05/04/2022
ဆံပင်အရှည်မြန်အောင် !?
ဆံပင်ရဲ့ သက်တမ်းက ယေဘုယျအားဖြင့် 2-7 နှစ်ပါ။ တချို့တွေ ဆံပင်ကျောလယ်ကနေ ရှည််ကိုမလာတော့ဘူး၊ ဆိုတာတွေက follicle တွေရဲ့ lifespan က တိုနေလို့ပါ။ ပြီးတော့ အများစုပြောကြတဲ့ ဆံပင်အဖျားရှူးသွားပြီ ဆိုတာတွေကလည်း hair lifespan က အဲ့ဝန်းကျင်ပဲရှိနေလို့ပါ။
ဒါဆို ဆံပင်အရှည်မြန်ချင်ရင် Lifespan ကို ရှည်ကြာအောင် လုပ်ရမှာပေါ့ ???
အဲ့ဒါမပြောခင် ဘယ်အရာတွေက Hair Lifespan အပေါ်မူတည်နေလဲ ပြောကြရအောင်။
✓ မျိုးရိုး
လူမျိုးမှာဆို Indian တွေက ဆံပင်အရမ်းကောင်းကြတယ်၊ မိဘ အဖိုးအဖွားတွေ ဆံပင်ကောင်းရင် ကိုယ်လည်း ဆံပင်ကောင်းနိုင်ခြေများတယ်။
✓ အသက်အရွယ်
အသက်ကြီးလာတာနဲ့အမျှ follicle တွေပါ အားနည်းလာတော့ ဆံပင်ရှည်တာနှေးလာတယ်။
✓ အာဟာရ
Nutrients လို့ပြောတဲ့နေရာမှာ ခန္ဓာကိုယ်တွင်းကတဆင့် supply လုပ်ပေးတဲ့အာဟာရနဲ့၊ ပြင်ပက ထည့်ပေးတဲ့ scalp tonic လို၊ oil လို ပစ္စည်းတွေပါဝင်ပါတယ်။
✓ ကျန်းမာရေးအခြေအနေ
ခန္ဓာကိုယ် မကျန်းမာလို့ ခဏခဏဖျားတဲ့သူတွေ နဲ့၊ ရောဂါအခံရှိလို့ medications တခုခုခံယူရတဲ့သူ ( လူတိုင်းမဟုတ် ) တွေမှာဆို ဆံပင်ပိုကျွတ်တာ၊ ဆံသားအားနည်းတာတွေ ဖြစ်တတ်ကြပါတယ်။
ထို့အတူပဲ စိတ်ပိုင်းဆိုင်ရာ ဖိအားတွေရှိနေပြန်ရင်လည်း ဆံပင်ကျွတ်၊ ဆံသားအားနည်းစေနိုင်ပါတယ်။
✓ မြောက်များစွာသော environmental stressors တွေ
UVB rays တွေက hair follicle damage ဖြစ်စေတယ်၊ Melanin production ကို အနှောင့်အယှက်ပေးလို့ ဆံပင်အရောင်လွင့်စေတယ်၊ ဆံပင်မြန်မြန်ဖြူစေနိုင်တယ်၊ ဒါ့အပြင် ဆံပင်ရှည်နှုန်းကိုပါ ထိခိုက်စေတယ်။ ဒါက ဥပမာတစ်ခုတည်းပါ။ ဒီလိုပုံစံ တခြား ပြောမဆုံးတဲ့ stressors တွေရှိပါသေးတယ်။
______________
ဒါဆို စာဖတ်သူက ဆံပင်အရှည်မြန်ချင်ပါပြီ တဲ့။
(၁) ဘာလိမ်းရမလဲ လို့ မေးမှာလား ?
(၂) ဘာသောက်ရမလဲလို့မေးမှာလား ?
(၃) ဘာတွေကတော့ out of control လဲ၊ အဲ့ဒါတွေကို ထည့်မတွက်ပဲ ဘယ်အပိုင်းကိုတော့ ဂရုစိုက်ပေးမယ်ဆို အဆင်ပြေလာနိုင်မလဲ စဉ်းစားမှာလား ?
