06/10/2022
#စိတ်ထားကပြောသောအဆင့်အတန်း
▪️ဘဝမှာ အဆင့်အတန်းမြင့်တဲ့
သူတစ်ယောက်ဖြစ်ချင်ရင်
ကိုယ့်ရဲ့စိတ်ထားကိုပြင်ပါ။
▪️လူတစ်ယောက်ရဲ့
ဘဝအနိမ့်အမြင့်ဆိုတာ
ကိုယ့်ရဲ့ စိတ်ထားနဲ့
အများကြီးသက်ဆိုင်နေပါတယ်။
▪️စိတ်ထားမြင့်လေ
ဘဝမြင့်လာလေပါပဲ။
ကိုယ့်ရဲ့စိတ်ထားနိမ့်နေမှတော့
ပညာတတ်လည်းအလကားပါပဲ။
ငွေရှာနိုင်တဲ့သူလည်း
ဘယ်သူမှအထင်မကြီးဘူး။
ငွေကြေးချမ်းသာနေလည်း
စိတ်ထားနိမ့်လို့ ဘဝတွေနိမ့်နေမှာပါပဲ။
▪️စိတ်ထားမြင့်မားတဲ့သူဆိုတာ
ဘယ်လိုလူကိုခေါ်တာလဲ?
▪️အရှိကို အရှိအတိုင်း
ရိုးသားစွာ ဖော်ပြတတ်မှု
ကိုယ်လုပ်ခဲ့တဲ့ လုပ်ရပ်တွေ ၊
ကိုယ်ပြောခဲ့တဲ့စကားတွေအပေါ်
တာဝန်ယူမှု တာဝန်ခံတတ်မှု
အပြောတစ်မျိုး အလုပ်တစ်မျိုး
မလုပ်တတ်တဲ့သူဖြစ်ပြီး
ကိုယ်မှားသွားရင်
အမှားကို ဝန်ခံရဲတဲ့ သတ္တိရှိမှု
မိမိအမှားအတွက် တောင်းပန်ဖို့
ဝန်မလေးတတ်တဲ့သူ
ဘာကိုပဲ လုပ်လုပ် စည်းစနစ်ကျမှု
မိမိယူထားတဲ့ တာ ဝန် ကို
မခိုမကပ်ပဲ တာဝန်ယူတတ်မှု
သူတစ်ပါးရဲ့ နှာခေါင်းပေါက်နဲ့
အသက်မရူတတ်တဲ့သူ
ကိုယ်တိုင်လည်း
မှန်ကန်အောင်နေသလို
အမှန်ကို ပြောရဲဆိုရဲရှိတဲ့သူပဲဖြစ်တယ်။
▪️လူတွေရဲ့စိတ်ဟာ ဘဝဖြစ်သလို
ကိုယ့်ရဲ့ဘဝဟာ ကိုယ့်ရဲ့ စိတ်ပါ။
ရုပ်ရည်ဘယ်လောက်လှလှ
စိတ်ထားမကောင်းတဲ့သူဟာ
သူများရဲ့အမြင်မှာ
ကြာရှည်လှပနေတယ်လို့
မြင်နေစရာအကြောင်း မရှိပါဘူး။
▪️ငွေရဖို့အတွက်ကြည့်ပြီး
ဂွင် ဆိုတဲ့ တစ်နပ်စား
ကြံစည်တတ်တဲ့သူဟာ
တစ်နပ်စားပြီးရင်
စားစရာမကျန်တော့လို့
အငတ်ဘဝကိုပြန်ရောက်ရမှာပါပဲ။
▪️ဘွဲ့ရပညာတတ်ဆိုပြီး
စိတ်ဓာတ်မကောင်းရင်တော့
ဘယ်နေရာမှာမှ
ကြာရှည်အသုံးမဝင်သလို
အရည်အချင်းတွေ ဘယ်လောက်ပဲရှိရှိ
စိတ်ထားစည်းကမ်း မရှိပဲ
ဟိုလူ့ကိုကျော်ခွပြီး လူတတ်ကြီးလုပ်
ဒီလူ့ကိုကျော်ခွပြီး ဆရာလုပ်နေရင်
ကိုယ့်ရဲ့အရည်အချင်းတွေကို
လူတွေက တာရှည်ချီးမွမ်း
အထင်ကြီးကြမှာမဟုတ်ပါဘူး။
▪️အဆင့်အတန်းရှိတဲ့သူ
လူပီသတဲ့သူတစ်ယောက်
ဖြစ်ချင်တယ်ဆိုရင်တော့
ကိုယ့်ရဲ့စိတ်ထားတွေကို
အရင်ပြင်ပါလို့ပြောချင်ပါတယ်။
credit- #မေခ🍀
