးရင်း နဲ့ပေါ့။ကလေးဆိုတော့လည်း ဘာမှထွေထွေထူးထူးမှတ်ထားတာမရှိခဲ့ပါဘူး။ ဒါပေမယ့်သင်္ဘောဆိပ်က ရွှေယာဉ်မျှော် ဘုရားကိုတော့ မှတ်မိခဲ့တယ်။ မှတ်မိတာကလည်း တခြား မဟုတ်ဖားပါးစပ်ထဲမှာ ဘော်လုံး ရှိတဲ့ရုပ်တုကို မှတ်မိတာပါ။
💛အဲ့‌ချိန်က နေပြီးမရောက်ဖြစ်တာ အတော်ကြာ သွားတယ်။ ရောက်စရာအကြောင်းလည်း မရှိတာပါတာပေါ့လေ။
အဲ့ကနေ ၁၂နှစ်အကြာ ပထမနှစ် တက်တော့ သူငယ်ချင်းလေးယောက် စုပြီး ကျောင်းပြေးကြတာ ဘယ်သွားရမယ်မှန်းလည်း မစဉ်းစားတတ်တာနဲ့ မော်လမြိုင်_ဘားအံ ကားဖြစ်တဲ့ မြတ်ရတနာမင်းကားစီးပြီးသွားလိုက်တာ ဘားအံရောက်တော့ ဘယ်လိုက်လည်ရမယ် မသိတာနဲ့ ဘားအံတက္ကသိုလ်ထဲ ယောင်လည်လည်နဲ့ လိုက်လည်မိလိုက်သေးတယ်။အဲ့ခရီးစဉ်ကတော့ နယ်မြေအသစ်တစ်ခုကို မိဘမပါပဲ သူငယ်ချင်းတွေနဲ့ ပထမဆုံးသွားခဲ့တဲ့ခရီးပေါ့။
💛၂၀၁၃ရောက်တော့ ကိုယ့်မိဘက ဒီဘက်မှာ တာဝန်ကျတော့ ကိုယ်အလည်ရောက်ဖြစ်ခဲ့တယ်ပေါ့။ အဲ့ချိန်မှပဲ ကိုယ်ဘားအံကိုသေသေချာချာရောက်ဖူးတာပဲ။ ဘားအံက လမ်းလေးတွေက မော်လမြိုင်နဲ့ တော်တော်ဆင်တယ်။ ကုန်းလေးတွေမှာ ရုံးတွေရှိတယ်။ မဟော်ဂနီပင်လေးတွေ၊ စိန်ပန်းပင်လေးတွေနဲ့ သစ်ပင်ကြီးတွေ ရုံးလမ်းတစ်ဖက်တစ်ချက်မှာ ရှိနေတာတွေကိုလည်း ကိုယ်က သဘောကျမိခဲ့တယ်။ ရာသီဥတုကလည်း မော်လမြိုင်နဲ့သိပ်မကွာလှဘူးလေ။
💛၂၀၁၉ရောက်တော့ ကိုယ်က ဒီမြို့လေးမှာ အခြေချဖို့ ဖြစ်လာတယ်။ တောင်တန်းတွေတက်ရတာ ကို သဘောကျတယ်။ မြစ်ကမ်းဘေးထိုင်ပြီးညနေခင်းတွေကို ထိုင်ငေးနေရတာကြိုက်တယ်။ဂူဘုရားတွေရှိရာ ထုံးကျောက်တောင်တွေကိုလည်း သဘောကျတယ်။တောင်ထိပ်ကနေ လှမ်းမြင်ရတယ့် တိမ်ပင်လယ်တွေရယ်၊ တသွင်သွင်စီးနေတဲ့ သံလွင်မြစ်ရယ်၊တဖြူးဖြူးတိုးဝှေ့လာတဲ့ လေပြေညင်းတွေရယ်၊
စိမ်းမြမြ လယ်ကွင်းပြင်တွေကြားမှာ တောင်တွေ တစ်လုံးပြီးတစ်လုံး ရေတွက်နေရတာတွေရယ်ကို ကိုယ့်မှတသသနဲ့ ဖြစ်နေရတာများ အခုဆို ဘားအံက ကိုယ်နဲ့တသားတည်းဖြစ်လို့နေပါပြီ။
💛ခုဆိုကိုယ်က ဘားအံသားလေး ပိစိလေးတစ်ယောက်ကိုတောင်ပိုင်ဆိုင်နေခဲ့ပါပြီကွယ်။သိပ်ချစ်တယ် မာတင်လေးရေ။
#မာတင်

25/10/2025

မနုတုံ စကားတတ်ပုံလေး အမှတ်တရ

14/10/2025

14/10/2025

Memories

06/10/2025

06/10/2025

Myat Noe KoKo Lucky Lay

23/09/2025

မနေ့က ဖြတ်သန်းခဲ့တဲ့ သမီးရဲ့မွေးနေ့လေးကို နည်းနည်းလောက် မျှဝေပါရစေ။
အဆုံးထိကြည့်သွားပေးပါနော်။
ကြည့်ရှုပေးသူအားလုံးလည်း ကိုယ် ကျန်းမာစိတ်ချမ်းသာကြပါစေ။

18/09/2025

သားငယ်လေးစောမြတ်
၄လအရွယ်သို့ ရောက်အမှတ်တရလေး