04/09/2026
ဒေါသဖြစ်ပြီး ငုံ့ခံနေတာ ခန္တီမဟုတ်ဘူးနော်။ ဒေါသကို မဖြစ်အောင်ထားမှ ခန္တီအစစ်။ ခန္တီဆိုတာ "ခမု သဟနေ" တဲ့။ စွမ်းရည်သတ္တိတစ်မျိုးပဲ။ ဘယ်လိုစွမ်းရည်သတ္တိတစ်မျိုးတုန်းဆိုရင် ဘယ်လိုစိတ်ဆိုးအောင်လုပ်လုပ် စိတ်မဆိုးဘူး။ ဒီလိုဟာမျိုးကို ဆိုလိုတာ။ စိတ်ကိုက မဆိုးတာ။ ပြန်မပြောတာမျိုးကို ပြောတာမဟုတ်ဘူး။ ပြန်မလုပ်တာ၊ ပြန်မပြောတာကို ခန္တီလို့ ပြောတာမဟုတ်ဘူး။
စိတ်ကိုဆိုးအောင်လုပ်လို့မရအောင် သည်းခံနိုင်တဲ့ ကိုယ့်စိတ်လေးကို နဂိုစိတ်အခြေအနေအတိုင်း ထိန်းနိုင်တဲ့ အနေအထားမျိုးကိုသာ ခန္တီလို့ခေါ်တာတဲ့။ အဲဒီလို မဟုတ်ဘဲနဲ့ စိတ်ထဲကနေ ဗလောင်ဆူ၊ နှုတ်ခမ်းကြီးစူ မကျေမနပ်တွေဖြစ်နော်။ “နေနှင့်ဦး ကြည့်သေးတာပေါ့”တို့ ဘာတို့ဆိုရင် ဒါခန္တီမဟုတ်ဘူး။
ပါမောက္ခချုပ်ဆရာတော်
ဒေါက်တာနန္ဒမာလာဘိဝံသ
#စျေးတန်