👆 ဘယ်တခုက တကယ့်အဖြေမှန်လို့ထင်လဲ။
______________
နံပါတ် (၃) က အသင့်လျော်ဆုံးလို့ထင်တယ်ဆိုရင်တော့ ဆက်ဖတ်ပါ။ လုပ်လို့ရတဲ့ အပိုင်းတွေကိုပြောပြပါမယ်။
______________
☝️ ဆံပင်ရှည်နှုန်းက မျိုးရိုးပေါ်ကို အဓိကမူတည်ပါတယ်။ ( This one is COMPLETELY OUT OF CONTROL. YOU CAN'T CHANGE IT. )
☝️ Genetics က ဆံပင်အရှည်မြန်ပေမယ့် နောက်ပိုင်း အာဟာရကောင်းကောင်းမရရင်ဖြစ်ဖြစ်၊ စိတ်/ ကိုယ် မကျန်းမာရင်ဖြစ်ဖြစ်၊ damaging stressors တွေ အများကြီးနဲ့ ထိတွေ့လာရရင်ပဲဖြစ်ဖြစ် အရှည်နှေးနိုင်ပါတယ်။ ( THIS IS UNDER YOUR CONTROL. )
______________
• HOW TO NOURISH
အစားအသောက်ကို အာဟာရပြည့်ပြည့်ဝဝစားပါ။ ဆံပင်ရှည်စေတယ် ဆိုတဲ့ supplement တွေ ( ဥပမာ - Biotin supplement တွေ ) ကလည်း၊ Biotin deficiency ( Biotin ဓါတ်ချို့တဲ့မှု ) ကြောင့်ဆံပင်ရှည်နှေးတဲ့သူသောက်မှ မြန်လာစေတာပါ။
ပြင်ပက ဆိုရင်တော့ ဦးရေခြောက်ရင် oil, အဆီပြန်ရင် scalp tonic နဲ့၊ scalp nourishing product ဘာမဆိုသုံးပေးလို့ရပါတယ်။
• BEFORE YOU NOURISH
အာဟာရမဖြည့်ခင်၊ အဆီအထွက်များပြီး ညစ်ပတ်လွယ်တဲ့ဦးရေပြားကို ပုံမှန်သန့်စင်တာမျိုးလုပ်ပေးသင့်ပါတယ်။ ဦးရေပြားအတွက်က နေ့တိုင်းသန့်စင်ပေးနိုင်လေကောင်းလေ ဆိုပေမယ့်၊ အဲ့ဒါက ဆံသားအတွက်မကောင်းတာမို့ တပတ် 2-3 ကြိမ်က ideal ပါ။
( https://t.me/nobiasherebyei/110 )
ပြီးတော့ stress အရမ်းမပိအောင်၊ စိတ်ရော ကိုယ်ပါ ကျန်းမာအောင် ဂရုစိုက်နေထိုင်ပါ။
ဒါပါပဲ။
အကျဉ်းချုပ်ကတော့ တတ်နိုင်သလောက် — Cleansing, Nourishing အပြင် Diet, Lifestyle ကို ဂရုစိုက်ကြည့်၊ အဲ့ဒါနဲ့မှ အဆင်မပြေရင် supplement ... အဲ့ဒါမှမရရင် Clinical treatment ယူ။ အဲ့အပိုင်းတော့ အိ မသိတော့ဘူး။
Just remember that, ပြောင်းလဲလို့မရတဲ့အရာတွေအပေါ် စိတ်ထိခိုက်တာမျိုး မဖြစ်ပါနဲ့လို့၊ ကိုယ်ဘာလုပ်နိုင်လဲ စဉ်းစားပြီး လုပ်နိုင်သလောက်လုပ်ပေးကြည့်ပါ။ အဲ့ဒါက တကယ့်အဖြေဖြစ်မယ်ထင်ပါတယ်။
Disclaimer: Content provided on this blog is only for informational purposes and should not be substituted for advice from a healthcare professional. Copying & reposting are not allowed.
