24/01/2022
🌱ရှင်သန်ခြင်း၏အဓိပ္ပါယ် 🌱
အခုနောက်ပိုင်းမှာ
ကိုယ်ရွေးချယ်ခဲ့တဲ့လမ်းကိုပဲ
ဖြောင့်ဖြောင့်တန်းတန်းလျှောက်လှမ်းဖြစ်တယ်။
အောင်မြင်ချင်တဲ့ဆန္ဒထက်
ပျော်ပျော်ရွှင်ရွှင်ဖြတ်သန်းရတဲ့
ဘဝမျိုးကိုပဲ ကိုယ်ဟာ ပိုပြီးတော့ခုံမင်လာပါတယ်။
ငွေကြေးချမ်းသာတာထက်
စိတ်အေးချမ်းသာစွာနေထိုင်ရတဲ့
ဘဝမျိုးကိုပဲ ကိုယ်ဟာမက်မောမိတော့တယ်လေ။
လူရာဝင်မှ
မိတ်ဆွေသင်္ဂဟပေါများတာထက်စာရင်
ကိုယ်က လူကိုလူလိုဆက်ဆံတဲ့သူတွေကိုပဲလေးစားတော့တယ်။
နားလည်မှုတွေ
ထားတတ်လာတော့
အရင်ကထက် စကားတွေကနည်းလာပါတယ်။
စိတ်အပူမတက်စေဖို့နှင့်
အေးချမ်းခြင်းကိုပိုင်ဆိုင်လိုတဲ့အခါမှာ
တဖြည်းဖြည်းနဲ့လူတွေအပေါ် ခွင့်လွှတ်ပေးတတ်လာပါပြီ။
ကိုယ်ချစ်ရတာကလည်း ပင်ပန်းသလို
သူချစ်ကိုမျှော်ကိုးရတာလည်း ဆင်းရဲတာမို့
အထီးကျန်ပေမယ့်လည်း ကိုယ့်ကိုယ်ကိုပဲပိုချစ်ပါတော့မယ်။
အရင်ကထက်
ရင့်ကျက်တည်ငြိမ်လာတဲ့အခါ
အရာရာကို မြိုသိပ်နိုင်စွမ်းအားတွေရှိလာတယ်လေ။
ဘယ်သူ့ခံစားချက်တွေအပေါ်မှ
အရင်ကလိုမျိုးရှေ့တန်းမတင်တော့တဲ့အခါ
ဘဝက နေရထိုင်ရတာပေါ့ပါးပြီးလွတ်လပ်လာပါတယ်။
မုန်းရတာလည်းပင်ပန်းသလို
ချစ်ရတာလည်း ပင်ပန်းတာပဲမို့
လူတိုင်းအပေါ် မေတ္တာထားနိုင်သလောက်ထားရမှာပေါ့။
ကိုယ်နှင့်ကိုယ့်ပတ်ဝန်းကျင်မှာ
ဖြစ်ခြင်းပျက်ခြင်း နိယာမတရားတွေကို
မျက်ဝါးထင်ထင် မြင်ရပါများလာတဲ့အခါ
မမြဲခြင်းဆိုတဲ့တရားကို အခုတော့ပိုသတိထားနေမိပါပြီ။
သံသရာတလျှောက်
ကိုယ့်အနောက်ကိုပါလာမှာက
ကိုယ်ပြုသည့် ကံတရားသာပဲပေမို့
မသေသေးခင်အချိန်ပေးပြီးတရားအားထုတ်နေပါတယ်။
နေ့ရက်တိုင်းကတော့
အမြဲတမ်းမသာယာနိုင်မှန်းသိတဲ့နောက်
ကိုယ့်ကျန်းမာရေးကို အရင်ထက်ပိုပြီးဦးစားပေးနေရသေးတယ်လေ။
