23/03/2024
နေ့လိမ်းခရင်မ်နဲ့ ညလိမ်းခရင်မ်
နေ့ပိုင်းနဲ့ ညပိုင်း အသားအရေထိန်းသိမ်းပုံမတူညီတာကြောင့် နေ့လိမ်းခရင်မ်နဲ့ ညလိမ်းခရင်မ်ဆိုပြီး ကွာခြားသွားတယ်။ နေ့ပိုင်းမှာ နေရောင်ကြောင့် အသားအရေပျက်ဆီးတတ်တာမို့ မပျက်စီးအောင် ကာကွယ်ဖို့ နေ့လိမ်းခရင်တွေကို သူံးကြတာဖြစ်ပါတယ်။ ညပိုင်းမှာတော့ အသားအရေပျကိဆီးစရာမရှိတော့ဘူး။ ပျက်စီးသွားတဲ့အသားအရေကို ပြန်လည်ထိန်းသိ်မ်းဖို့ သာလိုအပ်တယ်။ အဆိုပါ ရည်ရွယ်ချက်နဲ့ ညလိမ်းခရင်တွေသုံးကြတာဖြစ်ပါတယ်။ နေ့လိမ်ခရင်တွေမှာ နေလောင်ကာလိမ်းဆေးတွေနဲ့ အစိုဓာတ်ထိန်းဆေးတွေ ပါလေ့ရှိတယ်။ ညလိမ်းခရင်တွေမှာ အစိုဓာတ်ထိန်းဆေးနဲ့ အရေပြားအားဖြည့်ဆေး(serum, essence)လိုု ဆေးတွေ လိမ်းရတာဖြစ်ပါတယ်။ skin care သီအိုရီအရ အရည်ကျဲလေ မော်လီကျူးဆိုက်သေးငယ်တာကြောင့် အရေပြားထဲ စိမ့်ဝင်နိုင်လေဖြစ်ပါတယ်။ ဒါ့ကြောင့် အရည်ကျဲတာတွေ အရင်လိမ်းပြီး နောက်မှအရည်ပျစ်တာ ဆက်လိမ်းသင့်တယ်။
day cream တွေဟာ နေ့လိမ်းခရင်မ်တွေဖြစ်ကြတယ်။ အရေပြားကာကွယ်ဖိုု့ အဓိကသုံးတယ်။ ဆေးထဲမှာ နေလောင်ကာဆေးတွေပါဝင်ပြီး အရေပြားအစိုဓာတ်ထိန်းဖို့ moisturizer တွေ ပါလေ့ရှိတယ်။ ဒါ့ပြင် အသားအရေပျက်ဆီးမှုကိုကာကွယ်ဖို့ အင်တီအောက်စီးဒင့်တွေလည်း ထည့်ကြတယ်။ မိတ်ကပ်မလိမ်းခင် day cream ကိုအောက်ခံ foundation အနေနဲ့ လိမ်းကြပါတယ်။ လိမ်းထားခြင်းအားဖြင့် နေလောင်တာကို ပုံမှန်ထက်ပိုခံနိုင်ကြတယ်။
night cream တွေကို ညဖက်အိပ်ခါနီးလိမ်းရတယ်။ နေ့ပိုင်းက ပျကိစိးသွားတဲ့အသားအရေကို ညပိုင်းမှာ ပြန်လည်ပြုပြင်ဖို့ လိမ်းရတာဖြစ်ပါတယ်။ တနည်းအားဖြင့် အသားအရေပြုပြင်ဆေးတွေဖြစ်ပါတယ်။ ဒီထဲမှာ serum, essence , ampoule စတဲ့ အရေပြားအတွင်းပိုင်းထိ ပြုပြင်တဲ့ဆေးတွေပါတယ်။ အစိုဓာတ်ထိန်းဆေးတွေလည်း ပါလေ့ရှိတယ်။ hyaluronic acid, vitamin E စတာတွေ ထည့်လေ့ရှိတယ်။ အသားအရေပြုပြင်ဆေးအများစုဟာ night cream မှာ ပါဝင်လေ့ရှိတာကြောင့် day cream တွေထက် အရည်ပ်ုပျစ်လေ့ရှိပါတယ်။
serum တွေမှာ hyaluronic acid, ceramides တွေပါလေ့ရှိတယ်။ အရေမပျစ်ဘူး။ လိမ်းပြီး စေးကပိတာမရှိဘူး။ night cream တွေမှာ petrolatum, mineral oil တွေ ပါလေ့ရှိတာကြောင့် စေးကပ်ကပ်နေတာရှိတယ်။ serum အများစုဟာအရေပြားစုပ်ယူမှုအားကောင်းသလို ပါဝင်ပမာဏမြင့်မားတယ်. လေနဲ့ထိရင်လည်း ပျက်ဆီးလွယ်တယ်။ ဒါ့ကြောင့် လေလုံးပြီး အေးမြခြောကိသွေ့တဲ့ နေရာမှာ ထားသင့်တယ်။ serum တခုကို သုံးပြီး ၆လ-၁နှစ်အတွင်း ကုန်အောင် သုံးသင့်တယ်။
cream တွေက အဆီနဲ့ ရေကို ရောပြီး ထုတ်ထားတာဖြစ်ပါတယ်။ အဆီများလေ ခရင်မ်ပိုပျစ်လေပဲ။ serum တွေကတော့ ရေဓာတ်အခြေခံထုတ်ထားတဲ့ အရည်မျိုးဖြစ်တယ်။ ရေထက် နည်းနဘ်းပဲပျစ်တယ်။ ပမာဏနညိးနည်းနဲ့အာနိသင်ထိရောက်အောင် ပြုလုပ်ထားတယ်။အဆီပြန်တဲ့အသားအရေမှာ ခရမ်တွေမသူံးသင့်ဘူး။ oil-free (အဆီမပါတဲ့) lotion နဲ့ serum တွေသာ သုံးသင့်တယ်။ကျန်တဲ့အသားအရေမှာတော့ ခရင်မ်တွေကို လိုအပ်သလို အသုံးပြုနိုင်ပါတယ်။
ဒေါက်တာ အေးမင်းထူး
အရေပြားအထူးကုဆရာဝန်
(အလှအပနှင့် ပက်သတ်သော အကြောင်းရာများကို https://drayeminhtoo.com/category/beauty/ တွင် ဝင်ရောက်ဖတ်ရှုနိုင်သည်)
